|
|
| [1]ܘܲܒ̣ܢܵܘ̈ܗܝ ܕܪܘܼܒܹܝܠ: ܒܘܼܟ݂ܪܹܗ ܕܝܼܣܪܵܝܹܠ: ܡܸܛܠ ܕܗ̤ܘ ܗܘ̤ܵܐ ܒܘܼܟ݂ܪܹܗ ܕܐܲܒ̣ܘܗܝ ܘܛܵܘܸܫ ܬܸܫܘܝܼܬ̣ܵܐ ܕܐܲܒ̣ܘܼܗܝ: ܐܸܬ̣ܝܲܗ̄ܒܲܬ̤ ܒܘܼܟ݂ܪܘܼܬܹܗ ܠܝܵܘܣܸܦ ܐܲܚܘܼܗܝ ܒܲܪ ܝܼܣܪܵܝܹܠ ܘܥܲܠ ܗܵܠܹܝܢ ܬܪ̈ܲܝܗܘܿܢ ܐܵܬ̣̈ܝܵܢ ܒܘܼܪ̈ܟܵܬ̣ܵܐ: ܡ̣ܢ ܟܠܗܘܿܢ ܫܲܒ̣ܛܹ̈ܐ ܕܝܼܣܪܵܝܹܠ. |
[No book] |
| [2]ܡ̣ܢ ܝܼܗܘܼܕ݂ܵܐ ܢܸܦܘܿܩ ܡܲܠܟܵܐ ܡܫܝܼܚܵܐ: ܘܒ̣ܘܼܟ݂ܪܘܼܬ̣ܵܐ ܬܸܬ̣̱ܝܼܗܸܒ̣ ܠܝܵܘܣܸܦ. |
[No book] |
| [3]ܒܢܵܘ̈ܗܝ ܕܪܘܿܒܹܝܠ: ܒܘܼܟ݂ܪܹܗ ܕܝܼܣܪܵܝܹܠ: ܚܢܘܿܟ݂: ܘܦܲܠܘܿ: ܘܚܸܨܪܘܿܢ: ܘܟܲܪܡܝܼ. |
[No book] |
| [4]ܘܲܒ̣ܢܵܘ̈ܗܝ ܕܟܲܪܡܝܼ: ܫܡܲܥܝܵܐ ܒܪܹܗ:ܘܕ݂ܘܿܐܵܓ̣ ܒܪܹܗ:ܫܲܡܥܝܼ ܒܪܹܗ. |
[No book] |
| [5]ܡܝܼܟ݂ܵܐ ܒܪܹܗ:ܐܘܿܪܝܼܵܐ ܒܪܹܗ:ܒܵܠܵܥ ܒܪܹܗ. |
[No book] |
| [6]ܐܲܒ̣ܕ݂ܝܼܵܐ ܒܪܹܗ. ܕܓܲܠܝܼ ܬܲܓ̣ܠܲܬ̣ ܦܲܠܣܲܪ ܡܲܠܟܵܐ ܕܐܵܬ̣ܘܿܪ ܗ̤ܘ ܗܘ̤ܵܐ ܪܹܫܵܐ ܕܫܲܒ̣ܛܵܐ ܕܒܹܝܬ̣ ܪܘܼܒܹܝܠ. |
[No book] |
| [7]ܘܐܲܚܵܘ̈ܗܝ ܠܫܲܪ̈ܒ̣ܵܬ̣ܗܘܿܢ: ܟܲܕ݂ ܐܸܫܬ̇ܪܸܒ̣ܘ ܒܛܘܿܗܡܲܝ̈ܗܘܿܢ: ܪܹܫܗܘܿܢ ܥܲܙܪܵܐܹܝܠ: ܬܸܢܝܵܢܵܐ ܙܟܲܪܝܵܐ. |
[No book] |
| [8]ܘܒܲܠܵܥ ܒܲܪ ܥܘܿܙܝܼ: ܒܲܪ ܫܲܡܥܝܼ: ܒܲܪ ܝܘܿܐܹܝܠ. ܗ̤ܘ ܝܵܬܹܒ̣ ܗ̄ܘ̣ܵܐ ܒܥܲܕ݂ܘܵܥܝܼܪ: ܘܲܥܕܲܡܵܐ ܠܢܵܒ̣ܘܼ: ܘܥܲܠ ܦܩܲܥܬ̣ܵܐ ܕܲܡܥܘܿܢ. |
[No book] |
| [9]ܘܲܥܕܲܡܵܐ ܠܡܲܕ݂ܢܵܚܹ̈ܗ̇: ܥܕܲܡܵܐ ܠܲܬ̣ܚܘܼܡܵܐ ܕܡܲܕ݂ܒ̇ܪܵܐ: ܕܡ̣ܢ ܢܲܗܪܵܐ ܦܪܵܬ̣. ܡܸܛܠ ܕܲܣܓ̣ܝܼܘ ܗܸܢܘܿܢ ܘܩܸܢܝܵܢܗܘܿܢ: ܒܐܲܪܥܵܐ ܕܓܸܠܥܵܕ݂. |
[No book] |
| [10]ܘܲܒ̣ܝܵܘܡܵܘ̈ܗܝ ܕܫܵܐܘܿܠ: ܥܒܲܕ݂ܘ ܩܪܵܒ̣ܵܐ ܥܲܡ ܥܲܪ̈ܒ̣ܵܝܹܐ: ܥܵܡܪ̈ܲܝ ܣܲܩܵܐ ܘܐܸܬ̣̱ܝܼܗܸܒ̣ܘ ܒܐܝܼܕܲܝ̈ܗܘܿܢ ܘܝܼܬܸܒ̣ܘ ܒܡܲܫܟ̇ܢܲܝ̈ܗܘܿܢ: ܥܲܠ ܟܠ ܐܲܦܲܝ̈ ܡܲܕܢ̱ܚܵܐ ܕܐܲܪܥܵܐ ܕܓܸܠܥܵܕ݂. |
[No book] |
| [11]ܘܲܒ̣ܢܵܘ̈ܗܝ ܕܓ̣ܵܕ݂: ܝܼܬܸܒ̣ܘ ܠܘܼܩܒܲܠܗܘܿܢ ܒܐܲܪܥܵܐ ܕܡܲܬ̣ܢܝܼܢ: ܥܕܲܡܵܐ ܠܲܬ̣ܚܘܼܡܵܐ ܕܣܝܼܒ̣ܵܐ ܘܲܕ݂ܣܲܠܟ݂ܵܐ. |
[No book] |
| [12]ܘܝܘܿܐܹܝܠ ܢܦܲܩ̣ ܒܪܹܫܗܘܿܢ. ܘܲܗܘ̤ܵܐ ܕܵܐܹ̇ܢ ܠܗܘܿܢ: ܘܡܲܠܸܦ ܠܗܘܿܢ ܟܬ̣ܵܒܹ̈ܐ ܫܲܦܝܼܪ. |
[No book] |
| 13[No verse] |
[No book] |
| [14]ܗܵܠܹܝܢ ܒܢܵܘ̈ܗܝ ܕܐܲܒ̣ܝܼܚܸܠ ܒܲܪ ܚܘܿܪܝܼ: ܒܲܪ ܙܲܪܚ: ܒܲܪ ܓܸܠܥܵܕ݂: ܒܲܪ ܡܵܟ݂ܝܼܪ: ܒܲܪ ܥܲܒ̣ܕܵܐܹܝܠ: ܒܲܪ ܥܹܠܝܼ: ܪܹ̈ܫܹܐ ܕܐܲܒ̣ܵܗܵܬ̣̈ܗܘܿܢ. |
[No book] |
| 15[No verse] |
[No book] |
| [16]ܘܝܸܬܸܒ̣ܘ ܒܡܲܬ̣ܢܝܼܢ: ܘܲܒ̣ܟܲܦܪ̈ܘܿܢܹܝܗ̇. |
[No book] |
| [17]ܟܠܗܘܿܢ ܐܸܫܬ̇ܪܸܒ̣ܘ ܒܝܵܘ̈ܡܲܝ ܝܘܿܬ̣ܵܡ ܡܲܠܟܵܐ ܕܒܹܝܬ̣ ܝܼܗܘܼܕ݂ܵܐ: ܘܲܒ̣ܝܵܘܡܵܘ̈ܗܝ ܕܝܘܿܪܲܒ̣ܥܲܡ ܡܲܠܟܵܐ ܕܝܼܣܪܵܝܹܠ. |
[No book] |
| [18]ܘܲܒ̣ܢܵܘ̈ܗܝ ܕܪܘܿܒܹܝܠ: ܘܓ̣ܵܕ݂: ܘܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܹܐ: ܐ̄ܢܵܫܵܐ ܐܲܚܝܼ̈ܕܲܝ ܣܲܝ̈ܦܹܐ ܘܣܲܟ̇ܪܹ̈ܐ: ܘܫܵܕ݂ܝܲܝ̈ ܒܩܸܫܬܵܐ: ܘܝܵܕ݂̈ܥܲܝ ܩܪܵܒ̣ܵܐ: ܐܲܪܒ̇ܥܝܼܢ ܘܐܲܪܒ̇ܥܵܐ ܐܲܠܦ̈ܝܼܢ: ܘܫܸܬ̣ܡܵܐܐ ܘܸܫܬ̇ܝܼܢ ܘܸܫܬܵܐ. |
[No book] |
| [19]ܗܵܠܹܝܢ ܟܠܗܘܿܢ ܢܦܲܩ̣ܘ ܒܲܩܪܵܒ̣ܵܐ: ܘܲܥܒܲܕ݂ܘ ܩܪܵܒ̣ܵܐ ܥܲܡ ܥܵܡܪ̈ܲܝ ܣܲܩܵܐ. |
[No book] |
| [20]ܘܐܸܫܬ̇ܠܸܡܘ ܒܐܝܼܕܲܝ̈ܗܘܿܢ: ܡܸܛܠ ܕܲܠܡܵܪܝܵܐ ܨܲܠܝܼܘ ܒܲܩܪܵܒ̣ܵܐ ܘܲܫܡܲܥ ܒܩܵܠܗܘܿܢ: ܡܸܛܠ ܕܐܸܬ̇ܬ̇ܟܸܠܘ ܥܠܵܘܗܝ. |
[No book] |
| [21]ܘܲܫܒ̣ܵܘ ܢܸܟ݂ܣܹ̈ܐ ܣܲܓ̇ܝܼ̈ܐܹܐ ܘܩܸܢܝܵܢܵܐ: ܓܲܡܠܹ̈ܐ ܚܲܡܫܝܼܢ ܐܲܠܦ̈ܝܼܢ: ܘܥܵـ̈ـܢܵܐ ܡܲܐܬܹ̇ܝܢ ܘܚܲܡܫܝܼܢ ܐܲܠܦ̈ܝܼܢ: ܘܚܸܡܪ̈ܵܐ ܬܪܹܝܢ ܐܲܠܦ̈ܝܼܢ: ܘܢܲܦ̮̈ܫܵܬ̣ܵܐ ܕܐ̄ܢܵܫܵܐ ܡܵܐܐ ܐܲܠܦ̈ܝܼܢ. |
[No book] |
| [22]ܡܸܛܠ ܕܲܩܛܝܼ̈ܠܹܐ ܣܲܓ̇ܝܼ̈ܐܹܐ ܢܦܲܠ̣ܘ ܡ̣ܢ ܡܲܫܟ̇ܢܲܝ̈ܗܘܿܢ ܒܲܩܪܵܒ̣ܵܐ: ܘܝܸܬܸܒ̣ܘ ܒܕ݂ܘܼܟ̇ܬ̣ܗܘܿܢ ܥܲܠ ܡܲܫܟ̇ܢܲܝ̈ܗܘܿܢ. |
[No book] |
| [23]ܘܲܒ̣ܢܲܝ̈ ܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܸܐ: ܝܼܬܸܒ̣ܘ ܒܐܲܪܥܵܐ ܕܡܲܬ̣ܢܝܼܢ: ܘܲܥܕܲܡܵܐ ܠܲܦܩܲܥܬ̣ܵܐ ܕܛܘܼܪܵܐ ܕܚܸܪܡܘܿܢ. ܥܕܲܡܵܐ ܠܗܵܪ ܬܲܡܵܢ ܣܓ̣ܝܼܘ ܘܝܼܪܸܒ̣ܘ. |
[No book] |
| [24]ܗܵܠܹܝܢ ܪܹ̈ܫܹܐ ܕܒܹܝܬ̣ ܐܲܒ̣ܵܗܲܝ̈ܗܘܿܢ: ܥܲܦܵܐ: ܘܫܘܿܒ̣: ܘܐܸܠܕ݂ܥܵܐ: ܘܥܲܙܪܵܐܹܝܠ: ܘܐܲܕ݂ܘܿܡܝܼܵܐ: ܘܐܘܿܪܝܼܵܐ: ܘܲܚܙܵܐܹܝܠ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܓܲܒ̣ܪܹ̈ܐ ܕܲܫ̈ܡܵܗܵܬ̣ܵܐ: ܕܗܸܢܘܿܢ ܪܹ̈ܫܹܐ ܕܒܹܝܬ̣ ܐܲܒ̣ܵܗܲܝ̈ܗܘܿܢ. |
[No book] |
| [25]ܘܟܲܕܸ̇ܒ̣ܘ ܒܐܲܠܵܗܵܐ ܕܐܲܒ̣ܵܗܲܝ̈ܗܘܿܢ: ܘܲܛܥܵܘ ܒܵܬܲܪ ܐܲܠܵܗܹ̈ܐ ܕܥܲܡܡܹ̈ܐ ܕܐܲܪܥܵܐ: ܕܐܵܘܒܸ̇ܕ݂ ܡܵܪܝܵܐ ܡ̣ܢ ܩܕ݂ܵܡܲܝܗܘܿܢ. |
[No book] |
| [26]ܘܐܲܥܝܼܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ ܥܠܲܝܗܘܿܢ: ܪܘܼܚܹܗ ܕܬܲܓ̣ܠܲܬ̣ ܦܲܠܣܲܪ ܡܲܠܟܵܐ ܕܐܵܬ̣ܘܿܪ ܘܓܲܠܝܼ ܠܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܘܲܠܫܲܒ̣ܛܵܐ ܕܒܹܝܬ̣ ܓܵܕ݂: ܘܲܠܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܸܐ. ܘܐܲܝܬ̇ܝܼ ܐܸܢܘܿܢ ܠܲܚܠܲܚ: ܘܲܠܚܵܒ̣ܵܪ ܢܗܲܪ ܓܵܘܙܵܢ: ܩܘܼܪ̈ܝܵܐ ܕܡܵܕܲܝ ܘܗܸܢܘܿܢ ܝܵܬ̣ܒ̇ܝܼܢ ܬܲܡܵܢ ܥܕܲܡܵܐ ܠܝܵܘܡܵܢܵܐ. |
[No book] |