|
|
| [1]Audet aliquis vestrum habens negotium adversus alterum, judicari apud iniquos, et non apud sanctos? |
[No book] |
| [2]an nescitis quoniam sancti de hoc mundo judicabunt? et si in vobis judicabitur mundus, indigni estis qui de minimis judicetis? |
[No book] |
| [3]Nescitis quoniam angelos judicabimus? quanto magis sæcularia? |
[No book] |
| [4]Sæcularia igitur judicia si habueritis: contemptibiles, qui sunt in ecclesia, illos constituite ad judicandum. |
[No book] |
| [5]Ad verecundiam vestram dico. Sic non est inter vos sapiens quisquam, qui possit judicare inter fratrem suum? |
[No book] |
| [6]Sed frater cum fratre judicio contendit: et hoc apud infideles? |
[No book] |
| [7]Jam quidem omnino delictum est in vobis, quod judicia habetis inter vos. Quare non magis injuriam accipitis? quare non magis fraudem patimini? |
[No book] |
| [8]Sed vos injuriam facitis, et fraudatis: et hoc fratribus. |
[No book] |
| [9]An nescitis quia iniqui regnum Dei non possidebunt? Nolite errare: neque fornicarii, neque idolis servientes, neque adulteri, |
[No book] |
| [10]neque molles, neque masculorum concubitores, neque fures, neque avari, neque ebriosi, neque maledici, neque rapaces regnum Dei possidebunt. |
[No book] |
| [11]Et hæc quidam fuistis: sed abluti estis, sed sanctificati estis, sed justificati estis in nomine Domini nostri Jesu Christi, et in Spiritu Dei nostri. |
[No book] |
| [12]Omnia mihi licent, sed non omnia expediunt: omnia mihi licent, sed ego sub nullis redigar potestate. |
[No book] |
| [13]Esca ventri, et venter escis: Deus autem et hunc et has destruet: corpus autem non fornicationi, sed Domino: et Dominus corpori. |
[No book] |
| [14]Deus vero et Dominum suscitavit: et nos suscitabit per virtutem suam. |
[No book] |
| [15]Nescitis quoniam corpora vestra membra sunt Christi? Tollens ergo membra Christi, faciam membra meretricis? Absit. |
[No book] |
| [16]An nescitis quoniam qui adhæret meretrici, unum corpus efficitur? Erunt enim (inquit) duo in carne una. |
[No book] |
| [17]Qui autem adhæret Domino, unus spiritus est. |
[No book] |
| [18]Fugite fornicationem. Omne peccatum, quodcumque fecerit homo, extra corpus est: qui autem fornicatur, in corpus suum peccat. |
[No book] |
| [19]An nescitis quoniam membra vestra, templum sunt Spiritus Sancti, qui in vobis est, quem habetis a Deo, et non estis vestri? |
[No book] |
| [20]Empti enim estis pretio magno. Glorificate, et portate Deum in corpore vestro. |
[No book] |