➖ »
«
➖ ➕
Peshitta OT
PesOT
The Epistle of Barnabas
EpiBar
←
Zechariah
Zec
3
→
[1]ܘܚܵܘ̣ܝܲܢܝ ܠܝܼܫܘܿܥ ܟܵܗܢܵܐ ܪܲܒܵܐ: ܟܲܕ݂ ܩܵܐܹ̇ܡ ܩܕ݂ܵܡ ܡܲܠܲܐܟܹܗ ܕܡܵܪܝܵܐ: ܘܣܵܛܵܢܵܐ ܩܵܐܹ̇ܡ ܗ̄ܘܼܵܐ ܡ̣ܢ ܝܲܡܝܼܢܹܗ ܕܢܲܟܹ̇ܝܘܗܝ. [No book]
[2]ܘܐܸܡ̣ܲܪ ܡܲܠܲܐܟܹܗ ܕܡܵܪܝܵܐ ܠܣܵܛܵܢܵܐ: ܣܵܛܵܢܵܐ: ܢܸܓ̣ܥܘܿܪ ܒܵܟ݂ ܡܵܪܝܵܐ: ܢܸܓ̣ܥܘܿܪ ܒܵܟ݂ ܡܵܪܝܵܐ ܕܲܓ̣ܒ̣ܵܗ̇ ܠܐܘܿܪܸܫܠܸܡ: ܗܵܢܵܘ ܐܘܼܕ݂ܵܐ ܕܐܸܬ̣ܦܲܠܲܛ ܡ̣ܢ ܢܘܼܪܵܐ. [No book]
[3]ܘܝܼܫܘܿܥ ܠܒ̣ܝܼܫ ܗ̄ܘܼܵܐ ܡܵܐܢܹ̈ܐ ܨܵܐܹ̈ܐ: ܘܩܵܐܹ̇ܡ ܗ̄ܘܼܵܐ ܩܕ݂ܵܡ ܡܲܠܲܐܟܹܗ ܕܡܵܪܝܵܐ. [No book]
[4]ܘܲܥ̣ܢܵܐ ܡܲܠܲܐܟ݂ܵܐ ܘܐܸܡ̣ܲܪ ܠܗܵܢ̇ܘܿܢ ܕܩܵܝܡ̇ܝܼܢ ܩܕ݂ܵܡܵܘܗܝ: ܐܲܥܒܲܪܘ ܡܸܢܹܗ ܡܵܐܢܹ̈ܐ ܨܵܐܹ̈ܐ: ܘܐܸܡܲܪ ܠܹܗ: ܚܙܝܼ ܕܐܲܥܒ̇ܪܹܬ̣ ܡܸܢܵܟ݂ ܥܵܘܼܠܵܟ݂: ܘܐܲܠܒܸ̇ܫ̇ܬܵܟ݂ ܡܵܐܢܹ̈ܐ ܛܵܒܹ̈ܐ. [No book]
[5]ܘܐܸܡܲܪ ܢܣܝܼܡܘܼܢ ܟܠܝܼܠܵܐ ܕܲܟ݂ܝܵܐ ܒܪܹܫܹܗ: ܘܐܲܠܒ̇ܫܘܼܗܝ ܡܵܐܢܹ̈ܐ ܛܵܒܹ̈ܐ: ܘܡܲܠܲܐܟܹܗ ܕܡܵܪܝܵܐ ܩܵܐܹ̇ܡ. [No book]
[6]ܘܐܲܣܗܸܕ݂ ܡܲܠܲܐܟܹܗ ܕܡܵܪܝܵܐ ܒܝܼܫܘܿܥ: ܘܐܸܡܲܪ. [No book]
[7]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܢ ܒܐܘܼܪܚܝ ܬܹܐܙܲܠ ܘܦܘܼܩ̈ܕܵܢܲܝ ܬܸܛܲܪ: ܐܲܢ̄ܬ̇ ܬܕ݂ܘܼܢܝܼܘܗܝ ܠܒܲܝܬ̇ܝ ܘܬܸܛܲܪ ܕܵܟ̈ܬ̣ܝ: ܘܐܸܬܸ̇ܠ ܠܵܟ݂ ܕܲܡܗܲܠܟ݂ܝܼܢ ܒܲܝܢܵܬ̣ ܗܵܠܹܝܢ ܕܩܵܝ̇ܡܝܼܢ. [No book]
[8]ܫܡܲܥ ܝܑܼܫܘܿܥ ܟܵܗܢܵܐ ܪܲܒܵܐ: ܐܲܢ̄ܬ̇ ܘܚܲܒ̣ܪ̈ܲܝܟ ܗܵܠܹܝܢ ܕܩܵܝ̇ܡܝܼܢ ܩܕ݂ܵܡܲܝܟ: ܡܸܛܠ ܕܓܲܒ̣ܪܹ̈ܐ ܐܲܢ̄ܬ̇ܘܿܢ ܕܬܸܕ݂ܡܘܼܪܬܵܐ: ܕܗܵܐ ܡܲܝܬܸ̇ܐ ܐ̄ܢܵܐ ܠܥܲܒ̣ܕ̇ܝ ܕܸܢܚܸܐ. [No book]
[9]ܡܸܛܠ ܕܗܵܐ ܟܹܐܦܵܐ ܕܝܸܗ̄ܒܹ̇ܬ̣ ܩܕ݂ܵܡ ܝܑܼܫܘܿܥ: ܥܲܠ ܟܹܐܦܵܐ ܚܕ݂ܵܐ ܫܒܲܥ ܥܲܝܢܝܼ̈ܢ: ܗܵܐ ܦܵܬܲܚ ܐ̄ܢܵܐ ܬܲܪ̈ܥܹܝܗ̇ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܐܹܡܘܼܫ ܥܵܘܼܠܵܗ̇ ܕܐܲܪܥܵܐ ܗܵܝ̇ ܒܝܵܘܡܵܐ ܗܵܘܿ. [No book]
[10]ܒܹܗ ܒܝܵܘܡܵܐ ܗܵܘܿ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܬܸܩܪܘܿܢ ܐ̄ܢܵܫ ܠܚܲܒ̣ܪܹܗ ܬܚܹܝܬ̣ ܓܦܸܬܵܐ ܘܲܬ̣ܚܹܝܬ̣ ܬܹܬܵܐ. [No book]
Translation: Charles H. Hoole (1885)
Source: www.earlychristianwritings.com
Top