|
|
| [No book] |
[1]ܘܲܒ̣ܢܲܝ̈ ܝܼܣܪܵܝܹܠ ܠܡܸܢܝܵܢܗܘܿܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ: ܘܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ ܘܲܕ݂ܡܲܐ̈ܘܵܬ̣ܵܐ ܘܫܲܠܝܼܛܵܢܲܝ̈ܗܘܿܢ: ܕܲܡܫܲܡܫܝܼܢ ܠܡܲܠܟܵܐ: ܠܟ݂ܠ ܦܸܬ̣ܓ̣ܵܡܵܐ ܕܦܵܠܓܘܼܬ̣ܵܐ ܕܥܵܐܠܵܐ ܘܢܵܦܩܵܐ ܒܝܲܪܚܵܐ ܒܝܲܪܚܵܐ: ܠܟ݂ܠ ܝܲܪ̈ܚܹܐ ܕܫܲܢ̄ܬܵܐ ܦܵܠܓܘܼܬ̣ܵܐ ܚܕ݂ܵܐ: ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[2]ܥܲܠ ܦܵܠܓܘܼܬ̣ܵܐ ܩܲܕ݂ܡܵܝܬܵܐ: ܠܝܲܪܚܵܐ ܩܲܕ݂ܡܵܝܵܐ: ܫܒܲܥܲܡ ܒܲܪ ܙܲܒ̣ܕܵܐܹܝܠ: ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[3]ܡ̣ܢ ܒܢܵܘ̈ܗܝ ܕܦܲܨܲܪ: ܪܹ̈ܫܹܐ ܕܟ݂ܠ ܪܵܘ̱ܪ̈ܒ̣ܵܢܲܝ ܚܲܝ̈ܠܵܘܵܬ̣ܵܐ ܕܝܲܪܚܵܐ ܩܲܕ݂ܡܵܝܵܐ. |
| [No book] |
[4]ܘܥܲܠ: ܦܵܠܓܘܼܬ̣ܵܐ ܕܝܲܪܚܵܐ ܬܸܢܝܵܢܵܐ: ܕܘܼܕܝܼ ܚܘܼܚܵܝܵܐ: ܘܦܵܠܓܘܼܬܹܗ: ܘܡܲܩܠܘܼܬ ܫܲܠܝܼܛܵܐ: ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[5]ܪܲܒ̇ ܚܲܝܠܵܐ ܬܠܝܼܬ̣ܵܝܵܐ ܠܝܲܪܚܵܐ ܬܠܝܼܬ̣ܵܝܵܐ: ܒܢܵܝܵܐ ܒܲܪ ܝܘܿܝܵܕ݂ܵܥ ܟܵܗܢܵܐ ܪܹܫܵܝܵܐ. ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[6]ܗ̤ܘ ܒܢܵܝܵܐ ܓܲܢ̄ܒܵܪܵܐ ܕܲܬ̣ܠܵܬ̣ܝܼܢ ܘܥܲܠ ܬܠܵܬ̣ܝܼܢ ܘܦܵܠܓܘܼܬܹܗ: ܡܝܼܙܒܲܪ ܒܪܹܗ. |
| [No book] |
[7]ܪܒ̣ܝܼܥܵܝܵܐ: ܠܝܲܪܚܵܐ ܪܒ̣ܝܼܥܵܝܵܐ: ܥܫܵܐܹܝܠ ܐܲܚܘܼܗܝ ܕܝܘܿܐܵܒ̣: ܘܙܲܒ̣ܕܵܐܹܝܠ ܒܪܹܗ ܡ̣ܢ ܒܵܬ̣ܪܹܗ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[8]ܚܡܝܼܫܵܝܵܐ ܠܝܲܪܚܵܐ ܚܡܝܼܫܵܝܵܐ: ܪܲܒܵܐ ܫܲܡܗܘܿܬ̣ ܢܙܲܪܚܝܵܐ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[9]ܫܬ̇ܝܼܬ̣ܵܝܵܐ ܠܝܲܪܚܵܐ ܫܬ̇ܝܼܬ̣ܵܝܵܐ: ܥܝܼܪܵܐ ܒܲܪ ܥܩܝܼܣ ܬܩܘܿܥܵܝܵܐ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܼܲܒ̇ܥܵܐ ܐܲܠܦ̈ܝܼܢ. |
| [No book] |
[10]ܫܒ̣ܝܼܥܵܝܵܐ ܠܝܲܪܚܵܐ ܫܒ̣ܝܼܥܵܝܵܐ: ܚܵܠܵܨ ܦܵܠܘܿܢܵܝܵܐ: ܡ̣ܢ ܒܢܵܘ̈ܗܝ ܕܐܲܦܪܹܝܡ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[11]ܬܡܝܼܢܵܝܵܐ ܠܝܼܲܪܚܵܐ ܬܡܝܼܢܵܝܵܐ: ܣܲܒ̣ܟ̇ܝܼ ܚܘܼܫܬ̣ܵܝܵܐ ܡ̣ܢ ܒܹܝܬ̣ ܙܲܪܚ ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[12]ܬܫܝܼܥܵܝܵܐ ܠܝܲܪܚܵܐ ܬܫܝܼܥܵܝܵܐ: ܐܲܒ̣ܝܼܥܵܙܲܪ ܥܬ̣ܘܿܬ̣ܵܝܵܐ ܡ̣ܢ ܕܒܹܝܬ̣ ܒܸܢܝܵܡܹܝܢ ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[13]ܥܣܝܼܪܝܵܐ ܠܝܲܪܚܵܐ ܥܣܝܼܪܵܝܵܐ: ܡܵܗܵܪ ܢܛܘܼܦܬ̣ܵܝܵܐ ܡ̣ܢ ܕܒܹܝܬ̣ ܙܲܪܚ. ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[14]ܕܲܚܕܲܥܣܲܪ ܠܝܲܪܚܵܐ ܕܲܚܕܲܥܣܲܪ: ܒܢܵܝܵܐ ܦܪܲܥܬ̇ܘܿܢܵܝܵܐ ܡ̣ܢ ܒܢܵܘ̈ܗܝ ܕܐܲܦܪܹܝܡ ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[15]ܕܲܬ̣ܪܸܥܣܲܪ ܠܝܲܪܚܵܐ ܕܲܬ̣ܪܸܥܣܲܪ: ܢܲܚܕ̇ܝܼ ܢܛܘܼܦܬ̣ܵܝܵܐ: ܕܒܹܝܬ̣ ܥܢܘܿܬ̣ܢܝܼܐܹܝܠ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ. |
| [No book] |
[16]ܘܥܲܠ ܫܲܒ̣̈ܛܹܐ ܕܲܒ̣ܢܲܝ̈ ܝܼܣܪܵܝܹܠ ܠܪ̈ܘܼܒܹܝܠܵܝܹܐ: ܡܕܲܒ̇ܪܵܢܵܐ ܐܹܠܝܼܥܵܙܲܪ ܒܲܪ ܙܲܟ݂ܪܝܼ: ܠܫܸܡܥ̈ܘܿܢܵܝܹܐ: ܫܦܲܛܝܵܐ ܒܲܪ ܡܲܥܟܵܐ. |
| [No book] |
[17]ܠܠܹܘܝܼ ܚܫܲܒ̣ܝܵܐ ܒܲܪ ܩܡܘܼܐܹܝܠ: ܠܐܲܗܪܘܿܢ ܨܵܕ݂ܘܿܩ. |
| [No book] |
[18]ܠܲܝܗܘܼܕ݂ܵܐ ܐܹܠܝܼܗܘܼ ܡ̣ܢ ܐܲܚܵܘ̈ܗܝ ܕܕ݂ܵܘܝܼܕ݂. ܠܐܝܼܣܵܟ݂ܵܪ ܥܡܘܿܪܝܼ ܒܲܪ ܡܝܼܟ݂ܵܐܹܝܠ. |
| [No book] |
[19]ܠܲܙܒ̣ܘܿܠܘܿܢ ܫܡܲܥܝܵܐ ܒܲܪ ܥܘܿܒܲܕ݂ܝܵܐ: ܠܢܲܦ̮ܬܵܠܝܼ ܝܲܪܡܘܿܬ̣ ܒܲܪ ܥܲܙܪܵܐܹܝܠ. |
| [No book] |
[20]ܠܲܒ̣ܢܵܘ̈ܗܝ ܕܐܲܦܪܹܝܡ ܗܘܿܫܲܥ ܒܲܪ ܥܲܙܲܢܝܵܐ. |
| [No book] |
[21]ܠܦܸܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܝܘܼܐܹܝܠ ܒܲܪ ܦܸܪܝܵܐ. ܘܦܵܠܓܘܼܬ̣ܵܐ ܕܲܡܢܲܫܹܐ ܕܲܒ̣ܓܸܠܥܵܕ݂. ܝܲܕ̇ܘܿ ܒܲܪ ܙܟܲܪܝܵܐ: ܠܒܸܢܝܵܡܹܝܢ ܥܣܝܼܐܹܝܠ ܒܲܪ ܐܲܒ̣ܢܝܼܪ. |
| [No book] |
[22]ܠܕ݂ܵܢ ܥܲܙܪܵܐܹܝܠ ܒܲܪ ܝܲܪܚܘܿܡ ܗܵܠܹܝܢ ܪܵܘ̱ܪ̈ܒ̣ܵܢܹܐ ܕܫܲܒ̣̈ܛܹܐ ܕܝܼܣܪܵܝܹܠ. |
| [No book] |
[23]ܘܠܵܐ ܫ̣ܩܲܠ ܕܵܘܝܼܕ݂ ܡܸܢܝܵܢܗܘܿܢ ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܬܲܚܬ̇: ܡܸܛܠ ܕܐܸܡܲܪ ܡܵܪܝܵܐ ܕܢܲܣܓܹ̇ܝܘܗܝ ܠܝܼܣܪܵܝܹܠ: ܐܲܝܟ݂ ܟܵܘ̈ܟ̇ܒܹܐ ܕܒܲܫܡܲܝܵܐ. |
| [No book] |
[24]ܝܘܿܐܵܒ̣ ܒܲܪ ܨܘܿܪܝܼܵܐ ܫܲܪܝܼ ܕܢܸܡܢܸܐ ܘܠܵܐ ܫܲܠܸܡ ܘܲܗܘ̤ܵܐ ܪܘܼܓ̣ܙܵܐ ܥܲܠ ܝܼܣܪܵܝܹܠ ܘܠܵܐ ܣܠܸܩ̣ ܐܲܝܟ݂ ܡܸܢܝܵܢܵܐ ܕܲܕ݂ܒܲܪܝܲܡܝܼܡ ܠܡܲܠܟܵܐ ܕܵܘܝܼܕ݂. |
| [No book] |
[25]ܘܥܲܠ ܐܵܘܨܪܹ̈ܐ ܕܡܲܠܟܵܐ: ܥܲܙܡܘܿܬ̣ ܒܲܪ ܓܕܲܠܝܵܐܹܝܠ. ܘܥܲܠ ܐܵܘܨܪܹ̈ܐ ܕܲܒ̣ܚܲܩܠܵܐ: ܕܲܒ̣ܩܘܼܪ̈ܝܵܐ: ܘܲܒ̣ܟܲܦܪ̈ܘܿܢܹܐ: ܘܲܒ̣ܡܲܓܕ̇ܠܹ̈ܐ: ܝܘܿܢܵܬ̣ܵܢ ܒܲܪ ܥܘܿܙܝܼܵܐ. |
| [No book] |
[26]ܘܥܲܠ ܥܵܒ̣ܕܲܝ̈ ܥܒ̣̈ܝܼܕ݂ܵܬ̣ܵܐ ܕܚܲܩܠܵܐ ܠܦܘܼܠܚܵܢܵܐ ܕܐܲܪܥܵܐ: ܥܲܙܪܝܼ ܒܲܪ ܟܠܘܿܒ̣. |
| [No book] |
[27]ܘܥܲܠ ܟܲܪ̈ܡܹܐ: ܫܡܲܥܝܵܐ ܪܵܡܬ̣ܵܝܵܐ. ܘܥܲܠ ܡܸܕܸ̇ܡ ܕܲܒ̣ܟܲܪ̈ܡܹܐ ܠܐܵܘܨܪܹ̈ܐ ܕܚܲܡܪܵܐ: ܙܲܒ̣ܕ̇ܝܼ ܫܲܦܡܵܝܵܐ. |
| [No book] |
[28]ܘܥܲܠ ܙܲܝ̈ܬܹ̇ܐ ܘܫܲܩܡܹ̈ܐ ܕܲܒ̣ܥܘܼܡܩܵܐ: ܒܥܸܠܚܲܢܵܢ ܓܸܕ݂ܪܵܝܵܐ. ܘܥܲܠ ܐܵܘܨܪܹ̈ܐ ܕܡܸܫܚܵܐ ܝܲܥܘܿܫ. |
| [No book] |
[29]ܘܥܲܠ ܬܵܘܪܹ̈ܐ ܕܪܵܥܝܼܢ ܒܫܵܪ̈ܘܿܢܹܐ: ܫܲܪܛܝܼ ܫܵܪܘܿܢܵܝܵܐ: ܘܥܲܠ ܬܵܘܪܹ̈ܐ ܕܲܒ̣ܥܘܼܡܩܵܐ: ܫܵܦܵܛ ܒܲܪ ܥܕ݂ܵܐܹܝܠ. |
| [No book] |
[30]ܘܥܲܠ ܓܲܡ̈ܠܹܐ: ܐܲܒ̣ܝܼܠ ܐܝܼܫܡܵܥܝܼܠܵܐ: ܘܥܲܠ ܐܲܬܵܢܹ̈ܐ: ܝܼܗܘܼܕ݂ܵܐ ܡܲܪܬ̇ܘܿܢܵܝܵܐ. |
| [No book] |
[31]ܘܥܲܠ ܥܵـ̈ـܢܵܐ ܝܲܙܝܼܙ ܚܲܓܪܵܝܵܐ ܟܠܗܘܿܢ ܗܵܠܹܝܢ ܪܵܘ̱ܪ̈ܒ̣ܵܢܹܐ ܕܩܸܢܝܵܢܵܐ ܕܡܲܠܟܵܐ ܕܵܘܝܼܕ݂. |
| [No book] |
[32]ܘܝܘܿܢܵܬ̣ܵܢ ܚܲܒ̇ܝܼܒܹܗ ܕܕ݂ܵܘܝܼܕ݂: ܡܵܠܘܿܟ݂ܵܐ: ܓܲܒ̣ܪܵܐ ܗ̄ܘ̣ ܣܲܟ̇ܘܼܠܬ̣ܵܢܵܐ ܘܣܵܦܪܵܐ. ܘܲܚܢܵܢܵܐܹܝܠ ܒܲܪ ܚܲܟ݂ܡܘܼܢܝܼ ܥܲܡ ܒܢܵܘ̈ܗܝ ܕܡܲܠܟܵܐ. |
| [No book] |
[33]ܘܐܲܚܝܼܬ̣ܘܿܦܹܝܠ ܡܵܠܘܿܟ݂ܵܐ ܕܡܲܠܟܵܐ. ܘܚܘܿܫܝܼ ܐܲܪܟܵܝܵܐ ܪܵܚܡܹ̇ܗ ܕܡܲܠܟܵܐ. |
| [No book] |
[34]ܘܡ̣ܢ ܒܵܬܲܪ ܐܲܚܝܼܬ̣ܘܿܦܹܝܠ: ܝܘܿܝܵܕ݂ܵܥ ܒܲܪ ܒܢܵܝܵܐ. ܘܐܲܒ̣ܝܼܬ̣ܵܪ: ܘܪܲܒ̇ ܚܲܝܠܵܐ ܕܡܲܠܟܵܐ ܝܘܿܐܵܒ̣. |