Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | 1Ch 15 | Lao.en, PesOT
➖ »
«
➖ ➕
Epistle to the Laodiceans (English)
Lao[EN]
Peshitta OT
PesOT
←
1 Chronicles
1Ch
15
→
[No book] [1]ܘܲܒ̣ܢܵܐ ܗ̄ܘ̣ܵܐ ܠܹܗ ܐܵܦܲܕܢܹ̈ܐ ܒܩܘܼܪ̈ܝܵܐ ܕܕ݂ܵܘܝܼܕ݂. ܘܲܒ̣ܢܵܐ ܗ̄ܘ̣ܵܐ ܕܘܼܟ̇ܬ̣ܵܐ ܠܩܹܒ̣ܘܿܬ̣ܵܐ ܕܡܵܪܝܵܐ ܘܲܠܡܵܐܲܢ̈ܝ ܡܲܫܟ̇ܢܵܐ.
[No book] [2]ܗܵܝܕܹ̇ܝܢ ܐܸܡܲܪ ܗ̄ܘ̣ܵܐ ܕܵܘܝܼܕ݂ ܠܠܹܘܵܝܹ̈ܐ ܠܡܸܫܩܲܠ ܩܹܒ̣ܘܿܬܹܗ ܕܡܵܪܝܵܐ: ܘܲܠܡܵܐ̈ܢܲܝ ܡܲܫܟ̇ܢܵܐ: ܡܸܛܠ ܕܲܠܗܘܿܢ ܠܠܹܘܵܝܹ̈ܐ ܓܒ̣ܵܐ ܡܵܪܝܵܐ: ܠܲܡܫܲܡܵܫܘܼ ܘܲܠܡܸܫܩܲܠ ܩܸܒ̣ܘܿܬܹܗ ܕܡܵܪܝܵܐ: ܘܠܲܡܫܲܡܵܫܘܼܬ̣ܵܗ̇ ܠܥܵܠܲܡ.
[No book] [3]ܘܟܲܢܸܫ ܕܵܘܝܼܕ݂ ܠܟ݂ܠܹܗ ܝܼܣܪܵܝܹܠ: ܠܐܘܿܪܸܫܠܸܡ: ܠܡܲܣܵܩܘܼܬ̣ܵܗ̇ ܠܩܹܒ̣ܘܿܬܹܗ ܕܡܵܪܝܵܐ ܠܕ݂ܘܼܟ̇ܬ̣ܵܐ ܕܲܒ̣ܢܵܐ ܠܵܗ̇.
[No book] [4]ܘܟܲܢܸܫ ܕܵܘܝܼܕ݂ ܠܲܒ̣ܢܵܘ̈ܗܝ ܕܐܲܗܪܘܿܢ: ܘܲܠܠܹܘܵܝܹ̈ܐ: ܘܐܸܡܲܪ ܠܗܘܿܢ.
[No book] [5]ܘܠܲܒ̣ܢܵܘ̈ܗܝ ܕܩܵܗܵܬ̣: ܠܐܘܿܪܹܝܠ ܩܲܫܝܼܫܵܐ ܘܠܲܐܚܵܘ̈ܗܝ: ܡܵܐܐ ܘܥܸܣܪܝܼܢ.
[No book] [6]ܘܲܒ̣ܢܵܘ̈ܗܝ ܕܲܡܪܵܪܝܼ: ܥܫܵܐܝܹܠ ܩܲܫܝܼܫܵܐ ܘܠܲܐܚܵܘ̈ܗܝ: ܡܲܐܬܹ̇ܝܢ ܘܥܸܣܪܝܼܢ.
[No book] [7]ܠܲܒ̣ܢܵܘ̈ܗܝ ܕܓܸܪܫܘܿܢ: ܝܘܿܐܹܝܠ ܩܲܫܝܼܫܵܐ ܘܐܲܚܵܘ̈ܗܝ: ܡܵܐܐ ܘܲܬ̣ܠܵܬ̣ܝܼܢ.
[No book] [8]ܘܠܲܒ̣ܢܵܘ̈ܗܝ ܕܐܹܠܝܼܨܵܦܵܢ: ܫܡܲܥܝܵܐ ܩܲܫܝܼܫܵܐ ܘܐܲܚܵܘ̈ܗܝ: ܡܲܐܬܹ̇ܝܢ.
[No book] [9]ܠܲܒ̣ܢܵܘ̈ܗܝ ܕܚܸܒ̣ܪܘܿܢ: ܐܹܠܝܲܒ̣ ܩܲܫܝܼܫܵܐ ܘܐܲܚܵܘ̈ܗܝ: ܬܡܵܢܐܝܼܢ.
[No book] [10]ܠܲܒ̣ܢܵܘ̈ܗܝ ܕܥܘܿܙܵܐܹܝܠ: ܥܲܡܝܼܢܵܕ݂ܵܒ̣ ܩܲܫܝܼܫܵܐ ܘܐܲܚܵܘ̈ܗܝ: ܡܵܐܐ: ܘܲܬ̣ܪܸܥܣܲܪ.
[No book] [11]ܘܲܩܪܵܐ ܕܵܘܝܼܕ݂ ܠܨܵܕ݂ܘܿܩ ܟܵܗܢܵܐ: ܘܠܲܐܒ̣ܝܼܬ̣ܵܪ: ܘܲܠܠܹܘܵܝܹ̈ܐ: ܘܲܠܐܘܿܪܹܝܠ: ܘܲܠܥܲܡܣܵܐ: ܘܲܠܝܘܿܐܹܝܠ: ܘܠܲܥܫܵܝܵܐ: ܘܠܲܫܡܲܥܝܵܐ: ܘܲܠܐܘܿܪܹܝܠ: ܘܲܠܥܲܡܝܼܢܵܕ݂ܵܒ̣.
[No book] [12]ܘܐܸܡܲܪ ܠܗܘܿܢ: ܐܲܢ̄ܬ̇ܘܿܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܠܹܘܵܝܹ̈ܐ: ܐܸܬ̣ܩܲܕܲܫܘ ܐܲܢ̄ܬ̇ܘܿܢ ܘܐܲܚܲܝ̈ܟ̇ܘܿܢ. ܘܬܲܣܩܘܼܢ ܠܩܹܒ̣ܘܿܬ̣ܵܐ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܠܕ݂ܘܼܟ̇ܬ̣ܵܐ ܕܒܲܢܝܵܐ ܗ̄ܘ̣ܵܬ̣ ܠܵܗ̇ ܡ̣ܢ ܠܘܼܩܕܲܡ.
[No book] [13]ܕܠܵܐ ܢܸܬ̣ܪܘܿܥ ܡܵܪܝܵܐ ܐܲܠܵܗܲܢ: ܡܸܛܠ ܕܠܵܐ ܬܒܲܥܢܵܝܗܝ ܐܲܝܟ݂ ܕܝܼܢܵܐ.
[No book] [14]ܘܐܸܬ̣ܩܲܕܲܫܘ ܟܵܗ̈ܢܹܐ ܘܠܹܘܵܝܹ̈ܐ: ܠܡܲܣܵܩܘܼ ܠܩܹܒ̣ܘܿܬܹܗ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ.
[No book] [15]ܘܲܫܩܲܠܘ ܠܹܘܵܝܹ̈ܐ ܠܩܹܒ̣ܘܿܬܹܗ ܕܡܵܪܝܵܐ: ܐܲܝܟܲܢܵܐ ܕܦܲܩܸܕ݂ ܡܘܼܫܹܐ ܒܡܸܠܬܹܗ ܕܡܵܪܝܵܐ. ܘܲܫܩܲܠܘ ܗܸܢܘܿܢ ܒܟܲܬ̣ܦܵܬ̣̈ܗܘܿܢ.
[No book] [16]ܘܐܸܡܲܪ ܕܵܘܝܼܕ݂ ܠܩܲܫܝܼ̈ܫܹܐ ܕܠܹܘܵܝܹ̈ܐ: ܠܲܡܩܵܡܘܼ ܠܐܲܚܲܝ̈ܗܘܿܢ ܠܐܲܝܠܹܝܢ ܕܚܲܝܼܢ: ܘܲܡܫܲܒ̇ܚܝܼܢ ܒܡܵܐܢܲܝ̈ ܬܸܫܒ̇ܚܵܬ̣ܵܐ: ܒܢܲܒ̣̈ܠܹܐ ܘܲܒ̣ܟܸܢܵܪܹ̈ܐ: ܘܲܒ̣ܨܸܨ̈ܠܹܐ. ܕܢܸܗܘܘܿܢ ܡܲܫܡ̱ܥܝܼܢ ܠܲܡܪܵܡܘܼ ܩܵܠܲܝܗ̈ܘܿܢ ܒܚܲܕ݂ܘܼܬ̣ܵܐ.
[No book] [17]ܘܐܲܩܝܼܡܘ ܠܹܘܵܝܹ̈ܐ ܠܗܵܡܵܢ ܒܲܪ ܝܘܼܐܹܝܠ: ܘܡ̣ܢ ܐܲܚܵܘ̈ܗܝ: ܠܐܵܣܵܦ ܒܲܪ ܒܪܲܟ݂ܝܵܐ: ܘܡ̣ܢ ܒܢܲܝ̈ ܡܪܵܪܝܼ ܐܲܚܲܝ̈ܗܘܿܢ: ܐܵܬ̣ܵܢ ܒܲܪ ܩܲܫܝܵܗܘܼ.
[No book] [18]ܘܥܲܡܗܘܿܢ ܐܲܚܘܼܗܘܿܢ ܬܸܢܝܵܢܵܐ: ܙܟܲܪܝܵܐ ܒܲܪ ܢܥܵܐܹܝܠ: ܘܝܘܿܚܝܵܐܹܝܠ ܘܐܸܠܝܼܵܐܒ̣: ܘܲܒ̣ܢܵܝܵܐ: ܘܐܵܣܵܐ: ܘܡܲܬ̣ܝܼܬ̣ܵܐ: ܘܐܹܠܝܼܦܲܠܗܘܿ: ܘܡܸܩܝܵܗܘܼ: ܘܥܘܼܒ̣ܵܪ ܐܲܕ݂ܘܿܡ ܘܝܘܿܥܵܐܹܝܠ.
[No book] [19]ܗܵܠܹܝܢ ܟܠܗܘܿܢ ܕܩܵܝܡܝܼܢ ܥܲܠ ܬܲܪ̈ܥܹܐ: ܘܲܡܫܲܒ̇ܚܝܼܢ: ܗܵܡܵܢ: ܘܐܵܣܵܦ: ܘܐܵܬ̣ܵܢ.
[No book] [20]ܗܵܠܹܝܢ ܟܠܗܘܿܢ ܡܫܲܒ̇ܚܝܼܢ ܒܬܸܫܒ̇ܚܵـ̈ـܬ̣ܵܐ ܕܡܵܐܢܲܝ̈ ܢܚܵܫܵܐ: ܠܲܡܫܲܡܵܫܘܼ: ܥܲܙܲܪܝܵܐ: ܥܲܙܝܵܐܹܝܠ: ܘܝܘܿܚܝܼܠ: ܘܝܲܥܢܝܼ: ܘܐܸܠܝܼܵܒ̣: ܘܲܡܥܲܣܝܵܐ: ܘܲܒ̣ܢܵܝܵܐ.
[No book] [21]ܘܕܲܡܫܲܒ̇ܚܝܼܢ ܒܬܸܫܒ̇ـ̈ـܚܵܬ̣ܵܐ: ܡܲܬ̇ܝܼܬ̣ܵܐ: ܘܡܸܩܝܵܗܘܼ: ܘܥܘܼܒ̣ܵܪ ܐܲܕ݂ܘܿܡ: ܘܥܘܿܙܵܐܹܝܠ: ܘܥܘܿܙܲܢܝܵܐ: ܗܵܠܹܝܢ ܡܫܲܒ̇ܚܝܼܢ ܒܟܸܢܵܪܹ̈ܐ ܟܠ ܝܘܿܡ ܒܝܘܿܡ: ܒܫܵܥ̈ܝܼܢ ܬܠܵܬ̣: ܘܲܒ̣ܫܸܬ̣: ܘܒܲܬ̣ܫܲܥ.
[No book] [22]ܘܲܒ̣ܢܲܝܵܐ ܪܲܒܵܐ ܕܠܹܘܵܝܹ̈ܐ ܫܩܲܠ ܟܠ ܝܘܿܡ ܒܡܲܛܘܼܠܵܐ: ܡܸܛܠ ܕܕ݂ܘܼܟ̇ܬ̣ܵܐ ܡܲܬ̣ܩ̄ܢܵܐ ܗ̄ܘܬ̣ ܠܹܗ.
[No book] [23]ܘܲܒ̣ܪܲܟ݂ܝܵܐ. ܘܗܲܠܩܵܢܵܐ: ܣܵܥܪܝܼܢ ܗ̄ܘ̣ܵܘ ܠܩܹܒ̣ܘܿܬ̣ܵܐ ܡܸܕܸ̇ܡ ܕܡܸܬ̣ܒ̇ܥܹܐ ܠܵܗ̇.
[No book] [24]ܘܫܲܒ̣ܢܵܐ: ܘܝܘܿܫܵܦܵܛ: ܘܢܲܬ̣ܢܝܼܐܹܝܠ: ܘܥܲܡܫܝܼ: ܘܲܙܟܲܪܝܵܐ: ܘܲܒ̣ܢܵܝܵܐ: ܘܐܹܠܝܼܥܵܙܲܪ: ܗܵܠܹܝܢ ܟܵܗ̈ܢܹܐ ܕܩܵܪܹܝܢ ܗ̄ܘ̣ܵܘ ܒܩܲܪ̈ܢܵܬ̣ܵܐ ܩܕ݂ܵܡ ܩܹܒ̣ܘܿܬܹܗ ܕܡܵܪܝܵܐ. ܘܥܘܼܒ̣ܵܪ ܐܲܕ݂ܘܿܡ ܘܐܲܚܝܼܵܐ ܣܵܥܪܝܼܢ ܗ̄ܘ̣ܵܘ ܠܩܹܒ̣ܘܿܬ̣ܵܐ.
[No book] [25]ܘܲܗܘ̤ܵܐ ܕܵܘܝܼܕ݂: ܘܩܲܫܝܼ̈ܫܹܐ ܕܝܼܣܪܵܝܹܠ: ܘܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ: ܐܵܙ̇ܠ̄ܝܼܢ ܠܡܲܣܵܩܘܼ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ: ܡ̣ܢ ܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܠܲܩܪܝܼܬܹܗ ܕܕ݂ܵܘܝܼܕ݂ ܒܚܲܕ݂ܘܼܬ̣ܵܐ ܪܲܒ̇ܬ̣ܵܐ.
[No book] [26]ܘܲܗܘ̤ܵܐ ܕܟܲܕ݂ ܥܲܕܲܪ ܡܵܪܝܵܐ ܠܠܹܘܵܝܹ̈ܐ: ܕܲܫܩܝܼܠܝܼܢ ܩܹܒ̣ܘܿܬ̣ܵܐ ܕܐܝܼܬ̣ ܒܵܗ̇ ܕܝܵܬܹܩܹܐ ܕܡܵܪܝܵܐ: ܕܒܲܚܘ ܫܲܒ̣ܥܵܐ ܬܵܘܪ̈ܝܼܢ: ܘܫܲܒ̣ܥܵܐ ܕܸܟ݂ܪ̈ܝܼܢ.
[No book] [27]ܘܕ݂ܵܘܝܼܕ݂ ܠܒ̣ܝܼܫ ܢܲܚ̈ܬܹ̇ܐ ܕܒ̣ܘܼܨܵܐ. ܘܟ݂ܠܗܘܿܢ ܠܹܘܵܝܹ̈ܐ ܕܲܫܩܝܼܠܝܼܢ ܩܹܒ̣ܘܿܬ̣ܵܐ ܠܒ̣ܝܼܫܝܼܢ ܐܵܦ ܗܸܢܘܿܢ ܢܲܚ̈ܬܹ̇ܐ ܕܒ̣ܘܼܨܵܐ. ܘܲܠܥܸܠ ܡ̣ܢ ܢܲܚܬܵܘ̈ܗܝ ܕܕ݂ܵܘܝܼܕ݂ ܕܒ̣ܘܼܨܵܐ: ܠܒ̣ܝܼܫ ܗ̄ܘ̣ܵܐ ܦܸܕ̇ܬ̣ܵܐ ܕܒ̣ܘܼܨܵܐ.
[No book] [28]ܘܕ݂ܵܘܝܼܕ݂ ܘܟ݂ܠܗܘܿܢ ܕܒܹܝܬ̣ ܝܼܣܪܵܝܹܠ: ܡܲܣܩܝܼܢ ܠܩܹܒ̣ܘܿܬ̣ܵܐ ܕܐܝܼܬ̣ ܒܵܗ̇ ܕܝܵܬܹܩܹܐ ܕܡܵܪܝܵܐ ܒܬܸܫ̈ܒ̇ܚܵܬ̣ܵܐ: ܘܲܒ̣ܩܵܠܵܐ ܕܩܲܪ̈ܢܵܬ̣ܵܐ ܦܫܝܼ̈ܛܵܬ̣ܵܐ ܘܲܟ݂ܦܝܼ̈ܦܵܬ̣ܵܐ ܘܡܲܥܫ̄ܢܝܼܢ ܩܵܠܗܘܿܢ ܥܕܲܡܵܐ ܠܲܡܪܵܘܡܵܐ.
[No book] [29]ܘܲܗܘ̤ܵܐ ܕܟܲܕ݂ ܡܲܛܚܲܬ̤ ܩܹܒ̣ܘܿܬ̣ܵܐ ܕܐܝܼܬ̣ ܒܵܗ̇ ܕܝܵܬܹܩܹܐ ܕܡܵܪܝܵܐ: ܘܥܸܠܲܬ̤ ܘܲܡܛܵܬ̤ ܠܲܩܪܝܼܬܹܗ ܕܕ݂ܵܘܝܼܕ݂: ܡܲܠܟܹ̇ܠ ܒܲܪܬ̣ ܫܵܐܘܿܠ ܐܲܕ݂ܝܼܩܲܬ̤ ܡ̣ܢ ܟܵܘܬ̣ܵܐ: ܘܲܚܙܵܬܹܗ ܠܡܲܠܟܵܐ ܕܵܘܝܼܕ݂ ܕܡܸܫܬ̇ܥܹܐ: ܘܐܲܫܛܝܲܬ̤ ܥܠܵܘܗܝ ܒܠܸܒܵܗ̇.
 
Top