|
|
| [1]Misit quoque Hiram rex Tyri nuntios ad David, et ligna cedrina, et artifices parietum, lignorumque, ut ædificarent ei domum. |
[No book] |
| [2]Cognovitque David quod confirmasset eum Dominus in regem super Israël, et sublevatum esset regnum suum super populum ejus Israël. |
[No book] |
| [3]Accepit quoque David alias uxores in Jerusalem: genuitque filios et filias. |
[No book] |
| [4]Et hæc nomina eorum, qui nati sunt ei in Jerusalem: Samua, et Sobab, Nathan, et Salomon, |
[No book] |
| [5]Jebahar, et Elisua, et Eliphalet, |
[No book] |
| [6]Noga quoque, et Napheg, et Japhia, |
[No book] |
| [7]Elisama, et Baaliada, et Eliphalet. |
[No book] |
| [8]Audientes autem Philisthiim eo quod unctus esset David regem super universum Israël, ascenderunt omnes ut quærerent eum: quod cum audisset David, egressus est obviam eis. |
[No book] |
| [9]Porro Philisthiim venientes, diffusi sunt in valle Raphaim. |
[No book] |
| [10]Consuluitque David Dominum, dicens: Si ascendam ad Philisthæos, et si trades eos in manu mea? Et dixit ei Dominus: Ascende, et tradam eos in manu tua. |
[No book] |
| [11]Cumque illi ascendissent in Baalpharasim, percussit eos ibi David, et dixit: Divisit Deus inimicos meos per manum meam, sicut dividuntur aquæ: et idcirco vocatum est nomen illius loci Baalpharasim. |
[No book] |
| [12]Dereliqueruntque ibi deos suos, quos David jussit exuri. |
[No book] |
| [13]Alia etiam vice Philisthiim irruerunt, et diffusi sunt in valle. |
[No book] |
| [14]Consuluitque rursum David Deum, et dixit ei Deus: Non ascendas post eos: recede ab eis, et venies contra illos ex adverso pyrorum. |
[No book] |
| [15]Cumque audieris sonitum gradientis in cacumine pyrorum, tunc egredieris ad bellum: egressus est enim Deus ante te, ut percutiat castra Philisthiim. |
[No book] |
| [16]Fecit ergo David sicut præceperat ei Deus, et percussit castra Philisthinorum, de Gabaon usque Gazera. |
[No book] |
| [17]Divulgatumque est nomen David in universis regionibus, et Dominus dedit pavorem ejus super omnes gentes. |
[No book] |