Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | Zec 6 | Lao.en, PesOT
➖ »
«
➖ ➕
Epistle to the Laodiceans (English)
Lao[EN]
Peshitta OT
PesOT
←
Zechariah
Zec
6
→
[No book] [1]ܘܗܸܦܟܹ̇ܬ̣ ܐܲܪܝܼܡܹ̇ܬ̣ ܥܲܝܢܲܝ̈ ܘܲܚܙܹ̇ܝܬ̣: ܘܗܵܐ ܐܲܪܒܲܥ ܡܲܪ̈ܟ̇ܒ̣ܵܢ ܢܵܦ̈ܩܵܢ ܡ̣ܢ ܒܲܝܢܵܬ̣ ܬܪܹܝܢ ܛܘܼܪ̈ܝܼܢ: ܘܛܘܼܪܹ̈ܐ ܗܵܢ̇ܘܿܢ ܛܘܼܪܹ̈ܐ ܐܸܢܘܿܢ ܕܲܢܚܵܫܵܐ.
[No book] [2]ܒܡܲܪܟ݂ܒ̣ܬ̣ܵܐ ܩܲܕ݂ܡܵܝܬܵܐ ܪ̈ܲܟ݂ܫܵܐ ܣܘܼܡܵܩܹ̈ܐ: ܘܲܒ̣ܡܲܪܟܲܒ̣ܬ̣ܵܐ ܕܬܲܪܬܹ̇ܝܢ ܪ̈ܲܟ݂ܫܵܐ ܐܘܼܟܵܡܹ̈ܐ.
[No book] [3]ܘܲܒ̣ܡܲܪܟܲܒ̣ܬ̣ܵܐ ܕܲܬ̣ܠܵܬ̣ ܪ̈ܲܟ݂ܫܵܐ ܚܸܘܵܪܹ̈ܐ: ܘܲܒ̣ܡܲܪܟܲܒ̣ܬ̣ܵܐ ܕܐܲܪܒܲܥ ܪ̈ܲܟ݂ܫܵܐ ܐܘܼܪ̈ܵܓܹܐ.
[No book] [4]ܘܲܥܢܹ̇ܝܬ̣ ܘܐܸܡ̇ܪܹܬ̣ ܠܡܲܠܲܐܟ݂ܵܐ ܕܲܡܡܲܠܸܠ ܒܝܼ: ܡܵܢܵܐ ܐܸܢܘܿܢ ܗܵܠܹܝܢ ܡܵܪܝ.
[No book] [5]ܥܢ̣ܵܐ ܡܲܠܲܐܟ݂ܵܐ ܘܐܸܡܲܪ ܠܝܼ: ܗܵܠܹܝܢ ܐܸܢܹܝܢ ܐܲܪܒܲܥ ܪ̈ܘܼܚܲܝ ܫܡܲܝܵܐ: ܕܩܵܝ̈ܡܵܢ ܗ̄ܘܲܝ̈ ܩܕ݂ܵܡ ܡܵܪܵܐ ܕܟ݂ܠܵܗ̇ ܐܲܪܥܵܐ.
[No book] [6]ܕܐܝܼܬ̣ ܒܵܗ̇ ܪ̈ܲܟ݂ܫܵܐ ܐܘܼܟܵܡܹ̈ܐ: ܢܵܦ̇ܩܝܼܢ ܠܐܲܪܥܵܐ ܕܓܲܪܒ̇ܝܵܐ: ܘܚܸܘܵܪܹ̈ܐ ܢܵܦ̇ܩܝܼܢ ܒܵܬܲܪܗܘܿܢ: ܘܐܘܼܪ̈ܵܓܹܐ ܢܵܦ̇ܩܝܼܢ ܠܐܲܪܥܵܐ ܕܬܲܝܡ̄ܢܵܐ.
[No book] [7]ܘܣܘܼܡܵܩܹ̈ܐ ܢܦܲܩ̣ܘ: ܘܲܒ̣ܥܵܘ ܠܡܹܐܙܲܠ ܠܲܡܗܲܠܵܟ݂ܘܼ ܒܐܲܪܥܵܐ: ܘܐܸܡܲܪ ܠܗܘܿܢ ܙܸܠܘ ܗܲܠܸܟ݂ܘ ܒܐܲܪܥܵܐ: ܘܗܲܠܸܟ݂ܘ ܒܐܲܪܥܵܐ.
[No book] [8]ܘܲܩܥ̣ܵܐ ܘܐܸܡܲܪ ܠܝܼ: ܚܙܝܼ ܗܵܠܹܝܢ ܕܢܵܦ̇ܩܝܼܢ ܠܐܲܪܥܵܐ ܕܓܲܪܒ̇ܝܵܐ: ܘܲܡܢܝܼܚܝܼܢ ܪܘܼܚܝ ܒܐܲܪܥܵܐ ܕܓܲܪܒ̇ܝܵܐ.
[No book] [9]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ.
[No book] [10]ܣܲܒ̣ ܡ̣ܢ ܫܒ̣ܝܼܬ̣ܵܐ: ܡ̣ܢ ܚܘܼܠܕ̇ܝܼ: ܘܡ̣ܢ ܛܘܿܒ̇ܝܼܵܐ: ܘܡ̣ܢ ܝܑܼܕܲܥܝܵܐ: ܘܬ̣ܵܐ ܒܝܵܘܡܵܐ ܗܵܘܿ: ܘܥܘܿܠ ܠܒܹܝܬ̣ ܝܘܿܫܝܼܵܐ ܒܲܪ ܨܦܲܢܝܵܐ ܕܐܸܬ̣ܵܐ ܡ̣ܢ ܒܵܒܹܠ.
[No book] [11]ܣܲܒ̣ ܣܹܐܡܹܗ ܘܕܲܗܒܹܗ: ܘܲܥܒܸܕ݂ ܟܠܝܼܠܵܐ: ܘܣܝܼܡ ܒܪܹܫܹܗ ܕܝܼܫܘܿܥ ܒܲܪ ܝܘܿܙܵܕ݂ܵܩ ܟܵܗܢܵܐ ܪܲܒܵܐ.
[No book] [12]ܘܐܸܡܲܪ ܠܹܗ: ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܗܵܐ ܓܲܒ̣ܪܵܐ ܘܲܫܡܹܗ ܕܸܢܚܵܐ: ܘܡ̣ܢ ܠܬܲܚܬ̇ ܢܸܕ݂ܢܲܚ.
[No book] [13]ܘܗ̤ܘ ܢܸܒ̣ܢܸܐ ܗܲܝܟ̇ܠܹܗ ܕܡܵܪܝܵܐ: ܘܗ̤ܘ ܢܩܲܒܸ̇ܠ ܫܘܼܒ̣ܚܵܐ: ܘܢܸܬܸ̇ܒ̣ ܘܢܸܫܬܲܠܲܛ ܥܲܠ ܟܘܼܪܣܝܹܗ: ܘܢܸܗܘܹܐ ܟܵܗܢܵܐ ܥܲܠ ܟܘܼܪܣܝܹܗ: ܘܡܸܠܟܵܐ ܕܲܫܠܵܡܵܐ ܢܸܗܘܹܐ ܒܹܝܬ̣ ܬܪ̈ܲܝܗܘܿܢ.
[No book] [14]ܘܲܟ݂ܠܝܼܠܵܐ ܢܸܗܘܹܐ ܠܚܘܼܠܕ̇ܝܼ ܘܲܠܛܘܼܒ̇ܝܼܵܐ ܘܠܝܼܕܲܥܝܵܐ: ܘܲܠܝܵܘܫܝܼܵܐ ܒܲܪ ܨܦܲܢܝܵܐ ܠܕ݂ܘܼܟ݂ܪܵܢܵܐ ܒܗܲܝܟ̇ܠܹܗ ܕܡܵܪܝܵܐ.
[No book] [15]ܘܢܹܐܬ̣ܘܿܢ ܪ̈ܲܚܝܼܩܹܐ ܘܢܸܒ̣ܢܘܿܢ ܗܲܝܟ̇ܠܹܗ ܕܡܵܪܝܵܐ: ܘܬܸܕ̇ܥܘܼܢ ܕܡܵܪܝܵܐ ܚܲܝܠܬ̣ܵܢܵܐ ܫܲܕ̇ܪܲܢܝ ܠܘܵܬ̣ܟ݂ܘܿܢ: ܐܸܢ ܬܸܫ̱ܡܥܘܼܢ ܒܩܵܠܹܗ ܕܡܵܪܝܵܐ ܐܲܠܵܗܟ݂ܘܿܢ.
 
Top