➖ »
«
➖ ➕
Peshitta OT
PesOT
King James Version with Samaritan Pentateuch
KJV(SP)
←
1 Samuel
1Sa
20
→
[1]ܘܲܥܪܲܩ ܕܵܘܝܼܕ݂ ܡ̣ܢ ܝܘܿܢܵܬ̣ ܕܲܒ̣ܪܵܡܬ̣ܵܐ: ܘܐܸܬ̣ܵܐ ܘܐܸܡܲܪ ܩܕ݂ܵܡ ܝܘܿܢܵܬܲܢ: ܡܵܢܵܐ ܥܸܒ̣ܕܹܬ̣: ܘܡܵܢܲܐܗ̄ܝܼ ܣܲܟ݂ܠܘܼܬ̣ܝ: ܘܡܵܢܵܐ ܗ̄ܘ̣ ܣܘܼܪܚܵܡܢܝ: ܩܕ݂ܵܡ ܐܲܒ̣ܘܼܟ݂ ܕܒܟܵܥܹܐ ܢܲܦ̮ܫܝ. [No book]
[2]ܘܐܸܡܲܪ ܠܹܗ ܝܘܿܢܵܬ̣ܵܢ: ܚܵܣ ܠܵܟ݂: ܠܵܐ ܬܡܘܼܬ̣: ܗܵܐ ܠܵܐ ܥܵܒܹܕ݂ ܐܵܒ̣ܝ ܡܸܠܬ̣ܵܐ ܪܲܒ̇ܬ̣ܵܐ ܘܡܸܠܬ̣ܵܐ ܙܥܘܿܪܬܵܐ ܕܠܵܐ ܓܵܠܹܐ ܠܝܼ: ܘܡܸܛܠ ܡܵܢܵܐ ܛܲܫܝܼ ܐܵܒ̣ܝ ܡܸܠܬ̣ܵܐ ܗܵܕܹܐ: ܠܝܬ̇ ܗܵܕܹܐ. [No book]
[3]ܘܝܼܡܵܐ ܠܹܗ ܕܵܘܝܼܕ݂: ܘܐܸܡܲܪ: ܡܸܛܠ ܕܝܼܕܲܥ ܐܲܒ̣ܘܼܟ݂ ܕܐܸܫܟ̇ܚܹܬ̣ ܪܲܚܡܹܐ ܒܥܲܝ̈ܢܲܝܟ: ܐܸܡܲܪ ܕܠܵܐ ܢܸܕܲܥ ܝܘܿܢܵܬ̣ܵܢ ܒܗܵܕܹܐ ܕܠܵܐ ܬܸܟ݂ܪܸܐ ܠܹܗ. ܒܪܲܡ ܚܲܝ ܗ̄ܘ̣ ܡܵܪܝܵܐ ܘܚܲܝܵܐ ܗ̄ܝ̣ ܢܲܦ̮ܫܵܟ݂: ܐܸܢܵܐ ܐܸܢ ܦܣܵܥܬ̣ܵܐ ܚܕ݂ܵܐ ܗܘ̤ܵܬ̣ ܒܲܝܢܲܝ ܠܡܵܘܬܵܐ. [No book]
[4]ܘܐܸܡܲܪ ܝܘܿܢܵܬ̣ܵܢ ܠܕ݂ܵܘܝܼܕ݂: ܡܵܐ ܕܐܵܡܪܵܐ ܢܲܦ̮ܫܵܟ݂ ܐܸܥܒܸ̇ܕ݂ ܠܵܟ݂. [No book]
[5]ܘܐܸܡܲܪ ܕܵܘܝܼܕ݂ ܠܝܘܿܢܵܬ̣ܵܢ: ܗܵܐ ܪܹܫ ܝܲܪܚܵܐ ܗ̄ܘ̣ ܡܚܵܪ: ܘܐܸܢܵܐ ܡܸܣܬ̇ܡܵܟ݂ܘܼ ܡܸܣܬ̇ܡܸܟ݂ ܐ̄ܢܵܐ ܩܕ݂ܵܡ ܐܲܒ̣ܘܼܟ݂ ܠܡܸܠܥܲܣ: ܘܲܬ̣ܫܲܕܪܲܢܝ ܠܡܸܛܫܵܐ ܒܚܲܩܠܵܐ: ܥܕܲܡܵܐ ܠܪܲܡܫܵܐ ܬܠܝܼܬ̣ܵܝܵܐ. [No book]
[6]ܐܸܢ ܡܸܦܩܕܲܢܝ ܐܲܒ̣ܘܼܟ݂: ܐܸܡܲܪ ܠܹܗ: ܡܸܫܬ̇ܐܵܠܘ ܐܸܫܬ̇ܐܸܠ ܡܹܢܝ ܕܵܘܝܼܕ݂: ܕܢܹܐܙܲܠ ܠܒܹܝܬ̣ ܠܚܸܡ ܩܪܝܼܬܹܗ: ܡܸܛܠ ܕܕܸܒ̣ܚܹ̈ܐ ܕܝܵܘ̈ܡܵܬ̣ܵܐ ܬܲܡܵܢ ܠܟ݂ܠܵܗ̇ ܫܲܪܒ̇ܬ̣ܵܐ. [No book]
[7]ܐܸܢ ܗܵܟܲܢܵܐ ܢܹܐܡܲܪ: ܛܵܒ̣ ܫܲܦܝܼܪ: ܫܠܵܡܵܐ ܗ̄ܘ̣ ܠܥܲܒ̣ܕܵܟ݂. ܘܐܸܢ ܡܸܬ̣ܒ̇ܐܵܫܘܼ ܢܸܬ̣ܒܐܸܫ ܠܹܗ: ܕܲܥ ܕܓܸܪܡܲܬ̤ ܒܝܼܫܬܵܐ ܡ̣ܢ ܠܘܵܬܹܗ. [No book]
[8]ܘܲܥܒܸܕ݂ ܛܲܝܒ̇ܘܼܬ̣ܵܐ ܗܵܕܹܐ ܥܲܡ ܥܲܒ̣ܕܵܟ݂: ܡܸܛܠ ܕܒܲܩܝܵܡܹܗ ܕܡܵܪܝܵܐ ܐܲܥܸܠܬ̇ ܠܥܲܒ̣ܕܵܟ݂ ܥܲܡܵܟ݂. ܘܐܸܢ ܐܝܼܬ̣ ܠܝܼ ܣܲܟ݂ܠܘܼܬ̣ܵܐ: ܩܛܘܿܠܲܝܢܝ ܐܲܢ̄ܬ̇: ܘܲܠܘܵܬ̣ ܐܲܒ̣ܘܼܟ݂ ܠܵܐ ܬܵܘܒܠܲܢܝ. [No book]
[9]ܘܐܸܡܲܪ ܝܘܿܢܵܬ̣ܵܢ ܚܵܣ ܠܵܟ݂. ܡܸܛܠ ܕܐܸܢ ܡܸܕܲܥ ܐܸܕܲܥ ܕܓܸܪܡܲܬ̤ ܠܵܗ̇ ܒܝܼܫܬܵܐ ܡ̣ܢ ܠܘܵܬ̣ ܐܵܒ̣ܝ: ܐܹܬܸܐ ܠܘܵܬ̣ܵܟ݂ ܘܐܹܚܵܘܹܝܟ݂. [No book]
[10]ܘܐܸܡܲܪ ܕܵܘܝܼܕ݂ ܠܝܘܿܢܵܬ̣ܵܢ: ܡܲܢܘܼ ܢܚܵܘܹܝܢܝ : ܕܲܠܡܵܐ ܢܸܥܢܹܝܟ݂ ܐܲܒ̣ܘܼܟ݂ ܩܲܫܝܵܐܝܼܬ̣. [No book]
[11]ܘܐܸܡܲܪ ܠܹܗ ܝܘܿܢܵܬ̣ܵܢ ܠܕ݂ܵܘܝܼܕ݂: ܬܵܐ ܢܸܦܘܿܩ ܠܚܲܩܠܵܐ. ܘܲܢܦܲܩܘ ܬܪ̈ܲܝܗܘܿܢ ܠܚܲܩܠܵܐ. [No book]
[12]ܘܐܸܡܲܪ ܝܘܿܢܵܬ̣ܵܢ ܠܕ݂ܵܘܝܼܕ݂: ܢܸܣܗܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܸܢ ܠܵܐ ܐܸܒ̣ܕܲܩܝܼܘܗܝ ܠܐܵܒ̣ܝ ܐܲܝܟ݂ ܗܵܢܵܐ: ܡܚܵܪ ܠܲܬ̣ܠܵܬ̣ ܫܵܥ̈ܝܼܢ: ܐܸܢ ܛܵܒ̣ ܠܵܟ݂: ܘܗܵܝܕܹ̇ܝܢ ܐܸܫܠܘܿܚ ܠܵܟ݂ ܘܐܸܓ̣ܠܸܐ ܠܵܟ݂. [No book]
[13]ܗܵܟܲܢܵܐ ܢܸܥܒܸ̇ܕ݂ ܡܵܪܝܑܵ ܠܝܘܿܢܵܬ̣ܵܢ: ܘܗܵܟܲܢܵܐ ܢܵܘܣܸܦ ܠܹܗ: ܐܸܢ ܐܸܛܲܒ̣ ܡ̣ܢ ܐܵܒ̣ܝ ܒܝܼܫܬܵܐ ܕܲܥܠܲܝܟ: ܐܸܓ̣ܠܸܐ ܠܵܟ݂: ܘܐܹܫܲܕܪܲܟ݂ ܘܬܹܐܙܲܠ ܒܲܫܠܵܡܵܐ: ܘܢܸܗܘܸܐ ܡܵܪܝܵܐ ܥܲܡܵܟ݂ ܐܲܝܟ݂ ܕܲܗܘ̤ܵܐ ܥܲܡ ܐܵܒ̣ܝ. [No book]
[14]ܘܲܠܘܲܝ ܕܹܝܢ ܟܲܕ݂ ܐܸܢܵܐ ܚܲܝ: ܐܸܠܵܐ ܥܒܸܕ݂ ܥܲܡܝ ܛܲܝܒ̇ܘܼܬܹܗ ܕܐܲܠܵܗܑܵ ܥܲܕ݂ܠܵܐ ܐܹܡܘܼܬ̣. [No book]
[15]ܘܠܵܐ ܬܸܥܢܲܕ݂ ܛܲܝܒ̇ܘܼܬ̣ܵܟ݂ ܡ̣ܢ ܒܲܝܬ̇ܝ ܠܥܵܠܲܡ. ܘܟܲܕ݂ ܢܵܘܒܸܕ݂ ܡܵܪܝܵܐ ܠܲܒ̣ܠܕܒ̣ܵܒ̣ܵܘ̈ܗܝ ܕܕ݂ܵܘܝܼܕ݂ ܡ̣ܢ ܐܲܦܲܝ̈ ܐܲܪܥܑܵܐ. [No book]
[16]ܢܩܘܼܡ ܝܘܿܢܵܬ̣ܵܢ ܥܲܡ ܕܒܹܝܬ̣ ܕܵܘܝܼܕ݂: ܘܢܸܬ̣ܒܲܥ ܡܵܪܝܵܐ ܡ̣ܢ ܒܥܸܠܕܒ̣ܵܒ̣ܵܘ̈ܗܝ ܕܕ݂ܵܘܝܼܕ݂. [No book]
[17]ܘܐܵܘܣܸܦ ܝܘܿܢܵܬ̣ܵܢ ܠܡܵܘܡܵܝܘܼܬܹܗ ܠܕ݂ܵܘܝܼܕ݂ ܒܲܕ݂ܪܵܚܹܡ ܗ̄ܘ̣ܵܐ ܠܹܗ: ܡܸܛܠ ܕܪܸܚ̱ܡܬ̣ܵܐ ܕܢܦ̮ܫܹܗ ܪܲܚܡܹܵܗ. [No book]
[18]ܘܐܸܡܲܪ ܠܹܗ ܝܘܿܢܵܬ̣ܵܢ: ܡܚܵܪ ܪܹܫ ܝܲܪܚܵܐ ܗ̄ܘ̣: ܘܡܸܬ̣ܦܩܸܕ݂ ܐܲܢ̄ܬ̇ ܡܸܛܠ ܕܡܸܬ̣ܦܩܸܕ݂ ܡܵܘܬ̇ܒ̣ܵܟ݂. [No book]
[19]ܘܠܲܬ̣ܠܵܬ̣ ܫܵܥ̈ܝܼܢ ܡܸܬ̣ܒ̇ܥܑܸ ܐܲܢ̄ܬ̇ ܛܵܒ̣ ܘܬܹܐܬܹܐ ܠܕ݂ܘܼܟ̇ܬ̣ܵܐ ܬܲܡܵܢ ܒܝܵܘܡܵܐ ܕܲܡܚܵܪ: ܘܬܸܬܸ̇ܒ̣ ܥܲܠ ܓܹܢ̄ܒ̣ ܟܹܐܦܵܐ ܗܵܝ̇. [No book]
[20]ܘܐܸܢܵܐ ܗܵܐ ܬܵܪܹܨ ܐ̄ܢܵܐ ܬܠܵܬ̣ܵܐ ܓܹܐܪ̈ܝܼܢ: ܠܡܸܫܕܵܐ ܠܡܲܪܡܵܝܘܼ ܢܝܼܫܵܐ. [No book]
[21]ܘܗܵܐ ܡܫܲܕܲܪ ܐ̄ܢܵܐ ܛܲܠܝܵܐ ܐܵܙܹܠ ܠܵܩܹܛ ܓܹܐܪܹ̈ܐ. ܐܸܢ ܐܹܡܲܪ ܠܛܲܠܝܵܐ ܕܗܵܐ ܓܹܐܪܹ̈ܐ ܡܸܢܵܟ݂ ܘܲܠܟ݂ܵܐ: ܣܲܒ̣ ܐܸܢܘܿܢ ܘܬ̣ܵܐ: ܕܲܥ ܘܲܚܙܝܼ ܕܲܫܠܵܡ ܠܵܟ݂: ܘܠܲܝܬ̇ ܡܸܠܵܐ ܒܝܼܫܵܐ: ܚܲܝ ܗ̄ܘ̣ ܡܵܪܝܵܐ. [No book]
[22]ܘܐܸܢ ܗܵܟܲܢܵܐ ܐܹܡܲܪ ܠܛܲܠܝܵܐ: ܕܗܵܐ ܓܹܐܪܹ̈ܐ ܡܸܢܵܟ݂ ܘܲܠܗܲܠ: ܙܸܠ: ܡܸܛܠ ܕܫܲܕܪܵܟ݂ ܡܵܪܝܵܐ. [No book]
[23]ܒܦܸܬ̣ܓ̣ܵܡܵܐ ܕܡܲܠܸܠ̄ܢ ܐܸܢܵܐ ܘܐܲܢ̄ܬ̇: ܗܵܐ ܡܵܪܝܵܐ ܐܲܠܵܗܑܵܐ ܒܲܝܢܲܝ ܘܠܵܟ݂ ܥܕܲܡܵܐ ܠܥܵܠܲܡ. [No book]
[24]ܘܐܸܬ̇ܛܲܫܝܼ ܕܵܘܝܼܕ݂ ܒܚܲܩܠܵܐ: ܘܲܗܘ̤ܵܐ ܪܹܫ ܝܲܪܚܵܐ: ܘܐܸܣܬ̇ܡܸܟ݂ ܡܲܠܟܵܐ ܥܲܠ ܠܲܚܡܵܐ ܠܡܸܠܥܲܣ. [No book]
[25]ܘܐܸܣܬ̇ܡܸܟ݂ ܡܲܠܟܵܐ ܥܲܠ ܣܡܵܟܹܗ ܐܲܝܟ݂ ܕܲܒ̣ܟ݂ܠܙܒܲܢ: ܥܲܠ ܓܹܢ̄ܒ̣ ܐܸܣܬ̣ܵܐ. ܘܩܵܡ ܝܘܿܢܵܬ̣ܵܢ ܘܐܸܣܬ̇ܡܸܟ݂: ܘܐܲܒ̣ܢܝܼܪ ܥܲܠ ܓܹܢ̄ܒ̣ ܫܑܵܘܿܠ: ܘܐܸܬ̣ܦܲܩܕܲܬ̤ ܕܘܼܟ̇ܬܹܗ ܕܕ݂ܵܘܝܼܕ݂. [No book]
[26]ܘܠܵܐ ܐܸܡܲܪ ܫܵܐܘܿܠ ܡܸܕ݂ܡ ܒܝܵܘܡܵܐ ܗܵܘ̇: ܡܸܛܠ ܕܐܸܡܲܪ ܕܓܸܕ݂ܫܵܐ ܗ̄ܘ̣: ܕܲܠܡܵܐ ܕܟܸܐ ܗ̄ܘ̣: ܐܵܘ ܕܲܠܡܵܐ ܠܵܐ ܗ̄ܘ̣ܵܐ ܕܟܸܐ. [No book]
[27]ܘܲܗܘ̤ܵܐ ܠܝܵܘܡܵܐ ܐ̄ܚܪܹܢܵܐ ܕܪܹܫ ܝܲܪܚܵܐ: ܘܐܸܬ̣ܦܲܩܕܲܬ̤ ܕܘܼܟ̇ܬܹܗ ܕܕ݂ܵܘܝܼܕ݂. ܘܐܸܡܲܪ ܫܵܐܘܿܠ ܠܝܘܿܢܵܬ̣ܵܢ ܒܪܹܗ: ܡܸܛܠ ܡܵܢܵܐ ܠܵܐ ܐܸܬ̣ܵܐ ܒܲܪ ܐܝܼܫܲܝ: ܠܵܐ ܐܸܬ̣ܡܵܠܝ ܘܠܵܐ ܝܵܘܡܵܢܵܐ: ܠܠܲܚܡܵܐ. [No book]
[28]ܘܲܥܢܵܐ ܝܘܿܢܵܬ̣ܵܢ ܘܐܸܡܲܪ ܠܫܵܐܘܿܠ ܐܲܒ̣ܘܼܗܝ: ܡܸܫܬ̇ܐܵܠܘܼ ܐܸܫܬ̇ܐܸܠ ܡܹܢܝ ܕܵܘܝܼܕ݂ ܥܕܲܡܵܐ ܠܒܹܝܬ̣ ܠܚܸܡ ܩܪܝܼܬܹܗ. [No book]
[29]ܘܐܸܡܲܪ ܫܲܕܲܪܝܢܝ ܡܸܛܠ ܕܕܸܒ̣ܚܬܵܐ ܕܫܲܪܒ̇ܬ̣ܵܐ ܐܝܼܬ̣ ܠܲܢ ܒܲܩܪܝܼܬ̣ܵܐ: ܘܦܩܕܲܢܝ ܘܐܸܡܲܪ ܠܝܼ: ܐܵܚܝ: ܐܸܢ ܐܸܫܟ̇ܚܹܬ̣ ܪ̈ܲܚܡܹܐ ܒܥܲܝܢܲܝ̈ܟ: ܐܹܙܲܠ ܐܸܚܙܸܐ ܠܐܲܚܲܝ̈: ܡܸܛܠ ܗܵܢܵܐ ܠܵܐ ܐܸܬ̣ܵܐ ܠܦܵܬ̣ܘܿܪܵܐ ܕܡܲܠܟܵܐ. [No book]
[30]ܘܐܸܬ̣ܚܲܡܲܬ̣ ܪܘܼܓ̣ܙܹܗ ܕܫܵܐܘܿܠܘܐܸܡܲܪ ܠܹܗ: ܒܲܪ ܚܲܣܝܼܪܲܬ̣ ܡܲܪܕܘܼܬ̣ܵܐ: ܠܵܐ ܝܵܕ݂ܵܥ ܐ̄ܢܵܐ: ܕܨܵܒܹ̇ܐ ܐܲܢ̄ܬ̇ ܒܲܒ̣ܪܹܗ ܕܐܝܼܫܲܝ: ܠܒܸܗܬ̇ܬ̣ܵܟ݂ ܘܲܠܒܸܗܬܲܬ̣ ܦܘܼܪܣܵܝܗ̇ ܕܐܸܡܵܟ݂. [No book]
[31]ܡܸܛܠ ܕܟ݂ܠܗܘܿܢ ܝܵܘ̈ܡܵܬ̣ܵܐ ܕܒܲܪ ܐܝܼܫܲܝ ܚܲܝ ܥܲܠ ܐܲܪܥܵܐ: ܠܵܐ ܬܸܬ̣ܩܲܢ ܐܲܢ̄ܬ̇ ܘܡܲܠܟ̇ܘܼܬ̣ܵܟ݂. ܗܵܫܵܐ ܐܹܫܲܕܲܪ ܐܸܕ݂ܒ̇ܪܝܼܘܗܝ ܠܝܼ: ܡܸܛܠ ܕܒܲܪ ܡܵܘܬܵܐ ܗ̄ܘ̣. [No book]
[32]ܘܲܥܢܵܐ ܝܘܿܢܵܬ̣ܵܢ ܘܐܸܡܲܪ ܠܫܵܐܘܿܠ ܐܲܒ̣ܘܼܗܝ: ܥܲܠ ܡܢܵܐ ܡܵܐܹܬ̣: ܡܵܢܵܐ ܥܒܲܕ݂. [No book]
[33]ܘܐܲܪܝܼܡ ܫܵܐܘܿܠ ܡܘܿܪܵܢܝܼܬ̣ܵܐ ܥܠܵܘܗܝ ܠܡܸܡܚܝܹܗ: ܘܝܼܕܲܥ ܝܘܿܢܵܬ̣ܵܢ ܕܓܸܪܡܲܬ̤ ܡ̣ܢ ܠܘܵܬ̣ ܐܲܒ̣ܘܼܗܝ ܠܡܸܫܛܠܹܗ ܠܕ݂ܵܘܝܼܕ݂. [No book]
[34]ܘܩܵܡ ܝܘܿܢܵܬ݂ܵܢ ܡ̣ܢ ܦܵܬ̣ܘܿܪܑܵܐ ܒܚܸܡܬ̣ܵܐ ܥܲܫܝܼܢܬܵܐ: ܘܠܵܐ ܐܸܟܲܠ ܒܝܵܘܡܵܐ ܗܵܘ̇ ܕܲܬ̣ܪܹܝܢ ܕܪܹܫ ܝܲܪܚܵܐ: ܡܸܛܠ ܕܟܸܪܝܲܬ̤ ܠܹܗ ܥܲܠ ܕܵܘܝܼܕ݂: ܕܓܲܪܡܵܗ̇ ܐܲܒ̣ܘܼܗܝ ܥܠܵܘܗܝ. [No book]
[35]ܘܲܗܘ̤ܵܐ ܨܲܦܪܵܐ ܘܲܢܦܲܩ ܝܘܿܢܵܬ̣ܵܢ ܠܚܲܩܠܵܐ ܠܐܘܼܪܥܹܗ ܕܕ݂ܵܘܝܼܕ݂: ܘܛܲܠܝܵܐ ܙܥܘܿܪܵܐ ܥܲܡܹܗ. [No book]
[36]ܘܐܸܡܲܪ ܠܛܲܠܝܵܐ: ܗܲܪ̄ܛ ܠܲܩܸܛ ܓܹܐܪܹ̈ܐ ܕܫܵܕܹܐ ܐ̄ܢܵܐ. ܛܲܠܝܵܐ ܪܗܸܛ: ܘܗ̤ܘ ܫܕ݂ܵܐ ܓܹܐܪܵܐ ܠܡܲܥܒܵܪܘܼܬܹܗ. [No book]
[37]ܘܲܡܛܵܐ ܛܲܠܝܵܐ ܥܕܲܡܵܐ ܠܕ݂ܘܼܟ̇ܬ̣ܵܐ ܕܹ̃ܐܪܵܐ ܕܲܫܕ݂ܵܐ ܝܘܿܢܵܬ̣ܵܢ: ܘܲܩܪܵܐ ܝܘܿܢܵܬ̣ܵܢ ܠܛܲܠܝܵܐ ܘܐܸܡܲܪ: ܗܵܐ ܓܹܐܪܵܐ ܡܸܢܵܟ݂ ܘܲܠܗܲܠ. [No book]
[38]ܘܲܩܪܵܐ ܝܘܿܢܵܬ̣ܵܢ ܒܵܬܲܪ ܛܲܠܝܵܐ: ܐܸܣܬܲܪܗܲܒ̣ ܒܲܥܓܲܠ ܘܠܵܐ ܬܩܘܼܡ. ܘܠܲܩܸܛ ܛܲܠܝܵܐ ܕܝܘܿܢܵܬ̣ܵܢ ܓܹܐܪܹ̈ܐ: ܘܐܲܝܬ̇ܝܼ ܠܡܵܪܹܗ. [No book]
[39]ܘܠܵܐ ܝܼܕܲܥ ܛܲܠܝܵܐ ܡܸܕܸܡ: ܐܸܠܵܐ ܝܘܿܢܵܬ̣ܵܢ ܘܕ݂ܵܘܝܼܕ݂ ܕܝܵܕ݂ܥܝܼܢ ܗ̄ܘ̣ܵܘ ܦܸܬ̣ܓ̣ܵܡܵܐ. [No book]
[40]ܘܝܲܗ̄ܒ̣ ܝܘܿܢܵܬ̣ܵܢ ܡܵܐܢܵܘ̈ܗܝ ܠܛܲܠܝܹܗ: ܘܐܸܡܲܪ ܠܹܗ ܙܸܠ ܐܲܥܸܠ ܠܲܩܪܝܼـܬ̣ܵܐ. [No book]
[41]ܛܲܠܝܵܐ ܥܲܠ: ܘܕ݂ܵܘܝܼܕ݂ ܩܵܡ ܡ̣ܢ ܠܘܵܬ̣ ܟܹܐܦܵܐ: ܘܐܸܬ̣ܵܐ ܠܘܵܬ̣ ܝܘܿܢܵܬ̣ܵܢ: ܘܲܢܦܸܠ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ: ܘܲܣܓܸܕ݂ ܙܲܒ̣ܢ̈ܝܼܢ: ܘܢܲܫܩܘ ܓܒܲܪ ܠܚܲܒ̣ܪܹܗ: ܘܲܒ̣ܟ݂ܵܘ ܓܒܲܪ ܥܲܠ ܚܲܒ̣ܪܹܗ: ܒܪܲܡ ܕܵܘܝܼܕ݂ ܐܲܣܓܝܼ. [No book]
[42]ܘܐܸܡܲܪ ܝܘܿܢܵܬ̣ܵܢ ܠܕ݂ܵܘܝܼܕ݂ ܙܸܠ ܒܲܫܠܵܡܵܐ: ܝܵܡܹܝܢ ܚ̄ܢܲܢ ܕܹܝܢ ܬܪ̈ܲܝܢ ܒܲܫܡܹܗ ܕܡܵܪܝܵܐ ܠܡܹܐܡܲܪ: ܡܵܪܝܵܐ ܒܲܝܢܲܝ ܘܠܵܟ݂: ܘܒܹܝܬ̣ ܙܲܪܥܝ ܠܙܲܪܥܵܟ݂: ܥܕܲܡܵܐ ܠܥܵܠܲܡ. [No book]
See information...
Top