|
|
| [No book] |
[1]ויקהל דויד את כל שרי ישראל שרי השבטים ושרי המחלקות המשרתים את המלך ושרי האלפים ושרי המאות ושרי כל רכוש ומקנה למלך ולבניו עם הסריסים והגבורים ולכל גבור חיל־אל ירושלם |
| [No book] |
[2]ויקם דויד המלך על רגליו ויאמר שמעוני אחי ועמי אני עם לבבי לבנות בית מנוחה לארון ברית יהוה ולהדם רגלי אלהינו והכינותי לבנות |
| [No book] |
[3]והאלהים אמר לי לא תבנה בית לשמי כי איש מלחמות אתה ודמים שפכת |
| [No book] |
[4]ויבחר יהוה אלהי ישראל בי מכל בית אבי להיות למלך על ישראל לעולם־כי ביהודה בחר לנגיד ובבית יהודה בית אבי ובבני אבי־בי רצה להמליך על כל ישראל |
| [No book] |
[5]ומכל בני־כי רבים בנים נתן לי יהוה ויבחר בשלמה בני־לשבת על כסא מלכות יהוה על ישראל |
| [No book] |
[6]ויאמר לי־שלמה בנך הוא יבנה ביתי וחצרותי כי בחרתי בו לי לבן ואני אהיה לו לאב |
| [No book] |
[7]והכינותי את מלכותו עד לעולם אם יחזק לעשות מצותי ומשפטי־כיום הזה |
| [No book] |
[8]ועתה לעיני כל ישראל קהל יהוה ובאזני אלהינו שמרו ודרשו כל מצות יהוה אלהיכם־למען תירשו את הארץ הטובה והנחלתם לבניכם אחריכם עד עולם |
| [No book] |
[9]ואתה שלמה בני דע את אלהי אביך ועבדהו בלב שלם ובנפש חפצה־כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד |
| [No book] |
[10]ראה עתה כי יהוה בחר בך לבנות בית למקדש־חזק ועשה |
| [No book] |
[11]ויתן דויד לשלמה בנו את תבנית האולם ואת בתיו וגנזכיו ועליתיו וחדריו הפנימים־ובית הכפרת |
| [No book] |
[12]ותבנית כל אשר היה ברוח עמו לחצרות בית יהוה ולכל הלשכות סביב־לאצרות בית האלהים ולאצרות הקדשים |
| [No book] |
[13]ולמחלקות הכהנים והלוים ולכל מלאכת עבודת בית יהוה ולכל כלי עבודת בית יהוה |
| [No book] |
[14]לזהב במשקל לזהב לכל כלי עבודה ועבודה לכל כלי הכסף במשקל לכל כלי עבודה ועבודה |
| [No book] |
[15]ומשקל למנרות הזהב ונרתיהם זהב במשקל מנורה ומנורה ונרתיה ולמנרות הכסף במשקל למנורה ונרתיה כעבודת מנורה ומנורה |
| [No book] |
[16]ואת הזהב משקל לשלחנות המערכת לשלחן ושלחן וכסף לשלחנות הכסף |
| [No book] |
[17]והמזלגות והמזרקות והקשות זהב טהור ולכפורי הזהב במשקל לכפור וכפור ולכפורי הכסף במשקל לכפור וכפור |
| [No book] |
[18]ולמזבח הקטרת זהב מזקק במשקל ולתבנית המרכבה הכרובים זהב לפרשים וסככים על ארון ברית יהוה |
| [No book] |
[19]הכל בכתב מיד יהוה עלי השכיל־כל מלאכות התבנית |
| [No book] |
[20]ויאמר דויד לשלמה בנו חזק ואמץ ועשה־אל תירא ואל תחת כי יהוה אלהים אלהי עמך־לא ירפך ולא יעזבך עד לכלות כל מלאכת עבודת בית יהוה |
| [No book] |
[21]והנה מחלקות הכהנים והלוים לכל עבודת בית האלהים ועמך בכל מלאכה לכל נדיב בחכמה לכל עבודה והשרים וכל העם לכל דבריך |