|
|
| [No book] |
[1]Notum autem vobis facio, fratres, Evangelium, quod prædicavi vobis, quod et accepistis, in quo et statis, |
| [No book] |
[2]per quod et salvamini: qua ratione prædicaverim vobis, si tenetis, nisi frustra credidistis. |
| [No book] |
[3]Tradidi enim vobis in primis quod et accepi: quoniam Christus mortuus est pro peccatis nostris secundum Scripturas: |
| [No book] |
[4]et quia sepultus est, et quia resurrexit tertia die secundum Scripturas: |
| [No book] |
[5]et quia visus est Cephæ, et post hoc undecim: |
| [No book] |
[6]deinde visus est plus quam quingentis fratribus simul: ex quibus multi manent usque adhuc, quidam autem dormierunt: |
| [No book] |
[7]deinde visus est Jacobo, deinde Apostolis omnibus: |
| [No book] |
[8]novissime autem omnium tamquam abortivo, visus est et mihi. |
| [No book] |
[9]Ego enim sum minimus Apostolorum, qui non sum dignus vocari Apostolus, quoniam persecutus sum ecclesiam Dei. |
| [No book] |
[10]Gratia autem Dei sum id quod sum, et gratia ejus in me vacua non fuit, sed abundantius illis omnibus laboravi: non ego autem, sed gratia Dei mecum: |
| [No book] |
[11]sive enim ego, sive illi: sic prædicamus, et sic credidistis. |
| [No book] |
[12]Si autem Christus prædicatur quod resurrexit a mortuis, quomodo quidam dicunt in vobis, quoniam resurrectio mortuorum non est? |
| [No book] |
[13]Si autem resurrectio mortuorum non est: neque Christus resurrexit. |
| [No book] |
[14]Si autem Christus non resurrexit, inanis est ergo prædicatio nostra, inanis est et fides vestra: |
| [No book] |
[15]invenimur autem et falsi testes Dei: quoniam testimonium diximus adversus Deum quod suscitaverit Christum, quem non suscitavit, si mortui non resurgunt. |
| [No book] |
[16]Nam si mortui non resurgunt, neque Christus resurrexit. |
| [No book] |
[17]Quod si Christus non resurrexit, vana est fides vestra: adhuc enim estis in peccatis vestris. |
| [No book] |
[18]Ergo et qui dormierunt in Christo, perierunt. |
| [No book] |
[19]Si in hac vita tantum in Christo sperantes sumus, miserabiliores sumus omnibus hominibus. |
| [No book] |
[20]Nunc autem Christus resurrexit a mortuis primitiæ dormientium, |
| [No book] |
[21]quoniam quidem per hominem mors, et per hominem resurrectio mortuorum. |
| [No book] |
[22]Et sicut in Adam omnes moriuntur, ita et in Christo omnes vivificabuntur. |
| [No book] |
[23]Unusquisque autem in suo ordine, primitiæ Christus: deinde ii qui sunt Christi, qui in adventu ejus crediderunt. |
| [No book] |
[24]Deinde finis: cum tradiderit regnum Deo et Patri, cum evacuaverit omnem principatum, et potestatem, et virtutem. |
| [No book] |
[25]Oportet autem illum regnare donec ponat omnes inimicos sub pedibus ejus. |
| [No book] |
[26]Novissima autem inimica destruetur mors: omnia enim subjecit pedibus ejus. Cum autem dicat: |
| [No book] |
[27]Omnia subjecta sunt ei, sine dubio præter eum qui subjecit ei omnia. |
| [No book] |
[28]Cum autem subjecta fuerint illi omnia: tunc et ipse Filius subjectus erit ei, qui subjecit sibi omnia, ut sit Deus omnia in omnibus. |
| [No book] |
[29]Alioquin quid facient qui baptizantur pro mortuis, si omnino mortui non resurgunt? ut quid et baptizantur pro illis? |
| [No book] |
[30]ut quid et nos periclitamur omni hora? |
| [No book] |
[31]Quotidie morior per vestram gloriam, fratres, quam habeo in Christo Jesu Domino nostro. |
| [No book] |
[32]Si secundum hominem ad bestias pugnavi Ephesi, quid mihi prodest, si mortui non resurgunt? Manducemus, et bibamus, cras enim moriemur. |
| [No book] |
[33]Nolite seduci: corrumpunt mores bonos colloquia mala. |
| [No book] |
[34]Evigilate justi, et nolite peccare: ignorantiam enim Dei quidam habent, ad reverentiam vobis loquor. |
| [No book] |
[35]Sed dicet aliquis: Quomodo resurgunt mortui? qualive corpore venient? |
| [No book] |
[36]Insipiens, tu quod seminas non vivificatur, nisi prius moriatur: |
| [No book] |
[37]et quod seminas, non corpus, quod futurum est, seminas, sed nudum granum, ut puta tritici, aut alicujus ceterorum. |
| [No book] |
[38]Deus autem dat illi corpus sicut vult: ut unicuique seminum proprium corpus. |
| [No book] |
[39]Non omnis caro, eadem caro: sed alia quidem hominum, alia vero pecorum, alia volucrum, alia autem piscium. |
| [No book] |
[40]Et corpora cælestia, et corpora terrestria: sed alia quidem cælestium gloria, alia autem terrestrium. |
| [No book] |
[41]Alia claritas solis, alia claritas lunæ, et alia claritas stellarum. Stella enim a stella differt in claritate: |
| [No book] |
[42]sic et resurrectio mortuorum. Seminatur in corruptione, surget in incorruptione. |
| [No book] |
[43]Seminatur in ignobilitate, surget in gloria: seminatur in infirmitate, surget in virtute: |
| [No book] |
[44]seminatur corpus animale, surget corpus spiritale. Si est corpus animale, est et spiritale, sicut scriptum est: |
| [No book] |
[45]Factus est primus homo Adam in animam viventem, novissimus Adam in spiritum vivificantem. |
| [No book] |
[46]Sed non prius quod spiritale est, sed quod animale: deinde quod spiritale. |
| [No book] |
[47]Primus homo de terra, terrenus: secundus homo de cælo, cælestis. |
| [No book] |
[48]Qualis terrenus, tales et terreni: et qualis cælestis, tales et cælestes. |
| [No book] |
[49]Igitur, sicut portavimus imaginem terreni, portemus et imaginem cælestis. |
| [No book] |
[50]Hoc autem dico, fratres: quia caro et sanguis regnum Dei possidere non possunt: neque corruptio incorruptelam possidebit. |
| [No book] |
[51]Ecce mysterium vobis dico: omnes quidem resurgemus, sed non omnes immutabimur. |
| [No book] |
[52]In momento, in ictu oculi, in novissima tuba: canet enim tuba, et mortui resurgent incorrupti: et nos immutabimur. |
| [No book] |
[53]Oportet enim corruptibile hoc induere incorruptionem: et mortale hoc induere immortalitatem. |
| [No book] |
[54]Cum autem mortale hoc induerit immortalitatem, tunc fiet sermo, qui scriptus est: Absorpta est mors in victoria. |
| [No book] |
[55]Ubi est mors victoria tua? ubi est mors stimulus tuus? |
| [No book] |
[56]Stimulus autem mortis peccatum est: virtus vero peccati lex. |
| [No book] |
[57]Deo autem gratias, qui dedit nobis victoriam per Dominum nostrum Jesum Christum. |
| [No book] |
[58]Itaque fratres mei dilecti, stabiles estote, et immobiles: abundantes in opere Domini semper, scientes quod labor vester non est inanis in Domino. |