|
|
| [1]Propter hæc et per his similia passi sunt digne tormenta, et per multitudinem bestiarum exterminati sunt. |
[No book] |
| [2]Pro quibus tormentis bene disposuisti populum tuum, quibus dedisti concupiscentiam delectamenti sui novum saporem, escam parans eis ortygometram: |
[No book] |
| [3]ut illi quidem, concupiscentes escam propter ea quæ illis ostensa et missa sunt, etiam a necessaria concupiscentia averterentur. Hi autem in brevi inopes facti, novam gustaverunt escam. |
[No book] |
| [4]Oportebat enim illis sine excusatione quidem supervenire interitum exercentibus tyrannidem; his autem tantum ostendere quemadmodum inimici eorum exterminabantur. |
[No book] |
| [5]Etenim cum illis supervenit sæva bestiarum ira, morsibus perversorum colubrorum exterminabantur. |
[No book] |
| [6]Sed non in perpetuum ira tua permansit, sed ad correptionem in brevi turbati sunt, signum habentes salutis ad commemorationem mandati legis tuæ. |
[No book] |
| [7]Qui enim conversus est, non per hoc quod videbat sanabatur, sed per te omnium salvatorem. |
[No book] |
| [8]In hoc autem ostendisti inimicis nostris, quia tu es qui liberas ab omni malo. |
[No book] |
| [9]Illos enim locustarum et muscarum occiderunt morsus, et non est inventa sanitas animæ illorum, quia digni erant ab hujuscemodi exterminari. |
[No book] |
| [10]Filios autem tuos nec draconum venenatorum vicerunt dentes; misericordia enim tua adveniens sanabat illos. |
[No book] |
| [11]In memoria enim sermonum tuorum examinabantur, et velociter salvabantur, ne in altam incidentes oblivionem, non possent tuo uti adjutorio. |
[No book] |
| [12]Etenim neque herba, neque malagma sanavit eos; sed tuus, Domine, sermo, qui sanat omnia. |
[No book] |
| [13]Tu es enim, Domine, qui vitæ et mortis habes potestatem, et deducis ad portas mortis, et reducis. |
[No book] |
| [14]Homo autem occidit quidem per malitiam; et cum exierit spiritus, non revertetur, nec revocabit animam quæ recepta est. |
[No book] |
| [15]Sed tuam manum effugere impossibile est. |
[No book] |
| [16]Negantes enim te nosse impii, per fortitudinem brachii tui flagellati sunt; novis aquis, et grandinibus, et pluviis persecutionem passi, et per ignem consumpti. |
[No book] |
| [17]Quod enim mirabile erat, in aqua, quæ omnia extinguit, plus ignis valebat; Vindex est enim orbis justorum. |
[No book] |
| [18]Quodam enim tempore mansuetabatur ignis, ne comburerentur quæ ad impios missa erant animalia, sed ut ipsi videntes scirent quoniam Dei judicio patiuntur persecutionem. |
[No book] |
| [19]Et quodam tempore in aqua supra virtutem ignis exardescebat undique, ut iniquæ terræ nationem exterminaret. |
[No book] |
| [20]Pro quibus angelorum esca nutrivisti populum tuum; et paratum panem de cælo præstitisti illis sine labore. Omne delectamentum in se habentem, et omnis saporis suavitatem. |
[No book] |
| [21]Substantia enim tua dulcedinem tuam, quam in filios habes, ostendebat; et deserviens uniuscujusque voluntati, ad quod quisque volebat convertebatur. |
[No book] |
| [22]Nix autem et glacies sustinebant vim ignis, et non tabescebant: ut scirent quoniam fructus inimicorum exterminabat ignis ardens in grandine et pluvia coruscans; |
[No book] |
| [23]hic autem iterum ut nutrirentur justi, etiam suæ virtutis oblitus est. |
[No book] |
| [24]Creatura enim tibi Factori deserviens, exardescit in tormentum adversus injustos, et lenior fit ad benefaciendum pro his qui in te confidunt. |
[No book] |
| [25]Propter hoc et tunc in omnia transfigurata, omnium nutrici gratiæ tuæ deserviebat, ad voluntatem eorum qui a te desiderabant; |
[No book] |
| [26]ut scirent filii tui quos dilexisti, Domine, quoniam non nativitatis fructus pascunt homines, sed sermo tuus hos qui in te crediderint conservat. |
[No book] |
| [27]Quod enim ab igne non poterat exterminari, statim ab exiguo radio solis calefactum tabescebat, |
[No book] |
| [28]ut notum omnibus esset, quoniam oportet prævenire solem ad benedictionem tuam, et ad ortum lucis te adorare. |
[No book] |
| [29]Ingrati enim spes tamquam hibernalis glacies tabescet, et disperiet tamquam aqua supervacua. |
[No book] |