|
|
| [1]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܝܵܗܘܿ ܒܲܪ ܚܲܢܵܢ ܥܲܠ ܒܲܥܫܵܐ: ܠܡܹܐܡܲܪ. |
[No book] |
| [2]ܗܵܟܲܢܵܐ ܐܵܡܲܪ ܡܵܪܝܵܐ: ܚܠܵܦ ܕܐܲܪܝܼܡܬ̣ܵܟ݂ ܡ̣ܢ ܥܲܦܪܵܐ: ܘܲܥܒܲܕ̇ܬܵܟ݂ ܡܕܲܒ̇ܪܵܢܵܐ ܥܲܠ ܥܲܡܝ ܝܼܣܪܵܝܹܠ: ܘܗܲܠܸܟ݂ܬ̇ ܒܐܘܼܪ̈ܚܵܬܹܗ ܕܝܘܿܪܲܒ̣ܥܲܡ. ܘܐܲܚܛܝܼܬ̇ ܠܥܲܡܝ ܝܼܣܪܵܝܹܠ: ܕܢܲܪܓܙܘܼܢܵܢܝ ܒܲܥܒ̣ܵܕ݂ ܐܝܼܕܲܝ̈ܗܘܿܢ. |
[No book] |
| [3]ܗܵܐ ܡܒܲܥܲܪ ܐ̄ܢܵܐ ܒܵܬܲܪ ܒܲܥܫܵܐ ܘܒ̣ܵܬܲܪ ܒܲܝܬܹ̇ܗ. ܘܐܸܥܒ̇ܕ݂ܝܼܘܗܝ ܠܒܲܝܬܹ̇ܗ ܐܲܝܟ݂ ܒܲܝܬܹܗ ܕܝܘܿܪܲܒ̣ܥܲܡ ܒܲܪ ܢܵܒ̣ܵܛ. |
[No book] |
| [4]ܕܲܢܡܘܼܬ̣ ܠܒܲܥܫܵܐ ܒܲܩܪܝܼܬ̣ܵܐ: ܢܹܐܟ݂ܠܘܼܢ ܟܲܠ̈ܒܹ̇ܐ. ܘܕܲܢܡܘܼܬ̣ ܠܹܗ ܒܕܲܒ̣ܪܵܐ: ܬܹܐܟ݂ܘܿܠ ܦܵܪܲܚܬ̣ܵܐ ܕܲܫܡܲܝܵܐ. |
[No book] |
| [5]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܒܲܥܫܵܐ: ܘܟ݂ܠ ܡܸܕܸ̇ܡ ܕܲܥܒܲܕ݂: ܘܟ݂ܠܵܗ̇ ܓܲܢ̄ܒܵܪܘܼܬܹܗ: ܗܵܐ ܟܬ̣ܝܼܒ̣ܝܼܢ ܒܲܣܒܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܝܼܣܪܵܝܹܠ. |
[No book] |
| [6]ܘܲܫܟ݂ܒ̣ ܒܲܥܫܵܐ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܒܬܲܪܨܵܐ. ܘܐܲܡܠܸܟ݂ ܐܲܠܵܐ ܒܪܹܗ ܒܵܬ̣ܪܹܗ. |
[No book] |
| [7]ܘܐܵܦ ܒܝܲܕ݂ ܝܵܗܘܿ ܒܲܪ ܚܢܲܢ ܢܒ̣ܝܼܵܐ: ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܒܲܥܫܵܐ ܘܥܲܠ ܟܠܹܗ ܒܲܝܬܹ̇ܗ: ܥܲܠ ܟܠܵܗ̇ ܒܝܼܫܬܵܐ ܕܲܥܒܲܕ݂ ܩܕ݂ܵܡ ܡܵܪܝܵܐ ܕܢܲܪܓ̇ܙܝܼܘܗܝ ܒܲܥܒ̣ܵܕ݂ ܐܝܼܕ݂ܵܘ̈ܗܝ: ܕܢܸܗܘܹܐ ܐܲܝܟ݂ ܒܲܝܬܹ̇ܗ ܕܝܘܿܪܲܒ̣ܥܲܡ ܥܲܠ ܕܩܲܛܠܹܗ. |
[No book] |
| [8]ܒܲܫܢܲܬ̣ ܥܸܣܪܝܼܢ ܘܫܸܬ̣ ܫܢ̈ܝܼܢ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ: ܐܲܡܠܸܟ݂ ܐܲܠܵܐ ܒܲܪ ܒܲܥܫܵܐ ܥܲܠ ܝܼܣܪܵܝܹܠ: ܒܬܲܪܨܵܐ ܬܲܪܬܹ̇ܝܢ ܫܢ̈ܝܼܢ. |
[No book] |
| [9]ܘܲܡܪܲܕ݂ ܥܠܵܘܗܝ ܙܲܡܪܝܼ ܥܲܒ̣ܕܹ̇ܗ ܪܲܒ̇ ܦܸܠܓܘܼܬ̣ ܪ̈ܵܟ݂ܒܹ̇ܐ. ܘܗ̤ܘ ܒܬܲܪܨܵܐ ܫܵܬܹ̇ܐ ܗ̄ܘ̣ܵܐ ܥܲܬ̇ܝܼܩܵܐ: ܒܹܝܬ̣ ܐܲܪܥܵܐ ܕܲܒ̣ܢܵܐ ܒܬܲܪܨܵܐ. |
[No book] |
| [10]ܘܥܲܠ ܙܲܡܪܝܼ ܘܲܡܚܵܝܗܝ: ܘܩܲܛܠܹܗ: ܒܲܫܢܵܬ̣ ܥܸܣܪܝܼܢ ܘܲܫܒܲܥ ܫܢ̈ܝܼܢ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ ܘܐܲܡܠܸܟ݂ ܒܵܬ̣ܪܹܗ. |
[No book] |
| [11]ܘܟܲܕ݂ ܐܲܡܠܸܟ݂ ܘܝܼܬܸܒ̣ ܥܲܠ ܟܘܼܪܣܝܹܗ: ܡܚ̣ܵܐ ܠܟ݂ܠܹܗ ܒܹܝܬ̣ ܒܲܥܫܵܐ: ܘܠܵܐ ܫܒܲܩ̣ ܠܹܗ ܕܬ̣ܵܐܹ̇ܢ ܒܐܸܣܬ̣ܵܐ: ܘܟ݂ܠ ܩܲܪ̈ܝܼܒ̣ܵܘܗܝ ܘܪ̈ܵܚܡܵܘܗܝ. |
[No book] |
| [12]ܘܐܵܘܒܸ̇ܕ݂ ܙܲܡܪܝܼ ܠܟ݂ܠܹܗ ܒܹܝܬ̣ ܒܲܥܫܵܐ: ܐܲܝܟ݂ ܦܸܬ̣ܓ̣ܵܡܹܗ ܕܡܵܪܝܵܐ ܕܡܲܠܸܠ ܥܲܠ ܒܲܥܫܵܐ ܒܐܝܼܕ݂ܵܐ ܕܝܵܗܘܿ ܢܒ̣ܝܼܵܐ. |
[No book] |
| [13]ܥܲܠ ܟܠܗܘܿܢ ܚܛܵܗܵܘ̈ܗܝ ܕܒܲܥܫܵܐ. ܘܲܚܛܵܗܵܘ̈ܗܝ ܕܐܲܠܵܐ ܒܪܹܗ: ܕܲܚܛܵܘ ܘܐܲܚܛܝܼ ܠܝܼܣܪܵܝܹܠ: ܠܡܲܪܓܵܙܘܼ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ ܒܕܸܚ̈ܠܵܬ̣ܗܘܿܢ. |
[No book] |
| [14]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܲܠܵܐ: ܘܟ݂ܠܡܸܕܸ̇ܡ ܕܲܥܒܲܕ݂: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܝܼܣܪܵܝܹܠ. |
[No book] |
| [15]ܒܲܫܢܲܬ̣ ܥܸܣܪܝܼܢ ܘܲܫܒܲܥ ܫܢ̈ܝܼܢ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ: ܐܲܡܠܸܟ݂ ܙܲܡܪܝܼ ܫܲܒ̣ܥܵܐ ܝܵܘ̈ܡܝܼܢ ܒܬܲܪܨܵܐ: ܘܥܲܡܵܐ ܫܪܹܝܢ ܥܲܠ ܓܵܬ̣ ܕܲܦܠܸܫܬܵܝܹ̈ܐ. |
[No book] |
| [16]ܘܲܫܡܲܥܘ ܥܲܡܵܐ ܕܲܫܪܹܝܢ ܘܐܵܡ̇ܪܝܼܢ: ܡܪܲܕ݂ ܙܲܡܪܝܼ: ܘܐܵܦ ܩ̣ܛܲܠ ܠܡܲܠܟܵܐ. ܘܐܲܡܠܸܟ݂ܘ ܟܠܹܗ ܝܼܣܪܵܝܹܠ ܥܠܲܝܗܘܿܢ ܠܥܲܡܪܝܼ ܪܲܒ̇ ܚܲܝܠܵܐ ܥܲܠ ܝܼܣܪܵܝܹܠ ܒܝܵܘܡܵܐ ܗܵܘ̇ ܒܡܲܫܪܝܼܬ̣ܵܐ. |
[No book] |
| [17]ܘܲܣܠܸܩ ܥܲܡܪܝܼ ܘܟ݂ܠܹܗ ܝܼܣܪܵܝܹܠ ܥܲܡܹܗ ܡ̣ܢ ܓܵܬ̣. ܘܲܫܪܵܘ ܥܲܠ ܬܲܪܨܵܐ. |
[No book] |
| [18]ܘܟܲܕ݂ ܚ̣ܙܵܐ ܙܲܡܪܝܼ ܕܐܸܬ̣ܟܲܒ̣ܫܲܬ̣ ܬܲܪܨܵܐ: ܥܲܠ ܠܹܗ ܠܢܵܘܣܵܐ ܕܒܹܝܬ̣ ܡܲܠܟܵܐ. ܘܐܵܘܩܸܕ݂ܘ ܥܠܵܘܗܝ ܒܹܝܬ̣ ܡܲܠܟܵܐ ܒܢܘܼܪܵܐ: ܘܡܝܼܬ̣. |
[No book] |
| [19]ܥܲܠ ܚܛܵܗܵܘ̈ܗܝ ܕܲܚܛܵܐ ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܠܲܡܗܲܠܵܟ݂ܘܼ ܒܐܘܼܪ̈ܚܵܬܹܗ ܕܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܘܒܲܚܛܵܗܵܘ̈ܗܝ ܕܐܲܚܛܝܼ ܠܝܼܣܪܵܝܹܠ. |
[No book] |
| [20]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܙܲܡܪܝܼ ܘܡܸܪܕܵܐ ܕܲܡܪܲܕ݂: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܝܼܣܪܵܝܹܠ. |
[No book] |
| [21]ܗܵܝܕܹ̇ܝܢ ܐܸܬ̣ܦܲܠܲܓ̣ܘ ܥܲܡܵܐ ܕܝܼܣܪܵܝܹܠ: ܦܵܠ̈ܓ̇ܘܵܬ̣ܵܐ. ܦܲܠܓܹ̇ܗ ܕܥܲܡܵܐ ܗܘ̤ܵܐ ܒܵܬܲܪ ܬܲܒ̣ܢܝܼ ܒܲܪ ܓܲܢܝܲܬ̣ ܠܡܲܡܠܵܟ݂ܘܼܬܹܗ: ܘܦܸܠܓܹ̇ܗ ܒܵܬܲܪ ܥܲܡܪܝܼ. |
[No book] |
| [22]ܘܲܥܫܲܢ ܥܲܡܵܐ ܕܒ̣ܵܬܲܪ ܥܲܡܪܝܼ ܡ̣ܢ ܥܲܡܵܐ ܕܒ̣ܵܬܲܪ ܬܲܒ̣ܢܝܼ. ܘܡܝܼܬ̣ ܬܲܒ̣ܢܝܼ: ܘܐܲܡܠܸܟ݂ ܥܲܡܪܝܼ. |
[No book] |
| [23]ܒܲܫܢܲܬ̣ ܬܠܵܬ̣ܝܼܢ ܘܲܚܕ݂ܵܐ ܫܢ̈ܝܼܢ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ: ܐܲܡܠܸܟ݂ ܥܲܡܪܝܼ ܥܲܠ ܝܼܣܪܵܝܹܠ ܬܲܪܬܲܥܸܣܪܹ̈ܐ ܫܢ̈ܝܼܢ. ܒܬܲܪܨܵܐ ܐܲܡ̣ܠܸܟ݂ ܫܸܬ̣ ܫܢ̈ܝܼܢ. |
[No book] |
| [24]ܘܙܲܒ̣ܢܹܗ ܠܛܘܼܪܵܐ ܕܫܵܡܪܹܝܢ ܡ̣ܢ ܫܵܡܝܼܪ: ܒܟܲܟ̇ܪܵܐ ܕܟܸܣܦܵܐ ܘܲܒ̣ܢܵܝܗܝ ܠܛܘܼܪܵܐ ܘܲܩ̣ܪܵܐ ܫܡܵܗ̇ ܕܲܩܪܝܼܬ̣ܵܐ ܕܲܒ̣ܢܵܐ ܥܲܠ ܫܹܡ ܫܵܡܝܼܪ ܡܵܪܹܗ ܕܛܘܼܪܵܐ ܫܵܡܪܹܝܢ. |
[No book] |
| [25]ܘܲܥܒܲܕ݂ ܥܲܡܪܝܼ ܕܒ̣ܝܼܫ ܩܕ݂ܵܡ ܡܵܪܝܵܐ: ܘܐܲܒ̣ܐܸܫ̣ ܡ̣ܢ ܟܠܗܘܿܢ ܡܲܠ̈ܟܹ̇ܐ ܕܲܗܘ̤ܵܘ ܩܕ݂ܵܡܵܘܗܝ. |
[No book] |
| [26]ܘܗܲܠܸܟ݂ ܒܟ݂ܠܵܗ̇ ܐܘܼܪܚܹܗ ܕܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܘܒܲܚܛܵܗܵܘ̈ܗܝ ܕܐܲܚܛܝܼ ܠܝܼܣܪܵܝܹܠ: ܠܡܲܪܓܵܙܘܼ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ ܒܕܸܚ̈ܠܵܬ̣ܗܘܿܢ. |
[No book] |
| [27]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܥܲܡܪܝܼ ܘܟ݂ܠܡܸܕܸ̇ܡ ܕܲܥܒܲܕ݂: ܘܟ݂ܠܵܗ̇ ܓܲܢ̄ܒܵܪܘܼܬܹܗ: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܝܼܣܪܵܝܹܠ. |
[No book] |
| [28]ܘܲܫܟܸܒ̣ ܥܲܡܪܝܼ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܒܫܵܡܪܹܝܢ. ܘܐܲܡܠܸܟ݂ ܐܵܚܵܒ̣ ܒܪܹܗ ܒܵܬ̣̱ܪܹܗ. |
[No book] |
| [29]ܘܐܵܚܵܒ̣ ܒܲܪ ܥܲܡܪܝܼ ܐܲܡ̣ܠܸܟ݂ ܥܲܠ ܝܼܣܪܵܝܹܠ: ܒܲܫܢܲܬ̣ ܬܠܵܬ̣ܝܼܢ ܘܲܬ̇ܡܵܢܹܐ ܫܢ̈ܝܼܢ ܠܐܵܣܵܐ ܡܲܠܟܵܐ ܕܲܝܗܘܼܕ݂ܵܐ ܐܲܡܠܸܟ݂ ܐܵܚܵܒ̣ ܒܲܪ ܥܲܡܪܝܼ ܥܲܠ ܝܼܣܪܵܝܹܠ: ܒܫܵܡܪܹܝܢ ܥܸܣܪܝܼܢ ܘܬܲܪܬܹ̇ܝܢ ܫܢ̈ܝܼܢ. |
[No book] |
| [30]ܘܲܥܒܲܕ݂ ܐܵܚܵܒ̣ ܒܲܪ ܥܲܡܪܝܼ ܕܒ̣ܝܼܫ ܩܕ݂ܵܡ ܡܵܪܝܵܐ: ܡ̣ܢ ܟܠ ܕܲܗܘ̤ܵܘ ܩܕ݂ܵܡܵܘܗܝ. |
[No book] |
| [31]ܘܡܸܛܠ ܕܩܲܠܝܼܠ ܗ̄ܘ̣ܵܐ ܒܥܲܝܢܵܘ̈ܗܝ ܕܲܢܗܲܠܸܟ݂ ܒܲܚܛܵܗܵܘ̈ܗܝ ܕܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܐܸܙܲܠ̣ ܘܲܢܣܲܒ̣ ܐܲܢ̄ܬ̇ܬ̣ܵܐ ܠܐܝܼܙܒܸܠ ܒܲܪܬ̣ ܐܝܼܬ̣ ܒܥܸܠ ܡܲܠܟܵܐ ܕܨܲܝ̈ܕ̇ܢܵܝܹܐ. ܘܐܸܙܲܠ ܘܲܦܠܲܚ̣ ܠܒܲܥܠܵܐ: ܘܲܣܓܸܕ݂ ܠܹܗ. |
[No book] |
| [32]ܘܐܲܩܝܼܡ ܡܲܕ݂ܒ̇ܚܵܐ ܠܒܲܥܠܵܐ: ܒܹܝܬ̣ ܒܲܥܠܵܐ ܕܲܒ̣ܢܵܐ ܒܫܵܡܪܹܝܢ. |
[No book] |
| [33]ܘܲܦܠܲܚ̣ ܐܵܚܵܒ̣ ܠܕܸܚ̈ܠܵܬ̣ܵܐ. ܘܐܵܘܣܸܦ ܐܵܚܵܒ̣ ܠܡܸܦܠܲܚ ܘܲܠܡܲܪܓܵܙܘܼ ܩܕ݂ܵܡ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܡ̣ܢ ܟܠܗܘܿܢ ܡܲܠ̈ܟܹ̇ܐ ܕܝܼܣܪܵܝܹܠ ܕܲܗܘ̤ܵܘ ܩܕ݂ܵܡܵܘܗܝ. |
[No book] |
| [34]ܘܲܒ̣ܝܵܘܡܵܘ̈ܗܝ ܒܢܵܐ ܐܵܚܵܒ̣ ܒܹܝܬ̣ ܠܵܘܛܬ̣ܵܐ ܠܐܝܼܪܝܼܚܘܿ: ܒܐܲܒ̣ܝܼܪܲܡ ܒܘܼܟ݂ܪܹܗ ܫܲܟ݂ܠ̱ܠܵܗ̇. ܘܲܒ̣ܫܵܟ݂ܘܿܒ̣ ܙܥܘܿܪܹܗ ܐܲܩܝܼܡ ܬܲܪ̈ܥܹܝܗ̇: ܐܲܝܟ݂ ܦܸܬ̣ܓ̣ܵܡܹܗ ܕܡܵܪܝܵܐ ܕܡܲܠܸܠ ܒܐܝܼܕ݂ܵܐ ܕܝܼܫܘܿܥ ܒܲܪܢܘܿܢ. |
[No book] |