|
|
| [1]ܘܐܸܡܲܪ ܐܹܠܝܼܵܐ ܕܡ̣ܢ ܬܲܫܒܝܼ: ܡ̣ܢ ܬܵܘ̈ܬܵܒܹܐ ܕܓ̣ܠܥܵܕ݂ ܠܐܵܚܵܒ̣ ܡܲܠܟܵܐ: ܚܲܝ ܗ̄ܘ̣ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܕܩܵܡܹ̇ܬ̣ ܩܕ݂ܵܡܵܘܗܝ ܐܸܢ ܢܸܗܘܹܐ ܒܲܫܢܲـ̈ـܝܵܐ ܗܵܠܹܝܢ ܛܲܠܵܐ: ܐܵܘ ܡܸܛܪܵܐ: ܐܸܠܵܐ ܐܸܡܲܬ̣ܝ ܕܐܹܡܲܪ. |
[No book] |
| [2]ܘܲܗܘ̤ܵܐ ܥܠܵܘܗܝ ܦܸܬ̣ܓ̣ܵܡܹܗ ܕܡܵܪܝܵܐ ܘܐܸܡܲܪ ܠܹܗ. |
[No book] |
| [3]ܙܸܠ ܡܸܟܵܐ ܘܐܸܬ̣ܦܲܢ̄ܝܼ ܠܵܟ݂ ܠܡܲܕ݂ܢ̱ܚܵܐ: ܘܐܸܬ̇ܛܲܫܵܐ ܒܢܲܚܠܵܐ ܕܟܲܪܝܲܬ̣ ܕܲܩܕ݂ܵܡ ܝܘܿܪܕ̇ܢܵܢ. |
[No book] |
| [4]ܘܡ̣ܢ ܢܲܚܠܵܐ ܗ̤ܘܲܝܬ̇ ܫܵܬܹ̇ܐ: ܘܲܠܥܘܼܪ̈ܒܹܐ ܦܩܕܹ̇ܬ̣ ܕܲܢܬܲܪܣܘܿܢܵܟ݂ ܬܲܡܵܢ. |
[No book] |
| [5]ܘܐܸܙܲܠ ܘܲܥܒܲܕ݂ ܐܲܝܟ݂ ܦܸܬ̣ܓ̣ܵܡܹܗ ܕܡܵܪܝܵܐ: ܘܐܸܙܲܠ̣ ܘܝܼܬܸܒ̣ ܒܢܲܚܠܵܐ ܕܟܲܪܝܲܬ̣ ܕܲܩܕ݂ܵܡ ܝܘܿܪܕ̇ܢܵܢ. |
[No book] |
| [6]ܘܥܘܼܪ̈ܒܹܐ ܡܲܝܬܹ̇ܝܢ ܠܹܗ ܠܲܚܡܵܐ ܘܒܸܣܪܵܐ ܒܨܲܦܪܵܐ: ܘܠܲܚܡܵܐ ܘܒܸܣܪܵܐ ܒܪܲܡܫܵܐ: ܘܡ̣ܢ ܢܲܚܠܵܐ ܫܵܬܹ̇ܐ ܗ̄ܘ̣ܵܐ. |
[No book] |
| [7]ܘܡ̣ܢ ܒܵܬܲܪ ܝܵܘ̈ܡܵܬ̣ܵܐ ܝܼܒܸܫܘ ܢܲܚ̈ܠܹܐ: ܡܸܛܠ ܕܠܵܐ ܢܚܸܬ̣ ܡܸܛܪܵܐ ܒܐܲܪܥܵܐ. |
[No book] |
| [8]ܘܲܗܘ̤ܵܐ ܥܠܵܘܗܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. |
[No book] |
| [9]ܩܘܼܡ ܙܸܠ ܠܨܵܪܦܲܬ̣ ܨܲܝܕܵܢ: ܘܬܸܒ̣ ܬܲܡܵܢ. ܗܵܐ ܦܩܕܹ̇ܬ̣ ܬܲܡܵܢ ܠܐܲܢ̄ܬ̇ܬ̣ܵܐ ܐܲܪܡܲܠܬܵܐ ܕܲܬ̇ܬܲܪܣܹܝܟ݂. |
[No book] |
| [10]ܘܩܵܡ̣ ܙܐܸܙܲܠ̣ ܠܨܵܪܦܲܬ̣: ܘܥܲܠ ܒܬܲܪܥܵܐ ܕܲܩܪܝܼܬ̣ܵܐ. ܘܲܚܙܵܐ ܬܲܡܵܢ ܐܲܢ̄ܬ̇ܬ̣ܵܐ ܐܲܪܡܲܠܬܵܐ ܕܩܵܫܵܐ ܩܲܝܣܹ̈ܐ ܘܲܩܪܵܗ̇ ܘܐܸܡܲܪ ܠܵܗ̇: ܐܲܝܬܵܝ ܠܝܼ ܩܲܠܝܼܠ ܡܲـ̈ـܝܵܐ ܒܡܵܐܢܵܐ: ܐܸܫܬܹ̇ܐ. |
[No book] |
| [11]ܘܐܸܙܲܠ̄ܬ̇ ܠܡܲܝܬܵܝܘܼ ܠܹܗ ܘܲܩܪܵܗ̇ ܘܐܸܡܲܪ ܠܵܗ̇: ܐܲܝܬ̇ܝ ܠܝܼ ܦܬ̇ܬ̣ܵܐ ܕܠܲܚܡܵܐ ܒܐܝܼܕܲܝ̈ܟܝ. |
[No book] |
| [12]ܘܐܸܡܪܲܬ̤: ܚܲܝ ܗ̄ܘ̣ ܡܵܪܝܵܐ ܐܲܠܵܗܵܟ݂: ܐܸܢ ܐܝܼܬ̣ ܠܝܼ ܡܸܕܸ̇ܡ: ܐܸܠܵܐ ܐܸܢ ܡܠܸܐ ܟܲܦܵܐ ܩܲܡܚܵܐ ܒܩܘܼܠܬ̣ܵܐ: ܘܩܲܠܝܼܠ ܡܸܫܚܵܐ ܒܩܲܪܢܵܐ. ܘܗܵܐ ܩܵܫܵܐ ܐ̄ܢܵܐ ܬܪܹܝܢ ܩܲܝܣ̈ܝܼܢ: ܕܐܹܙܲܠ ܐܸܥܒܸ̇ܕ݂ ܠܝܼ ܘܲܠܒܹܪܝ. ܘܢܹܐܟ݂ܘܿܠ ܘܲܢܡܘܼܬ̣. |
[No book] |
| [13]ܘܐܸܡܲܪ ܠܵܗ̇ ܐܹܠܝܼܵܐ. ܠܵܐ ܬܸܕ݂ܚ̄ܠܝܼܢ ܙܸܠܝ ܘܲܥܒܸܕ݂ܝ ܐܲܝܟ݂ ܕܐܸܡܲܪܬ̇ܝ ܒܲܠܚܘܿܕ݂ ܥܒܸܕܝ ܠܝܼ ܟܵܟ݂ܘܿܠܬܵܐ ܙܥܘܿܪܬܵܐ ܩܲܕ݂ܡܵܝܑܬ̣: ܘܐܲܦܩܝ ܠܝܼ. ܘܠܹܟ݂ܝ ܘܠܲܒ̣ܪܹܟ݂ܝ ܥܒܸܕ݂ܝ ܒܚܲܪܬ̣ܵܐ. |
[No book] |
| [14]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܩܘܼܠܬ̣ܵܐ ܕܩܲܡܚܵܐ ܠܵܐ ܬܸܓ̣ܡܲܪ: ܘܩܲܪܢܵܐ ܕܡܸܫܚܵܐ ܠܵܐ ܬܸܚܣܲܪ: ܥܕܲܡܵܐ ܠܝܵܘܡܵܐ ܕܢܲܬܸ̇ܠ ܡܵܪܝܵܐ ܡܸܛܪܵܐ ܥܲܠ ܐܲܦܲܝ̈ ܐܲܪܥܵܐ. |
[No book] |
| [15]ܘܐܸܙܲܠ̄ܬ̤ ܘܥܸܒ̣ܕܲܬ̤ ܐܲܝܟ݂ ܦܸܬ̣ܓ̣ܵܡܹܗ ܕܐܹܠܝܼܵܐ. ܘܐܸܟ݂ܠܲܬ̤ ܗ̤ܝ ܘܗ̤ܘ ܘܲܒ̣ܢܲܝ̈ ܒܲܝܬܵܗ̇. |
[No book] |
| [16]ܒܝܵܘ̈ܡܵܬ̣ܵܐ ܗܵܢܘܿܢ: ܠܵܐ ܩܘܼܠܬܵܐ ܕܩܲܡܚܵܐ ܓܸܡܪܲܬ̤: ܘܠܵܐ ܩܲܪܢܵܐ ܕܡܸܫܚܵܐ ܚܸܣܪܲܬ̤: ܐܲܝܟ݂ ܦܸܬ̣ܓ̣ܵܡܹܗ ܕܡܵܪܝܵܐ ܕܡܲܠܸܠ̣ ܒܐܝܼܕ݂ܵܐ ܕܐܹܠܝܼܵܐ. |
[No book] |
| [17]ܘܡ̣ܢ ܒܵܬܲܪ ܦܸܬ̣ܓ̣ܵܡܹ̈ܐ ܗܵܠܹܝܢ: ܐܸܬ̣ܟ̇ܪܲܗ ܒܪܵܗ̇ ܕܐܲܢ̄ܬ̇ܬ̣ܵܐ ܡܵܪܲܬ̣ ܒܲܝܬܵܐ. ܘܲܗܘ̤ܵܐ ܟܘܼܪܗܵܢܹܗ ܥܲܫܝܼܢ ܛܵܒ̣: ܥܕܲܡܵܐ ܕܠܵܐ ܐܸܫܬܲܚܪܲܬ̤ ܒܹܗ ܢܫܲܡܬ̣ܵܐ. |
[No book] |
| [18]ܘܐܸܡܪܲܬ̤ ܠܐܹܠܝܼܵܐ: ܡܵܐ ܠܝܼ ܘܠܵܟ݂ ܢܒ̣ܝܹܗ: ܕܐܲܠܵܗܵܐ. ܐܸܬܲܝܬ̇ ܥܠܲܝ ܠܡܲܕ݂ܟ݂ܵܪܘܼ ܚܵܘܒܲܝ̈ ܘܲܠܡܸܩܛܲܠ ܒܹܪܝ. |
[No book] |
| [19]ܘܐܸܡܲܪ ܠܵܗ̇ ܐܹܠܝܼܵܐ. ܗܲܒ̣ܝ ܠܝܼ ܒܪܹܟ݂ܝ. ܘܢܲܣܒܹ̇ܗ ܡ̣ܢ ܥܘܼܒܵܗ̇: ܘܐܲܣܩܹܗ ܠܥܠܝܼܬ̣ܵܐ: ܐܲܝܟܵܐ ܕܥܵܡܲܪ ܗ̄ܘ̣ܵܐ: ܘܐܲܪܡܝܹܗ ܒܥܲܪܣܵܐ. |
[No book] |
| [20]ܘܲܩ̣ܪܵܐ ܠܡܵܪܝܵܐ: ܘܐܸܡܲܪ: ܡܵܪܝܵܐ ܐܲܠܵܗܵܐ: ܐܵܦ ܥܲܠ ܐܲܪܡܲܠܬܵܐ ܗܵܕܹܐ ܕܥܵܡܲܪ ܐ̄ܢܵܐ ܥܲܡܵܗ̇: ܐܲܒ̣ܐܸܫܬ̇ ܠܡܸܩܛܲܠ ܒܪܵܗ̇. |
[No book] |
| [21]ܘܐܬ̣ܡ̱ܫܲܚ ܥܲܠ ܛܲܠܝܵܐ ܬܠܵܬ̣ ܙܲܒ̣ܢ̈ܝܼܢ ܘܲܩܪܵܐ ܠܡܵܪܝܵܐ ܘܐܸܡܲܪ: ܡܵܪܝܵܐ ܐܲܠܵܗܝ: ܬܸܗܦܘܿܟ݂ ܢܲܦ̮ܫܹܗ ܕܛܲܠܝܵܐ ܗܵܢܵܐ ܠܓ̣ܵܘܹܗ. |
[No book] |
| [22]ܘܲܫ̣ܡܲܥ ܡܵܪܝܵܐ ܒܩܵܠܹܗ ܕܐܹܠܝܼܵܐ. ܘܗܸܦܟܲܬ̤ ܢܲܦ̮ܫܹܗ ܕܛܲܠܝܵܐ ܠܓ̣ܵܘܹܗ ܘܲܚܝܵܐ. |
[No book] |
| [23]ܘܢܲܣܒܹ̇ܗ ܐܹܠܝܼܵܐ ܠܛܲܠܝܵܐ: ܘܐܲܚܬܹܗ ܡ̣ܢ ܥܸܠܝܼܬ̣ܵܐ ܠܒܲܝܬܵܐ: ܘܝܲܗ̄ܒܹ̇ܗ ܠܐܸܡܹܗ. ܘܐܸܡܲܪ ܠܵܗ̇ ܐܹܠܝܼܵܐ: ܚܙܵܝ ܕܲܚܝܵܐ ܒܪܹܟ݂ܝ. |
[No book] |
| [24]ܘܐܸܡܪܲܬ̤: ܗܵܫܵܐ ܝܼܕ݂ܥܹ̇ܬ̣ ܕܲܢܒ̣ܝܹܗ ܐܲܢ̄ܬ̇ ܕܐܲܠܵܗܵܐ: ܘܡܸܠܬܹܗ ܕܡܵܪܝܵܐ ܒܦܘܼܡܵܟ݂ ܒܩܘܼܫܬܵܐ. |
[No book] |