|
|
| [1]De collectis autem, quæ fiunt in sanctos, sicut ordinavi ecclesiis Galatiæ, ita et vos facite. |
[No book] |
| [2]Per unam sabbati unusquisque vestrum apud se seponat, recondens quod ei bene placuerit: ut non, cum venero, tunc collectæ fiant. |
[No book] |
| [3]Cum autem præsens fuero, quos probaveritis per epistolas, hos mittam perferre gratiam vestram in Jerusalem. |
[No book] |
| [4]Quod si dignum fuerit ut et ego eam, mecum ibunt. |
[No book] |
| [5]Veniam autem ad vos, cum Macedoniam pertransiero: nam Macedoniam pertransibo. |
[No book] |
| [6]Apud vos autem forsitan manebo, vel etiam hiemabo: ut vos me deducatis quocumque iero. |
[No book] |
| [7]Nolo enim vos modo in transitu videre, spero enim me aliquantulum temporis manere apud vos, si Dominus permiserit. |
[No book] |
| [8]Permanebo autem Ephesi usque ad Pentecosten. |
[No book] |
| [9]Ostium enim mihi apertum est magnum, et evidens: et adversarii multi. |
[No book] |
| [10]Si autem venerit Timotheus, videte ut sine timore sit apud vos: opus enim Domini operatur, sicut et ego. |
[No book] |
| [11]Ne quis ergo illum spernat: deducite autem illum in pace, ut veniat ad me: exspecto enim illum cum fratribus. |
[No book] |
| [12]De Apollo autem fratre vobis notum facio, quoniam multum rogavi eum ut veniret ad vos cum fratribus: et utique non fuit voluntas ut nunc veniret: veniet autem, cum ei vacuum fuerit. |
[No book] |
| [13]Vigilate, state in fide, viriliter agite, et confortamini. |
[No book] |
| [14]Omnia vestra in caritate fiant. |
[No book] |
| [15]Obsecro autem vos fratres, nostis domum Stephanæ, et Fortunati, et Achaici: quoniam sunt primitiæ Achaiæ, et in ministerium sanctorum ordinaverunt seipsos: |
[No book] |
| [16]ut et vos subditi sitis ejusmodi, et omni cooperanti, et laboranti. |
[No book] |
| [17]Gaudeo autem in præsentia Stephanæ, et Fortunati, et Achaici: quoniam id, quod vobis deerat, ipsi suppleverunt: |
[No book] |
| [18]refecerunt enim et meum spiritum, et vestrum. Cognoscite ergo qui hujusmodi sunt. |
[No book] |
| [19]Salutant vos ecclesiæ Asiæ. Salutant vos in Domino multum, Aquila et Priscilla cum domestica sua ecclesia: apud quos et hospitor. |
[No book] |
| [20]Salutant vos omnes fratres. Salutate invicem in osculo sancto. |
[No book] |
| [21]Salutatio, mea manu Pauli. |
[No book] |
| [22]Si quis non amat Dominum nostrum Jesum Christum, sit anathema, Maran Atha. |
[No book] |
| [23]Gratia Domini nostri Jesu Christi vobiscum. |
[No book] |
| [24]Caritas mea cum omnibus vobis in Christo Jesu. Amen. |
[No book] |