➖ »
«
➖ ➕
Aleppo Codex (~920)
Alep
The Gospel of Nicodemus
GspNic
←
1 Kings
1Kg
16
→
[1]ויהי דבר יהוה אל יהוא בן חנני על בעשא לאמר [No book]
[2]יען אשר הרימתיך מן העפר ואתנך נגיד על עמי ישראל ותלך בדרך ירבעם ותחטא את עמי ישראל להכעיסני בחטאתם [No book]
[3]הנני מבעיר אחרי בעשא ואחרי ביתו ונתתי את ביתך כבית ירבעם בן נבט [No book]
[4]המת לבעשא בעיר יאכלו הכלבים והמת לו בשדה יאכלו עוף השמים [No book]
[5]ויתר דברי בעשא ואשר עשה וגבורתו הלא הם כתובים על ספר דברי הימים־למלכי ישראל [No book]
[6]וישכב בעשא עם אבתיו ויקבר בתרצה וימלך אלה בנו תחתיו [No book]
[7]וגם ביד יהוא בן חנני הנביא דבר יהוה היה אל בעשא ואל ביתו ועל כל הרעה אשר עשה בעיני יהוה להכעיסו במעשה ידיו להיות כבית ירבעם ועל אשר הכה אתו [No book]
[8]בשנת עשרים ושש שנה לאסא מלך יהודה מלך אלה בן בעשא על ישראל בתרצה־שנתים [No book]
[9]ויקשר עליו עבדו זמרי שר מחצית הרכב והוא בתרצה שתה שכור בית ארצא אשר על הבית בתרצה [No book]
[10]ויבא זמרי ויכהו וימיתהו בשנת עשרים ושבע לאסא מלך יהודה וימלך תחתיו [No book]
[11]ויהי במלכו כשבתו על כסאו הכה את כל בית בעשא־לא השאיר לו משתין בקיר וגאליו ורעהו [No book]
[12]וישמד זמרי את כל בית בעשא כדבר יהוה אשר דבר אל בעשא ביד יהוא הנביא [No book]
[13]אל כל חטאות בעשא וחטאות אלה בנו־אשר חטאו ואשר החטיאו את ישראל להכעיס את יהוה אלהי ישראל בהבליהם [No book]
[14]ויתר דברי אלה וכל אשר עשה הלוא הם כתובים על ספר דברי הימים־למלכי ישראל [No book]
[15]בשנת עשרים ושבע שנה לאסא מלך יהודה מלך זמרי שבעת ימים בתרצה והעם חנים על גבתון אשר לפלשתים [No book]
[16]וישמע העם החנים לאמר קשר זמרי וגם הכה את המלך וימלכו כל ישראל את עמרי שר צבא על ישראל ביום ההוא־במחנה [No book]
[17]ויעלה עמרי וכל ישראל עמו מגבתון ויצרו על תרצה [No book]
[18]ויהי כראות זמרי כי נלכדה העיר ויבא אל ארמון בית המלך וישרף עליו את בית מלך באש וימת [No book]
[19]על חטאתיו אשר חטא לעשות הרע בעיני יהוה־ללכת בדרך ירבעם ובחטאתו אשר עשה להחטיא את ישראל [No book]
[20]ויתר דברי זמרי וקשרו אשר קשר הלא הם כתובים על ספר דברי הימים־למלכי ישראל [No book]
[21]אז יחלק העם ישראל לחצי חצי העם היה אחרי תבני בן גינת להמליכו והחצי אחרי עמרי [No book]
[22]ויחזק העם אשר אחרי עמרי את העם אשר אחרי תבני בן גינת וימת תבני וימלך עמרי [No book]
[23]בשנת שלשים ואחת שנה לאסא מלך יהודה מלך עמרי על ישראל שתים עשרה שנה בתרצה מלך שש שנים [No book]
[24]ויקן את ההר שמרון מאת שמר־בככרים כסף ויבן את ההר ויקרא את שם העיר אשר בנה על שם שמר אדני ההר שמרון [No book]
[25]ויעשה עמרי הרע בעיני יהוה וירע מכל אשר לפניו [No book]
[26]וילך בכל דרך ירבעם בן נבט ובחטאתיו [Q: ובחטאתו] אשר החטיא את ישראל להכעיס את יהוה אלהי ישראל־בהבליהם [No book]
[27]ויתר דברי עמרי אשר עשה וגבורתו אשר עשה הלא הם כתובים על ספר דברי הימים־למלכי ישראל [No book]
[28]וישכב עמרי עם אבתיו ויקבר בשמרון וימלך אחאב בנו תחתיו [No book]
[29]ואחאב בן עמרי מלך על ישראל בשנת שלשים ושמנה שנה לאסא מלך יהודה וימלך אחאב בן עמרי על ישראל בשמרון עשרים ושתים שנה [No book]
[30]ויעש אחאב בן עמרי הרע בעיני יהוה־מכל אשר לפניו [No book]
[31]ויהי הנקל לכתו בחטאות ירבעם בן נבט ויקח אשה את איזבל בת אתבעל מלך צידנים וילך ויעבד את הבעל וישתחו לו [No book]
[32]ויקם מזבח לבעל בית הבעל אשר בנה בשמרון [No book]
[33]ויעש אחאב את האשרה ויוסף אחאב לעשות להכעיס את יהוה אלהי ישראל מכל מלכי ישראל אשר היו לפניו [No book]
[34]בימיו בנה חיאל בית האלי־את יריחה באבירם בכרו יסדה ובשגיב [Q: ובשגוב] צעירו הציב דלתיה כדבר יהוה אשר דבר ביד יהושע בן נון [No book]
Source: unbound.biola.edu
Top