➖ »
«
➖ ➕
Aleppo Codex (~920)
Alep
The Epistle of Barnabas
EpiBar
←
1 Chronicles
1Ch
4
→
[1]בני יהודה פרץ חצרון וכרמי וחור ושובל [No book]
[2]וראיה בן שובל הליד את יחת ויחת הליד את אחומי ואת להד אלה משפחות הצרעתי [No book]
[3]ואלה אבי עיטם יזרעאל וישמא וידבש ושם אחותם הצללפוני [No book]
[4]ופנואל אבי גדר ועזר אבי חושה אלה בני חור בכור אפרתה אבי בית לחם [No book]
[5]ולאשחור אבי תקוע היו שתי נשים חלאה ונערה [No book]
[6]ותלד לו נערה את אחזם ואת חפר ואת תימני ואת האחשתרי אלה בני נערה [No book]
[7]ובני חלאה־צרת יצחר [Q: וצחר] ואתנן [No book]
[8]וקוץ הוליד את ענוב ואת הצבבה ומשפחת אחרחל בן הרום [No book]
[9]ויהי יעבץ נכבד מאחיו ואמו קראה שמו יעבץ לאמר כי ילדתי בעצב [No book]
[10]ויקרא יעבץ לאלהי ישראל לאמר אם ברך תברכני והרבית את גבולי והיתה ידך עמי ועשית מרעה לבלתי עצבי־ויבא אלהים את אשר שאל [No book]
[11]וכלוב אחי שוחה הוליד את מחיר הוא אבי אשתון [No book]
[12]ואשתון הוליד את בית רפא ואת פסח ואת תחנה אבי עיר נחש אלה אנשי רכה [No book]
[13]ובני קנז עתניאל ושריה ובני עתניאל חתת [No book]
[14]ומעונתי הוליד את עפרה ושריה הוליד את יואב אבי גיא חרשים־כי חרשים היו [No book]
[15]ובני כלב בן יפנה עירו אלה ונעם ובני אלה וקנז [No book]
[16]ובני יהללאל־זיף וזיפה תיריא ואשראל [No book]
[17]ובן עזרה־יתר ומרד ועפר וילון ותהר את מרים ואת שמי ואת ישבח אבי אשתמע [No book]
[18]ואשתו היהדיה ילדה את ירד אבי גדור ואת חבר אבי שוכו ואת יקותיאל אבי זנוח ואלה בני בתיה בת פרעה אשר לקח מרד [No book]
[19]ובני אשת הודיה־אחות נחם אבי קעילה הגרמי ואשתמע המעכתי [No book]
[20]ובני שימון־אמנון ורנה בן חנן ותולון [Q: ותילון] ובני ישעי זוחת ובן זוחת [No book]
[21]בני שלה בן יהודה־ער אבי לכה ולעדה אבי מרשה ומשפחות בית עבדת הבץ לבית אשבע [No book]
[22]ויוקים ואנשי כזבא ויואש ושרף אשר בעלו למואב־וישבי לחם והדברים עתיקים [No book]
[23]המה היוצרים וישבי נטעים וגדרה עם המלך במלאכתו ישבו שם [No book]
[24]בני שמעון נמואל וימין יריב זרח שאול [No book]
[25]שלם בנו מבשם בנו משמע בנו [No book]
[26]ובני משמע־חמואל בנו זכור בנו שמעי בנו [No book]
[27]ולשמעי בנים ששה עשר ובנות שש ולאחיו אין בנים רבים וכל משפחתם לא הרבו עד בני יהודה [No book]
[28]וישבו בבאר שבע ומולדה וחצר שועל [No book]
[29]ובבלהה ובעצם ובתולד [No book]
[30]ובבתואל ובחרמה ובציקלג [No book]
[31]ובבית מרכבות ובחצר סוסים ובבית בראי ובשערים אלה עריהם עד מלך דויד [No book]
[32]וחצריהם עיטם ועין רמון ותכן ועשן ערים חמש [No book]
[33]וכל חצריהם אשר סביבות הערים האלה־עד בעל זאת מושבתם והתיחשם להם [No book]
[34]ומשובב וימלך ויושה בן אמציה [No book]
[35]ויואל ויהוא בן יושביה בן שריה בן עשיאל [No book]
[36]ואליועיני ויעקבה וישוחיה ועשיה ועדיאל וישימאל־ובניה [No book]
[37]וזיזא בן שפעי בן אלון בן ידיה בן שמרי בן שמעיה [No book]
[38]אלה הבאים בשמות נשיאים במשפחותם ובית אבותיהם פרצו לרוב [No book]
[39]וילכו למבוא גדר עד למזרח הגיא לבקש מרעה לצאנם [No book]
[40]וימצאו מרעה שמן וטוב והארץ רחבת ידים ושקטת ושלוה כי מן חם הישבים שם לפנים [No book]
[41]ויבאו אלה הכתובים בשמות בימי יחזקיהו מלך יהודה ויכו את אהליהם ואת המעינים [Q: המעונים] אשר נמצאו שמה ויחרימם עד היום הזה וישבו תחתיהם כי מרעה לצאנם שם [No book]
[42]ומהם מן בני שמעון הלכו להר שעיר אנשים חמש מאות ופלטיה ונעריה ורפיה ועזיאל בני ישעי־בראשם [No book]
[43]ויכו את שארית הפלטה לעמלק וישבו שם עד היום הזה [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top