|
|
| [1]Vigilia honestatis tabefaciet carnes, et cogitatus illius auferet somnum. |
[No book] |
| [2]Cogitatus præscientiæ avertit sensum, et infirmitas gravis sobriam facit animam. |
[No book] |
| [3]Laboravit dives in congregatione substantiæ, et in requie sua replebitur bonis suis. |
[No book] |
| [4]Laboravit pauper in diminutione victus, et in fine inops fit. |
[No book] |
| [5]Qui aurum diligit non justificabitur, et qui insequitur consumptionem replebitur ex ea. |
[No book] |
| [6]Multi dati sunt in auri casus, et facta est in specie ipsius perditio illorum. |
[No book] |
| [7]Lignum offensionis est aurum sacrificantium: væ illis qui sectantur illud ! et omnis imprudens deperiet in illo. |
[No book] |
| [8]Beatus dives qui inventus est sine macula, et qui post aurum non abiit, nec speravit in pecunia et thesauris. |
[No book] |
| [9]Quis est hic? et laudabimus eum: fecit enim mirabilia in vita sua. |
[No book] |
| [10]Qui probatus est in illo, et perfectus est, erit illi gloria æterna: qui potuit transgredi, et non est transgressus; facere mala, et non fecit. |
[No book] |
| [11]Ideo stabilita sunt bona illius in Domino, et eleemosynas illius enarrabit omnis ecclesia sanctorum. |
[No book] |
| [12]Supra mensam magnam sedisti? non aperias super illam faucem tuam prior. |
[No book] |
| [13]Non dicas sic: Multa sunt, quæ super illam sunt. |
[No book] |
| [14]Memento quoniam malus est oculus nequam. |
[No book] |
| [15]Nequius oculo quid creatum est? ideo ab omni facie sua lacrimabitur, cum viderit. |
[No book] |
| [16]Ne extendas manum tuam prior, et invidia contaminatus erubescas. |
[No book] |
| [17]Ne comprimaris in convivio. |
[No book] |
| [18]Intellige quæ sunt proximi tui ex teipso. |
[No book] |
| [19]Utere quasi homo frugi his quæ tibi apponuntur: ne, cum manducas multum, odio habearis. |
[No book] |
| [20]Cessa prior causa disciplinæ: et noli nimius esse, ne forte offendas. |
[No book] |
| [21]Et si in medio multorum sedisti, prior illis ne extendas manum tuam, nec prior poscas bibere. |
[No book] |
| [22]Quam sufficens est homini eruditio vinum exiguum ! et in dormiendo non laborabis ab illo, et non senties dolorem. |
[No book] |
| [23]Vigilia, cholera et tortura viro infrunito, |
[No book] |
| [24]somnus sanitatis in homine parco: dormiet usque mane, et anima illius cum ipso delectabitur. |
[No book] |
| [25]Et si coactus fueris in edendo multum, surge e medio, evome, et refrigerabit te, et non adduces corpori tuo infirmitatem. |
[No book] |
| [26]Audi me, fili, et ne spernas me, et in novissimo invenies verba mea. |
[No book] |
| [27]In omnibus operibus tuis esto velox, et omnis infirmitas non occurret tibi. |
[No book] |
| [28]Splendidum in panibus benedicent labia multorum, et testimonium veritatis illius fidele. |
[No book] |
| [29]Nequissimo in pane murmurabit civitas, et testimonium nequitiæ illius verum est. |
[No book] |
| [30]Diligentes in vino noli provocare: multos enim exterminavit vinum. |
[No book] |
| [31]Ignis probat ferrum durum: sic vinum corda superborum arguet in ebrietate potatum. |
[No book] |
| [32]Æqua vita hominibus vinum in sobrietate: si bibas illud moderate, eris sobrius. |
[No book] |
| [33]Quæ vita est ei qui minuitur vino? |
[No book] |
| [34]Quid defraudat vitam? mors. |
[No book] |
| [35]Vinum in jucunditatem creatum est, et non in ebrietatem ab initio. |
[No book] |
| [36]Exsultatio animæ et cordis vinum moderate potatum. |
[No book] |
| [37]Sanitas est animæ et corpori sobrius potus. |
[No book] |
| [38]Vinum multum potatum irritationem, et iram, et ruinas multas facit. |
[No book] |
| [39]Amaritudo animæ vinum multum potatum. |
[No book] |
| [40]Ebrietatis animositas, imprudentis offensio, minorans virtutem, et faciens vulnera. |
[No book] |
| [41]In convivio vini non arguas proximum, et non despicias eum in jucunditate illius. |
[No book] |
| [42]Verba improperii non dicas illi, et non premas illum repetendo. |
[No book] |