➖ »
«
➖ ➕
Aleppo Codex (~920)
Alep
The Gospel of Barnabas
GspBar
←
1 Kings
1Kg
5
→
[1]ושלמה היה מושל בכל הממלכות־מן הנהר ארץ פלשתים ועד גבול מצרים מגשים מנחה ועבדים את שלמה כל ימי חייו [No book]
[2]ויהי לחם שלמה ליום אחד שלשים כר סלת וששים כר קמח [No book]
[3]עשרה בקר בראים ועשרים בקר רעי־ומאה צאן לבד מאיל וצבי ויחמור וברברים אבוסים [No book]
[4]כי הוא רדה בכל עבר הנהר מתפסח ועד עזה־בכל מלכי עבר הנהר ושלום היה לו מכל עבריו־מסביב [No book]
[5]וישב יהודה וישראל לבטח איש תחת גפנו ותחת תאנתו מדן ועד באר שבע־כל ימי שלמה [No book]
[6]ויהי לשלמה ארבעים אלף ארות סוסים־למרכבו ושנים עשר אלף פרשים [No book]
[7]וכלכלו הנצבים האלה את המלך שלמה ואת כל הקרב אל שלחן המלך שלמה־איש חדשו לא יעדרו דבר [No book]
[8]והשערים והתבן לסוסים ולרכש־יבאו אל המקום אשר יהיה שם איש כמשפטו [No book]
[9]ויתן אלהים חכמה לשלמה ותבונה הרבה מאד ורחב לב־כחול אשר על שפת הים [No book]
[10]ותרב חכמת שלמה מחכמת כל בני קדם ומכל חכמת מצרים [No book]
[11]ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב [No book]
[12]וידבר שלשת אלפים משל ויהי שירו חמשה ואלף [No book]
[13]וידבר על העצים מן הארז אשר בלבנון ועד האזוב אשר יצא בקיר וידבר על הבהמה ועל העוף ועל הרמש ועל הדגים [No book]
[14]ויבאו מכל העמים לשמע את חכמת שלמה־מאת כל מלכי הארץ אשר שמעו את חכמתו [No book]
[15]וישלח חירם מלך צור את עבדיו אל שלמה כי שמע כי אתו משחו למלך תחת אביהו כי אהב היה חירם לדוד־כל הימים [No book]
[16]וישלח שלמה אל חירם לאמר [No book]
[17]אתה ידעת את דוד אבי כי לא יכל לבנות בית לשם יהוה אלהיו מפני המלחמה אשר סבבהו־עד תת יהוה אתם תחת כפות רגלו [Q: רגלי] [No book]
[18]ועתה הניח יהוה אלהי לי מסביב אין שטן ואין פגע רע [No book]
[19]והנני אמר־לבנות בית לשם יהוה אלהי כאשר דבר יהוה אל דוד אבי לאמר בנך אשר אתן תחתיך על כסאך הוא יבנה הבית לשמי [No book]
[20]ועתה צוה ויכרתו לי ארזים מן הלבנון ועבדי יהיו עם עבדיך ושכר עבדיך אתן לך ככל אשר תאמר כי אתה ידעת כי אין בנו איש ידע לכרת עצים־כצדנים [No book]
[21]ויהי כשמע חירם את דברי שלמה־וישמח מאד ויאמר ברוך יהוה היום אשר נתן לדוד בן חכם על העם הרב הזה [No book]
[22]וישלח חירם אל שלמה לאמר שמעתי את אשר שלחת אלי אני אעשה את כל חפצך בעצי ארזים ובעצי ברושים [No book]
[23]עבדי ירדו מן הלבנון ימה ואני אשימם דברות בים עד המקום אשר תשלח אלי ונפצתים שם־ואתה תשא ואתה תעשה את חפצי לתת לחם ביתי [No book]
[24]ויהי חירום נתן לשלמה עצי ארזים ועצי ברושים־כל חפצו [No book]
[25]ושלמה נתן לחירם עשרים אלף כר חטים מכלת לביתו ועשרים כר שמן כתית כה יתן שלמה לחירם שנה בשנה [No book]
[26]ויהוה נתן חכמה לשלמה כאשר דבר לו ויהי שלם בין חירם ובין שלמה ויכרתו ברית שניהם [No book]
[27]ויעל המלך שלמה מס מכל ישראל ויהי המס שלשים אלף איש [No book]
[28]וישלחם לבנונה עשרת אלפים בחדש חליפות־חדש יהיו בלבנון שנים חדשים בביתו ואדנירם על המס [No book]
[29]ויהי לשלמה שבעים אלף נשא סבל ושמנים אלף חצב בהר [No book]
[30]לבד משרי הנצבים לשלמה אשר על המלאכה שלשת אלפים ושלש מאות־הרדים בעם העשים במלאכה [No book]
[31]ויצו המלך ויסעו אבנים גדלות אבנים יקרות ליסד הבית־אבני גזית [No book]
[32]ויפסלו בני שלמה ובני חירום־והגבלים ויכינו העצים והאבנים לבנות הבית [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top