➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
1 Samuel
1Sa
19
→
[1]וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאד [No book]
[2]ויגד יהונתן לדוד לאמר מבקש שאול אבי להמיתך ועתה השמר נא בבקר וישבת בסתר ונחבאת [No book]
[3]ואני אצא ועמדתי ליד אבי בשדה אשר אתה שם ואני אדבר בך אל אבי וראיתי מה והגדתי לך [No book]
[4]וידבר יהונתן בדוד טוב אל שאול אביו ויאמר אליו אל יחטא המלך בעבדו בדוד כי לוא חטא לך וכי מעשיו טוב לך מאד [No book]
[5]וישם את נפשו בכפו ויך את הפלשתי ויעש יהוה תשועה גדולה לכל ישראל־ראית ותשמח ולמה תחטא בדם נקי להמית את דוד חנם [No book]
[6]וישמע שאול בקול יהונתן וישבע שאול חי יהוה אם יומת [No book]
[7]ויקרא יהונתן לדוד ויגד לו יהונתן את כל הדברים האלה ויבא יהונתן את דוד אל שאול ויהי לפניו כאתמול שלשום [No book]
[8]ותוסף המלחמה להיות ויצא דוד וילחם בפלשתים ויך בהם מכה גדולה וינסו מפניו [No book]
[9]ותהי רוח יהוה רעה אל שאול והוא בביתו ישב וחניתו בידו ודוד מנגן ביד [No book]
[10]ויבקש שאול להכות בחנית בדוד ובקיר ויפטר מפני שאול ויך את החנית בקיר ודוד נס וימלט בלילה הוא [No book]
[11]וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומת [No book]
[12]ותרד מיכל את דוד בעד החלון וילך ויברח וימלט [No book]
[13]ותקח מיכל את התרפים ותשם אל המטה ואת כביר העזים שמה מראשתיו ותכס בבגד [No book]
[14]וישלח שאול מלאכים לקחת את דוד ותאמר חלה הוא [No book]
[15]וישלח שאול את המלאכים לראות את דוד לאמר העלו אתו במטה אלי להמתו [No book]
[16]ויבאו המלאכים והנה התרפים אל המטה וכביר העזים מראשתיו [No book]
[17]ויאמר שאול אל מיכל למה ככה רמיתני ותשלחי את איבי וימלט ותאמר מיכל אל שאול הוא אמר אלי שלחני למה אמיתך [No book]
[18]ודוד ברח וימלט ויבא אל שמואל הרמתה ויגד לו את כל אשר עשה לו שאול וילך הוא ושמואל וישבו בנוית [Q: בניות] [No book]
[19]ויגד לשאול לאמר הנה דוד בנוית [Q: בניות] ברמה [No book]
[20]וישלח שאול מלאכים לקחת את דוד וירא את להקת הנביאים נבאים ושמואל עמד נצב עליהם ותהי על מלאכי שאול רוח אלהים ויתנבאו גם המה [No book]
[21]ויגדו לשאול וישלח מלאכים אחרים ויתנבאו גם המה ויסף שאול וישלח מלאכים שלשים ויתנבאו גם המה [No book]
[22]וילך גם הוא הרמתה ויבא עד בור הגדול אשר בשכו וישאל ויאמר איפה שמואל ודוד ויאמר הנה בנוית [Q: בניות] ברמה [No book]
[23]וילך שם אל נוית [Q: ניות] ברמה ותהי עליו גם הוא רוח אלהים וילך הלוך ויתנבא עד באו בנוית [Q: בניות] ברמה [No book]
[24]ויפשט גם הוא בגדיו ויתנבא גם הוא לפני שמואל ויפל ערם כל היום ההוא וכל הלילה על כן יאמרו־הגם שאול בנביאם [No book]
Source: unbound.biola.edu
Top