➖ »
«
➖ ➕
Aleppo Codex (~920)
Alep
The Book of Enoch (1917)
1Eno(Cha)
   
1 Kings
1Kg
1
→
[1]והמלך דוד זקן בא בימים ויכסהו בבגדים ולא יחם לו [No book]
[2]ויאמרו לו עבדיו יבקשו לאדני המלך נערה בתולה ועמדה לפני המלך ותהי לו סכנת ושכבה בחיקך וחם לאדני המלך [No book]
[3]ויבקשו נערה יפה בכל גבול ישראל וימצאו את אבישג השונמית ויבאו אתה למלך [No book]
[4]והנערה יפה עד מאד ותהי למלך סכנת ותשרתהו והמלך לא ידעה [No book]
[5]ואדניה בן חגית מתנשא לאמר אני אמלך ויעש לו רכב ופרשים וחמשים איש רצים לפניו [No book]
[6]ולא עצבו אביו מימיו לאמר מדוע ככה עשית וגם הוא טוב תאר מאד ואתו ילדה אחרי אבשלום [No book]
[7]ויהיו דבריו־עם יואב בן צרויה ועם אביתר הכהן ויעזרו אחרי אדניה [No book]
[8]וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד־לא היו עם אדניהו [No book]
[9]ויזבח אדניהו צאן ובקר ומריא עם אבן הזחלת אשר אצל עין רגל ויקרא את כל אחיו בני המלך ולכל אנשי יהודה עבדי המלך [No book]
[10]ואת נתן הנביא ובניהו ואת הגבורים ואת שלמה אחיו־לא קרא [No book]
[11]ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידע [No book]
[12]ועתה לכי איעצך נא עצה ומלטי את נפשך ואת נפש בנך שלמה [No book]
[13]לכי ובאי אל המלך דוד ואמרת אליו הלא אתה אדני המלך נשבעת לאמתך לאמר כי שלמה בנך ימלך אחרי והוא ישב על כסאי ומדוע מלך אדניהו [No book]
[14]הנה עודך מדברת שם־עם המלך ואני אבוא אחריך ומלאתי את דבריך [No book]
[15]ותבא בת שבע אל המלך החדרה והמלך זקן מאד ואבישג השונמית משרת את המלך [No book]
[16]ותקד בת שבע ותשתחו למלך ויאמר המלך מה לך [No book]
[17]ותאמר לו אדני אתה נשבעת ביהוה אלהיך לאמתך כי שלמה בנך ימלך אחרי והוא ישב על כסאי [No book]
[18]ועתה הנה אדניה מלך ועתה אדני המלך לא ידעת [No book]
[19]ויזבח שור ומריא וצאן לרב ויקרא לכל בני המלך ולאביתר הכהן וליאב שר הצבא ולשלמה עבדך לא קרא [No book]
[20]ואתה אדני המלך עיני כל ישראל עליך להגיד להם־מי ישב על כסא אדני המלך אחריו [No book]
[21]והיה כשכב אדני המלך עם אבתיו והייתי אני ובני שלמה־חטאים [No book]
[22]והנה עודנה מדברת עם המלך ונתן הנביא בא [No book]
[23]ויגידו למלך לאמר הנה נתן הנביא ויבא לפני המלך וישתחו למלך על אפיו ארצה [No book]
[24]ויאמר נתן אדני המלך אתה אמרת אדניהו ימלך אחרי והוא ישב על כסאי [No book]
[25]כי ירד היום ויזבח שור ומריא וצאן לרב ויקרא לכל בני המלך ולשרי הצבא ולאביתר הכהן והנם אכלים ושתים לפניו ויאמרו יחי המלך אדניהו [No book]
[26]ולי אני עבדך ולצדק הכהן ולבניהו בן יהוידע ולשלמה עבדך־לא קרא [No book]
[27]אם מאת אדני המלך נהיה הדבר הזה ולא הודעת את עבדיך [Q: עבדך] מי ישב על כסא אדני המלך אחריו [No book]
[28]ויען המלך דוד ויאמר קראו לי לבת שבע ותבא לפני המלך ותעמד לפני המלך [No book]
[29]וישבע המלך ויאמר חי יהוה אשר פדה את נפשי מכל צרה [No book]
[30]כי כאשר נשבעתי לך ביהוה אלהי ישראל לאמר כי שלמה בנך ימלך אחרי והוא ישב על כסאי תחתי כי כן אעשה היום הזה [No book]
[31]ותקד בת שבע אפים ארץ ותשתחו למלך ותאמר־יחי אדני המלך דוד לעלם [No book]
[32]ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלך [No book]
[33]ויאמר המלך להם קחו עמכם את עבדי אדניכם והרכבתם את שלמה בני על הפרדה אשר לי והורדתם אתו אל גחון [No book]
[34]ומשח אתו שם צדוק הכהן ונתן הנביא למלך־על ישראל ותקעתם בשופר ואמרתם יחי המלך שלמה [No book]
[35]ועליתם אחריו ובא וישב על כסאי והוא ימלך תחתי ואתו צויתי להיות נגיד על ישראל ועל יהודה [No book]
[36]ויען בניהו בן יהוידע את המלך ויאמר אמן כן יאמר יהוה אלהי אדני המלך [No book]
[37]כאשר היה יהוה עם אדני המלך כן יהי [Q: יהיה] עם שלמה ויגדל את כסאו מכסא אדני המלך דוד [No book]
[38]וירד צדוק הכהן ונתן הנביא ובניהו בן יהוידע והכרתי והפלתי וירכבו את שלמה על פרדת המלך דוד וילכו אתו על גחון [No book]
[39]ויקח צדוק הכהן את קרן השמן מן האהל וימשח את שלמה ויתקעו בשופר ויאמרו כל העם יחי המלך שלמה [No book]
[40]ויעלו כל העם אחריו והעם מחללים בחללים ושמחים שמחה גדולה ותבקע הארץ בקולם [No book]
[41]וישמע אדניהו וכל הקראים אשר אתו והם כלו לאכל וישמע יואב את קול השופר ויאמר מדוע קול הקריה הומה [No book]
[42]עודנו מדבר והנה יונתן בן אביתר הכהן בא ויאמר אדניהו בא כי איש חיל אתה וטוב תבשר [No book]
[43]ויען יונתן ויאמר לאדניהו אבל אדנינו המלך דוד המליך את שלמה [No book]
[44]וישלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך [No book]
[45]וימשחו אתו צדוק הכהן ונתן הנביא למלך בגחון ויעלו משם שמחים ותהם הקריה הוא הקול אשר שמעתם [No book]
[46]וגם ישב שלמה על כסא המלוכה [No book]
[47]וגם באו עבדי המלך לברך את אדנינו המלך דוד לאמר ייטב אלהיך [Q: אלהים] את שם שלמה משמך ויגדל את כסאו מכסאך וישתחו המלך על המשכב [No book]
[48]וגם ככה אמר המלך ברוך יהוה אלהי ישראל אשר נתן היום ישב על כסאי־ועיני ראות [No book]
[49]ויחרדו ויקמו כל הקראים אשר לאדניהו וילכו איש לדרכו [No book]
[50]ואדניהו ירא מפני שלמה ויקם וילך ויחזק בקרנות המזבח [No book]
[51]ויגד לשלמה לאמר הנה אדניהו ירא את המלך שלמה והנה אחז בקרנות המזבח לאמר ישבע לי כיום המלך שלמה אם ימית את עבדו בחרב [No book]
[52]ויאמר שלמה־אם יהיה לבן חיל לא יפל משערתו ארצה ואם רעה תמצא בו ומת [No book]
[53]וישלח המלך שלמה ויורדהו מעל המזבח ויבא וישתחו למלך שלמה ויאמר לו שלמה לך לביתך [No book]
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Source: unbound.biola.edu
 Translation: R. H. Charles, D. Litt., D.D. (1917)
Source: sacred-texts.com
Top