➖ »
«
➖ ➕
Aleppo Codex (~920)
Alep
The Epistle of Barnabas
EpiBar
←
1 Chronicles
1Ch
29
   
[1]ויאמר דויד המלך לכל הקהל שלמה בני אחד בחר בו אלהים נער ורך והמלאכה גדולה־כי לא לאדם הבירה כי ליהוה אלהים [No book]
[2]וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש־לרב [No book]
[3]ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש [No book]
[4]שלשת אלפים ככרי זהב מזהב אופיר ושבעת אלפים ככר כסף מזקק לטוח קירות הבתים [No book]
[5]לזהב לזהב ולכסף לכסף ולכל מלאכה ביד חרשים ומי מתנדב למלאות ידו היום ליהוה [No book]
[6]ויתנדבו שרי האבות ושרי שבטי ישראל ושרי האלפים והמאות ולשרי מלאכת המלך [No book]
[7]ויתנו לעבודת בית האלהים זהב ככרים חמשת אלפים ואדרכנים רבו וכסף ככרים עשרת אלפים ונחשת רבו ושמונת אלפים ככרים וברזל מאה אלף ככרים [No book]
[8]והנמצא אתו אבנים נתנו לאוצר בית יהוה־על יד יחיאל הגרשני [No book]
[9]וישמחו העם על התנדבם כי בלב שלם התנדבו ליהוה וגם דויד המלך שמח שמחה גדולה [No book]
[10]ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם [No book]
[11]לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש [No book]
[12]והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל [No book]
[13]ועתה אלהינו מודים אנחנו לך ומהללים לשם תפארתך [No book]
[14]וכי מי אני ומי עמי כי נעצר כח להתנדב כזאת כי ממך הכל ומידך נתנו לך [No book]
[15]כי גרים אנחנו לפניך ותושבים ככל אבתינו כצל ימינו על הארץ ואין מקוה [No book]
[16]יהוה אלהינו־כל ההמון הזה אשר הכיננו לבנות לך בית לשם קדשך מידך היא [Q: הוא] ולך הכל [No book]
[17]וידעתי אלהי־כי אתה בחן לבב ומישרים תרצה אני בישר לבבי התנדבתי כל אלה ועתה עמך הנמצאו פה ראיתי בשמחה להתנדב לך [No book]
[18]יהוה אלהי אברהם יצחק וישראל אבתינו שמרה זאת לעולם ליצר מחשבות לבב עמך והכן לבבם אליך [No book]
[19]ולשלמה בני תן לבב שלם לשמור מצותיך עדותיך וחקיך ולעשות הכל ולבנות הבירה אשר הכינותי [No book]
[20]ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך [No book]
[21]ויזבחו ליהוה זבחים ויעלו עלות ליהוה למחרת היום ההוא־פרים אלף אלים אלף כבשים אלף ונסכיהם וזבחים לרב לכל ישראל [No book]
[22]ויאכלו וישתו לפני יהוה ביום ההוא־בשמחה גדולה וימליכו שנית לשלמה בן דויד וימשחו ליהוה לנגיד ולצדוק לכהן [No book]
[23]וישב שלמה על כסא יהוה למלך תחת דויד אביו־ויצלח וישמעו אליו כל ישראל [No book]
[24]וכל השרים והגברים וגם כל בני המלך דויד־נתנו יד תחת שלמה המלך [No book]
[25]ויגדל יהוה את שלמה למעלה לעיני כל ישראל ויתן עליו הוד מלכות אשר לא היה על כל מלך לפניו על ישראל [No book]
[26]ודויד בן ישי מלך על כל ישראל [No book]
[27]והימים אשר מלך על ישראל־ארבעים שנה בחברון מלך שבע שנים ובירושלם מלך שלשים ושלוש [No book]
[28]וימת בשיבה טובה שבע ימים עשר וכבוד וימלך שלמה בנו תחתיו [No book]
[29]ודברי דויד המלך הראשנים והאחרנים־הנם כתובים על דברי שמואל הראה ועל דברי נתן הנביא ועל דברי גד החזה [No book]
[30]עם כל מלכותו וגבורתו והעתים אשר עברו עליו ועל ישראל ועל כל ממלכות הארצות [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top