➖ »
«
➖ ➕
Peshitta OT
PesOT
The Book of Enoch the Prophet (1883)
1Eno(Lau)
←
1 Chronicles
1Ch
11
→
[1]ܘܐܸܬ̣ܟܲܢܲܫܘ ܟܠܗܘܿܢ ܒܢܲܝ̈ ܝܼܣܪܵܝܹܠ ܠܘܵܬ̣ ܕܵܘܝܼܕ݂ ܠܚܸܒ̣ܪܘܿܢ: ܘܐܵܡ̇ܪܝܼܢ ܠܹܗ:ܕܡܵܟ݂ ܚܢܲܢ ܘܒܸܣܪܵܟ݂: ܘܐܵܦ ܐܸܬ̣ܡܵܠܝܼ ܘܲܡܢܵܬ̣ܡܵܠܝ. [No book]
[2]ܟܲܕ݂ ܫܵܐܘܿܠ ܗܘ̤ܵܐ ܡܲܠܟܵܐ ܥܠܲܝܢ: ܐܲܢ̄ܬ̇ ܢܵܦܹܩ ܗ̄ܘܲܝܬ̇: ܘܥܵܐܹ̇ܠ ܒܪܹܫܹܗ ܕܝܼܣܪܵܝܹܠ. ܘܐܸܡܪ ܠܵܟ݂ ܡܵܪܝܵܐ: ܙܸܠ ܐܲܢ̄ܬ̇ ܬܸܪܥܸܐ ܠܥܲܡܝ ܝܼܣܪܵܝܹܠ ܘܐܲܢ̄ܬ̇ ܬܸܗܘܹܐ ܡܕܲܒ̇ܪܵܢܵܐ ܥܲܠ ܟܠܗܘܿܢ ܫܲܒ̣̈ܛܹܐ ܕܝܼܣܪܵܝܹܠ. [No book]
[3]ܘܐܸܬ̣ܵܘ ܟܠܗܘܿܢ ܣܵܒܹ̈ܐ ܕܲܒ̣ܢܲܝ̈ ܝܼܣܪܵܝܹܠ ܠܘܵܬ̣ ܡܲܠܟܵܐ ܠܚܸܒ̣ܪܘܿܢ ܘܝܼܡܵܐ ܠܗܘܿܢ ܡܲܠܟܵܐ ܕܵܘܝܼܕ݂: ܒܡܵܘܡܵܬ̣ܵܐ ܒܚܸܒ̣ܪܘܿܢ ܩܕ݂ܵܡ ܡܵܪܝܵܐ: ܘܐܲܩܝܼܡܘ ܠܕ݂ܵܘܝܼܕ݂ ܕܢܸܗܘܹܐ ܡܲܠܟܵܐ ܥܲܠ ܝܼܣܪܵܝܹܠ. ܘܐܸܬ̣ܩܲܝܲܡ ܡܸܠܵܘ̈ܗܝ ܕܲܫܡܘܼܐܹܝܠ ܢܒ̣ܝܼܵܐ: ܕܡܲܠܸܠ ܗ̄ܘ̣ܵܐ ܒܲܫܡܹܗ ܕܡܵܪܝܵܐ. [No book]
[4]ܘܐܸܙܲܠ ܕܵܘܝܼܕ݂ ܘܟ݂ܠܗܘܿܢ ܒܢܲܝ̈ ܝܼܣܪܵܝܹܠ ܠܐܘܿܪܸܫܠܸܡ: ܕܗ̤ܝ ܡܸܬ̣ܩܲܪܝܵܐ ܗ̄ܘ̣ܵܬ̣ ܝܵܒ̣ܘܿܣ ܡ̣ܢ ܠܘܼܩܕܲܡ ܘܬܲܡܵܢ ܗ̄ܘ̣ܵܘ ܝܵܒ̣ܘܿܣܵܝܹ̈ܐ ܥܵܡܘܿܪܹ̈ܝܗ̇ ܕܐܲܪܥܵܐ. [No book]
[5]ܘܐܵܡ̇ܪܝܼܢ ܐ̄ܢܵܫܵܐ ܝܵܬ̣ܒܲܝ̈ ܝܵܒ̣ܘܿܣ ܠܕ݂ܵܘܝܼܕ݂: ܠܵܐ ܬܸܥܘܿܠ ܠܗܵܪܟܵܐ ܘܟܲܢܸܫ ܕܵܘܝܼܕ݂ ܠܟ݂ܠܹܗ ܥܲܡܵܐ: ܘܲܟܒܲܫ ܠܩܘܼܪ̈ܝܵܐ ܕܨܸܗܝܘܿܢ ܗܵܢܹܝܢ ܗܵܠܹܝܢ ܕܐܸܬ̣ܩܪܝܼ ܩܘܼܪ̈ܝܵܐ ܕܕ݂ܵܘܝܼܕ݂. [No book]
[6]ܗܵܝܕܹ̇ܝܢ ܐܸܡܲܪ ܕܵܘܝܼܕ݂: ܟܠܡܲܢ ܕܢܸܩܛܘܿܠ ܠܘܼܩܕܲܡ ܓܲܒ̣ܪܵܐ ܝܵܒ̣ܘܿܣܵܝܵܐ: ܗ̤ܘ ܢܸܗܘܹܐ ܪܹܫܵܐ ܘܪܲܒ̇ ܚܲܝܠܵܐ. ܘܲܣܠܸܩ̣ ܝܘܿܐܵܒ̣ ܒܲܪ ܨܘܿܪܝܼܵܐ ܠܘܼܩܕܲܡ. ܘܐܲܩܝܼܡܹܗ ܡܲܠܟܵܐ ܕܵܘܝܼܕ݂ ܪܹܫܵܐ ܘܪܲܒ̇ ܚܲܝܠܵܐ. [No book]
[7]ܘܝܼܬܸܒ̣ ܕܵܘܝܼܕ݂ ܒܩܘܼܪ̈ܝܵܐ ܕܨܸܗܝܘܿܢ ܡܸܛܠ ܗܵܢܵܐ ܩܵܪܹܝܢ ܗ̄ܘ̣ܵܘ ܠܗܹܝܢ ܩܘܼܪ̈ܝܵܐ ܕܕ݂ܵܘܝܼܕ݂. [No book]
[8]ܘܲܒ̣ܢܵܐ ܕܵܘܝܼܕ݂ ܚܕ݂ܵܪܹ̈ܝܗ̇ ܕܲܩܪܝܼܬ̣ܵܐ ܡ̣ܢ ܚܹܐܪܝܼܬ̣ܵܐ ܕܲܠܒܲܪ ܘܝܲܗ̄ܒ̣ ܕܵܘܝܼܕ݂ ܝܲܡܝܼܢܵܐ ܠܫܲܪܟܵܐ ܕܲܒ̣ܢܲܝ̈ ܐ̄ܢܵܫܵܐ ܕܐܝܼܬ̣ ܒܩܘܼܪ̈ܝܵܐ. [No book]
[9]ܘܕܘܝܼܕ݂ ܐܵܙܹ̇ܠ ܗ̄ܘ̣ܵܐ ܘܥܵܬܲܪ ܘܡܵܪܝܵܐ ܚܲܝܠܬ̣ܵܢܵܐ ܥܲܡܹܗ. [No book]
[10]ܘܗܵܠܹܝܢ ܪܹ̈ܫܹܐ ܕܓܲܒ̣ܪܹ̈ܐ ܕܕ݂ܵܘܝܼܕ݂: ܕܲܡܥܲܫܢܝܼܢ ܗ̄ܘ̣ܵܘ ܥܲܡܹܗ ܒܡܲܠܟ̇ܘܼܬܹܗ: ܠܲܡܩܵܡܘܼܬܹܗ ܡܲܠܟܵܐ ܥܲܠ ܟܠܹܗ ܝܼܣܪܵܝܹܠ: ܐܲܝܟ݂ ܡܸܠܬܹܗ ܕܡܵܪܝܵܐ ܕܡܲܠܸܠ̣ ܥܲܠ ܝܼܣܪܵܝܹܠ. [No book]
[11]ܘܗܵܠܹܝܢ ܡܸܢܝܵܢܹ̈ܐ ܕܓܲܒ̣ܪ̈ܵܘܗܝ ܕܕ݂ܵܘܝܼܕ݂. ܝܵܬܹܒ̣ ܒܡܵܘܬܒ̣ܵܐ ܩܲܕ݂ܡܵܝܵܐ ܪܹܫܵܐ ܕܲܬ̣ܠܵܬ̣ܝܼܢ: ܗ̤ܘܝܘܼ ܓܸܕ݂ܚܘܼ ܓܲܢ̄ܒܵܪܵܐ. ܗ̤ܘ ܫ̣ܡܲܛ ܪܘܼܡܚܵܐ: ܘܲܩܛܲܠ ܬܠܵܬ̣ܡܵܐܐ ܓܲܒ̣ܪ̈ܝܼܢ ܒܫܵܥܬ̣ܵܐ ܚܕ݂ܵܐ. [No book]
[12]ܒܵܬ̣ܪܹܗ ܗܘ̤ܵܐ ܐܹܠܝܼܥܵܙܲܪ ܒܲܪ ܕܵܕܹܗ ܡ̣ܢ ܕܵܚܘܿܚ ܩܪܝܼܬ̣ܵܐ: ܗ̤ܘ ܗܘ̤ܵܐ ܥܲܠ ܬܠܵܬ̣ܡܵܐܐ ܓܲܒ̣ܪ̈ܝܼܢ. [No book]
[13]ܟܲܕ݂ ܗܘ̤ܵܐ ܥܲܡ ܕܵܘܝܼܕ݂ ܒܦܲܣܝܼ ܕܡܲـ̈ـܝܵܐ: ܘܲܦܠܸܫܬܵܝܹ̈ܐ ܥܵܒ̣ܕ̇ܝܼܢ ܗ̄ܘ̣ܵܘ ܬܲܡܵܢ ܩܪܵܒ̣ܵܐ. ܘܲܗܘ̤ܵܬ̣ ܬܲܡܵܢ ܚܲܩܠܵܐ ܚܕ݂ܵܐ ܕܲܙܪܝܼܥܵܐ ܣܥܵܪܹ̈ܐ. ܘܥܲܡܵܐ ܐܸܬ̣ܒܲܕܲܪ ܡ̣ܢ ܩܕ݂ܵܡ ܦܠܸܫܬܵܝܹ̈ܐ. [No book]
[14]ܘܩܵܡ̣ܘ ܒܓ̣ܵܘ ܚܲܩܠܵܐ ܘܦܲܨܝܘܼܗ̇: ܘܲܚܪܲܒ̣ܘ ܠܲܦܠܸܫܬܵܝܹ̈ܐ ܘܲܥܒܲܕ݂ ܡܵܪܝܵܐ ܢܸܨܚܵܢܵܐ ܪܲܒܵܐ. [No book]
[15]ܘܲܢܚܸܬ̣ܘ ܬܠܵܬ̣ܵܐ ܡ̣ܢ ܓܲܒ̣ܪܹ̈ܐ ܠܘܵܬ̣ ܕܵܘܝܼܕ݂ ܠܲܡܥܲܪܬ̣ܵܐ ܕܥܲܪܠܲܡ: ܘܡܲܫ̱ܪ̈ܝܵܬ̣ܵܐ ܕܲܦܠܸܫܬܵܝܹ̈ܐ ܫܲܪ̈ܝܵܢ ܗ̄ܘܲܝ̈ ܒܲܦܩܲܥܬ̣ܵܐ ܕܓܲܢ̄ܒܵܪܹ̈ܐ. [No book]
[16]ܘܕ݂ܵܘܝܼܕ݂ ܫܪܸܐ ܗ̄ܘ̣ܵܐ ܒܡܲܫܟ̇ܢܵܐ: ܘܓܲܒ̣ܪܹ̈ܐ ܕܦܠܸܫܬܵܝܹ̈ܐ ܒܒܹܝܬ̣ ܠܚܸܡ. [No book]
[17]ܘܐܸܬ̣ܪܲܓ̣ܪܲܓ̣ ܕܵܘܝܼܕ݂: ܘܐܸܡܲܪ: ܡ̇ܢ ܕܹܝܢ ܝܲܗ̄ܒ̣ܠܝܼ ܡܲـ̈ـܝܵܐ ܕܐܸܫܬ̇ܝܼܬ̣ ܡ̣ܢ ܓܘܼܒܵܐ ܪܲܒܵܐ ܕܒܹܝܬ̣ ܠܚܸܡ:ܕܐܝܬ̣ ܒܬܲܪܥܵܐ ܕܲܩܪܝܼܬ̣ܵܐ. [No book]
[18]ܘܒ̣ܵܗ̇ ܒܫܵܥܬ̣ܵܐ ܫܡܲܥܘ ܬܠܵܬ̣ܵܐ ܓܲܒ̣ܪ̈ܝܼܢ: ܘܲܨܪܵܘ ܘܥܲܠ̣ܘ ܒܡܲܫܪܝܼܬ̣ܵܐ ܕܲܦܠܸܫܬܵܝܹ̈ܐ. ܘܐܸܙܲܠܘ: ܘܲܡܠܵܘ ܡܲـ̈ـܝܵܐ ܡ̣ܢ ܓܘܼܒܵܐ ܪܲܒܵܐ ܕܐܝܼܬ̣ ܒܒܹܝܬ̣ ܠܚܸܡ:ܒܬܲܪܥܵܐ ܕܲܩܪܝܼܬ̣ܵܐ. [No book]
[19]ܘܐܸܡܲܪ ܚܵܣ ܠܝܼ ܡ̣ܢ ܡܵܪܝܵܐ ܕܐܸܥܒܸ̇ܕ݂ ܗܵܢܵܐ ܩܕ݂ܵܡ ܐܲܠܵܗܝ. ܐ̄ܢܵܫܵܐ ܗܵܠܹܝܢ ܢܦܲܩ̣ܘ ܐܸܙܲܠܘ ܥܲܠ ܕܡܵܐ ܕܨܵܘܪ̈ܲܝܗܘܿܢ ܘܠܵܐ ܨܒ̣ܵܐ ܠܡܸܫܬܵܐ ܐܸܢܘܿܢ. ܗܵܠܹܝܢ ܥܒܲܕ݂ܘ ܬܠܵܬ̣ܵܐ ܓܲܒ̣ܪ̈ܝܼܢ. [No book]
[20]ܘܐܲܒ̣ܝܼܫܲܝ ܐܲܚܘܼܗܝ ܕܝܘܿܐܵܒ̣ ܗ̤ܘ ܗܘ̤ܵܐ ܪܹܫܵܐ ܕܲܬ̣ܠܵܬ̣ܝܼܢ ܘܗ̤ܘ ܫ̣ܡܲܛ ܪܘܼܡܚܵܐ ܥܲܠ ܬܠܵܬ̣ܡܵܐܐ ܩܛ̈ܝܼܠܝܼܢ ܘܠܹܗ ܐܝܼܬ̣ ܗ̄ܘ̣ܵܐ ܐܝܼܩܵܪܵܐ. [No book]
[21]ܥܲܠ ܬܠܵܬ̣ܝܼܢ ܡܝܲܩܲܪ ܗ̄ܘ̣ܵܐ. ܘܲܗܘ̤ܵܐ ܥܠܲܝܗܘܿܢ ܪܹܫܵܐ. ܘܲܩܪܵܒ̣ܵܐ: ܐܲܝܟ݂ ܬܠܵܬ̣ܝܼܢ ܥܵܒܹ̇ܕ݂ ܗ̄ܘ̣ܵܐ. [No book]
[22]ܒܢܵܝܵܐ ܒܲܪ ܝܘܿܝܵܕ݂ܵܥ: ܓܲܒ̣ܪܵܐ ܓܲܢ̄ܒܵܪ ܚܲܝܠܵܐ ܕܫܲܦܝܼܪܝܼܢ ܗ̄ܘ̣ܵܘ ܥܒ̣ܵܕ݂ܵܘ̈ܗܝ: ܡ̣ܢ ܟܲܪܟ݂ܵܐ ܕܩܲܒ̣ܨܵܐܹܝܠ. ܗ̤ܘ ܚ̣ܪܲܒ̣ ܠܲܬ̣ܪܹܝܢ ܓܲܢ̄ܒܵܪ̈ܝܼܢ ܕܡܘܼܐܵܒ̣. ܘܗ̤ܘ ܢܚܸܬ̣ ܘܲܩܛܲܠ ܠܐܲܪܝܵܐ ܒܓ̣ܵܘ ܥܵܒ̣ܵܐ: ܒܝܵܘܡܵܐ ܕܬܲܠܓܵܐ. [No book]
[23]ܘܗ̤ܘ ܩܛܲܠ ܠܓܲܒ̣ܪܵܐ ܡܸܨܪܵܝܵܐ: ܓܲܒ̣ܪܵܐ ܡܵܪܹܐ ܚܲܝܠܵܐ: ܕܐܲܪܝܼܟ݂ ܗ̄ܘ̣ܵܐ ܚܲܡܸܫ ܐܲܡ̈ܝܼܢ: ܘܒ̣ܐܝܼܕܹܗ ܕܡܸܨܪܵܝܹܐ ܗܘ̤ܵܬ̣ ܪܘܼܡܚܵܐ ܕܗܵܘܹ̇ܐ ܗ̄ܘ̣ܵܐ ܥܲܒ̣ܝܵܐ ܕܲܫܢܵܢܵܗ̇: ܐܲܝܟ݂ ܢܵܘܠܵܐ ܕܓܲܪ̈ܕ̇ܝܵܝܹܐ ܘܲܢܚܸܬ̣ ܥܠܵܘܗܝ ܒܚܘܼܛܪܵܐ: ܘܢܲܣܒܵܗ̇ ܪܘܼܡܚܵܐ ܡ̣ܢ ܐܝܼܕܲܝ̈ܗܘܿܢ ܕܡܸܨܪܵܝܵܐ: ܘܩܲܛܠܹܗ ܒܵܗ̇ ܒܪܘܼܡܚܹܗ. [No book]
[24]ܗܵܠܹܝܢ ܟܠܗܹܝܢ ܥܒܲܕ ܒܢܵܝܵܐ ܒܲܪ ܝܘܿܝܵܕ݂ܵܥ ܘܠܹܗ ܐܝܼܬ̣ ܗ̄ܘ̣ܵܐ ܫܡܵܐ ܝܲܬ̇ܝܼܪ ܡ̣ܢ ܬܠܵܬ̣ܵܐ ܓܲܒ̣ܪ̈ܝܼܢ. [No book]
[25]ܘܡ̣ܢ ܬܠܵܬ̣ܵܐ ܓܹܝܪ ܡܝܲܩܲܪ ܗ̄ܘ̣ܵܐ. ܘܩܹܐܪܣܵܐ ܐܲܝܟ݂ ܬܠܵܬ̣ܵܐ ܥܵܒܹܕ݂ ܗ̄ܘ̣ܵܐ. ܘܐܲܩܝܼܡܹܗ ܕܵܘܝܼܕ݂ ܕܢܸܗܘܹܐ ܢܵܛܘܿܪܵܐ ܥܲܠ ܪܘܼܡܚܹܗ: ܘܥܲܠ ܓܲܢ̄ܒܵܪ̈ܲܝ ܚܲܝܠܵܐ. [No book]
[26]ܥܫܵܐܝܹܠ ܐܲܚܘܼܗܝ ܕܝܘܿܐܵܒ̣: ܐܸܠܚܲܢܵܢ ܒܲܪ ܕܵܕܹܗ ܡ̣ܢ ܒܹܝܬ̣ ܠܚܸܡ. [No book]
[27]ܫܡܘܿܬ̣ ܡ̣ܢ ܛܘܼܪ ܡܲܠܟܵܐ: ܚܵܠܵܨ ܕܡ̣ܢ ܦܵܠܝܵܛܘܿܢ. [No book]
[28]ܥܝܼܪܵܐ ܒܲܪ ܥܩܝܼܣ ܕܡ̣ܢ ܬܩܘܿܥ: ܘܐܲܒ̣ܝܼܥܵܙܲܪ ܕܡ̣ܢ ܥܢܵܬ̣ܘܿܬ̣. [No book]
[29]ܣܵܒ̣ܝܼ ܕܡ̣ܢ ܚܫܘܿܒܲܬ̣: ܥܲܠܝܼ ܕܡ̣ܢ ܚܘܿܚ. [No book]
[30]ܡܲܗܪܝܼ ܕܡ̣ܢ ܢܵܛܘܿܦܲܬ̣: ܚܵܠܵܕ݂ ܒܲܪ ܒܲܥܢܵܐ ܕܡ̣ܢ ܢܛܘܿܦܲܬ̣. [No book]
[31]ܐܵܬܲܝ ܒܲܪ ܪܲܒ̇ܝ ܕܡ̣ܢ ܓܒܲܥܬ̣ܵܐ ܕܲܒ̣ܢܲܝ̈ ܒܸܢܝܵܡܹܝܢ: ܒܢܵܝܵܐ ܒܲܪ ܦܪܲܥܬ̇ܘܿܢ. [No book]
[32]ܚܲܕ̇ܝܼ ܕܡ̣ܢ ܢܚܸܠܓܝܼܫ: ܐܲܒ̣ܝܼܐܹܝܠ ܒܲܪ ܥܪܲܒ̣ܬ̇ܘܿܢ. [No book]
[33]ܥܘܿܙܒܵܢ ܕܡ̣ܢ ܡܲܪܚܲܡ: ܐܹܠܝܼܦܵܐ ܕܡ̣ܢ ܫܲܠܒܲܡ. [No book]
[34]ܒܢܲܝ̈ ܫܹܝܡ ܕܡ̣ܢ ܥܲܙܘܿܢ: ܝܘܿܢܵܬ̣ܵܢ ܒܲܪ ܫܵܓ̣ܵܐ ܕܡ̣ܢ ܛܘܼܪ ܟܲܪܡܠܵܐ. [No book]
[35]ܐܲܚܝܼܪܵܡ ܒܲܪ ܣܵܟ݂ܵܡ ܕܡ̣ܢ ܛܘܼܪ ܒܲܝܬܵܐ: ܐܲܠܝܼܦܘܿܢ ܒܲܪ ܐܘܿܪ ܕܡ̣ܢ ܒܓܲܪܬ̇ܘܿܢ. [No book]
[36]ܚܵܦܵܪ ܕܡ̣ܢ ܡܟܲܪܬ̇ܝܼܡ: ܐܲܚܝܼܵܐ ܕܡ̣ܢ ܚܵܨܵܪ. [No book]
[37]ܚܲܨܪܝܼ ܕܡ̣ܢ ܟܲܪܡܠܵܐ. ܠܵܥܵܙܲܪ ܕܡ̣ܢ ܐܘܿܒ̣ܵܝ. [No book]
[38]ܝܘܼܐܹܝܠ ܐܲܚܘܼܗܝ ܕܝܘܿܢܵܬ̣ܵܢ: ܡܲܟ݂ܚܲܕ݂ ܕܡ̣ܢ ܓܵܕ݂. [No book]
[39]ܨܵܠܵܩ ܐܲܡܘܿܢܵܝܵܐ: ܡܲܚܙܝܼ ܒܪܵܬ̣ܵܝܵܐ: ܫܵܩܹܠ ܡܵܐܢܲܝ̈ ܙܲܝܢܹܗ ܕܝܘܿܐܵܒ̣ ܒܲܪ ܨܘܿܪܝܼܵܐ. [No book]
[40]ܥܝܼܪܵܐ ܕܡ̣ܢ ܝܵܬ̣ܝܼܪ: ܥܵܪܵܒ̣ ܕܡ̣ܢ ܝܵܬ̣ܵܪ. [No book]
[41]ܐܘܿܪܝܼܵܐ ܚܹܬ̣ܝܵܐ. [No book]
[42]ܥܕ݂ܝܼܢܘܼ ܒܲܪ ܫܵܪܵܐ ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ. ܘܗ̤ܘܝܘܼ ܫܲܠܝܼܛ ܗ̄ܘ̣ܵܐ ܥܲܠ ܓܲܒ̣ܪܹ̈ܐ ܬܠܵܬ̣ܝܼܢ. [No book]
[43]ܚܲܢܵܢ ܒܲܪ ܡܲܠܟܵܐ: ܥܲܙܝܼ ܕܡ̣ܢ ܥܢܵܬ̣ܘܿܬ̣. [No book]
[44]ܝܘܿܫܵܦܵܛ ܕܡ̣ܢ ܥܸܣܬ̇ܪܘܼܬ̣: ܫܵܡܵܥ ܘܲܥܡܵܐܹܝܠ ܒܢܲܝ̈ ܚܘܿܬ̣ܵܡ ܕܡ̣ܢ ܥܲܪܥܪܘܼܬ̣. [No book]
[45]ܝܲܕ݂ܥܵܐܹܝܠ ܒܲܪ ܫܲܡܪܝܼ: ܘܝܘܿܚܵܐ ܐܵܚܘܼܗܝ. [No book]
[46]ܥܡܘܿܙܘܼܬ̣: ܘܲܥܢܵܐܹܝܠ: ܡܘܿܚܵܡ: ܡܘܿܨܝܹܠ: ܪܝܼܒܲܝ: ܘܐܲܫܘܵܐ ܒܪܹܗ:ܐܲܚܡܵܐܹܝܠ: ܘܝܲܬ̣ܡܵܐ: ܡܘܼܐܒ̣ܵܝܹ̈ܐ. [No book]
[47]ܐܸܠܝܹܠ: ܘܝܲܬ̣ܡܵܐ: ܘܥܘܿܒ̣ܝܼܪ: ܠܲܠܣܵܐܹܝܠ ܘܐܲܫܟ݂ܝܼܪ. [No book]
Translation: Richard Laurence (1883)
Source: sacred-texts.com
Top