➖ »
«
➖ ➕
Peshitta OT
PesOT
The Book of Jubilees
Jub(YWO)
←
1 Kings
1Kg
11
→
[1]ܘܡܲܠܟܵܐ ܫܠܹܝܡܘܿܢ ܪܚܸܡ̣ ܢܸܫܹ̈ܐ ܣܲܓ̇ܝܼ̈ܐܵܬ̣ܵܐ: ܢܘܼܟ݂ܪ̈ܵܝܵܬ̣ܵܐ: ܘܲܠܒܲܪܬ̣ ܦܸܪܥܘܿܢ: ܘܥܲܡ̈ܘܿܢܵܝܵܬ̣ܵܐ: ܘܡܘܼܐܒ̣ܵـ̈ـܝܵܬ̣ܵܐ: ܘܐܲܕ݂ܘܿܡܵـ̈ـܝܵܬ̣ܵܐ: ܘܨܲܝܵܕ̇ܢܵܝܵܬ̣ܵܐ: ܘܚܹܬ̣ܵܝܵـ̈ـܬ̣ܵܐ. [No book]
[2]ܡ̣ܢ ܥܲܡܡܹ̈ܐ ܕܐܸܡܲܪ ܡܵܪܝܵܐ ܠܲܒ̣ܢܲܝ̈ ܝܼܣܪܵܝܹܠ: ܠܵܐ ܬܸܬ̣ܚܲܠܛܘܼܢ ܒܗܘܿܢ: ܘܗܸܢܘܿܢ ܠܵܐ ܢܸܬ̣ܚܲܠܛܘܼܢ ܒܟ݂ܘܢ: ܕܲܠܡܵܐ ܢܲܣܛ̈ܝܵܢ ܠܸܒ̇ܟ݂ܘܿܢ ܒܵܬܲܪ ܐܲܠܵܗܲܝܗܹ̈ܝܢ. ܒܗܹܝܢ ܐܸܬ̇ܕܲܒܲܩ ܫܠܹܝܡܘܿܢ ܘܐܸܚܲܕ݂ ܘܲܪܚܸܡ. [No book]
[3]ܘܲܗ̤̈ܘܲܝ ܠܹܗ ܢܸܫܹ̈ܐ ܚܹܐܪ̈ܵܬ̣ܵܐ ܫܒܲܥ ܡܵܐܐ: ܘܲܕ݂ܪ̈ܘܼܟ݂ܵܬ̣ܵܐ ܬܠܵܬ̣ܡܵܐܐ: ܘܐܲܣܛܝܼ ܢܸܫܵܘ̈ܗܝ ܠܸܒܹ̇ܗ. [No book]
[4]ܘܲܗܘ̤ܵܐ ܠܙܲܒ̣ܢܵܐ ܕܣܲܝܒ̇ܘܼܬܹܗ ܕܲܫܠܹܝܡܘܿܢ: ܢܸܫܵܘ̈ܗܝ ܐܲܣܛܝܼ ܠܸܒܹ̇ܗ ܒܵܬܲܪ ܐܲܠܵܗܹ̈ܐ ܐ̄ܚܪ̈ܵܢܹܐ. ܘܠܵܐ ܗ̄ܘ̣ܵܐ ܠܸܒܹ̇ܗ ܫܠܸܡ ܥܲܡ ܡܵܪܝܵܐ ܐܲܠܵܗܹܗ ܐܲܝܟ݂ ܠܸܒܵܐ ܕܕ݂ܵܘܝܼܕ݂ ܐܲܒ̣ܘܼܗܝ. [No book]
[5]ܘܐܸܙܲܠ ܫܠܹܝܡܘܿܢ ܒܵܬܲܪ ܥܸܣܬ̇ܪܘܼܬ̣ ܐܲܠܵܗܬܵܐ ܕܨܲܝܕ̇ܢܵܝܹ̈ܐ: ܘܒ̣ܵܬܲܪ ܟܵܡܘܿܫ ܕܸܚ̱ܠܬ̣ܵܐ ܕܡܘܼܐܒ̣ܵܝܹ̈ܐ: ܘܒ̣ܵܬܲܪ ܡܲܠܟ̇ܘܿܡ ܐܲܠܵܗܵܐ ܕܲܒ̣ܢܲܝ̈ ܥܲܡܘܿܢ. [No book]
[6]ܘܲܥܒܲܕ݂ ܫܠܹܝܡܘܿܢ ܕܒ̣ܝܼܫ ܩܕ݂ܵܡ ܡܵܪܝܵܐ: ܘܠܵܐ ܫܲܡܠܝܼ ܒܵܬܲܪ ܡܵܪܝܵܐ ܐܲܝܟ݂ ܕܵܘܝܼܕ݂ ܐܲܒ̣ܘܼܗܝ. [No book]
[7]ܗܵܝܕܹ̇ܝܢ ܒܢܵܐ ܫܠܹܝܡܘܿܢ ܥܠܵܬ̣ܵܐ ܠܟ݂ܵܡܘܿܫ ܕܸܚ̱ܠܬ̣ܵܐ ܕܡܘܼܐܵܒ̣: ܒܛܘܼܪܵܐ ܕܲܩܕ݂ܵܡ ܐܘܿܪܸܫܠܸܡ: ܘܲܠܡܲܠܟ̇ܘܿܡ ܕܸܚ̱ܠܬ̣ܵܐ ܕܲܒ̣ܢܲܝ̈ ܥܲܡܘܿܢ. [No book]
[8]ܘܗܵܟܲܢܵܐ ܥ̣ܒܲܕ݂ ܠܟ݂ܠܗܹܝܢ ܢܸܫܵܘ̈ܗܝ ܢܘܼܟ݂ܪ̈ܵܝܵܬ̣ܵܐ: ܕܣܵܝ̈ܡܵܢ ܗ̄ܘܲܝ̈ ܒܸܣܡܹ̈ܐ ܘܲܡܕܲܒ̇ـ̈ـܚܵܢ ܠܐܲܠܵܗܲܝܗܹ̈ܝܢ. [No book]
[9]ܘܲܪܓܸܙ ܡܵܪܝܵܐ ܥܲܠ ܫܠܹܝܡܘܿܢ: ܥܲܠ ܕܲܣܛܵܐ ܠܸܒܹ̇ܗ ܡ̣ܢ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܕܐܸܬ̣ܓ̇ܠܝܼ ܥܠܵܘܗܝ ܕܬܲܪܬܹ̇ܝܢ ܙܲܒ̣ܢ̈ܝܼܢ. [No book]
[10]ܘܦܲܩܕܹܗ ܥܲܠ ܦܸܬ̣ܓ̣ܵܡܵܐ: ܗܵܢܵܐ: ܕܠܵܐ ܢܹܐܙܲܠ ܒܵܬܲܪ ܐܲܠܵܗܹ̈ܐ ܕܥܲܡܡܹ̈ܐ. ܘܠܵܐ ܢܛܲܪ ܡܸܕܸ̇ܡ ܕܦܲܩܕܹܗ ܡܵܪܝܵܐ. [No book]
[11]ܘܐܸܡܲܪ ܡܵܪܝܵܐ ܠܲܫܠܹܝܡܘܿܢ: ܥܲܠ ܕܲܗܘ̤ܵܬ̣ ܗܵܕܹܐ ܥܲܡܵܟ݂: ܘܠܵܐ ܢܛܲܪܬ̇ ܩܝܵܡܝ ܘܕ݂ܝܼܢܲܝ̈ ܘܦܘܼܩ̈ܕܵܢܲܝ ܕܦܲܩܸܕ̇ܬܵܟ݂: ܡܸܨܪܵܐ ܐܸܨܪܹܝܗ̇ ܠܡܲܠܟ̇ܘܼܬ̣ܵܐ ܡ̣ܢ ܐܝܼܕ݂ܵܟ݂ ܘܐܸܬ̇ܠܝܼܗ̇ ܠܥܲܒ̣ܕܵܟ݂. [No book]
[12]ܒܪܲܡ ܒܝܵܘ̈ܡܲܝܟ ܠܵܐ ܐܸܥܒ̇ܕ݂ܝܼܗ̇: ܡܸܛܠ ܕܵܘܝܼܕ݂ ܥܲܒ̣ܕ̇ܝ. ܡ̣ܢ ܐܝܼܕ݂ܵܐ ܕܲܒ̣ܪܵܟ݂ ܐܸܨܪܹܝܗ̇. [No book]
[13]ܒܪܲܡ ܟܠܵܗ̇ ܡܲܠܟ̇ܘܼܬ̣ܵܐ ܠܵܐ ܐܸܨܪܸܐ: ܫܲܒ̣ܛܵܐ ܚܲܕ݂ ܐܸܬܸ̇ܠ ܠܲܒ̣ܪܵܟ݂: ܡܸܛܠ ܕܵܘܝܼܕ݂ ܥܲܒ̣ܕ̇ܝ: ܘܡܸܛܠ ܐܘܿܪܸܫܠܸܡ ܩܪܝܼܬ̣ܵܐ ܕܲܓ̣ܒܹ̇ܝܬ̣. [No book]
[14]ܘܐܲܩܝܼܡ ܡܵܪܝܵܐ ܣܵܛܵܢܵܐ ܠܲܫܠܹܝܡܘܿܢ: ܠܲܗܕܵܕ݂ ܐܲܕ݂ܘܿܡܵܝܵܐ: ܡ̣ܢ ܙܲܪܥܵܐ ܗ̄ܘ̣ܵܐ ܓܹܝܪ ܕܡܲܠ̈ܟܹ̇ܐ ܒܐܲܕ݂ܘܿܡ. [No book]
[15]ܘܟܲܕ݂ ܚܪܲܒ̣ ܕܵܘܝܼܕ݂ ܠܐܲܕ݂ܘܿܡ: ܟܲܕ݂ ܣܠܸܩ ܝܘܿܐܵܒ̣ ܪܲܒ̇ ܚܲܝܠܵܐ ܠܲܡܩܲܒܵܪܘܼ ܩܛܝܼܠܹ̈ܐ: ܘܩܲܛܸܠ ܟܠ ܕܸܟ݂ܪܵܐ ܒܐܲܕ݂ܘܿܡ. [No book]
[16]ܡܸܛܠ ܕܸܫܬܵܐ ܝܲܪ̈ܚܝܼܢ ܝܼܬܸܒ̣ ܬܲܡܵܢ ܝܘܿܐܵܒ̣ ܘܟ݂ܠܹܗ ܝܼܣܪܵܝܹܠ ܥܲܡܹܗ: ܥܕܲܡܵܐ ܕܩܲܛܸܠ ܟܠ ܕܸܟ݂ܪܵܐ ܒܐܲܕ݂ܘܿܡ. [No book]
[17]ܘܲܥܪܲܩ̣ ܗܕܵܕ݂ ܗ̤ܘ ܘܐ̄ܢܵܫܵܐ ܐܲܕ݂ܘܿܡܵܝܹ̈ܐ: ܡ̣ܢ ܥܲܒ̣ܕܵܘܗܝ ܕܐܲܒ̣ܘܼܗܝ ܠܡܸܥܲܠ ܠܡܸܨܪܝܼܢ. ܘܲܗܕ݂ܵܕ݂ ܛܲܠܝܵܐ ܗ̄ܘ̣ܵܐ ܙܥܘܿܪܵܐ. [No book]
[18]ܘܩܵܡ̣ܘ ܡ̣ܢ ܡܸܕ݂ܝܲܢ ܘܥܲܠܘ ܠܦܵܪܵܢ: ܘܲܕ݂ܒܲܪܘ ܓܲܒ̣ܪܹ̈ܐ ܥܲܡܗܘܿܢ ܡ̣ܢ ܦܵܪܲܢ: ܘܥܲܠ̣ܘ ܠܡܸܨܪܝܼܢ: ܠܘܵܬ̣ ܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܘܝܲܗ̄ܒ̣ ܠܹܗ ܒܲܝܬܵܐ ܘܠܲܚܡܵܐ: ܘܐܸܡܲܪ ܠܹܗ ܬܸܒ̣ ܠܘܵܬ̣ܝ. ܘܐܲܪܥܵܐ ܝܲܗ̄ܒ̣ ܠܹܗ. [No book]
[19]ܘܐܸܫܟܲܚ ܗܕ݂ܵܕ݂ ܪ̈ܲܚܡܹܐ ܒܥܲܝܢܲܝ̈ ܦܸܪܥܘܿܢ. ܘܝܲܗ̄ܒ̣ ܠܹܗ ܐܲܢ̄ܬ̇ܬ̣ܵܐ ܚܵܬ̣ܵܗ̇ ܕܐܲܢ̄ܬ̇ܬܹܗ: ܚܵܬ̣ܵܗ̇ ܕܬܲܚܦܝܼܣ ܪܲܒ̇ܬ̣ܵܐ. [No book]
[20]ܘܝܸܠܕܲܬ̤ ܠܹܗ ܚܵܬ̣ܵܗ̇ ܕܬܲܚܦܝܼܣ ܠܲܓ̣ܒ̣ܘܿܬ̣ ܒܪܹܗ: ܘܲܚܣܲܠܬܹܗ ܬܲܚܦܝܼܣ ܒܓ̣ܵܘ ܒܹܝܬ̣ ܦܲܪܥܘܿܢ. ܘܲܗܘ̤ܵܐ ܓܒ̣ܘܿܬ̣ ܒܹܝܬ̣ ܦܸܪܥܘܿܢ: ܒܲܝܢܵܬ̣ ܒܢܵܘ̈ܗܝ ܕܦܸܪܥܘܿܢ. [No book]
[21]ܘܲܗܕ݂ܵܕ݂ ܫ̣ܡܲܥ ܒܡܸܨܪܹܝܢ ܕܲܫܟ݂ܒ̣ ܕܵܘܝܼܕ݂ ܥܲܡ ܐܲܒ̣ܵܗܵܘ̈ܗܝ: ܘܲܕ݂ܡܝܼܬ̣ ܝܘܿܐܵܒ̣ ܪܲܒ̇ ܚܲܝܠܵܐ: ܘܲܗܕ݂ܵܕ݂ ܐܸܡܲܪ ܠܦܲܪܥܘܿܢ: ܫܲܕܲܪܲܝܢܝ ܐܸܙܲܠ ܠܐܲܪܥܝ. [No book]
[22]ܐܵܡܲܪ ܠܹܗ ܦܸܪܥܘܿܢ: ܡܵܢܵܐ ܓܹܝܪ ܚܣܲܪܬ̇ ܠܘܵܬ̣ܝ: ܕܗܵܐ ܒܵܥܹ̇ܐ ܐܲܢ̄ܬ̇ ܕܬܹܐܙܲܠ ܠܵܟ݂ ܠܐܲܪܥܵܟ݂. ܐܵܡܲܪ ܠܹܗ: ܠܵܐ: ܐܸܠܵܐ ܡܫܲܕܵܪܘܼ ܫܲܕ̇ܪܲܝܢܝ. [No book]
[23]ܘܐܲܩܝܼܡ ܠܹܗ ܡܵܪܝܵܐ ܣܵܛܵܢܵܐ ܠܗܸܕ݂ܪܘܿܢ ܒܲܪ ܐܹܠܝܼܕܲܥ: ܕܲܥܪܲܩ ܡ̣ܢ ܠܘܵܬ̣ ܗܕܲܪܥܙܲܪ ܡܲܠܟܵܐ ܕܨܘܿܒ̣ܵܐ ܡܵܪܹܗ. [No book]
[24]ܘܲܟ݂ܢܲܫܘ ܥܠܵܘܗܝ ܓܲܒ̣ܪܹ̈ܐ. ܘܲܗܘ̤ܵܐ ܪܲܒ̇ ܓܲܝܵܣܵܐ. ܘܟܲܕ݂ ܩܲܛܸܠ ܐܸܢܘܿܢ ܕܵܘܝܼܕ݂: ܐܸܙܲܠ̣ܘ ܠܕܲܪܡܣܘܿܩ ܘܝܼܬܸܒ̣ܘ ܒܵܗ̇. ܘܐܲܡ̣ܠܸܟ݂ ܗܸܕ݂ܪܘܿܢ ܒܕܲܪܡܣܘܿܩ. [No book]
[25]ܘܲܗܘ̤ܵܐ ܣܵܛܵܢܵܐ ܠܝܼܣܪܵܝܹܠ: ܟܠܗܘܿܢ ܝܵܘ̈ܡܵܬܹܗ ܕܲܫܠܹܝܡܘܿܢ: ܥܲܠ ܒܝܼܫܬܵܐ ܕܲܥܒܲܕ݂. ܘܲܗܕܵܕ ܐܲܥܝܼܩ ܠܲܒ̣ܢܲܝ̈ ܝܼܣܪܵܝܹܠ: ܘܐܲܡ̣ܠܸܟ݂ ܥܲܠ ܐܲܕ݂ܘܿܡ. [No book]
[26]ܘܝܘܿܪܲܒ̣ܥܲܡ ܒܲܪ ܢܵܒ̣ܵܛ ܐܵܦܲܪܬ̣ܵܝܵܐ ܡ̣ܢ ܨܸܕ݂ܪܵܐ: ܘܲܫܡܵܗ̇ ܕܐܸܡܹܗ ܨܪܘܿܥܵܐ: ܐܲܢ̄ܬ̇ܬ̣ܵܐ ܐܲܪܡܲܠܬܵܐ: ܥܲܒ̣ܕܵܐ ܕܲܫܠܹܝܡܘܿܢ. ܘܐܲܪܝܼܡ ܐܝܼܕ݂ܵܐ ܥܲܠ ܡܲܠܟܵܐ ܫܠܹܝܡܘܿܢ. [No book]
[27]ܘܗܵܢܵܐ ܦܸܬ̣ܓ̣ܵܡܵܐ ܕܐܲܪܝܼܡ ܐܝܼܕ݂ܵܐ ܒܡܲܠܟܵܐ ܫܠܹܝܡܘܿܢ: ܟܲܕ݂ ܒܢ̣ܵܐ ܠܡܲܠܘܿ: ܘܣܲܟܲܪ ܬܘܼܪ̱ܥܬ̣ܵܐ ܕܲܩܪܝܼܬܹܗ ܕܕ݂ܵܘܝܼܕ݂. [No book]
[28]ܘܓܲܒ̣ܪܵܐ ܝܘܿܪܲܒ̣ܥܲܡ ܓܲܢ̄ܒܪ ܚܲܝܠܵܐ ܗ̄ܘ̣ܵܐ. ܘܲܚܙܵܝܗܝ ܡܲܠܟܵܐ ܫܠܹܝܡܘܿܢ ܠܛܲܠܝܵܐ ܕܓܲܢ̄ܒܵܪ ܚܲܝܠܵܐ ܗ̄ܘ̣. ܘܐܲܫ̱ܠܛܹܗ ܥܲܠ ܟܠܹܗ ܥܒ̣ܵܕ݂ܵܐ ܕܒܹܝܬ̣ ܝܵܘܣܸܦ. [No book]
[29]ܘܲܗܘ̤ܵܐ ܒܙܲܒ̣ܢܵܐ ܗܵܘ̇: ܘܝܘܿܪܲܒ̣ܥܲܡ ܢܦܲܩ̣ ܡ̣ܢ ܐܘܿܪܸܫܠܸܡ: ܘܐܸܫܟ̇ܚܹܗ ܐܲܚܝܼܵܐ ܢܒ̣ܝܼܵܐ ܫܝܼܠܘܿܢܵܝܵܐ ܒܐܘܼܪܚܵܐ. ܘܐܲܚܝܼܵܐ ܡܟܲܣܲܝ ܗ̄ܘ̣ܵܐ ܒܲܠܒ̣ܘܼܫܵܐ ܚܲܕ݂ܬ̣ܵܐ: ܘܲܬ̣ܪ̈ܲܝܗܘܿܢ ܗ̄ܘ̣ܵܘ ܒܲܠܚܘܿܕ݂ ܒܚܲܩܠܵܐ. [No book]
[30]ܘܐܸܚܲܕ݂ ܐܲܚܝܼܵܐ ܒܲܠܒ̣ܘܼܫܵܐ ܚܲܕ݂ܬ̣ܵܐ ܕܲܥܠܵܘܗܝ: ܘܲܨܪܵܝܗܝ ܠܲܬ̣ܪܸܥܣܲܪ ܨܪ̈ܵܘܵܢ. [No book]
[31]ܘܐܸܡܲܪ ܠܝܘܿܪܲܒ̣ܥܲܡ: ܣܲܒ̣ ܠܵܟ݂ ܥܸܣܪܵܐ ܨܪ̈ܵܘܵܢ: ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܨܵܪܹܐ ܐ̄ܢܵܐ ܡܲܠܟ̇ܘܼܬ̣ܵܐ ܡ̣ܢ ܐܝܼܕܹܗ ܕܲܫܠܹܝܡܘܿܢ: ܘܐܸܬܸ̇ܠ ܠܵܟ݂ ܥܸܣܪܵܐ ܫܲܒ̣̈ܛܝܼܢ. [No book]
[32]ܘܫܲܒ̣ܛܵܐ ܚܲܕ݂ ܢܸܗܘܹܐ ܠܹܗ ܡܸܛܠ ܕܵܘܝܼܕ݂ ܥܲܒ̣ܕ̇ܝܼ: ܡܸܛܠ ܐܘܿܪܸܫܠܸܡ ܩܪܝܼܬ̣ܵܐ ܕܲܨܒܹ̇ܝܬ̣ ܒܵܗ̇ ܡ̣ܢ ܟܠܗܘܿܢ ܫܲܒ̣̈ܛܹܐ ܕܝܼܣܪܵܝܹܠ. [No book]
[33]ܥܲܠ ܕܫܲܒ̣ܩܲܢܝ ܘܲܣܓܸܕ݂ ܠܥܸܣܬ̇ܪܘܼܬ̣ ܐܲܠܵܗܬܵܐ ܕܨܲܝܕ̇ܢܵܝܹ̈ܐ: ܘܲܠܟ݂ܵܡܘܿܫ ܐܲܠܵܗܵܐ ܕܡܘܼܐܒ̣ܵܝܹ̈ܐ: ܘܲܠܡܲܠܟ̇ܘܿܡ ܐܲܠܵܗܵܐ ܕܲܒ̣ܢܲܝ̈ ܥܲܡܘܿܢ. ܘܠܵܐ ܗܲܠܸܟ݂ ܒܐܘܼܪ̈ܚܵܬ̣ܝ: ܘܠܵܐ ܥ̣ܒܲܕ݂ ܕܫܲܦܝܼܪ ܩܕ݂ܵܡܲܝ: ܘܠܵܐ ܢ̣ܛܲܪ ܩܝܵܡܲܝ̈ ܘܕ݂ܝܼܢܲܝ̈ ܐܲܝܟ݂ ܕܵܘܝܼܕ݂ ܐܲܒ̣ܘܼܗܝ. [No book]
[34]ܘܠܵܐ ܐܸܣܲܒ̣ ܟܠܵܗ̇ ܡܲܠܟ̇ܘܼܬ̣ܵܐ ܡ̣ܢ ܐܝܼܕ݂ܵܘ̈ܗܝ: ܐܸܠܵܐ ܪܒܵܐ ܐܸܥܒ̇ܕ݂ܝܼܘܗܝ ܟܠ ܝܵܘ̈ܡܲܝ ܚܲܝܵܘ̈ܗܝ. ܡܸܛܠ ܕܵܘܝܼܕ݂ ܥܲܒ̣ܕ̇ܝܼ ܕܲܓ̣ܒܹ̇ܝܬܹܗ: ܕܲܢܛܲܪ ܦܘܼܩ̈ܕܵܢܲܝ ܘܲܩܝܵܡܲܝ̈. [No book]
[35]ܘܐܸܣܲܒ̣ ܡܲܠܟ̇ܘܼܬ̣ܵܐ ܡ̣ܢ ܐܝܼܕܲܝ̈ ܒܪܹܗ: ܘܐܸܬܸ̇ܠ ܠܵܟ݂ ܥܸܣܪܵܐ ܫܲܒ̣ܛ̈ܝܼܢ. [No book]
[36]ܘܠܲܒ̣ܪܹܗ ܐܸܬܸ̇ܠ ܫܲܒ̣ܛܵܐ ܚܲܕ݂. ܡܸܛܠ ܕܢܸܗܘܹܐ ܫܪܵܓ̣ܵܐ ܠܥܲܒ̣ܕ̇ܝ ܕܵܘܝܼܕ݂ ܟܠܗܘܿܢ ܝܵܘ̈ܡܵܬ̣ܵܐ ܩܕ݂ܵܡܲܝ: ܒܐܘܿܪܸܫܠܸܡ ܩܪܝܼܬ̣ܵܐ ܕܲܓ̣ܒܹܝܬ̣ ܠܝܼ ܠܲܡܣܵܡ ܫܹܡܝ ܬܲܡܵܢ. [No book]
[37]ܘܠܵܟ݂ ܐܸܬܸ̇ܠ: ܘܬܲܡܠܸܟ݂ ܐܲܝܟ݂ ܕܨܵܒ̣ܝܵܐ ܢܲܦ̮ܫܵܟ݂. ܘܬܸܗܘܹܐ ܡܲܠܟܵܐ ܥܲܠ ܝܼܣܪܵܝܹܠ. [No book]
[38]ܘܐܸܢ ܬܸܫܡܲܥ ܟܠ ܕܦܲܩܸܕ̇ܬܵܟ݂: ܘܲܬ̣ܗܲܠܸܟ݂ ܒܐܘܼܪ̈ܚܵܬ̣ܝ: ܘܬܸܥܒܸ̇ܕ݂ ܕܫܲܦܝܼܪ ܩܕ݂ܵܡܲܝ: ܘܬܸܛܲܪ ܩܝܵܡܲܝ̈ ܘܦܘܼܩ̈ܕܵܢܲܝ: ܐܲܝܟ݂ ܕܲܥܒܲܕ݂ ܕܵܘܝܼܕ݂ ܥܲܒ̣ܕ̇ܝ: ܐܸܗܘܹܐ ܥܲܡܵܟ݂: ܘܐܸܒܢܹܐ ܠܵܟ݂ ܒܲܝܬܵܐ ܡܗܲܝܡܢܵܐ: ܐܲܝܟ݂ ܕܲܒ̣ܢܹ̇ܝܬ̣ ܠܕ݂ܵܘܝܼܕ݂ ܥܲܒ̣ܕ̇ܝ ܘܐܸܬܸ̇ܠ ܠܵܟ݂ ܠܝܼܣܪܵܝܹܠ. [No book]
[39]ܘܐܹܡܲܟܸ̇ܟ݂ ܙܲܪܥܹܗ ܕܕ݂ܵܘܝܼܕ݂ ܡܸܛܠ ܗܵܕܹܐ: ܒܪܲܡ ܠܵܐ ܟܠܗܘܿܢ ܝܵܘ̈ܡܵܬ̣ܵܐ. [No book]
[40]ܘܲܒ̣ܥܵܐ ܫܠܹܝܡܘܿܢ ܠܡܸܩܛܠܹܗ ܠܝܘܿܪܲܒ̣ܥܲܡ: ܘܩܵܡ̣ ܝܘܿܪܲܒ̣ܥܲܡ ܘܲܥܪܲܩ̣ ܠܡܸܨܪܹܝܢ: ܠܘܵܬ̣ ܫܝܼܫܵܩ ܡܲܠܟܵܐ ܕܡܸܨܪܹܝܢ: ܘܲܗܘ̤ܵܐ ܒܡܸܨܪܹܝܢ ܥܕܲܡܵܐ ܕܡܝܼܬ̣ ܫܠܹܝܡܘܿܢ. [No book]
[41]ܘܫܲܪܟܵܐ ܕܦܲܬ̣ܓ̣ܵܡܵܘ̈ܗܝ ܕܲܫܠܹܝܡܘܿܢ ܘܟ݂ܠ ܡܸܕܸ̇ܡ ܕܲܥܒܲܕ݂ ܘܚܸܟ݂ܡ̱ܬܹܗ: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܦܸܬ̣ܓ̣ܵܡܵܘ̈ܗܝ ܕܲܫܠܹܝܡܘܿܢ. [No book]
[42]ܘܝܵܘ̈ܡܵܬ̣ܵܐ ܕܐܲܡܠܸܟ݂ ܫܠܹܝܡܘܿܢ ܒܐܘܿܪܸܫܠܸܡ ܥܲܠ ܟܠܹܗ ܝܼܣܪܵܝܹܠ ܐܲܪܒ̇ܥܝܼܢ ܫܢ̈ܝܼܢ. [No book]
[43]ܘܲܫܟ݂ܝܼܒ̣ ܫܠܹܝܡܘܿܢ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܐܲܒ̣ܘܼܗܝ. ܘܐܲܡ̣ܠܸܟ݂ ܪܚܸܒ̣ܥܲܡ ܒܪܹܗ ܒܵܬ̣ܪܹܗ. [No book]
Author: Enoch the Prophet
Source: www.YahwehsWord.org
Top