➖ »
«
➖ ➕
Peshitta OT
PesOT
Westcott/Hort Greek NT (1881)
W/H GNT
←
1 Chronicles
1Ch
12
→
[1]ܗܵܠܹܝܢ ܟܠܗܘܿܢ ܓܲܢ̄ܒܵܪ̈ܵܘܗܝ ܕܕ݂ܵܘܝܼܕ݂ ܩܵܝ̇ܡܝܼܢ ܗ̄ܘ̣ܵܘ ܥܲܡܹܗ ܒܲܩܪܵܒ̣ܵܐ. ܘܗܵܠܹܝܢ ܥܲܠܘ ܥܲܡ ܕܵܘܝܼܕ݂ ܠܨܸܢܩܵܠܵܓ̣ ܩܪܝܼܬ̣ܵܐ: ܟܲܕ݂ ܥܵܪܹܩ ܗ̄ܘ̣ܵܐ ܡ̣ܢ ܩܕ݂ܵܡ ܫܵܐܘܿܠ ܒܲܪ ܩܝܼܫ. ܘܗܸܢܘܿܢ ܒܓܲܢ̄ܒܵܪܘܼܬ̣ܵܐ ܩܵܝ̇ܡܝܼܢ ܗ̄ܘ̣ܵܘ ܟܠܗܘܿܢ ܩܕ݂ܵܡܵܘܗܝ ܕܕ݂ܵܘܝܼܕ݂. ܘܐܸܠܘܼ ܨܒ̣ܵܐ: ܩܵܛ̇ܠܝܼܢ ܗ̄ܘ̣ܵܘ ܠܫܵܐܘܿܠ ܒܲܪ ܩܝܼܫ. ܡܸܛܠ ܕܓܲܢ̄ܒܵܪ̈ܝܼܢ ܗ̄ܘ̣ܵܘ: ܘܓܲܒ̣ܪܹ̈ܐ ܗ̄ܘ̣ܵܘ ܥܵܒ̣̈ܕܲܝ ܩܪܵܒ̣ܵܐ. ܘܠܵܐ ܨܒ̣ܵܐ ܕܵܘܝܼܕ݂ ܠܡܸܫܒܲܩ ܐܸܢܘܿܢ ܠܡܸܩܛܠܹܗ ܠܫܵܐܘܿܠ. [No book]
[2]ܡܸܛܠ ܕܐܲܚܝܼܕ݂ܝܼܢ ܗ̄ܘ̣ܵܘ ܩܸܫ̈ܬܵܬ̣ܵܐ ܒܣܸܡܵܠܲܝ̈ܗܘܿܢ: ܘܣܲܝܦܹ̈ܐ ܒܝܲܡܝܼܢܲܝ̈ܗܘܿܢ. ܘܩܸܫ̈ܬܵܬ̣ܗܘܿܢ ܡܲܠ̈ܝܵܢ ܗ̄ܘܲܝ̈ ܒܓܹܐܪܹ̈ܐ. ܘܠܵܐ ܨܒ̣ܵܐ ܕܵܘܝܼܕ݂ ܠܡܸܩܛܠܹܗ ܠܫܵܐܘܿܠ ܕܗ̤ܘ ܗܘ̤ܵܐ ܪܹܫܵܐ: ܪܸܫ ܫܲܒ̣ܛܵܐ ܕܒܹܝܬ̣ ܒܸܢܝܵܡܹܝܢ. [No book]
[3]ܘܗܵܠܹܝܢ ܫܡܵܗܹ̈ܐ ܕܓܲܒ̣ܪ̈ܵܘܗܝ ܕܕ݂ܵܘܝܼܕ݂ ܕܲܗܘ̤ܵܘ ܥܲܡܹܗ: ܐܲܚܝܼܥܵܙܲܪ: ܘܝܘܿܐܵܫ ܒܪܹܗ:ܘܝܘܿܐܹܝܠ: ܕܡ̣ܢ ܡܲܟ݂ܣܵܐ: ܫܡܲܥܝܵܐ ܕܡ̣ܢ ܓܸܒ̣ܥܲܬ̣: ܦܠܸܛ ܘܲܒ̣ܪܲܟ݂ܝܵܐ ܒܢܲܝ̈ ܥܲܪܒ̣ܘܼܬ̣: ܝܵܗܘܿ ܕܡ̣ܢ ܥܢܵܬ̣ܘܿܬ̣. [No book]
[4]ܫܡܲܥܝܵܐ ܕܡ̣ܢ ܓܸܒ̣ܥܘܿܢ ܗ̤ܘ ܗܘ̤ܵܐ ܫܲܠܝܼܛ ܥܲܠ ܬܠܵܬ̣ܝܼܢ: ܘܥܵܒܹܕ݂ ܩܪܵܒ̣ܵܐ ܐܲܝܟ݂ ܟܠܗܘܿܢ ܐܹܪܲܡܝܵܐ: ܢܲܚܙܵܐܹܝܠ: ܙܵܒ̣ܘܿܪ: ܥܵܙܵܪ. [No book]
[5]ܓܲܕ̇ܝܼ: ܝܲܪܡܘܿܬ̣: ܒܥܲܠܝܵܐ: ܥܲܙܪܝܼ: ܫܡܲܪܝܵܐ: ܫܦܲܛܝܵܐ ܚܵܒ̣ܵܪ. [No book]
[6]ܐܸܠܩܲܢܵܐ: ܝܲܫܘܵܐ: ܥܲܙܪܵܐܹܝܠ: ܫܲܒ̣ܢܵܐ: ܐܵܣܵܦ. [No book]
[7]ܝܘܿܐܵܚ: ܙܟܲܪܝܵܐ: ܒܢܵܘ̈ܗܝ ܕܝܲܪܚܘܿܡ ܕܡ̣ܢ ܓܵܕ݂ܵܪ. [No book]
[8]ܘܡ̣ܢ ܫܲܒ̣ܛܵܐ ܕܒܹܝܬ̣ ܓܵܕ݂: ܐܸܬ̣ܓ̇ܒ̣ܝܼܘ ܠܕ݂ܵܘܝܼܕ݂: ܠܡܸܦܲܩ ܥܲܡܹܗ ܠܡܲܨܪܘܼܬ̣ ܕܲܒ̣ܡܲܕ݂ܒ̇ܪܵܐ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܘܥܲܫܝܼ̈ܢܲܝ ܒܩܵܘ̈ܡܵܬ̣ܵܐ: ܘܓܲܒ̣ܪܹ̈ܐ ܡܵܪ̈ܲܝ ܚܲܝܠܵܐ ܠܩܹܐܪܣܵܐ: ܐܲܚܝܼ̈ܕܲܝ ܣܲܝ̈ܦܹܐ ܘܣܲܟ̇ܪܹ̈ܐ. ܓܵܘܢܵܐ ܕܐܲܪ̈ܝܵܘܵܬ̣ܵܐ ܓܵܘܢܗܘܿܢ ܘܡܵܐ ܕܡܸܬ̣ܟܲܬ̇ܫܝܼܢ ܥܲܠ ܛܘܼܪܵܐ: ܥܵܩܪܝܼܢ ܠܹܗ. [No book]
[9]ܥܲܙܪܵܐ ܪܹܫܵܐ ܕܓܲܢ̄ܒܵܪܹ̈ܐ: ܥܘܿܒ̣ܵܕ݂ܝܵܐ ܬܸܢܝܵܢܵܐ: ܐܹܠܝܵܒ̣ ܬܠܝܼܬ̣ܵܝܵܐ. [No book]
[10]ܐܵܫܘܿܪ ܪܒ̣ܝܼܥܵܝܵܐ: ܐܹܪܲܡܝܵܐ ܚܡܝܼܫܵܝܵܐ. [No book]
[11]ܥܵܬܲܪ ܫܬ̇ܝܼܬ̣ܵܝܵܐ: ܐܹܠܝܹܠ ܫܒ̣ܝܼܥܵܝܵܐ. [No book]
[12]ܝܘܿܚܲܢܵܢ ܬܡܝܼܢܵܝܵܐ: ܐܹܠܝܼܙܵܒܲܪ ܬܫܝܼܥܵܝܵܐ. [No book]
[13]ܐܹܪܲܡܝܵܐ ܥܣܝܼܪܵܝܵܐ: ܫܦܲܛܝܵܐ ܕܲܚܕܲܥܣܲܪ. [No book]
[14]ܗܵܠܹܝܢ ܡ̣ܢ ܒܢܵܘ̈ܗܝ ܕܓܵܕ݂ ܪܹ̈ܫܲܝ ܚܲܝܠܵܐ ܕܫܲܠܝܼܛܝܼܢ ܗ̄ܘ̣ܵܘ: ܚܲܕ݂ ܥܲܠ ܡܵܐܐ. ܘܐܲܚܪ̈ܢܹܐ ܫܲܠܝܼܛܝܼܢ ܗ̄ܘ̣ܵܘ ܥܲܠ ܐܵܠܹܦ. [No book]
[15]ܗܵܠܹܝܢ ܐܸܢܘܿܢ ܕܥܲܒ̣ܪܘܼܗܝ ܠܝܘܿܪܕܢܵܢ: ܒܝܼܪܲܚ ܢܝܼܣܵܢ: ܟܲܕ݂ ܡܠܹܐ ܥܕܲܡܵܐ ܠܣܸܦܬܹܗ. ܘܐܲܥܪܸܩܘ ܗ̄ܘ̣ܵܘ ܠܟ݂ܠܹܗ ܚܲܝܠܵܐ ܕܲܫܪܸܐ ܗ̄ܘ̣ܵܐ ܒܲܦܩܲܥܬ̣ܵܐ: ܠܡܲܕ݂ܢ̱ܚܵܐ ܘܲܠܡܲܥ̱ܪܒ̣ܵܐ. ܘܗܵܠܹܝܢ ܡܸܢܝܵܢܹ̈ܐ ܕܪܹ̈ܫܲܝ ܚܲܝܠܵܐ: ܕܐܸܬ̣ܵܘ ܘܐܸܬ̣ܟܲܢܲܫܘ ܠܘܵܬ̣ ܕܵܘܝܼܕ݂ ܠܚܸܒ̣ܪܘܿܢ: ܠܡܸܬܲܠ ܠܹܗ ܡܲܠܟ̇ܘܿܬ̣ܵܐ ܕܫܵܐܘܿܠ: ܕܬܸܫܠܲܡ ܡܸܠܬܹܗ ܕܲܫܡܘܼܐܹܝܠ ܢܒ̣ܝܼܵܐ: ܕܡܲܠܸܠ ܡ̣ܢ ܦܘܼܡܹܗ ܕܡܵܪܝܵܐ. [No book]
[16]ܘܐܸܬ̣ܵܘ ܡ̣ܢ ܒܢܲܝ̈ ܒܸܢܝܵܡܹܝܢ: ܘܡ̣ܢ ܒܢܲܝ̈ ܝܼܗܘܼܕ݂ܵܐ: ܥܕܲܡܵܐ ܕܲܡܛܵܘ ܠܡܲܫܪܝܼܬ̣ܵܐ ܠܘܵܬ̣ ܕܵܘܝܼܕ݂. [No book]
[17]ܘܲܢܦܲܩ ܕܵܘܝܼܕ݂ ܠܐܘܼܪܥ̱ܗܘܿܢ: ܘܒܲܪܸܟ݂ ܐܸܢܘܿܢ ܘܐܸܡܲܪ ܠܗܘܿܢ: ܐܸܢ ܗܘ ܕܠܲܫܠܵܡܵܐ ܐܸܬܲܝܬ̇ܘܿܢ ܘܠܲܡܥܲܕܵܪܘܼܬܲܢ: ܡܵܪܝܵܐ ܢܸܬܸ̇ܠ ܠܟ݂ܘܿܢ ܚܲܕ݂ ܬܪܹܝܢ ܥܲܠ ܡܸܕܸ̇ܡ ܕܐܝܼܬ̣ ܒܠܸܒ̇ܟ݂ܘܿܢ. ܘܐܸܢܗ̤ܘ ܕܲܠܡܸܟ̇ܠܲܢܝ ܐܸܬܲܝܬ̇ܘܿܢ ܠܡܲܫܠܵܡܘܼܬܲܢܝ ܠܣܵܢܐܲܝ̈ ܡܸܛܠ ܕܡܸܕܸ̇ܡ ܠܵܐ ܚܛܹ̇ܝܬ̣ ܠܟ݂ܘܿܢ: ܘܐܵܦ ܠܲܝܬ̇ ܡܸܕܸ̇ܡ ܕܲܣܢܸܐ ܒܐܝܼܕܲܝ̈. ܝܵܕܲܥ ܗ̄ܘ̣ ܓܹܝܪ ܐܲܠܵܗܵܐ ܕܐܲܒ̣ܵܗܵܬ̣̈ܝ: ܘܗ̤ܘ ܢܲܟܸ̇ܣ ܒܲܝܢܵܬܲܢ: ܡ̇ܢ ܕܡܲܣܟܸ̇ܠ ܒܚܲܒ̣ܪܹܗ. [No book]
[18]ܘܪܘܼܚܵܐ ܕܓܲܢ̄ܒܵܪܘܼܬ̣ܵܐ ܠܸܒ̣ܫܲܬ̤ ܠܥܲܡܣܵܐ ܒܲܪ ܝܵܬ̣ܵܪ ܪܹܫܵܐ ܕܲܬ̣ܠܵܬ̣ܝܼܢ. ܘܲܥܢ̣ܵܐ ܘܐܸܡܲܪ ܠܕ݂ܵܘܝܼܕ݂: ܬܵܐ ܠܵܟ݂ ܕܵܘܝܼܕ݂: ܬܵܐ ܠܵܟ݂ ܒܲܪ ܐܝܼܫܲܝ: ܘܐܵܦ ܐܸܢܵܐ ܥܲܡܵܟ݂ ܫܠܵܡ ܠܵܟ݂ ܠܵܐ ܬܸܕ݂ܚܲܠ. ܘܲܫܠܵܡܵܐ ܐܸܬ̣̱ܝܼܗܸܒ̣ ܠܵܟ݂ ܡ̣ܢ ܩܕ݂ܵܡ ܡܥܲܕ̇ܪܵܢܵܟ݂. ܡܸܛܠ ܕܥܵܕ݂ܘܿܪܵܟ݂ ܓܹܝܪ ܒܟ݂ܠ ܫܵܥܵܐ ܐܲܠܵܗܵܟ݂ ܗ̄ܘ̣. ܘܩܲܒܸ̇ܠ ܐܸܢܘܿܢ ܕܵܘܝܼܕ݂: ܘܐܲܩܝܼܡ ܐܸܢܘܿܢ ܕܵܘܝܼܕ݂ ܒܪܹܫܵܐ ܕܚܲܝܠܵܐ. [No book]
[19]ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܡܢܲܫܹܐ ܐܸܙܲܠ̣ܘ ܥܲܡ ܕܵܘܝܼܕ݂: ܟܲܕ݂ ܐܸܙܲܠ ܗ̄ܘ̣ܵܐ ܠܡܸܥܒܲܕ݂ ܩܪܵܒ̣ܵܐ ܥܲܡ ܦܠܸܫܬܵܝܹ̈ܐ. ܘܥܲܡ ܫܵܐܘܿܠ ܠܵܐ ܨܒ̣ܵܘ ܗ̄ܘ̣ܵܘ ܠܡܹܐܙܲܠ ܠܲܩܪܵܒ̣ܵܐ: ܠܲܡܥܲܕܵܪܘܼܬܹܗ ܠܫܵܐܘܿܠ: ܡܸܛܠ ܕܣܵܢܹ̇ܝܢ ܗ̄ܘ̣ܵܘ ܠܹܗ. ܡܸܛܠ ܕܐ̄ܪܵܙܵܐ ܐܸܙܲܠܘ ܩܛܲܪܘ ܥܲܡ ܪܵܘ̱ܪ̈ܒ̣ܵܢܹܐ ܕܲܦܠܸܫܬܵܝܹ̈ܐ: ܘܐܵܡ̇ܪܝܼܢ ܠܗܘܿܢ: ܚܢܲܢ ܢܹܐܙܲܠ ܩܲܕ݂ܡܵܝܑܬ̣: ܘܢܸܦܸܠ ܥܲܠ ܫܵܐܘܿܠ ܡܵܪܲܢ: ܟܲܕ݂ ܐܵܙܹ̇ܠ ܠܨܸܢܩܠܵܓ̣ ܘܢܸܫܪܹܐ ܥܠܵܘܗܝ ܘܢܹܐܚܕ̇ܝܼܘܗܝ ܟܲܕ݂ ܚܲܝ. [No book]
[20]ܘܗܵܠܹܝܢ ܫܡܵܗܲܝ̈ܗܘܿܢ: ܥܲܕܵܐ: ܙܵܒ̣ܘܼܪ: ܝܲܕ݂ܥܹܠ: ܡܲܢܟܹ̇ܝܠ: ܐܹܠܝܼܗܘܿ: ܘܝܘܼܙܵܒ̣ܵܪ: ܪܹ̈ܫܹܐ ܕܐܲܠܦܹ̈ܐ ܕܒܹܝܬ̣ ܡܢܲܫܹܐ. [No book]
[21]ܘܗܸܢܘܿܢ ܐܸܙܲܠ̣ܘ ܗ̄ܘ̣ܵܘ ܘܥܲܕܲܪܘ ܠܕ݂ܵܘܝܼܕ݂: ܟܲܕ݂ ܐܵܙܹ̇ܠ ܗ̄ܘ̣ܵܐ ܥܲܠ ܓܲܝܣܵܐ. ܡܸܛܠ ܕܟ݂ܠܗܘܿܢ ܓܲܢ̄ܒܵܪ̈ܝܼܢ ܗ̄ܘ̣ܵܘ ܒܚܲܝܠܗܘܿܢ ܛܵܒ̣. ܘܲܗܘ̤ܵܘ ܫܲܠܝܼܛܝܼܢ ܥܲܠ ܟܠܹܗ ܚܲܝܠܵܐ. ܘܐܲܝܟܲܢܵܐ ܕܨܵܒܹ̇ܝܢ ܗ̄ܘ̣ܵܘ: ܥܵܒ̣ܕ̇ܝܼܢ ܒܹܗ. [No book]
[22]ܘܟ݂ܠܝܘܿܡ ܒܝܘܿܡ ܥܵܐܠܝܼܢ ܗ̄ܘ̣ܵܘ ܩܕ݂ܵܡ ܕܵܘܝܼܕ݂: ܠܡܹܐܟܲܠ ܩܕ݂ܵܡܵܘܗܝ ܠܲܚܡܵܐ: ܡܸܛܠ ܕܪܵܚܹ̇ܡ ܗ̄ܘ̣ܵܐ ܠܗܘܿܢ ܛܵܒ̣. [No book]
23[No verse] [No book]
[24]ܘܲܒ̣ܢܵܘ̈ܗܝ ܕܲܝܗܘܼܕ݂ܵܐ ܫܵܩܠܲܝ̈ ܣܲܝܦܹ̈ܐ: ܘܐܲܚܝܼ̈ܕܲܝ ܪ̈ܘܼܡܚܹܐ: ܫܬܵܐ ܐܲܠܦ̈ܝܼܢ ܘܲܬ̣ܡܵܢܹܡܵܐܐ ܓܲܢ̄ܒܵܪ̈ܲܝ ܚܲܝܠܵܐ. [No book]
[25]ܘܡ̣ܢ ܒܢܲܝ̈ ܫܸܡܥܘܿܢ: ܓܲܢ̄ܒܵܪ̈ܲܝ ܚܲܝܠܵܐ ܠܲܩܪܵܒ̣ܵܐ: ܬܡܵܢܝܵܐ ܐܲܠܦ̈ܝܼܢ ܘܲܫܒܲܥܡܵܐܐ. [No book]
[26]ܘܡ̣ܢ ܒܢܲܝ̈ ܠܹܘܝܼ ܐܲܪܒ̇ܥܵܐ ܐܲܠܦ̈ܝܼܢ ܘܫܸܬ̣ܡܵܐܐ. [No book]
[27]ܝܵܗܘܿܝܵܕ݂ܵܥ ܪܲܒܵܐ ܗ̄ܘ̣ܵܐ ܕܫܲܪܒ̇ܬܹܗ ܕܐܲܗܪܘܿܢ: ܘܲܕ݂ܥܲܡܹܗ ܬܠܵܬ̣ܵܐ ܐܲܠܦ̈ܝܼܢ ܘܲܫܒܲܥܡܵܐܐ. [No book]
[28]ܘܨܵܕ݂ܘܿܩ ܥܠܲܝܡܵܐ ܓܲܢ̄ܒܵܪ ܚܲܝܠܵܐ: ܘܒܹܝܬ̣ ܐܲܒ̣ܘܼܗܝ ܘܐܲܚܵܘ̈ܗܝ ܪܵܘ̱ܪ̈ܒ̣ܵܢܹܐ ܥܸܣܪܝܼܢ ܘܲܬ̣ܪܹܝܢ. [No book]
[29]ܘܡ̣ܢ ܒܢܵܘ̈ܗܝ ܕܒܸܢܝܵܡܹܝܢ ܐܲܚܵܘ̈ܗܝ ܕܫܵܐܘܿܠ: ܐܲܠܦܹ̈ܐ ܬܠܵܬ̣ܵܐ. ܘܲܥܕܲܡܵܐ ܠܝܵܘܡܵܐ ܕܐܸܬ̣ܩܛܸܠ ܫܵܐܘܿܠ: ܗܸܢܘܿܢ ܗ̄ܘ̣ܵܘ ܢܵܛܪ̈ܲܝ ܡܲܛܲܪܬܵܐ ܕܒܲܝܬܹ̇ܗ ܕܫܵܐܘܿܠ. [No book]
[30]ܘܡ̣ܢ ܒܢܲܝ̈ ܐܲܦܪܹܝܡ: ܥܸܣܪܝܼܢ ܐܲܠܦ̈ܝܼܢ ܘܲܬ̣ܡܵܢܹܡܵܐܐ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܓܲܒ̣ܪܹ̈ܐ ܕܲܫܡܵـ̈ـܗܵܬ̣ܵܐ ܠܫܲܪ̈ܒ̣ܵܬ̣ܗܘܿܢ ܠܒܹܝܬ̣ ܐܲܒ̣ܵܗܲܝ̈ܗܘܿܢ. [No book]
[31]ܘܡ̣ܢ ܦܵܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܬܡܵܢܸܥܣܲܪ ܐܲܠܦ̈ܝܼܢ ܐ̄ܢܵܫܵܐ. ܕܗܸܢܘܿܢ ܐܸܬ̣ܩܪܝܼܘ ܒܲܫܡܵܗܵܬ̣ܵܐ: ܘܗܸܢܘܿܢ ܐܸܬ̣ܵܘ ܠܲܡܩܵܡܘܼ ܠܘܼܩܕܲܡ ܠܕ݂ܵܘܝܼܕ݂ ܒܡܲܠܟ̇ܘܼܬ̣ܵܐ. [No book]
[32]ܘܡ̣ܢ ܒܢܲܝ̈ ܐܝܼܣܵܟ݂ܵܪ: ܝܵܕ݂ܥܲܝ̈ ܚܸܟ݂ܡ̱ܬ̣ܵܐ ܒܙܲܒ̣ܢ̱ܗܘܿܢ: ܘܥܵܒ̣ܕܹ̈ܐ ܫܲܦܝܼܪܹ̈ܐ ܘܲܬ̣ܪ̈ܝܼܨܹܐ ܩܕ݂ܵܡ ܡܵܪܝܵܐ. ܪܹ̈ܫܲܝܗܘܿܢ ܡܲܐܬܹ̇ܝܢ: ܘܟ݂ܠܗܘܿܢ ܐܲܚܲܝ̈ܗܘܿܢ ܡܸܕܸ̇ܡ ܕܐܵܡ̇ܪܝܼܢ ܗ̄ܘ̣ܵܘ ܠܗܘܿܢ: ܗܵܘ̇ ܗ̄ܘ̇ ܥܵܒ̣ܕ̇ܝܼܢ ܗ̄ܘ̣ܵܘ. [No book]
[33]ܘܡ̣ܢ ܫܲܒ̣ܛܵܐ ܕܒܹܝܬ̣ ܙܒ̣ܘܿܠܘܿܢ: ܢܦܲܩܘ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܥܵܒ̣̈ܕܲܝ ܩܪܵܒ̣ܵܐ ܒܟ݂ܠܹܗ ܠܸܒ̇ܗܘܿܢ: ܘܲܒ̣ܡܵܐ̈ܢܲܝ ܙܲܝܢܗܘܿܢ: ܚܲܡܫܝܼܢ ܐܲܠܦ̈ܝܼܢ: ܠܡܸܥܒܲܕ݂ ܩܪܵܒ̣ܵܐ ܥܲܡ ܐܲܝܠܹܝܢ ܕܲܦܠܝܼܓ̣ܝܼܢ ܗ̄ܘ̣ܵܘ ܥܲܠ ܡܲܠܟ̇ܘܿܬܹܗ ܕܕ݂ܵܘܝܼܕ݂. [No book]
[34]ܘܡ̣ܢ ܒܢܲܝ̈ ܢܲܦ̮ܬܵܠܝܼ: ܪܵܘ̱ܪ̈ܒ̣ܵܢܹܐ ܐܵܠܹܦ. ܘܐܝܼܬ̣ ܗ̄ܘ̣ܵܘ ܥܲܡܗܘܿܢ ܓܲܒ̣ܪܹ̈ܐ ܐܲܚܝܼܕܲܝ ܣܲܟ̇ܪܹ̈ܐ ܘܪ̈ܘܼܡܚܹܐ: ܬܠܵܬ̣ܝܼܢ ܘܫܲܒ̣ܥܵܐ ܐܲܠܦ̈ܝܼܢ. [No book]
[35]ܘܡ̣ܢ ܕܒܹܝܬ̣ ܕܵܢ: ܢܦܲܩܘ ܓܲܒ̣ܪܹ̈ܐ ܥܵܒ̣ܕܲܝ ܩܪܵܒ̣ܵܐ: ܥܸܣܪܝܼܢ ܘܲܬ̣ܡܵܢܝܵܐ ܐܲܠܦ̈ܝܼܢ ܘܫܸܬ̣ܡܵܐܐ. [No book]
[36]ܘܡ̣ܢ ܕܒܹܝܬ̣ ܐܵܫܹܝܪ: ܢܦܲܩܘ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ ܠܡܸܥܒܲܕ݂ ܩܪܵܒ̣ܵܐ: ܐܲܪܒ̇ܥܝܼܢ ܐܲܠܦ̈ܝܼܢ. [No book]
[37]ܘܡ̣ܢ ܥܸܒ̣ܪܵܐ ܕܝܘܿܪܕܢܵܢ: ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܘܡ̣ܢ ܓܵܕ݂:ܘܡ̣ܢ ܦܵܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܟܲܕ݂ ܡܙܲܝܢܝܼܢ ܒܡܵܐܢܲܝ̈ ܩܪܵܒ̣ܗܘܿܢ: ܡܵܐܐ ܘܥܸܣܪܝܼܢ ܐܲܠܦ̈ܝܼܢ. [No book]
[38]ܟܠܗܘܿܢ ܗܵܠܹܝܢ ܢܚܸܬ̣ܘ ܠܲܩܪܵܒ̣ܵܐ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܒܠܸܒܵܐ ܫܲܪܝܼܪܵܐ. ܘܐܸܬ̣ܵܘ ܠܚܸܒ̣ܪܘܿܢ ܠܲܡܩܵܡܘܼ ܠܕ݂ܵܘܝܼܕ݂ ܒܡܲܠܟ̇ܘܼܬ̣ܵܐ: ܥܲܠ ܟܠܹܗ ܝܼܣܪܵܝܹܠ. ܘܐܵܦ ܟܠܗܘܿܢ ܪܵܘ̱ܪ̈ܒ̣ܵܢܹܐ ܕܝܼܣܪܵܝܹܠ: ܐܸܬ̣ܵܘ ܒܠܸܒܵܐ ܫܲܪܝܼܪܵܐ ܠܲܡܩܵܡܘܼ ܠܕ݂ܵܘܝܼܕ݂ ܡܲܠܟܵܐ ܥܲܠ ܝܼܣܪܵܝܹܠ. [No book]
[39]ܘܲܗܘ̤ܵܘ ܬܲܡܵܢ ܠܘܵܬ̣ ܕܵܘܝܼܕ݂: ܝܵܘ̈ܡܵܬ̣ܵܐ ܬܠܵܬ̣ܵܐ: ܐܵܟ݂ܠܝܼܢ ܗ̄ܘ̣ܵܘ ܘܫܵܬܹܝܢ ܡܸܛܠ ܕܝܲܗ̄ܒ̣ܘ ܗ̄ܘ̣ܵܘ ܠܗܘܿܢ ܐܲܚܲܝ̈ܗܘܿܢ ܣܲܝܒܵܪܬ̇ܗܘܿܢ. [No book]
[40]ܘܗܵܠܹܝܢ ܫܡܵܗܹ̈ܐ ܕܫܲܒ̣ܛܹ̈ܐ: ܕܡܲܝܬܹ̇ܝܢ ܗ̄ܘ̣ܵܘ ܠܗܘܿܢ: ܕܩܲܪܝܼܒ̣ܝܼܢ ܠܗܘܿܢ: ܫܲܒ̣ܛܵܐ ܕܒܹܝܬ̣ ܐܝܼܣܵܟ݂ܵܪ ܘܕܲܙܒ̣ܘܿܠܘܿܢ: ܘܲܕܒܹܝܬ̣ ܢܲܦ̮ܬܵܠܝܼ: ܡܵܝܬܹ̇ܝܢ ܗ̄ܘ̣ܵܘ ܠܲܚܡܵܐ ܒܚܸܡܪ̈ܵܐ: ܘܒ̣ܓܲܡ̈ܠܹܐ: ܘܲܒ̣ܟ݂ܘܿܕܲܢ̈ܘܵܬ̣ܵܐ: ܘܩܲܡܚܵܐ: ܘܕܸܒ̣̈ܠܹܐ: ܘܩܲܪ̈ܬ̇ܠܵܘܵܬ̣ܵܐ ܕܥܸܢܒܹ̈ܐ: ܘܚܲܡܪܵܐ: ܘܡܸܫܚܵܐ: ܘܥܵـ̈ـܢܵܐ: ܘܬ̣ܵܘܪܹ̈ܐ: ܣܘܿܓ̣ܵܐܐ ܕܛܵܒ̣. ܡܸܛܠ ܕܚܲܕ݂ܘܼܬ̣ܵܐ ܪܲܒ̇ܬ̣ܵܐ ܗܘ̤ܵܬ̣ ܠܝܼܣܪܵܝܹܠ. [No book]
Author: Brooke Foss Westcott (1825–1901), Fenton John Anthony Hort (1828–1892)
Source: www.unboundbible.org

See information...
Top