➖ »
«
➖ ➕
SBL Greek NT (2010)
SBL
Peshitta OT
PesOT
←
1 Chronicles
1Ch
20
→
[No book] [1]ܘܲܗܘ̤ܵܐ ܠܫܲܢ̄ܬܵܐ ܐ̄ܚܪܹܬܵܐ ܠܙܲܒ̣ܢܵܐ ܕܡܲܦܩܵܢܵܐ ܕܡܲܠ̈ܟܹ̇ܐ: ܘܟܲܢܸܫ ܝܘܿܐܵܒ̣ ܚܲܝ̈ܠܵܘܵܬ̣ܵܐ ܘܐܸܬ̣ܵܐ ܘܲܫ̣ܪܵܐ ܥܲܠ ܐܲܪܥܵܐ ܕܲܒ̣ܢܲܝ̈ ܥܲܡܘܿܢ: ܘܐܸܚܲܕ݂ ܒܵܗ̇. ܘܲܫܪܵܐ ܥܲܠ ܪܲܒ̇ܬ̣ ܡܕ݂ܝܼܢ̄ܬ̇ܗܘܿܢ ܪܲܒ̇ܬ̣ܵܐ. ܘܕ݂ܵܘܝܼܕ݂ ܝܵܬܹ̇ܒ̣ ܗ̄ܘ̣ܵܐ ܒܐܘܿܪܸܫܠܸܡ. ܘܐܸܚܲܕ݂ ܝܘܿܐܵܒ̣ ܠܪܲܒܲܬ̣ ܡܕ݂ܝܼܢ̄ܬ̇ܗܘܿܢ. ܘܥܲܩܪܵܗ̇.
[No book] [2]ܘܲܢܣܲܒ̣ ܕܵܘܝܼܕ݂ ܬܵܓ̣ܵܐ ܕܡܲܠܟ̇ܗܘܿܢ ܡ̣ܢ ܪܹܫܹܗ. ܘܬܲܩܠܹܗ: ܘܐܸܫܟܲܚ ܒܹܗ ܡܲܬ̣ܩܵܠܵܐ ܕܟܲܟ̇ܪܵܐ ܕܕܲܗܒ̣ܵܐ. ܘܐܝܼܬ̣ ܗ̄ܘ̣ܵܘ ܒܹܗ ܛܲܒ̣ܥܹ̈ܐ ܛܵܒܹ̈ܐ. ܘܣܵܡܹܗ ܕܵܘܝܼܕ݂ ܒܪܹܫܹܗ. ܘܲܫܒ̣ܝܼܬ̣ܵܐ ܕܲܡܕ݂ܝܼܢ̄ܬܵܐ ܐܲܦܸܩ̣ ܣܘܿܓ̣ܵܐܐ ܕܛܵܒ̣.
[No book] [3]ܘܥܲܡܵܐ ܕܐܝܼܬ̣ ܗ̄ܘ̣ܵܐ ܒܵܗ̇ ܐܲܦܸܩ̣ ܐܸܢܘܿܢ: ܘܐܸܣܲܪ ܒܫܸܫ̈ܠܵܬ̣ܵܐ ܘܲܒ̣ܩܘܼܠܵܪܹ̈ܐ ܕܦܲܪܙܠܵܐ: ܘܲܒ̣ܩ̈ܘܼܦܠܹܐ ܘܲܒ̣ܡܲܨ̈ܡܵܬ̣ܵܐ. ܘܐܸܣܲܪ ܐܸܢܘܿܢ ܠܟ݂ܠܗܘܿܢ: ܘܗܵܟܲܢܵܐ ܥܒܲܕ݂ ܠܟ݂ܠܗܘܿܢ ܒܢܲܝ̈ܢܵܫܵܐ: ܕܐܸܫܬ̇ܟܲܚܘ ܒܩܘܼܪ̈ܝܵܐ ܕܲܒ̣ܢܲܝ̈ ܥܲܡܘܿܢ. ܘܠܵܐ ܩܛܲܠ̣ ܐ̄ܢܵܫ ܡܸܢܗܘܿܢ. ܘܐܸܙܲܠ ܘܐܵܘܬܸ̇ܒ̣ ܐܸܢܘܿܢ ܒܩܘܼܪ̈ܝܵܐ ܕܐܲܪܥܵܐ ܕܝܼܣܪܵܝܹܠ ܘܲܗܦܲܟ݂ ܕܵܘܝܼܕ݂ ܘܟ݂ܠ ܕܥܲܡܹܗ ܠܐܘܿܪܸܫܠܸܡ.
[No book] [4]ܘܡ̣ܢ ܒܵܬܲܪ ܗܵܠܹܝܢ ܬܘܼܒ̣: ܗܘ̤ܵܐ ܩܪܵܒ̣ܵܐ ܒܥܲܐܙܵܐ ܥܲܡ ܦܠܸܫܬܵܝܹ̈ܐ. ܘܗܵܝܕܹ̇ܝܢ ܩܛܲܠ ܣܲܒ̣ܟ̇ܝܼ ܕܡ̣ܢ ܚܲܡܫܲܬ̣ ܠܣܘܿܦܝܼ ܕܡ̣ܢ ܒܢܲܝ̈ ܓܲܢ̄ܒܵܪܹ̈ܐ.
[No book] [5]ܘܲܗܘ̤ܵܐ ܬܘܼܒ̣ ܩܪܵܒ̣ܵܐ ܥܲܡ ܦܠܸܫܬܵܝܹ̈ܐ. ܘܲܩܛܲܠ ܐܸܠܚܲܢܵܢ ܒܲܪ ܝܵܥܝܼܪ ܠܠܲܚܡܝܼ ܕܡ̣ܢ ܒ̈ܢܲܝܵܐ ܕܓܲܕ݂ܦܵܐ ܡܚܲܣܕ݂ܵܢܝܼܬ̣ܵܐ: ܕܲܗܘ̤ܵܐ ܐܲܚܘܼܗܝ ܕܓ̣ܘܼܠܝܲܕ݂ ܓܲܢ̄ܒܵܪܵܐ ܕܡ̣ܢ ܓܵܬ̣. ܘܲܫܢܵܢܵܐ ܕܢܲܝܙܟܹܗ ܥܒܸܐ ܗ̄ܘ̣ܵܐ ܐܲܝܟ݂ ܢܵܘܠܵܐ ܕܓܲܪ̈ܕ̇ܝܵܝܹܐ.
[No book] [6]ܘܲܗܘ̤ܵܐ ܬܘܼܒ̣ ܩܪܵܒ̣ܵܐ ܒܓ̣ܵܬ̣. ܘܲܗܘ̤ܵܐ ܬܲܡܵܢ ܓܲܢ̄ܒܵܪܵܐ ܓܲܒ̣ܪܵܐ ܚܲܕ݂ ܕܲܡܫܘܼܚܬ̣ܵܐ. ܘܨܸܒ̣̈ܥܵܬ̣ܵܐ ܕܐܝܼܕ݂ܵܘ̈ܗܝ ܘܲܕ݂ܪܸ̈ܓ̣ܠܵܘܗܝ: ܗ̤ܘܲܝ̈ ܫܸܬ̣ ܫܸܬ̣: ܥܸܣܪܝܼܢ ܘܐܲܪܒܲܥ ܒܡܸܢܝܵܢܵܐ ܘܐܵܦ ܗ̤ܘ ܐܸܬ̣̱ܝܼܠܸܕ݂ ܠܲܡܚܲܣܕ݂ܵܢܝܼܬ̣ܵܐ.
[No book] [7]ܘܲܡܚܲܣܸܕ݂ ܗ̄ܘ̣ܵܐ ܠܝܼܣܪܵܝܹܠ: ܘܩܲܛܠܹܗ ܝܘܿܢܵܬ̣ܵܢ ܒܲܪ ܫܲܡܵܐ ܐܲܚܘܼܗܝ ܕܕ݂ܵܘܝܼܕ݂.
[No book] [8]ܐܲܪܒ̇ܥܵܐ ܗܵܠܹܝܢ ܐܸܬ̣̱ܝܼܠܸܕ݂ ܠܲܡܚܲܣܕ݂ܵܢܝܼܬ̣ܵܐ: ܒܓܵܬ̣. ܘܐܸܬ̇ܬ̇ܒܲܪܘ ܒܐܝܼܕ݂ܵܐ ܕܕ݂ܵܘܝܼܕ݂ ܘܒ̣ܐܝܼܕ݂ܵܐ ܕܥܲܒ̣ܕܵܘ̈ܗܝ.
Author: Michael W. Holmes (2010)
Source: www.sblgnt.com

See information...
Top