|
|
| [No book] |
[1]ܘܩܵܡ̣ ܣܵܛܵܢܵܐ ܠܝܼܣܪܵܝܹܠ. ܘܣܲܪܗܸܒ̣ ܠܕ݂ܵܘܝܼܕ݂ ܠܡܸܡܢܵܐ ܠܝܼܣܪܵܝܹܠ. |
| [No book] |
[2]ܘܐܸܡܲܪ ܕܵܘܝܼܕ݂ ܠܝܘܿܐܵܒ̣ ܒܲܪ ܨܘܿܪܝܼܵܐ ܘܲܠܪܵܘ̱ܪ̈ܒ̣ܵܢܵܘܗܝ ܕܥܲܡܵܐ: ܙܸܠܘ ܘܲܡܢܵܘ ܠܥܲܡܵܐ ܕܝܼܣܪܵܝܹܠ: ܡ̣ܢ ܒܹܪܫܒܲܥ ܘܲܥܕܲܡܵܐ ܠܕ݂ܵܢ. ܘܬ̣ܵܘ ܠܘܵܬ̣ܝ. ܘܐܸܕܲܥ ܡܸܢܝܵܢܹܗ ܕܥܲܡܵܐ. |
| [No book] |
[3]ܘܐܸܡܲܪ ܝܘܿܐܵܒ̣ ܠܕ݂ܵܘܝܼܕ݂ ܡܲܠܟܵܐ: ܢܵܘܣܸܦ ܡܵܪܝܵܐ ܐܲܠܵܗܵܟ݂ ܥܲܠ ܥܲܡܹܗ: ܐܲܟ݂ܘܵܬ̣ܗܘܿܢ ܘܐܲܟ݂ܘܵܬ̣ܗܘܿܢ ܡܵܐܐ ܙܲܒ̣ܢ̈ܝܼܢ ܘܥܲܝܢܵܘ̈ܗܝ ܕܡܵܪܝ ܡܲܠܟܵܐ ܢܸܚܙ̈ܝܵܢ. ܡܸܛܠ ܕܟ݂ܠܗܘܿܢ ܥܲܒ̣ܕܵܘ̈ܗܝ ܐܸܢܘܿܢ. ܘܡܵܪܲܢ ܡܲܠܟܵܐ ܠܡܵܢܵܐ ܗ̄ܘ̣ ܐܸܨܛܒ̣ܝܼ ܒܵܗ̇ ܒܡܸܠܬ̣ܵܐ ܗܵܕܹܐ. |
| [No book] |
[4]ܘܡܸܠܬܹܗ ܕܡܲܠܟܵܐ ܥܸܫܢܲܬ̤ ܥܲܠ ܝܘܿܐܵܒ̣. ܘܲܢܦܲܩ ܝܘܿܐܵܒ̣ ܘܗܲܠܸܟ݂ ܒܟ݂ܠܹܗ ܝܼܣܪܵܝܹܠ. ܘܲܗܦܲܟ݂ ܘܐܸܬ̣ܵܐ ܠܐܘܿܪܸܫܠܸܡ. |
| [No book] |
[5]ܘܝܲܗ̄ܒ̣ ܝܘܿܐܵܒ̣ ܡܸܢܝܵܢܵܐ ܘܚܘܼܫܒܵܢܵܐ ܕܥܲܡܵܐ ܠܕ݂ܵܘܝܼܕ݂. ܘܲܗܘ̤ܵܐ ܚܘܼܫܒܵܢܵܐ ܕܲܒ̣ܢܲܝ̈ ܝܼܣܪܵܝܹܠ ܐܵܠܹܦ ܐܲܠܦ̈ܝܼܢ ܘܡܵܐܐ ܐܲܠܦ̈ܝܼܢ ܪܸ̈ܓ̣ܠܵܝܹܐ ܫܵܡܛܲܝ̈ ܣܲܝܦܵܐ ܘܫܲܒ̣ܛܵܐ ܕܒܹܝܬ̣ ܝܼܗܘܼܕ݂ܵܐ ܗܘ̤ܵܘ ܒܡܸܢܝܵܢܵܐ ܐܲܪܒ̇ܥܡܵܐܐ ܘܫܲܒ̣ܥܝܼܢ ܐܲܠܦ̈ܝܼܢ ܓܲܒ̣ܪܹ̈ܐ ܫܵܠܦܲܝ̈ ܣܲܝܦܵܐ. |
| [No book] |
[6]ܘܠܹܘܵܝܹ̈ܐ ܘܟ݂ܵܗܢܹ̈ܐ: ܘܫܲܒ̣ܛܵܐ ܕܒܹܝܬ̣ ܒܸܢܝܵܡܹܝܢ ܠܵܐ ܐܸܬ̣̱ܡܢܝܼ ܥܲܡܗܘܿܢ: ܡܸܛܠ ܕܐܲܣܠܝܼ ܝܘܿܐܵܒ̣ ܡܸܠܬܹܗ ܕܡܲܠܟܵܐ. ܘܠܵܐ ܨܒ̣ܵܐ ܝܘܿܐܵܒ̣ ܠܡܸܡܢܵܐ ܐܸܢܘܿܢ. |
| [No book] |
[7]ܘܐܸܬ̣ܒ̇ܐܸܫ ܦܸܬ̣ܓ̣ܵܡܵܐ ܒܥܲܝܢܲܝ̈ ܡܵܪܝܵܐ: ܥܲܠ ܕܲܡܢܵܐ ܕܵܘܝܼܕ݂ ܠܝܼܣܪܵܝܹܠ. |
| [No book] |
[8]ܘܐܸܡܲܪ ܕܵܘܝܼܕ݂ ܠܡܵܪܝܵܐ: ܚܛܹ̇ܝܬ̣ ܛܵܒ̣ ܒܡܸܕܸ̇ܡ ܕܥܸܒ̣ܕܹܬ̣ ܒܦܸܬ̣ܓ̣ܵܡܵܐ ܗܵܢܵܐ. ܘܐܵܦ ܗܵܫܵܐ ܐܲܥܒܲܪ ܚܵܘܒܵܘ̈ܗܝ ܕܥܲܒ̣ܕܵܟ݂: ܡܸܛܠ ܕܐܲܣܟ̇ܠܹܬ̣ ܛܵܒ̣. |
| [No book] |
[9]ܘܩܲܕܸ̇ܡ ܕܵܘܝܼܕ݂ ܒܨܲܦܪܵܐ ܘܡܸܠܬܹܗ ܕܡܵܪܝܵܐ ܗܘ̤ܵܬ̣ ܥܲܠ ܓܵܕ݂ ܢܒ̣ܝܼܵܐ: ܘܐܸܡܲܪ ܠܹܗ. |
| [No book] |
[10]ܙܸܠ ܘܐܸܡܲܪ ܠܕ݂ܵܘܝܼܕ݂: ܗܵܟܲܢܵܐ ܐܵܡܲܪ ܡܵܪܝܵܐ: ܬܠܵܬ̣ ܒܝܼ̈ܫܵܢ ܡܲܝܬܹ̇ܐ ܐ̄ܢܵܐ ܥܠܲܝܟ ܓܒ̣ܝܼ ܠܵܟ݂ ܚܕ݂ܵܐ ܡܸܢܗܹܝܢ: ܘܐܸܥܒܸ̇ܕ݂ ܠܵܟ݂. |
| [No book] |
[11]ܘܐܸܬ̣ܵܐ ܓܵܕ݂ ܢܒ̣ܝܼܵܐ ܠܘܵܬ̣ ܕܵܘܝܼܕ݂: ܘܐܸܡܲܪ ܠܹܗ:ܗܵܟܲܢܵܐ ܐܵܡܲܪ ܡܵܪܝܵܐ: ܩܲܒܸ̇ܠ ܠܵܟ݂. |
| [No book] |
[12]ܐܵܘ ܬܠܵܬ̣ ܫܢ̈ܝܼܢ ܟܲܦܢܵܐ ܒܐܲܪܥܵܐ. ܐܵܘ ܬܠܵܬ̣ܵܐ ܝܲܪ̈ܚܝܼܢ ܬܸܬ̣̱ܡܣܲܪ ܩܕ݂ܵܡ ܒܥܸܠܕ̇ܒ̣ܵܒ̣ܵܟ݂: ܘܗ̤ܘ ܢܸܗܘܹܐ ܪܵܕܹܦ ܠܵܟ݂: ܘܗ̤ܘ ܢܸܗܘܹܐ ܫܲܠܝܼܛ ܒܵܟ݂ ܐܵܘ ܬܠܵܬ̣ܵܐ ܝܵܘ̈ܡܝܼܢ ܚܲܪܒܹ̇ܗ ܕܡܵܪܝܵܐ ܒܝܼܣܪܵܝܹܠ. ܘܐܵܦ ܗܵܫܵܐ ܕܲܥ ܘܲܚܙܝܼ ܡܵܢܵܐ ܝܵܗܹ̇ܒ̣ ܐܲܢ̄ܬ̇ ܦܸܬ̣ܓ̣ܵܡܵܐ ܠܘܵܬ̣ ܡܲܢ ܕܫܲܕ̇ܪܲܢܝ ܠܘܵܬ̣ܵܟ݂. |
| [No book] |
[13]ܘܐܸܡܲܪ ܕܵܘܝܼܕ݂ ܠܓܵܕ݂: ܥܵܩܲܬ̤ ܠܝܼ ܛܵܒ̣. ܢܸܫܬ̇ܠܸܡ ܒܐܝܼܕ݂ܵܘ̈ܗܝ ܕܡܵܪܝܵܐ ܕܣܲܓ̇ܝܼܐܝܼܢ ܪ̈ܲܚܡܵܘܗܝ ܛܵܒ̣:ܘܒ̣ܐܝܼܕ݂ܵܐ ܕܲܒ̣ܢܲܝ̈ܢܵܫܵܐ ܠܵܐ ܢܸܫܬ̇ܠܸܡ. |
| [No book] |
[14]ܘܝܲܗ̄ܒ̣ ܡܵܪܝܵܐ ܡܵܘܬܵܢܵܐ ܒܝܼܣܪܵܝܹܠ. ܘܲܢܦܲܠܘ ܡ̣ܢ ܝܼܣܪܵܝܹܠ ܫܲܒ̣ܥܝܼܢ ܐܲܠܦ̈ܝܼܢ ܓܲܒ̣ܪܹ̈ܐ. |
| [No book] |
[15]ܘܫܲܕܲܪ ܡܵܪܝܵܐ ܡܲܠܲܐܟ݂ܵܐ ܠܐܘܿܪܸܫܠܸܡ ܠܸܡܚܲܒܵܠܘܼܬ̣ܵܗ̇. ܘܟܲܕ݂ ܡܚܲܒܸ̇ܠ ܠܵܗ̇: ܚ̣ܙܵܝܗܝ ܡܵܪܝܵܐ: ܘܐܸܬ̣ܒܲܝܲܐ ܡ̣ܢ ܒܝܼܫܬܵܐ. ܘܐܸܡܲܪ ܠܡܲܠܲܐܟ݂ܵܐ ܕܲܡܚܲܒܸ̇ܠ: ܣܲܓ̇ܝܼ ܚܲܒܸ̇ܠܬ̇ ܡܸܟܹ̇ܝܠ ܩܦܘܿܣ ܐܝܼܕ݂ܵܟ݂ ܘܡܲܠܲܐܟܹܗ ܕܡܵܪܝܵܐ: ܫܪܸܐ ܗ̄ܘ̣ܵܐ ܠܘܵܬ̣ ܐܸܕ̇ܪܹܗ ܕܐܵܪܵܢ ܝܵܒ̣ܘܿܣܵܝܵܐ. |
| [No book] |
[16]ܘܐܲܪܝܼܡ ܕܵܘܝܼܕ݂ ܥܲܝܢܵܘ̈ܗܝ: ܘܲܚܙ̣ܵܐ ܡܲܠܲܐܟܹܗ ܕܡܵܪܝܵܐ ܩܵܐܹ̇ܡ ܒܹܝܬ̣ ܫܡܲܝܵܐ ܠܐܲܪܥܵܐ. ܘܣܲܝܦܹܗ ܫܡܝܼܛ ܒܐܝܼܕܹܗ: ܘܩܵܐܹ̇ܡ ܠܥܸܠ ܡ̣ܢ ܐܘܿܪܸܫܠܸܡ ܘܲܢܦܲܠ ܕܵܘܝܼܕ݂: ܘܩܲܫܝܼܫܹ̈ܐ ܕܐܝܼܬ̣ ܗ̄ܘ̣ܵܘ ܥܲܡܹܗ: ܡܟܲܣܹܝܢ ܗ̄ܘ̣ܵܘ ܣܲܩܹ̈ܐ: ܘܲܢܦܲܠܘ ܥܲܠ ܐܲܦܲܝ̈ܗܘܿܢ. |
| [No book] |
[17]ܘܐܸܡܲܪ ܕܵܘܝܼܕ݂ ܠܡܵܪܝܵܐ: ܘܐܸܢܵܐ ܗ̄ܘ̣ ܚܛܹ̇ܝܬ̣: ܘܛܵܒ̣ ܪܲܒܵܐ ܗ̄ܝ̣ ܣܲܟ݂ܠܘܼܬ̣ܵܐ ܕܐܲܣܟ̇ܠܹܬ̣. ܗܵܠܹܝܢ ܕܹܝܢ ܥܵـ̈ـܢܵܐ ܬܲܡܝܼ̈ܡܵܬ̣ܵܐ ܡܵܢܵܐ ܥܒܲܕ݂. ܡܵܪܝܵܐ ܐܲܠܵܗܝ: ܬܸܗܘܹܐ ܐܝܼܕ݂ܵܟ݂ ܒܝܼ ܘܲܒ̣ܒܹܝܬ̣ ܐܵܒ̣ܝ ܡ̣ܢ ܥܲܡܵܐ ܢܸܬ̣ܟ̇ܠܹܐ ܡܵܘܬܵܢܵܐ. |
| [No book] |
[18]ܘܡܲܠܲܐܟܹܗ ܕܡܵܪܝܵܐ ܐܸܡܲܪ ܠܓܵܕ݂: ܣܲܩ ܐܸܡܲܪ ܠܕ݂ܵܘܝܼܕ݂: ܣܵܠܹ̇ܩ ܒܵܢܹ̇ܐ ܡܲܕ݂ܒ̇ܚܵܐ ܠܡܵܪܝܵܐ: ܒܐܸܕ̇ܪܹܗ ܕܐܵܪܵܢ ܝܵܒ̣ܘܿܣܵܝܵܐ. |
| [No book] |
[19]ܘܲܣܠܸܩ ܕܵܘܝܼܕ݂ ܐܲܝܟ݂ ܦܸܬ̣ܓ̣ܵܡܹܗ ܕܓܵܕ݂ ܕܐܸܡܲܪ ܒܲܫܡܹܗ ܕܡܵܪܝܵܐ. |
| [No book] |
[20]ܘܲܚܙ̣ܵܐ ܕܵܘܝܼܕ݂ ܠܡܲܠܲܐܟ݂ܵܐ ܕܲܡܚܲܒܸ̇ܠ ܒܥܲܡܵܐ: ܕܲܩܦܲܣ ܐܝܼܕܹܗ: ܘܠܵܐ ܚܲܒܸ̇ܠ̣ ܬܘܼܒ̣. |
| [No book] |
[21]ܘܐܸܬ̣ܵܐ ܕܵܘܝܼܕ݂ ܠܘܵܬ̣ ܐܵܪܵܢ: ܘܐܸܬ̣ܦܢܝܼ ܐܵܪܵܢ ܘܲܚܙ̣ܵܐ ܠܕ݂ܵܘܝܼܕ݂ ܘܲܣܓܸܕ݂ ܠܕ݂ܵܘܝܼܕ݂ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܘܲܢܦܲܩ ܐܵܪܵܢ ܡ̣ܢ ܐܸܕ̇ܪܹܗ. |
| [No book] |
[22]ܘܐܸܡܲܪ ܕܵܘܝܼܕ݂ ܠܐܵܪܵܢ: ܗܲܒ̣ܠܝܼ ܕܘܼܟ̇ܬ̣ܵܐ ܕܐܸܕ̇ܪܵܐ ܗܵܢܵܐ: ܘܐܸܒ̣ܢܸܐ ܒܹܗ ܡܲܕ݂ܒ̇ܚܵܐ ܠܡܵܪܝܵܐ. ܒܟܸܣܦܵܐ ܘܒܲܕ݂ܡܲـ̈ـܝܵܐ ܛܵܒܹ̈ܐ: ܗܲܒܲܝܗܝ ܠܝܼ:ܘܢܸܬ̣ܟ̇ܠܹܐ ܡܵܘܬܵܢܵܐ ܡ̣ܢ ܥܲܡܵܐ. |
| [No book] |
[23]ܘܐܸܡܲܪ ܐܵܪܵܢ ܠܕ݂ܵܘܝܼܕ݂: ܣܲܒ̣ ܠܵܟ݂ ܡܵܪܝ ܡܲܠܟܵܐ. ܘܢܸܥܒܸ̇ܕ݂ ܡܵܪܝ ܡܲܠܟܵܐ ܡܸܕܸ̇ܡ ܕܫܲܦܝܼܪ ܒܥܲܝܢܵܘ̈ܗܝ ܐܸܢܵܐ ܝܵܗܹ̇ܒ̣ ܐ̄ܢܵܐ ܬܵܘܪܹ̈ܐ ܠܲܥܠܵܬ̣ܵܐ: ܘܓܲܪܓ̇ܪܵܐ ܠܩܲܝܣܹ̈ܐ: ܘܚܸܛܹ̈ܐ ܠܩܘܼܪܒܵܢܵܐ ܘܟ݂ܠ ܡܸܕܸ̇ܡ ܕܡܸܬ̣ܒ̇ܥܹܐ: ܐܸܢܵܐ ܝܵܗܹ̇ܒ̣ ܐ̄ܢܵܐ. |
| [No book] |
[24]ܘܐܸܡܲܪ ܡܲܠܟܵܐ ܕܵܘܝܼܕ݂ ܠܐܵܪܵܢ: ܚܵܣ ܠܝܼ. ܡܸܙܒܲܢ ܙܵܒܹ̇ܢ ܐ̄ܢܵܐ ܡܸܢܵܟ݂ ܒܟܸܣܦܵܐ ܘܒܲܕ݂ܡܲـ̈ـܝܵܐ: ܐܲܝܟ݂ ܕܫܵܘܹ̇ܐ ܡܸܛܠ ܕܠܵܐ ܢܵܣܹܒ̣ ܐ̄ܢܵܐ ܕܝܼܠܵܟ݂: ܘܡܲܣܸܩ ܐ̄ܢܵܐ ܠܡܵܪܝܵܐ ܥܠܵܬ̣ܐ ܕܡܲܓܵܢ. |
| [No book] |
[25]ܘܲܙܒܲܢ ܕܵܘܝܼܕ݂ ܡ̣ܢ ܐܵܪܵܢ: ܕܘܼܟ̇ܬ̣ܵܐ ܗܵܝ̇ ܕܐܸܕ̇ܪܵܐ ܒܚܲܡܫܝܼܢ ܐܸܣܬܹ̇ܪ̈ܝܼܢ. |
| [No book] |
[26]ܘܲܒ̣ܢܵܐ ܕܵܘܝܼܕ݂ ܬܲܡܵܢ ܡܲܕ݂ܒ̇ܚܵܐ ܠܡܵܪܝܵܐ ܘܩܲܪܸܒ̣ ܥܠܵـ̈ـܘܵܬ̣ܵܐ ܘܫܲܠܡܹ̈ܐ: ܐܸܡܪܹ̈ܐ. ܘܨܲܠܝܼ ܩܕ݂ܵܡ ܡܵܪܝܵܐ: ܘܲܥܢܵܝܗܝ ܘܢܸܚܬܲܬ̤ ܢܘܼܪܵܐ ܡ̣ܢ ܫܡܲܝܵܐ: ܘܐܸܟ݂ܠܲܬ̤ ܥܠܵـ̈ـܘܵܬ̣ܵܐ ܕܐܝܼܬ̣ ܗ̄ܘܲܝ̈ ܥܲܠ ܡܲܕ݂ܒ̇ܚܵܐ. |
| [No book] |
[27]ܘܐܸܡܲܪ ܡܵܪܝܵܐ ܠܡܲܠܲܐܟ݂ܵܐ: ܟܲܕ݂ ܚ̣ܙܵܐ: ܐܲܗܦܸܟ݂ ܣܲܝܦܵܟ݂ ܠܚܸܠܬܹܗ. |
| [No book] |
[28]ܒܙܲܒ̣ܢܵܐ ܗܵܘ̇ ܟܲܕ݂ ܚܙܵܐ ܕܵܘܝܼܕ݂ ܕܲܥܢܵܝܗܝ ܡܵܪܝܵܐ ܒܐܸܕ̇ܪܹܗ ܕܐܵܪܵܢ ܝܵܒ̣ܘܿܣܵܝܵܐ. ܘܕܲܒܲܚ ܬܲܡܵܢ ܕܸܒ̣ܚܹ̈ܐ ܪܵܘ̱ܪ̈ܒܹܐ. |
| [No book] |
[29]ܘܨܲܠܝܼ ܬܲܡܵܢ ܩܕ݂ܵܡ ܡܲܫܟ̇ܢܵܐ ܕܲܥܒܲܕ݂ ܗ̄ܘ̣ܵܐ ܡܘܼܫܹܐ: ܒܡܲܕ݂ܒ̇ܪܵܐ: ܒܡܲܦܩܵܢܵܐ ܕܲܒ̣ܢܲܝ̈ ܝܼܣܪܵܝܹܠ ܡ̣ܢ ܡܸܨܪܹܝܢ. |
| [No book] |
[30]ܒܹܗ ܒܙܲܒ̣ܢܵܐ ܗܵܘ̇:ܕܚܸܠ̣ ܗ̄ܘ̣ܵܐ ܕܵܘܝܼܕ݂ ܛܵܒ̣: ܘܠܵܐ ܡܸܫܟܲܚ ܗ̄ܘ̣ܵܐ ܠܡܹܐܙܲܠ ܠܲܡܨܲܠܵܝܘܼ ܩܕ݂ܵܡ ܡܵܪܝܵܐ. ܡܸܛܠ ܕܲܕ݂ܚܝܼܠ ܗ̄ܘ̣ܵܐ ܡ̣ܢ ܩܕ݂ܵܡ ܚܲܪܒܵܐ ܕܡܲܠܲܐܟܹܗ ܕܡܵܪܝܵܐ. |