➖ »
«
➖ ➕
Peshitta OT
PesOT
The Works of Flavius Josephus
Josephus
←
1 Kings
1Kg
15
→
[1]ܘܒܲܫܢܲܬ̣ ܬܡܵܢܲܥܸܣܪܹ̈ܐ ܕܡܲܠܟܵܐ ܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܐܲܡ̣ܠܸܟ݂ ܐܲܒ̣ܝܼܵܐ ܥܲܠ ܝܼܗܘܼܕ݂ܵܐ ܬܠܵܬ̣ ܫܢ̈ܝܼܢ: ܒܐܘܿܪܸܫܠܸܡ. [No book]
[2]ܘܲܫܡܵܐ ܕܐܸܡܹܗ ܡܲܠܟܵܐ ܒܲܪܬ̣ ܥܒܸܕ݂ ܫܵܠܘܿܡ. [No book]
[3]ܘܗܲܠܸܟ݂ ܒܟ݂ܠܗܘܿܢ ܚܛܵܗܵܘ̈ܗܝ ܕܐܲܒ̣ܘܼܗܝ ܕܲܥ̣ܒܲܕ݂ ܩܕ݂ܵܡܵܘܗܝ. ܘܠܵܐ ܗܘ̤ܵܐ ܠܸܒܹ̇ܗ ܫܠܸܡ ܥܲܡ ܡܵܪܝܵܐ ܐܲܠܵܗܹܗ: ܐܲܝܟ݂ ܠܸܒܵܐ ܕܕ݂ܵܘܝܼܕ݂ ܐܲܒ̣ܘܼܗܝ. [No book]
[4]ܘܡܸܛܠ ܕܵܘܝܼܕ݂ ܐܲܒ̣ܘܼܗܝ: ܝܲܗ̄ܒ̣ ܠܹܗ ܡܵܪܝܵܐ ܐܲܠܵܗܵܐ ܫܪܵܓ̣ܵܐ ܒܐܘܿܪܸܫܠܸܡ ܕܲܢܩܝܼܡ ܒܪܹܗ ܒܵܬ̣ܪܹܗ: ܘܲܢܩܝܼܡܝܼܘܗܝ ܒܐܘܿܪܸܫܠܸܡ. [No book]
[5]ܡܸܛܠ ܕܲܥܒܲܕ݂ ܕܵܘܝܼܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ ܐܲܠܵܗܹܗ. ܘܠܵܐ ܣܛܵܐ ܡ̣ܢ ܟܠ ܡܸܕܸ̇ܡ ܕܦܲܩܕܹܗ ܟܠ ܝܵܘ̈ܡܲܝ ܚܲܝܵܘ̈ܗܝ: ܒܲܠܚܘܿܕ݂ ܐܸܠܵܐ ܐܸܢ ܒܲܨܒ̣ܘܼܬ̣ܵܐ ܕܐܘܿܪܝܼܵܐ ܚܹܬ̣ܵܝܵܐ. [No book]
[6]ܘܲܩܪܵܒ̣ܵܐ ܗܘ̤ܵܬ̣ ܒܹܝܬ̣ ܐܲܒ̣ܝܼܵܐ ܒܲܪ ܪܚܸܒ̣ܥܲܡ. ܘܒܹܝܬ̣ ܝܘܿܪܲܒ̣ܥܲܡ ܟܠ ܝܵܘ̈ܡܲܝ ܚܲܝܲܝ̈ܗܘܿܢ. [No book]
[7]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܲܒ̣ܝܼܵܐ. ܘܟ݂ܠ ܡܸܕܸ̇ܡ ܕܲܥ̣ܒܲܕ݂: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. [No book]
[8]ܘܲܫܟܸܒ̣ ܐܲܒ̣ܝܼܵܐ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܒܲܩܪܝܼܬ̣ܵܐ ܕܕ݂ܵܘܝܼܕ݂. ܘܐܲܡܠܸܟ݂ ܐܵܣܵܐ ܒܪܹܗ ܒܵܬ̣ܪܹܗ. [No book]
[9]ܘܒܲܫܢܲܬ̣ ܥܸܣܪܝܼܢ ܠܝܘܿܪܲܒ̣ܥܲܡ ܡܲܠܟܵܐ ܕܝܼܣܪܵܝܹܠ: ܐܲܡܠܸܟ݂ ܐܵܣܵܐ ܡܲܠܟܵܐ ܕܲܝܗܘܼܕ݂ܵܐ. [No book]
[10]ܘܐܲܪܒ̇ܥܝܼܢ ܘܲܚܕ݂ܵܐ ܫܢ̈ܝܼܢ ܐܲܡܠܸܟ݂ ܒܐܘܿܪܸܫܠܸܡ. ܘܲܫܡܵܐ ܕܐܸܡܹܗ ܡܲܥܟܵܐ ܒܲܪܬ̣ ܥܒܸܕ݂ ܫܵܠܘܿܡ. [No book]
[11]ܘܲܥ̣ܒܲܕ݂ ܐܵܣܵܐ ܕܫܲܦܝܼܪ ܩܕ݂ܵܡ ܡܵܪܝܵܐ ܐܲܝܟ݂ ܕܵܘܝܼܕ݂ ܐܲܒ̣ܘܼܗܝ. [No book]
[12]ܘܐܲܥܒܲܪ ܙܲܢܵܝܹ̈ܐ ܡ̣ܢ ܐܲܪܥܵܐ. ܘܐܲܥܒܲܪ ܟܠܗܘܿܢ ܦܬܲܟ݂ܪܹ̈ܐ ܕܲܥ̣ܒܲܕ݂ܘ ܐܲܒ̣ܵܗܵܘ̈ܗܝ. [No book]
[13]ܘܐܵܦ ܠܡܲܥܟܵܐ ܐܸܡܹܗ ܐܲܥܒ̇ܪܵܗ̇ ܡ̣ܢ ܪܲܒ̇ܘܼܬ̣ܵܗ̇: ܥܲܠ ܕܥܵܒ̣ܵܕ݂ܵܐ ܗ̄ܘ̣ܵܬ̣ ܥܹܐܕ݂ܵܐ ܠܕܸܚ̱ܠܬ̣ܵܗ̇. ܘܦܲܣܩܵܗ̇ ܐܵܣܵܐ ܠܲܦܬ̣ܵܟ݂ܪܬ̣ܵܗ̇: ܘܐܵܘܩܕ݂ܵܗ̇ ܒܢܲܚܠܵܐ ܕܩܸܕ݂ܪܘܿܢ. [No book]
[14]ܘܲܥ̈ܠܵܘܵܬ̣ܵܐ ܠܵܐ ܐܲܥܒܲܪ: ܒܪܲܡ ܠܸܒܹ̇ܗ ܕܐܵܣܵܐ ܫܠܸܡ ܗ̄ܘ̣ܵܐ ܥܲܡ ܡܵܪܝܵܐ ܐܲܠܵܗܹܗ ܟܠܗܘܿܢ ܝܵܘ̈ܡܵܬܹܗ. [No book]
[15]ܘܐܲܝܬ̇ܝܼ ܩܘܼܕ݂ܫܹ̈ܐ ܕܐܲܒ̣ܵܗܵܘ̈ܗܝ ܘܩܘܼܕ݂ܫܵܘ̈ܗܝ ܠܒܲܝܬܹ̇ܗ ܕܡܵܪܝܵܐ: ܟܸܣܦܵܐ ܘܕܲܗܒ̣ܵܐ ܘܡܵܐܢܹ̈ܐ. [No book]
[16]ܘܲܩܪܵܒ̣ܵܐ ܗܘ̤ܵܐ ܒܹܝܬ̣ ܐܵܣܵܐ ܠܒܹܝܬ̣ ܒܲܥܫܵܐ ܡܲܠܟܵܐ ܕܝܼܣܪܵܝܹܠ: ܟܠܗܘܿܢ ܝܵܘ̈ܡܵܬ̣ܗܘܿܢ. [No book]
[17]ܗܵܝܕܹ̇ܝܢ ܣܠܸܩ̣ ܒܲܥܫܵܐ ܡܲܠܟܵܐ ܕܝܼܣܪܵܝܹܠ: ܥܲܠ ܝܼܗܘܼܕ݂ܵܐ: ܘܲܒ̣ܢܵܐ ܠܪܵܡܬ̣ܵܐ. ܘܠܵܐ ܫܒܲܩ ܕܢܵܦܹ̇ܩ ܘܲܕ݂ܥܵܐܹ̇ܠ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ. [No book]
[18]ܘܲܢܣܲܒ̣ ܐܵܣܵܐ ܟܠܹܗ ܟܸܣܦܵܐ ܘܕܲܗܒ̣ܵܐ ܕܐܸܫܬ̇ܚܲܕ݂ ܒܒܲܝܬܹ̇ܗ ܕܡܵܪܝܵܐ: ܘܲܒ̣ܓܲܙܵܐ ܕܒܹܝܬ̣ ܡܲܠܟܵܐ. ܘܝܲܗ̄ܒ̣ ܒܐܝܼܕ݂ܵܐ ܕܥܲܒ̣ܕܵܘ̈ܗܝ. ܘܫܲܕܲܪ ܐܸܢܘܿܢ ܐܵܣܵܐ ܡܠܟܵܐ ܕܲܝܗܘܼܕ݂ܵܐ: ܠܘܵܬ̣ ܒܲܪ ܗܕ݂ܵܕ݂ ܒܲܪ ܛܒܲܪ ܐܲܡܘܿܢ: ܒܲܪ ܚܸܙܝܘܿܢ ܡܲܠܟܵܐ ܕܐܲܕ݂ܘܿܡ: ܕܝܵܬܹܒ̣ ܒܕܲܪܡܣܘܿܩ ܠܡܹܐܡܲܪ. [No book]
[19]ܩܝܵܡܵܐ ܒܲܝܢܲܝ ܘܠܵܟ݂ ܘܒܹܝܬ̣ ܐܵܒ̣ܝ ܠܐܲܒ̣ܘܿܟ݂: ܗܵܐ ܫܲܕ̇ܪܹܬ̣ ܠܵܟ݂ ܫܘܼܚܕܵܐ ܟܸܣܦܵܐ ܘܕܲܗܒ̣ܵܐ ܙܸܠ ܒܲܛܸܠ ܩܝܵܡܵܟ݂ ܕܥܲܡ ܒܲܥܫܵܐ ܡܲܠܟܵܐ ܕܝܼܣܪܵܝܹܠ: ܘܢܸܫܩܘܿܠ ܡܹܢܝ. [No book]
[20]ܘܲܫܡܲܥ̣ ܒܲܪ ܗܕܵܕ݂ ܡ̣ܢ ܐܵܣܵܐ: ܘܫܲܕܲܪ ܠܪ̈ܲܒܲܝ ܚܲܝ̈ܠܹܐ ܕܝܼܠܹܗ ܥܲܠ ܩܘܼܪ̈ܝܵܐ ܕܝܼܣܪܵܝܹܠ. ܘܲܚܪܲܒ̣ ܠܥܝܼܘܿܢ ܘܲܠܕ݂ܵܢ: ܘܠܲܐܒܹܠ ܒܹܝܬ̣ ܡܲܥܟܵܐ: ܘܲܠܟ݂ܠܗܹܝܢ ܩܘܼܪ̈ܝܵܐ ܕܲܒ̣ܟ݂ܠܵܗ̇ ܐܲܪܥܵܐ ܕܢܲܦ̮ܬܵܠܝܼ. [No book]
[21]ܘܟܲܕ݂ ܫ̣ܡܲܥ ܒܲܥܫܵܐ: ܦܵܫ ܡ̣ܢ ܕܢܸܒ̣ܢܹܝܗ̇ ܠܪܵܡܬ̣ܵܐ. ܘܝܼܬܸܒ̣ ܒܬܲܪܨܵܐ. [No book]
[22]ܘܡܲܠܟܵܐ ܐܵܣܵܐ ܐܲܫܡܲܥ ܠܟ݂ܠܹܗ ܝܼܗܘܼܕ݂ܵܐ ܘܠܲܝܬ̇ ܕܲܚܣܝܼܟ݂. ܘܲܫܩܲܠܘ ܟܹܐܦܹ̈ܐ ܕܪܵܡܬ̣ܵܐ: ܘܩܲܝܣܹ̈ܐ ܕܲܒ̣ܢܵܐ ܒܲܥܫܵܐ: ܘܲܒ̣ܢܵܐ ܒܗܘܿܢ ܡܲܠܟܵܐ ܐܵܣܵܐ ܠܲܓܒܲܥ ܕܒܸܢܝܵܡܹܝܢ ܘܲܠܡܲܨܦܝܵܐ. [No book]
[23]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܵܣܵܐ ܘܟ݂ܠܵܗ̇ ܓܲܢ̄ܒܵܪܘܼܬܹܗ ܘܟ݂ܠ ܡܸܕܸ̇ܡ ܕܲܥܒܲܕ݂: ܘܩܘܼܪ̈ܝܵܐ ܕܲܒ̣ܢܵܐ: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. ܘܲܒ̣ܙܲܒ̣ܢܵܐ ܕܣܲܝܒ̇ܘܼܬܹܗ ܕܐܵܣܵܐ: ܐܸܬ̣ܟ̇ܪܲܗ ܡ̣ܢ ܪܸ̈ܓ̣ܠܵܘܗܝ. [No book]
[24]ܘܲܫܟܸܒ̣ ܐܵܣܵܐ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܥܲܡ ܐܲܒ̣ܵܗܵܘ̈ܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܐܲܒ̣ܘܼܗܝ. ܘܐܲܡܠܸܟ݂ ܝܘܿܫܵܦܵܛ ܒܪܹܗ ܒܵܬ̣ܪܹܗ. [No book]
[25]ܘܢܵܕ݂ܵܒ̣ ܒܲܪ ܝܘܿܪܲܒ̣ܥܲܡ ܐܲܡ̣ܠܸܟ݂ ܥܲܠ ܝܼܣܪܵܝܹܠ: ܒܲܫܢܲܬ̣ ܬܲܪܬܹ̇ܝܢ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ: ܘܐܲܡ̣ܠܸܟ݂ ܥܲܠ ܝܼܣܪܵܝܹܠ ܬܲܪܬܹ̇ܝܢ ܫܢ̈ܝܼܢ. [No book]
[26]ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ. ܘܗܲܠܸܟ݂ ܒܐܘܼܪܚܵܐ ܕܐܲܒ̣ܘܼܗܝ: ܘܒܲܚܛܵܗܵܘ̈ܗܝ ܕܐܲܚܛܝܼ ܠܝܼܣܪܵܝܹܠ. [No book]
[27]ܘܲܡܪܲܕ݂ ܥܠܵܘܗܝ ܒܲܥܫܵܐ ܒܲܪ ܐܲܚܝܼܵܐ ܡ̣ܢ ܒܹܝܬ̣ ܐܝܼܣܵܟ݂ܵܪ: ܘܩܲܛܠܹܗ ܒܓ̣ܵܬ̣ ܕܲܦܠܸܫܬܵܝܹ̈ܐ. ܘܢܵܕ݂ܵܒ̣ ܘܟ݂ܠܹܗ ܝܼܣܪܵܝܹܠ ܟܪܝܼܟ݂ܝܼܢ ܥܲܠ ܓܵܬ̣. [No book]
[28]ܘܩܲܛܠܹܗ ܒܲܥܫܵܐ: ܒܲܫܢܲܬ̣ ܬܠܵܬ̣ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ: ܘܐܲܡܠܸܟ݂ ܒܵܬ̣ܪܹܗ. [No book]
[29]ܘܟܲܕ݂ ܐܲܡܠܸܟ݂: ܡܚ̣ܵܐ ܠܟ݂ܠܹܗ ܒܹܝܬ̣ ܝܘܿܪܲܒ̣ܥܲܡ: ܘܠܵܐ ܫܒܲܩ ܟܠ ܢܸܫܡܵܐ ܠܒܹܝܬ̣ ܝܘܿܪܲܒ̣ܥܲܡ: ܥܕܲܡܵܐ ܕܐܵܘܒ̇ܕܹܗ: ܐܲܝܟ݂ ܦܸܬ̣ܓ̣ܵܡܹܗ ܕܡܵܪܝܵܐ ܕܡܲܠܸܠ̣ ܒܐܝܼܕ݂ܵܐ ܕܥܲܒ̣ܕܹ̇ܗ ܐܲܚܝܼܵܐ ܢܒ̣ܝܼܵܐ ܫܝܼܠܘܿܢܵܝܵܐ. [No book]
[30]ܥܲܠ ܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܘܥܲܠ ܚܛܵܗܵܘ̈ܗܝ ܕܲܚܛܵܐ ܘܐܲܚܛܝܼ ܠܝܼܣܪܵܝܹܠ: ܒܪܘܼܓ̣ܙܵܐ ܪܲܒܵܐ ܕܐܲܪܓܸ̇ܙ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. [No book]
[31]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܢܵܕ݂ܵܒ̣ ܘܟ݂ܠ ܡܸܕܸ̇ܡ ܕܲܥܒܲܕ݂: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܝܼܣܪܵܝܹܠ. [No book]
[32]ܘܲܩܪܵܒ̣ܵܐ ܗܘ̤ܵܐ ܒܹܝܬ̣ ܒܲܥܫܵܐ ܘܒܹܝܬ̣ ܐܵܣܵܐ ܡܲܠܟܵܐ ܕܲܝܗܘܼܕ݂ܵܐ: ܟܠܗܘܿܢ ܝܵܘ̈ܡܵܬ̣ܗܘܿܢ. [No book]
[33]ܘܒܲܫܢܲܬ̣ ܬܠܵܬ̣ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ: ܐܲܡܠܸܟ݂ ܒܲܥܫܵܐ ܒܲܪ ܐܲܚܝܼܵܐ ܥܲܠ ܟܠܹܗ ܝܼܣܪܵܝܹܠ: ܒܬܲܪܨܵܐ ܥܸܣܪܝܼܢ ܘܐܲܪܒܲܥ ܫܢ̈ܝܼܢ. [No book]
[34]ܘܲܥ̣ܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܘܗܲܠܸܟ݂ ܒܐܘܼܪ̈ܚܵܬܹܗ ܕܝܘܿܪܲܒ̣ܥܲܡ ܒܲܪܢܵܒ̣ܵܛ: ܘܒܲܚܛܵܗܵܘ̈ܗܝ ܕܐܲܚܛܝܼ ܠܝܼܣܪܵܝܹܠ. [No book]
Author: Flavius Josephus
Translation: William Whiston, L.A. (1737)

See information...
Top