|
|
| [1]Erat autem rex Salomon regnans super omnem Israël: |
[No book] |
| [2]et hi principes quos habebat: Azarias filius Sadoc sacerdotis: |
[No book] |
| [3]Elihoreph et Ahia filii Sisa scribæ: Josaphat filius Ahilud a commentariis: |
[No book] |
| [4]Banaias filius Jojadæ super exercitum: Sadoc autem et Abiathar sacerdotes. |
[No book] |
| [5]Azarias filius Nathan super eos qui assistebant regi: Zabud filius Nathan sacerdos, amicus regis: |
[No book] |
| [6]et Ahisar præpositus domus: et Adoniram filius Abda super tributa. |
[No book] |
| [7]Habebat autem Salomon duodecim præfectos super omnem Israël, qui præbebant annonam regi et domui ejus: per singulos enim menses in anno, singuli necessaria ministrabant. |
[No book] |
| [8]Et hæc nomina eorum: Benhur, in monte Ephraim. |
[No book] |
| [9]Bendecar, in Macces, et in Salebim, et in Bethsames, et in Elon, et in Bathanan. |
[No book] |
| [10]Benhesed in Aruboth; ipsius erat Socho, et omnis terra Epher. |
[No book] |
| [11]Benabinadab, cujus omnis Nephath Dor, Tapheth filiam Salomonis habebat uxorem. |
[No book] |
| [12]Bana filius Ahilud regebat Thanac et Mageddo, et universam Bethsan, quæ est juxta Sarthana subter Jezrahel, a Bethsan usque Abelmehula e regione Jecmaan. |
[No book] |
| [13]Bengaber in Ramoth Galaad: habebat Avothiair filii Manasse in Galaad, ipse præerat in omni regione Argob, quæ est in Basan, sexaginta civitatibus magnis atque muratis, quæ habebant seras æreas. |
[No book] |
| [14]Abinadab filius Addo præerat in Manaim. |
[No book] |
| [15]Achimaas in Nephthali: sed et ipse habebat Basemath filiam Salomonis in conjugio. |
[No book] |
| [16]Baana filius Husi, in Aser, et in Baloth. |
[No book] |
| [17]Josaphat filius Pharue, in Issachar. |
[No book] |
| [18]Semei filius Ela, in Benjamin. |
[No book] |
| [19]Gaber filius Uri, in terra Galaad, in terra Sehon regis Amorrhæi et Og regis Basan, super omnia quæ erant in illa terra. |
[No book] |
| [20]Juda et Israël innumerabiles, sicut arena maris in multitudine: comedentes, et bibentes, atque lætantes. |
[No book] |
| [21]Salomon autem erat in ditione sua, habens omnia regna a flumine terræ Philisthiim usque ad terminum Ægypti: offerentium sibi munera, et servientium ei cunctis diebus vitæ ejus. |
[No book] |
| [22]Erat autem cibus Salomonis per dies singulos triginta cori similæ, et sexaginta cori farinæ, |
[No book] |
| [23]decem boves pingues, et viginti boves pascuales, et centum arietes, excepta venatione cervorum, caprearum, atque bubalorum, et avium altilium. |
[No book] |
| [24]Ipse enim obtinebat omnem regionem quæ erat trans flumen, a Taphsa usque ad Gazan, et cunctos reges illarum regionum: et habebat pacem ex omni parte in circuitu. |
[No book] |
| [25]Habitabatque Juda et Israël absque timore ullo, unusquisque sub vite sua et sub ficu sua, a Dan usque Bersabee cunctis diebus Salomonis. |
[No book] |
| [26]Et habebat Salomon quadraginta millia præsepia equorum currilium, et duodecim millia equestrium. |
[No book] |
| [27]Nutriebantque eos supradicti regis præfecti: sed et necessaria mensæ regis Salomonis cum ingenti cura præbebant in tempore suo. |
[No book] |
| [28]Hordeum quoque, et paleas equorum, et jumentorum, deferebant in locum ubi erat rex, juxta constitutum sibi. |
[No book] |
| [29]Dedit quoque Deus sapientiam Salomoni et prudentiam multam nimis, et latitudinem cordis quasi arenam quæ est in littore maris. |
[No book] |
| [30]Et præcedebat sapientia Salomonis sapientiam omnium Orientalium et Ægyptiorum, |
[No book] |
| [31]et erat sapientior cunctis hominibus: sapientior Ethan Ezrahita, et Heman, et Chalcol, et Dorda filiis Mahol: et erat nominatus in universis gentibus per circuitum. |
[No book] |
| [32]Locutus est quoque Salomon tria millia parabola: et fuerunt carmina ejus quinque et mille. |
[No book] |
| [33]Et disputavit super lignis a cedro quæ est in Libano, usque ad hyssopum quæ egreditur de pariete: et disseruit de jumentis, et volucribus, et reptilibus, et piscibus. |
[No book] |
| [34]Et veniebant de cunctis populis ad audiendam sapientiam Salomonis, et ab universis regibus terræ, qui audiebant sapientiam ejus. |
[No book] |