➖ »
«
➖ ➕
Peshitta OT
PesOT
The Book of Enoch (1917)
1Eno(Cha)
←
1 Kings
1Kg
22
   
[1]ܘܝܼܬܸܒ̣ܘ ܬܠܵܬ̣ ܫܢ̈ܝܼܢ. ܘܠܵܐ ܗܘ̤ܵܐ ܩܪܵܒ̣ܵܐ ܒܲܝܢܲܝ̈ ܐܲܕ݂ܘܿܡ ܠܝܼܣܪܵܝܹܠ. [No book]
[2]ܘܲܗܘ̤ܵܐ ܒܫܲܢ̄ܬܵܐ ܬܠܝܼܬ̣ܵܝܬܵܐ: ܘܲܢܚܸܬ̣ ܝܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ ܠܘܵܬ̣ ܐܵܚܵܒ̣ ܡܲܠܟܵܐ ܕܝܼܣܪܵܝܹܠ. [No book]
[3]ܘܐܸܡܲܪ ܡܲܠܟܵܐ ܕܝܼܣܪܵܝܹܠ ܠܥܲܒ̣ܕܵܘ̈ܗܝ: ܝܵܕ݂ܥܝܼܢ ܐܲܢ̄ܬܘܿܢ ܕܕ݂ܝܼܠܲܢ ܗ̄ܝ̣ ܪܵܡܲܬ̣ ܓܸܠܥܵܕ݂. ܘܲܥܕܲܡܵܐ ܠܐܸܡܲܬ̣ܝ ܫܲܬ̇ܝܼܩܝܼܢ ܚ̄ܢܲܢ: ܕܢܸܣܒ̣ܝܗ̇ ܡ̣ܢ ܐܝܼܕ݂ܵܐ ܕܡܲܠܟܵܐ ܕܐܲܕ݂ܘܿܡ. [No book]
[4]ܘܐܸܡܲܪ ܠܝܘܿܫܵܦܵܛ: ܐܵܙܹ̇ܠ ܐܲܢ̄ܬ̇ ܥܲܡܝ ܠܲܩܪܵܒ̣ܵܐ ܠܪܵܡܲܬ̣ ܓܸܠܥܵܕ݂ ܘܐܸܡܲܪ ܝܘܿܫܵܦܵܛ: ܐܵܙܹ̇ܠ ܐ̄ܢܵܐ ܐܲܟ݂ܘܵܬ̣ܵܟ݂: ܘܥܲܡܝ ܐܲܝܟ݂ ܥܲܡܵܟ݂: ܘܪ̈ܲܟ݂ܫܝ ܐܲܝܟ݂ ܪ̈ܲܟ݂ܫܵܟ݂. [No book]
[5]ܘܐܸܡܲܪ ܝܘܿܫܵܦܵܛ ܠܡܲܠܟܵܐ ܕܝܼܣܪܵܝܹܠ: ܫܐܲܠ ܢܹܐ ܝܵܘܡܵܢܵܐ ܦܸܬ̣ܓ̣ܵܡܹܗ ܕܡܵܪܝܵܐ. [No book]
[6]ܘܟܲܢܸܫ ܡܲܠܟܵܐ ܕܝܼܣܪܵܝܹܠ ܢܒ̣ܝܹ̈ܐ ܐܲܝܟ݂ ܐܲܪܒܲܥܡܵܐܐ ܓܲܒ̣ܪ̈ܝܼܢ. ܘܐܸܡܲܪ ܠܗܘܿܢ: ܐܹܙܲܠ ܠܪܵܡܲܬ̣ ܓܸܠܥܵܕ݂ ܠܲܩܪܵܒ̣ܵܐ: ܐܵܘ ܐܹܦܘܼܫ. ܐܵܡܪܝܼܢ ܠܹܗ ܣܲܩ: ܘܡܲܫܠܸܡ ܠܗܘܿܢ ܡܵܪܝܵܐ ܒܐܝܼܕܲܝ̈ܟ ܡܲܠܟܵܐ. [No book]
[7]ܘܐܸܡܲܪ ܝܘܿܫܵܦܵܛ: ܠܲܝܬ̇ ܗܵܪܟܵܐ ܢܒ̣ܝܼܵܐ ܕܐܲܠܵܗܵܐ: ܕܢܸܫܐܲܠ ܡܸܢܹܗ. [No book]
[8]ܘܐܸܡܲܪ ܡܲܠܟܵܐ ܕܝܼܣܪܵܝܹܠ ܠܝܘܿܫܵܦܵܛ: ܬܘܼܒ̣ ܐܝܼܬ̣ ܓܲܒ̣ܪܵܐ ܚܲܕ݂ ܕܢܸܫܐܲܠ ܦܸܬ̣ܓ̣ܵܡܹܗ ܕܡܵܪܝܵܐ ܡܸܢܹܗ. ܘܐܸܢܵܐ ܣܢܹ̇ܝܬܹܗ: ܡܸܛܠ ܕܠܵܐ ܡܸܬ̣ܢܲܒܹ̇ܐ ܥܠܲܝ ܛܵܒ̣ܬ̣ܵܐ: ܐܸܠܵܐ ܐܸܢ ܒܝܼܫܬܵܐ. ܡܝܼܟ݂ܵܐ ܫܡܹܗ ܒܲܪ ܝܲܡܠܵܐ. ܘܐܸܡܲܪ ܝܘܿܫܵܦܵܛ: ܠܵܐ ܢܹܐܡܲܪ ܡܲܠܟܵܐ ܗܵܟܲܢܵܐ. [No book]
[9]ܘܲܩܪܵܐ ܡܲܠܟܵܐ ܕܝܼܣܪܵܝܹܠ ܠܲܡܗܲܝܡܢܵܐ ܚܲܕ݂: ܘܐܸܡܲܪ ܠܹܗ: ܒܲܥܓܲܠ ܠܡܝܼܟ݂ܵܐ ܒܲܪ ܝܲܡܠܵܐ. [No book]
[10]ܘܡܲܠܟܵܐ ܕܝܼܣܪܵܝܹܠ ܘܝܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ ܝܵܬ̣ܒ̇ܝܼܢ ܓܒܲܪ ܥܲܠ ܟܘܼܪܣܝܹܗ̇: ܘܲܠܒ̣ܝܼܫܝܼܢ ܠܒ̣ܘܼܫܵܐ ܒܵܪܕܵܐ: ܒܡܲܥܠܵܢܵܐ ܕܬܲܪܥܵܐ ܕܫܵܡܪܹܝܢ: ܘܟܠܗܘܿܢ ܢܒ̣ܝܹ̈ܐ ܡܸܬ̣ܢܲܒܹ̇ܝܢ ܩܕ݂ܵܡܲܝܗܘܿܢ. [No book]
[11]ܘܲܥܒܲܕ݂ ܠܹܗ ܨܹܕܲܩܝܵܐ ܒܲܪ ܟܢܲܥܢܵܝܬܵܐ ܩܲܪ̈ܢܵܬ̣ܵܐ ܕܦܲܪܙܠܵܐ: ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܝܵܐ: ܒܗܵܠܹܝܢ ܬܕܲܩܲܪ ܐܸܢܘܿܢ ܠܐܲܕ݂ܘܿܡܵܝܹ̈ܐ: ܥܕܲܡܵܐ ܕܲܬ̣ܓܲܡܲܪ ܐܸܢܘܿܢ. [No book]
[12]ܘܟ݂ܠܗܘܿܢ ܢܒ̣ܝܹ̈ܐ ܡܸܬ̣ܢܲܒܹ̇ܝܢ ܗܵܟܲܢܵܐ ܘܐܵܡ̇ܪܝܼܢ: ܣܲܩ ܠܪܵܡܲܬ̣ ܓܸܠܥܵܕ݂: ܘܙܵܟܹ̇ܐ ܐܲܢ̄ܬ̇: ܘܡܲܫܠܸܡ ܠܗܘܿܢ ܡܵܪܝܵܐ ܒܐܝܼܕܲܝ̈ܟ ܡܲܠܟܵܐ. [No book]
[13]ܘܡܲܠܲܐܟ݂ܵܐ ܕܐܸܙܲܠ̣ ܠܡܸܩܪܵܐ ܠܡܝܼܟ݂ܵܐ: ܐܸܡܲܪ ܠܹܗ: ܗܵܐ ܡܸܠܲܝܗܘܿܢ ܕܲܢܒ̣ܝܹ̈ܐ ܕܵܓܵܠܹ̈ܐ: ܡ̣ܢ ܚܲܕ݂ ܦܘܼܡ ܐܸܡܲܪܘ ܛܵܒ̣ܬ̣ܵܐ ܥܲܠ ܡܲܠܟܵܐ. ܬܸܗܘܹܐ ܡܸܠܬ̣ܵܟ݂ ܐܲܝܟ݂ ܡܸܠܬ̣ܵܐ ܕܚܲܕ݂ ܡܸܢܗܘܿܢ: ܘܐܸܡܲܪ ܐܵܦ ܐܲܢ̄ܬ̇ ܛܵܒ̣ܬ̣ܵܐ. [No book]
[14]ܘܐܸܡܲܪ ܡܝܼܟ݂ܵܐ ܚܲܝ ܗ̄ܘ̣ ܡܵܪܝܵܐ. ܐܸܠܵܐ ܡܸܕܸ̇ܡ ܕܐܵܡܲܪ ܠܝܼ ܡܵܪܝܵܐ: ܗܵܘ̇ ܐܹܡܲܪ. [No book]
[15]ܘܐܸܬ̣ܵܐ ܠܘܵܬ̣ ܡܲܠܟܵܐ: ܘܐܸܡܲܪ ܠܹܗ ܡܲܠܟܵܐ: ܡܝܼܟ݂ܵܐ: ܢܹܐܙܲܠ ܠܪܵܡܲܬ̣ ܓܸܠܥܵܕ݂ ܠܲܩܪܵܒ̣ܵܐ: ܐܵܘ ܢܦܘܼܫ. ܐܵܡܲܪ ܠܹܗ: ܣܲܩ ܘܲܙܟ݂ܝܼ: ܘܢܲܫܠܸܡ ܐܸܢܘܿܢ ܡܵܪܝܵܐ ܒܐܝܼܕܲܝ̈ܟ: ܡܲܠܟܵܐ. [No book]
[16]ܐܵܡܲܪ ܠܹܗ ܡܲܠܟܵܐ: ܥܕܲܡܵܐ ܠܲܟ݂ܡܵܐ ܙܲܒ̣ܢ̈ܝܼܢ ܡܵܘܡܹܐ ܐ̄ܢܵܐ ܠܵܟ݂: ܕܠܵܐ ܬܹܐܡܲܪ ܠܝܼ ܐܸܠܵܐ ܐܸܢ ܫܲܪܝܼܪܬܵܐ ܒܲܫܡܹܗ ܕܡܵܪܝܵܐ. [No book]
[17]ܘܐܸܡܲܪ ܡܝܼܟ݂ܵܐ: ܚܙܹܝܬ̣ ܠܝܼܣܪܵܝܹܠ ܡܒܲܕܲܪ ܥܲܠ ܛܘܼܪܹ̈ܐ: ܐܲܝܟ݂ ܥܵـ̈ـܢܵܐ ܕܠܲܝܬ̇ ܠܵܗ̇ ܪܵܥܝܵܐ. ܘܐܸܡܲܪ ܡܵܪܝܵܐ: ܠܲܝܬ̇ ܠܗܘܿܢ ܡܵܪܵܐ ܠܗܵܠܹܝܢ: ܢܸܗܦܟ݂ܘܿܢ ܐ̄ܢܵܫ ܠܒܲܝܬܹ̇ܗ ܒܲܫܠܵܡܵܐ. [No book]
[18]ܘܐܸܡܲܪ ܡܲܠܟܵܐ ܕܝܼܣܪܝܹܠ ܠܝܘܿܫܵܦܵܛ: ܠܵܐ ܐܸܡܪܹܬ̣ ܠܵܟ݂ ܕܠܵܐ ܡܸܬ̣ܢܲܒܹ̇ܐ ܥܠܲܝ ܛܵܒ̣ܬ̣ܵܐ: ܐܸܠܵܐ ܐܸܢ ܒܝܼܫܬܵܐ. [No book]
[19]ܘܐܸܡܲܪ ܡܝܼܟ݂ܵܐ: ܡܸܛܠ ܗܵܢܵܐ ܫܡܲܥ ܦܸܬ̣ܓ̣ܵܡܹܗ: ܕܡܵܪܝܵܐ: ܚܙܹ̇ܝܬ̣ ܠܡܵܪܝܵܐ ܝܬܹܒ̣ ܥܲܠ ܟܘܼܪܣܝܹܗ: ܘܟ݂ܠܹܗ ܚܲܝܠܵܐ ܕܲܫܡܲܝܵܐ ܩܵܐܹ̇ܡ ܠܥܸܠ ܡܸܢܹܗ: ܡܟܢ ܝܲܡܝܼܢܹܗ ܘܡ̣ܢ ܣܸܡܵܠܹܗ. [No book]
[20]ܘܐܸܡܲܪ ܡܵܪܝܵܐ: ܡܲܢܘܼ ܢܫܲܕ̇ܠܝܼܘܗܝ ܠܐܵܚܵܒ̣: ܕܢܸܣܲܩ ܘܢܸܦܸܠ ܒܪܵܡܲܬ̣ ܓܸܠܥܵܕ݂. ܗܵܢܵܐ ܐܵܡܲܪ ܗܵܟܲܢܵܐ: ܘܗܵܢܵܐ ܐܵܡܲܪ ܗܵܟܲܢܵܐ. [No book]
[21]ܘܲܢܦܲܩ ܪܘܼܚܵܐ: ܘܩܵܡ̣ ܩܕ݂ܵܡ ܡܵܪܝܵܐ: ܘܐܸܡܲܪ: ܐܸܢܵܐ ܡܫܲܕܸ̇ܠ ܐ̄ܢܵܐ ܠܹܗ. [No book]
[22]ܐܵܡܲܪ ܠܹܗ ܡܵܪܝܵܐ ܒܡܵܢܵܐ. ܘܐܸܡܲܪ ܐܸܢܵܐ ܐܸܦܘܿܩ ܘܐܸܗܘܹܐ ܪܘܼܚܵܐ ܕܫܘܼܩܪܵܐ ܒܦܘܼܡܵܐ ܕܟܠܗܘܿܢ ܢܒ̣ܝܵܘ̈ܗܝ. ܐܵܡܲܪ ܠܹܗ: ܡܫܲܕܸ̇ܠ ܐܲܢ̄ܬ̇ ܘܡܸܫܟܲܚ ܐܲܢ̄ܬ̇: ܦܘܿܩ ܘܲܥܒܸܕ݂ ܗܵܟܲܢܵܐ. [No book]
[23]ܘܗܵܫܵܐ ܗܵܐ ܝܲܗ̄ܒ̣ ܡܵܪܝܵܐ ܪܘܼܚܵܐ ܕܫܘܼܩܪܵܐ ܒܦܘܼܡܵܐ ܕܟ݂ܠܗܘܿܢ ܢܒ̣ܝܼܲܝ̈ܟ ܗܵܠܹܝܢ: ܘܡܵܪܝܵܐ ܐܸܡܲܪ ܥܠܲܝܟ ܒܝܼܫܬܵܐ. [No book]
[24]ܘܲܩܪܸܒ̣ ܨܹܕܲܩܝܵܐ ܒܲܪ ܟܢܲܥܢܵܝܬܵܐ: ܘܲܡܚܵܝܗܝ ܠܡܝܼܟ݂ܵܐ ܥܲܠ ܦܲܟܹ̇ܗ: ܘܐܸܡܲܪ ܠܹܗ: ܐܲܝܟܵܐ ܥܸܒ̣ܪܲܬ̤ ܡܹܢܝ ܪܘܼܚܹܗ ܕܡܵܪܝܵܐ ܘܡܲܠܠܲܬ̤ ܒܵܟ݂. [No book]
[25]ܐܵܡܲܪ ܠܹܗ ܡܝܼܟ݂ܵܐ: ܗܵܐ ܚܵܙܹ̇ܐ ܐܲܢ̄ܬ̇ ܒܗܵܘ̇ ܝܵܘܡܵܐ: ܕܲܗ̤ܘܲܝܬ̇ ܥܵܐܹ̇ܠ ܬܵܘܵܢ ܒܓ̣ܵܘ ܬܵܘܵܢ ܠܡܸܬ̇ܛܲܫܵܝܘܼ. [No book]
[26]ܘܐܸܡܲܪ ܡܲܠܟܵܐ ܕܝܼܣܪܵܝܹܠ: ܕܘܼܒ̣ܪܘܼܗܝ ܠܡܝܼܟ݂ܵܐ: ܘܐܲܫܠ̱ܡܘܼܗܝ ܠܐܲܡܘܿܢ ܫܲܠܝܼܛܵܐ ܕܲܩܪܝܼܬ̣ܵܐ: ܘܲܠܝܘܿܐܵܫ ܒܲܪ ܡܲܠܟܵܐ. [No book]
[27]ܘܐܸܡܲܪܘ: ܗܵܟܲܢܵܐ ܐܵܡܲܪ ܡܲܠܟܵܐ: ܐܲܪܡܵܘ ܠܗܵܢܵܐ ܒܹܝܬ̣ ܐܲܣܝܼܪܹ̈ܐ: ܘܐܵܘܟ̇ܠܘܼܗܝ ܠܲܚܡܵܐ ܡܸܛܲܪ ܢܦܸܫ: ܘܐܲܫܩܵܐܘܼܗܝ ܡܲـ̈ـܝܵܐ ܡܸܛܲܪ ܢܦܸܫ: ܥܕܲܡܵܐ ܕܐܹܬܹܐ ܒܲܫܠܵܡܵܐ. [No book]
[28]ܘܐܸܡܲܪ ܡܝܼܟ݂ܵܐ: ܐܸܢ ܡܸܗܦܲܟ݂ ܬܸܗܦܘܿܟ݂ ܒܲܫܠܵܡܵܐ: ܐܵܦ ܠܵܐ ܡܲܠܸܠ̣ ܒܝܼ ܡܵܪܝܵܐ. ܘܐܸܡܲܪ ܫܡܲܥܘ ܥܲܡܡܹ̈ܐ ܟܠܟ݂ܘܿܢ. [No book]
[29]ܘܲܣܠܩ ܡܲܠܟܵܐ ܕܝܼܣܪܵܝܹܠ ܘܝܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ ܠܪܵܡܲܬ̣ ܓܸܠܥܵܕ݂. [No book]
[30]ܘܐܸܡܲܪ ܡܲܠܟܵܐ ܕܝܼܣܪܵܝܹܠ ܠܝܘܿܫܵܦܵܛ: ܐܸܫܬܲܓ̣ܢܹܐ ܘܐܸܥܘܿܠ ܒܲܩܪܵܒ̣ܵܐ: ܘܐܲܢ̄ܬ̇ ܠܒܲܫ ܠܒ̣ܘܼܫܲܝ̈ܟ. ܘܐܸܫܬܲܓ̣ܢܝܼ ܡܲܠܟܵܐ ܕܝܼܣܪܵܝܹܠ: ܘܥܲܠ ܒܲܩܪܵܒ̣ܵܐ. [No book]
[31]ܘܡܲܠܟܵܐ ܕܐܲܕ݂ܘܿܡ ܦܲܩܸܕ݂ ܠܪܵܘ̱ܪ̈ܒ̣ܵܢܲܝ ܡܲܪ̈ܟ̇ܒ̣ܵܬ̣ܵܐ ܕܝܼܠܹܗ ܬܠܵܬ̣ܝܼܢ ܘܲܬ̣ܪܹܝܢ: ܘܐܸܡܲܪ ܠܵܐ ܬܸܬ̣ܟܲܬ̇ܫܘܼܢ: ܠܵܐ ܥܲܡ ܙܥܘܿܪܵܐ ܘܠܵܐ ܥܲܡ ܪܲܒܵܐ: ܐܸܠܵܐ ܥܲܡ ܡܲܠܟܵܐ ܕܝܼܣܪܵܝܹܠ ܒܲܠܚܘܼܕ݂. [No book]
[32]ܘܟܲܕ݂ ܚܙܵܘ ܪܵܘ̱ܪ̈ܒ̣ܵܢܲܝ ܡܲܪ̈ܟ̇ܒ̣ܵܬ̣ܵܐ ܠܝܘܿܫܵܦܵܛ: ܣܒܲܪܘ ܕܡܲܠܟܵܐ ܗ̄ܘ̣ ܕܝܼܣܪܵܝܹܠ. ܘܲܣܛܵܘ ܥܠܵܘܗܝ ܕܢܸܬ̣ܟܲܬܫܘܼܢ ܥܲܡܹܗ ܘܐܲܝܠܸܠ ܝܘܿܫܵܦܵܛ. [No book]
[33]ܘܟܲܕ݂ ܚܙܵܘ ܪܵܘ̱ܪ̈ܒ̣ܵܢܲܝ ܡܲܪ̈ܟ̇ܒ̣ܵܬ̣ܵܐ ܕܠܵܐ ܗ̄ܘ̣ܵܐ ܡܲܠܟܵܐ ܕܝܼܣܪܵܝܹܠ: ܗܦܲܟ݂ܘ ܠܗܘܿܢ ܡܸܢܹܗ. [No book]
[34]ܘܓܲܒ̣ܪܵܐ ܚܲܕ݂ ܫܵܕܹ̇ܐ ܗ̄ܘ̣ܵܐ ܒܩܸܫܬܵܐ ܠܩܘܼܒ̣ܠܹܗ ܬܲܡܝܼܡܵܐܝܼܬ̣. ܘܲܡܚܵܝܗܝ ܠܡܲܠܟܵܐ ܕܝܼܣܪܵܝܹܠ ܒܹܝܬ̣ ܕܸܒ̣ܩܵܐ ܕܫܸܪܝܵܢܵܐ. ܘܐܸܡܲܪ ܠܡܲܪܟ̇ܒ̣ܵܢܹܗ: ܐܲܗܦܸܟ݂ ܐܝܼܕ݂ܵܟ݂: ܘܐܲܦܩܲܝܢܝ ܡ̣ܢ ܡܲܫܪܝܼܬ̣ܵܐ: ܡܸܛܠ ܕܡܲܛܝܘܼܢܝ ܚܸܒ̣ܠܹ̈ܐ ܕܡܵܘܬܵܐ. [No book]
[35]ܘܲܥܫܲܢ ܩܪܵܒ̣ܵܐ ܒܝܵܘܡܵܐ ܗܵܘ̇ ܘܡܲܠܟܵܐ ܩܵܐܹ̇ܡ ܗ̄ܘ̣ܵܐ ܒܡܲܪܟܲܒ̣ܬܵܐ ܠܘܼܩܒܲܠ ܐܲܕ݂ܘܿܡ. ܘܡܝܼܬ̣ ܒܪܲܡܫܵܐ: ܘܲܪܕ݂ܵܐ ܕܡܵܐ ܕܲܡܚܘܿܬܹܗ ܒܚܲܢܵܗ̇ ܕܡܲܪܟܲܒ̣ܬܹܗ. [No book]
[36]ܘܟ݂ܵܪܘܿܙܵܐ ܩܪܵܐ ܒܡܲܫܪܝܼܬ̣ܵܐ ܟܲܕ݂ ܥܸܪܒܲܬ̤ ܫܸܡܫܵܐ: ܘܐܸܡܲܪ ܙܸܠܘ ܐ̄ܢܵܫ ܠܲܩܪܝܼܬܹܗ: ܘܐ̄ܢܵܫ ܠܐܲܪܥܹܗ. [No book]
[37]ܘܡܝܼܬ̣ ܡܲܠܟܵܐ ܘܥܲܠ̣ ܠܫܵܡܪܹܝܢ: ܘܩܲܒ̣ܪܘܼܗܝ ܠܡܲܠܟܵܐ ܒܫܵܡܪܹܝܢ. [No book]
[38]ܘܐܲܫܝܼܓ̣ܘܼܗ̇ ܠܡܲܪܟܲܒ̣ܬ̣ܵܐ ܒܪܵܡܬ̣ܵܐ ܕܫܵܡܪܹܝܢ. ܘܙܲܝܢܹܗ ܐܲܫܝܼܓ̣ܘ ܘܠܲܥܘ ܟܲܠ̈ܒܹ̇ܐ ܕܡܹܗ: ܐܲܝܟ݂ ܡܸܠܬܹܗ ܕܡܵܪܝܵܐ: ܕܐܸܡܲܪ. [No book]
[39]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܵܚܵܒ̣ ܘܟ݂ܠܡܸܕܸ̇ܡ ܕܲܥܒܲܕ݂: ܘܒܲܝܬܵܐ ܕܫܸܢܵܐ ܕܲܒ̣ܢܵܐ: ܘܟ݂ܠܗܹܝܢ ܩܘܼܪ̈ܝܵܐ ܕܲܒ̣ܢܵܐ: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܝܼܣܪܵܝܹܠ. [No book]
[40]ܘܲܫܟܸܒ̣ ܐܵܚܵܒ̣ ܥܲܡ ܐܲܒ̣ܵܗܵܘ̈ܗܝ. ܘܐܲܡܠܸܟ݂ ܐܹܚܲܙܝܵܐ ܒܪܹܗ ܒܵܬ̣ܪܹܗ. [No book]
[41]ܘܝܘܿܫܵܦܵܛ ܒܲܪ ܐܵܣܵܐ ܐܲܡ̣ܠܸܟ݂ ܥܲܠ ܝܼܗܘܼܕ݂ܵܐ: ܒܲܫܢܲܬ̣ ܐܲܪܒܲܥ ܠܐܵܚܵܒ̣ ܡܲܠܟܵܐ ܕܝܼܣܪܵܝܹܠ. [No book]
[42]ܘܝܘܿܫܵܦܵܛ ܒܲܪ ܬܠܵܬ̣ܝܼܢ ܗ̄ܘ̣ܵܐ ܘܚܲܡܸܫ ܫܢ̈ܝܼܢ ܟܲܕ݂ ܐܲܡ̣ܠܸܟ݂. ܘܥܸܣܪܝܼܢ ܘܚܲܡܸܫ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܗ̇ ܕܐܸܡܹܗ ܥܪܘܿܒ̣ܵܐ ܒܲܪܬ̣ ܫܲܠܚܝܼ. [No book]
[43]ܘܗܲܠܸܟ݂ ܒܟ݂ܠܗܹܝܢ ܐܘܼܪ̈ܚܵܬܹܗ ܕܐܵܣܵܐ ܐܲܒ̣ܘܼܗܝ: ܘܠܵܐ ܣܛ̣ܵܐ ܡܸܢܗܹܝܢ ܘܲܥܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ. [No book]
[44]ܒܪܲܡ ܥܠܵـ̈ـܘܵܬ̣ܵܐ ܠܵܐ ܐܲܥܒܲܪ ܘܬ̣ܘܼܒ̣ ܥܲܡܵܐ ܡܕܲܒ̇ܚܝܼܢ: ܘܣܵܡܝܼܢ ܒܸܣܡܹ̈ܐ ܥܲܠ ܥܠܵـ̈ـܘܵܬ̣ܵܐ. [No book]
[45]ܘܲܫܠܸܡ̣ ܝܘܿܫܵܦܵܛ ܥܲܡ ܡܲܠ̈ܟܹ̇ܐ ܕܝܼܣܪܵܝܹܠ. [No book]
[46]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܝܘܿܫܵܦܵܛ ܘܟ݂ܠܵܗ̇ ܓܲܢ̄ܒܵܪܘܼܬܹܗ ܕܲܥܒܲܕ݂ ܘܐܸܬ̣ܟܲܬܲܫ: ܗܵܐ ܟܬ̣ܝܼܒ̣ܝܼܢ ܒܴܲܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. [No book]
[47]ܘܫܲܪܟܵܐ ܕܙܵܢܝܘܼܬ̣ܵܐ ܕܐܸܫܬܲܚܪܲܬ̤ ܒܝܵܘܡܵܘ̈ܗܝ ܕܐܵܣܵܐ ܐܲܒ̣ܘܼܗܝ ܐܲܥܒܲܪ ܡ̣ܢ ܐܲܪܥܵܐ. [No book]
[48]ܘܡܲܠܟܵܐ ܠܲܝܬ̇ ܒܐܲܕ݂ܘܿܡ ܕܩܵܐܹܡ. [No book]
[49]ܘܝܘܿܫܵܦܵܛ ܥܒܲܕ ܐܸܠܦܹ̈ܐ ܠܬܲܪܫܝܼܫ ܠܡܹܐܙܲܠ ܠܐܵܘܦܹܝܪ ܥܲܠ ܕܲܗܒ̣ܵܐ: ܘܠܵܐ ܐܸܙܲܠ̣: ܡܸܛܠ ܕܐܸܬ̇ܬܒܲܪ ܐܸܠܦܹ̈ܐ ܒܥܸܨܝܼܢܘܿ ܓܒܲܪ. [No book]
[50]ܗܵܝܕܹ̇ܝܢ ܐܸܡܲܪ ܐܹܚܲܙܝܵܐ ܒܲܪ ܐܵܚܵܒ̣ ܠܝܘܿܫܵܦܵܛ: ܢܹܐܙܠ̄ܘܼܢ ܥܲܒ̣̈ܕܲܝ ܥܲܡ ܥܲܒ̣ܕܲܝ̈ܟ ܒܐܸܠܦܹ̈ܐ. ܘܠܵܐ ܨܒ̣ܵܐ ܝܘܿܫܵܦܵܛ. [No book]
[51]ܘܲܫܟܸܒ̣ ܝܘܿܫܵܦܵܛ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܥܲܡ ܐܲܒ̣ܵܗܵܘ̈ܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܐܲܒ̣ܘܼܗܝ. ܘܐܲܡ̣ܠܸܟ݂ ܝܘܿܪܵܡ ܒܪܹܗ ܒܵܬ̣ܪܹܗ. [No book]
[52]ܘܐܹܚܲܙܝܵܐ ܒܲܪ ܐܵܚܵܒ̣ ܐܲܡܠܸܟ݂ ܥܲܠ ܝܼܣܪܵܝܹܠ ܒܫܵܡܪܹܝܢ: ܒܲܫܢܲܬ̣ ܫܒܲܥܸܣܪܹ̈ܐ ܠܝܘܿܫܵܦܵܛ ܡܲܠܟܵܐ ܕܲܝܗܘܼܕ݂ܵܐ. ܘܐܲܡܠܸܟ݂ ܥܲܠ ܝܼܣܪܵܝܹܠ ܬܲܪܬܹ̇ܝܢ ܫܢ̈ܝܼܢ. [No book]
[53]ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܘܗܲܠܸܟ݂ ܒܐܘܼܪ̈ܚܵܬܹܗ ܕܐܲܒ̣ܘܼܗܝ ܘܒ̣ܐܘܼܪ̈ܚܵܬ̣ܵܗ̇ ܕܐܸܡܹܗ: ܘܒ̣ܐܘܼܪ̈ܚܵܬܹܗ ܕܝܘܿܪܲܒ̣ܥܲܡ ܒܲܪ ܢܵܒ̣ܵܛ ܕܐܲܚܛܝܼ ܠܝܼܣܪܵܝܹܠ. [No book]
[54]ܘܲܦܠܲܚ ܠܒܲܥܠܵܐ: ܘܣܓܸܕ݂ ܠܹܗ. ܘܐܸܪܓܸ̇ܙ ܩܕ݂ܵܡ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܲܝܟ݂ ܕܲܥܒܲܕ݂ ܐܲܒ̣ܘܼܗܝ. [No book]
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Translation: R. H. Charles, D. Litt., D.D. (1917)
Source: sacred-texts.com
Top