|
|
| [1]ויהי אחרי כן וימת נחש מלך בני עמון וימלך בנו תחתיו |
[No book] |
| [2]ויאמר דויד אעשה חסד עם חנון בן נחש כי עשה אביו עמי חסד וישלח דויד מלאכים לנחמו על אביו ויבאו עבדי דויד אל ארץ בני עמון אל חנון־לנחמו |
[No book] |
| [3]ויאמרו שרי בני עמון לחנון המכבד דויד את אביך בעיניך כי שלח לך מנחמים הלא בעבור לחקר ולהפך ולרגל הארץ באו עבדיו אליך |
[No book] |
| [4]ויקח חנון את עבדי דויד ויגלחם ויכרת את מדויהם בחצי עד המפשעה וישלחם |
[No book] |
| [5]וילכו ויגידו לדויד על האנשים וישלח לקראתם כי היו האנשים נכלמים מאד ויאמר המלך שבו בירחו עד אשר יצמח זקנכם ושבתם |
[No book] |
| [6]ויראו בני עמון כי התבאשו עם דויד וישלח חנון ובני עמון אלף ככר כסף לשכר להם מן ארם נהרים ומן ארם מעכה ומצובה רכב ופרשים |
[No book] |
| [7]וישכרו להם שנים ושלשים אלף רכב ואת מלך מעכה ואת עמו ויבאו ויחנו לפני מידבא ובני עמון נאספו מעריהם ויבאו למלחמה |
[No book] |
| [8]וישמע דויד וישלח את יואב ואת כל צבא הגבורים |
[No book] |
| [9]ויצאו בני עמון ויערכו מלחמה פתח העיר והמלכים אשר באו לבדם בשדה |
[No book] |
| [10]וירא יואב כי היתה פני המלחמה אליו־פנים ואחור ויבחר מכל בחור בישראל ויערך לקראת ארם |
[No book] |
| [11]ואת יתר העם נתן ביד אבשי אחיו ויערכו לקראת בני עמון |
[No book] |
| [12]ויאמר אם תחזק ממני ארם־והיית לי לתשועה ואם בני עמון יחזקו ממך והושעתיך |
[No book] |
| [13]חזק ונתחזקה בעד עמנו ובעד ערי אלהינו ויהוה הטוב בעיניו יעשה |
[No book] |
| [14]ויגש יואב והעם אשר עמו לפני ארם־למלחמה וינוסו מפניו |
[No book] |
| [15]ובני עמון ראו כי נס ארם וינוסו גם הם מפני אבשי אחיו ויבאו העירה ויבא יואב ירושלם |
[No book] |
| [16]וירא ארם כי נגפו לפני ישראל וישלחו מלאכים ויוציאו את ארם אשר מעבר הנהר ושופך שר צבא הדדעזר לפניהם |
[No book] |
| [17]ויגד לדויד ויאסף את כל ישראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו |
[No book] |
| [18]וינס ארם מלפני ישראל ויהרג דויד מארם שבעת אלפים רכב וארבעים אלף איש רגלי ואת שופך שר הצבא המית |
[No book] |
| [19]ויראו עבדי הדדעזר כי נגפו לפני ישראל וישלימו עם דויד ויעבדהו ולא אבה ארם להושיע את בני עמון עוד |
[No book] |