➖ »
«
➖ ➕
Aleppo Codex (~920)
Alep
Peshitta NT (Khabouris)
PesNT(Kha)
←
1 Chronicles
1Ch
11
→
[1]ויקבצו כל ישראל אל דויד חברונה לאמר הנה עצמך ובשרך אנחנו [No book]
[2]גם תמול גם שלשום גם בהיות שאול מלך־אתה המוציא והמביא את ישראל ויאמר יהוה אלהיך לך אתה תרעה את עמי את ישראל ואתה תהיה נגיד על עמי ישראל [No book]
[3]ויבאו כל זקני ישראל אל המלך חברונה ויכרת להם דויד ברית בחברון לפני יהוה וימשחו את דויד למלך על ישראל כדבר יהוה ביד שמואל [No book]
[4]וילך דויד וכל ישראל ירושלם היא יבוס ושם היבוסי ישבי הארץ [No book]
[5]ויאמרו ישבי יבוס לדויד לא תבוא הנה וילכד דויד את מצדת ציון היא עיר דויד [No book]
[6]ויאמר דויד־כל מכה יבוסי בראשונה יהיה לראש ולשר ויעל בראשונה יואב בן צרויה ויהי לראש [No book]
[7]וישב דויד במצד על כן קראו לו עיר דויד [No book]
[8]ויבן העיר מסביב מן המלוא ועד הסביב ויואב יחיה את שאר העיר [No book]
[9]וילך דויד הלוך וגדול ויהוה צבאות עמו [No book]
[10]ואלה ראשי הגברים אשר לדויד המתחזקים עמו במלכותו עם כל ישראל להמליכו־כדבר יהוה על ישראל [No book]
[11]ואלה מספר הגברים אשר לדויד ישבעם בן חכמוני ראש השלושים [Q: השלישים]־הוא עורר את חניתו על שלש מאות חלל בפעם אחת [No book]
[12]ואחריו אלעזר בן דודו האחוחי הוא בשלושה הגברים [No book]
[13]הוא היה עם דויד בפס דמים והפלשתים נאספו שם למלחמה ותהי חלקת השדה מלאה שעורים והעם נסו מפני פלשתים [No book]
[14]ויתיצבו בתוך החלקה ויצילוה ויכו את פלשתים ויושע יהוה תשועה גדולה [No book]
[15]וירדו שלושה מן השלושים ראש על הצר אל דויד־אל מערת עדלם ומחנה פלשתים חנה בעמק רפאים [No book]
[16]ודויד אז במצודה ונציב פלשתים אז בבית לחם [No book]
[17]ויתאו דויד ויאמר מי ישקני מים מבור בית לחם אשר בשער [No book]
[18]ויבקעו השלשה במחנה פלשתים וישאבו מים מבור בית לחם אשר בשער וישאו ויבאו אל דויד ולא אבה דויד לשתותם וינסך אתם ליהוה [No book]
[19]ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים [No book]
[20]ואבשי אחי יואב הוא היה ראש השלושה והוא עורר את חניתו על שלש מאות חלל ולא [Q: ולו] שם בשלושה [No book]
[21]מן השלושה בשנים נכבד ויהי להם לשר ועד השלושה לא בא [No book]
[22]בניה בן יהוידע בן איש חיל רב פעלים מן קבצאל הוא הכה את שני אריאל מואב והוא ירד והכה את הארי בתוך הבור ביום השלג [No book]
[23]והוא הכה את האיש המצרי איש מדה חמש באמה וביד המצרי חנית כמנור ארגים וירד אליו בשבט ויגזל את החנית מיד המצרי ויהרגהו בחניתו [No book]
[24]אלה עשה בניהו בן יהוידע ולו שם בשלושה הגברים [No book]
[25]מן השלושים הנו נכבד הוא ואל השלשה לא בא וישימהו דויד על משמעתו [No book]
[26]וגבורי החילים עשהאל אחי יואב אלחנן בן דודו מבית לחם [No book]
[27]שמות ההרורי חלץ הפלוני [No book]
[28]עירא בן עקש התקועי אביעזר הענתותי [No book]
[29]סבכי החשתי עילי האחוחי [No book]
[30]מהרי הנטפתי חלד בן בענה הנטופתי [No book]
[31]איתי בן ריבי מגבעת בני בנימן בניה הפרעתני [No book]
[32]חורי מנחלי געש אביאל הערבתי [No book]
[33]עזמות הבחרומי אליחבא השעלבני [No book]
[34]בני השם הגזוני יונתן בן שגה ההררי [No book]
[35]אחיאם בן שכר ההררי אליפל בן אור [No book]
[36]חפר המכרתי אחיה הפלני [No book]
[37]חצרו הכרמלי נערי בן אזבי [No book]
[38]יואל אחי נתן מבחר בן הגרי [No book]
[39]צלק העמוני נחרי הברתי נשא כלי יואב בן צרויה [No book]
[40]עירא היתרי גרב היתרי [No book]
[41]אוריה החתי זבד בן אחלי [No book]
[42]עדינא בן שיזא הראובני ראש לראובני־ועליו שלשים [No book]
[43]חנן בן מעכה ויושפט המתני [No book]
[44]עזיא העשתרתי שמע ויעואל [Q: ויעיאל] בני חותם הערערי [No book]
[45]ידיעאל בן שמרי ויחא אחיו התיצי [No book]
[46]אליאל המחוים ויריבי ויושויה בני אלנעם ויתמה המואבי [No book]
[47]אליאל ועובד ויעשיאל המצביה [No book]
Source: unbound.biola.edu
Top