➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Hosea
Hos
9
→
[1]אל תשמח ישראל אל גיל כעמים כי זנית מעל אלהיך אהבת אתנן על כל גרנות דגן [No book]
[2]גרן ויקב לא ירעם ותירוש יכחש בה [No book]
[3]לא ישבו בארץ יהוה ושב אפרים מצרים ובאשור טמא יאכלו [No book]
[4]לא יסכו ליהוה יין ולא יערבו לו־זבחיהם כלחם אונים להם כל אכליו יטמאו כי לחמם לנפשם לא יבוא בית יהוה [No book]
[5]מה תעשו ליום מועד וליום חג יהוה [No book]
[6]כי הנה הלכו משד מצרים תקבצם מף תקברם מחמד לכספם קמוש יירשם חוח באהליהם [No book]
[7]באו ימי הפקדה באו ימי השלם־ידעו ישראל אויל הנביא משגע איש הרוח־על רב עונך ורבה משטמה [No book]
[8]צפה אפרים עם אלהי נביא פח יקוש על כל דרכיו־משטמה בבית אלהיו [No book]
[9]העמיקו שחתו כימי הגבעה יזכור עונם יפקוד חטאותם [No book]
[10]כענבים במדבר מצאתי ישראל־כבכורה בתאנה בראשיתה ראיתי אבותיכם המה באו בעל פעור וינזרו לבשת ויהיו שקוצים כאהבם [No book]
[11]אפרים כעוף יתעופף כבודם מלדה ומבטן ומהריון [No book]
[12]כי אם יגדלו את בניהם ושכלתים מאדם כי גם אוי להם בשורי מהם [No book]
[13]אפרים כאשר ראיתי לצור שתולה בנוה ואפרים להוציא אל הרג בניו [No book]
[14]תן להם יהוה מה תתן תן להם רחם משכיל ושדים צמקים [No book]
[15]כל רעתם בגלגל כי שם שנאתים על רע מעלליהם מביתי אגרשם לא אוסף אהבתם כל שריהם סררים [No book]
[16]הכה אפרים־שרשם יבש פרי בלי [Q: בל] יעשון גם כי ילדון והמתי מחמדי בטנם [No book]
[17]ימאסם אלהי כי לא שמעו לו ויהיו נדדים בגוים [No book]
Source: unbound.biola.edu
Top