➖ »
«
➖ ➕
Reconstruction of Eberhard Nestle's Greek NT (1904)
Nestle
Peshitta OT
PesOT
←
1 Samuel
1Sa
27
→
[No book] [1]ܘܐܸܡܲܪ ܕܵܘܝܼܕ݂ ܒܠܸܒܹ̇ܗ: ܗܵܫܵܐ ܐܸܢ ܢܵܦܹܠ ܐ̄ܢܵܐ ܚܲܕ݂ ܝܘܿܡ ܒܐܝܼܕ݂ܵܘ̈ܗܝ ܕܫܵܐܘܿܠ: ܠܲܝܬ̇ ܠܝܼ ܛܵܒ̣ܬ̣ܵܐ: ܐܸܠܵܐ ܐܸܬ̣ܦܲܠܲܛ ܠܝܼ ܠܐܲܪܥܵܐ ܕܲܦܠܸܫ̈ܬܵܝܹܐ. ܘܢܸܠܐܸܐ ܫܵܐܘܿܠ ܠܡܸܒ̣ܥܝܲܢܝ ܬܘܼܒ̣: ܒܟ݂ܠܹܗ ܬܚܘܼܡܵܐ ܕܝܼܣܪܵܝܹܠ: ܘܐܸܫܬܵܘܙܲܒ̣ ܡ̣ܢ ܐܝܼܕ݂ܵܘ̈ܗܝ.
[No book] [2]ܘܩܵܡ ܕܵܘܝܼܕ݂ ܘܲܥܒܲ ܗ̤ܘ ܘܫܸܬ̣ܡܵܐܐ ܓܲܒ̣ܪ̈ܝܼܢ ܕܥܲܡܹܗ: ܠܘܵܬ̣ ܐܲܟ݂ܝܼܫ ܒܲܪ ܡܲܥܟܵܐ ܡܲܠܟܵܐ ܕܓ̣ܵܬ̣.
[No book] [3]ܘܝܼܬܸܒ̣ ܕܵܘܝܼܕ݂ ܥܲܡ ܐܲܟ݂ܝܼܫ ܒܓ̣ܵܬ̣ ܗ̤ܘ ܘܓܲܒ̣ܪ̈ܵܘܗܝ ܘܐ̄ܢܵܫܲܝ̈ ܒܲܝܬܹ̇ܗ ܕܕ݂ܵܘܝܼܕ݂: ܘܬܲܪܬܹܝܢ ܢܸܫܵܘ̈ܗܝ: ܐܲܚܝܼܢܥܸܡ ܕܡ̣ܢ ܐܝܼܙܲܪܥܹܝܠ: ܘܐܲܒ̣ܝܼܓܸܠ ܐܲܢ̄ܬ̇ܬܹܗ ܕܢܵܒ̣ܵܠ ܡ̣ܢ ܟܲܪܡ̄ܠܵܐ.
[No book] [4]ܘܚܵܘܝܼܘ ܠܫܵܐܘܿܠ ܕܲܢܚܸܬ̣ ܕܵܘܝܼܕ݂ ܠܓ̣ܵܬ̣: ܘܠܵܐ ܐܵܘܣܸܦ ܬܘܼܒ̣ ܠܡܸܒ̣ܥܝܹܗ.
[No book] [5]ܘܐܸܡܲܪ ܕܵܘܝܼܕ݂ ܠܐܲܟ݂ܝܼܫ: ܐܸܢ ܐܸܫܟ̇ܚܹܬ̣ ܪ̈ܲܚܡܹܐ ܒܥܲܝܢܲܝ̈ܟ: ܢܸܬ̇ܠܘܼܢ ܠܝܼ ܕܘܼܟ̇ܬ̣ܵܐ ܒܲܚܕ݂ܵܐ ܡ̣ܢ ܩܘܼܪ̈ܝܵܐ ܕܲܒ̣ܡܲܕ݂ܒ̇ܪܵܐ: ܘܐܸܬܸ̇ܒ̣ ܬܲܡܵܢ: ܘܠܵܐ ܢܸܬܸ̇ܒ̣ ܥܲܒ̣ܕܵܟ݂ ܒܲܩܪܝܼܬ̣ܵܐ ܕܡܲܠܟ̇ܘܼܬ̣ܵܐ ܥܲܡܵܟ݂.
[No book] [6]ܘܝܲܗ̄ܒ̣ ܠܹܗ ܐܲܟ݂ܝܼܫ ܒܝܵܘܡܵܐ ܗܵܘ̇ ܠܨܸܢܩܠܲܓ̣: ܡܸܛܠ ܗܵܢܵܐ ܗܘ̤ܵܬ̣ ܨܸܢܩܠܲܓ̣ ܠܡܲܠܟܵܐ ܕܲܝܗܘܼܕ݂ܵܐ: ܥܲܕܲܡܵܐ ܠܝܵܘܡܵܢܵܐ.
[No book] [7]ܘܲܗܘ̤ܵܐ ܡܸܢܝܵܢܵܐ ܕܝܵܘ̈ܡܵܬ̣ܵܐ ܕܝܼܬ̣ܒ̣ ܕܵܘܝܼܕ݂ ܒܐܲܪܥܵܐ ܕܲܦܠܸܫ̈ܬܵܝܹܐ: ܥܸܕܵܢ ܘܐܲܪܒ̇ܥܵܐ ܝܲܪ̈ܚܝܼܢ.
[No book] [8]ܘܲܣܠܸܩܘ ܕܵܘܝܼܕ݂ ܘܓܲܒ̣ܪ̈ܵܘܗܝ ܘܗܲܠܸܟ݂ܘ ܥܲܠ ܓܵܫܘܿܪ: ܘܥܲܠ ܓܕ݂ܘܿܠܵܐ: ܘܥܲܠ ܥܡܵܠܹܝܩ: ܡܸܛܠ ܕܗܵܠܹܝܢ ܗ̄ܘ̣ܵܘ ܝܲܬܵܒܹ̈ܐ ܕܐܲܪܥܵܐܜ ܕܡ̣ܢ ܥܵܠܲܡ: ܘܗܲܠܸܟ݂ܘ ܥܲܠ ܓܵܫܘܿܪ ܘܲܥܕܲܡܵܐ ܠܐܲܪܥܵܐ ܕܡܸܨܪܝܼܢ.
[No book] [9]ܘܲܚܪܲܒ̣ ܕܵܘܝܼܕ݂ ܠܐܲܪܥܵܐ: ܘܠܵܐ ܐܲܚܝܼ ܓܲܒ̣ܪܵܐ ܐܵܘ ܐܲܢ̄ܬ̇ܬ̣ܵܐ. ܘܲܢܣܲܒ̣ ܥܵܢܑ̈ܵܐ: ܘܬ̣ܵܘܪܹ̈ܐ: ܘܚܸܡܪ̈ܵܐ: ܘܓܲܡܠܹ̈ܐ: ܘܡܵܐܢܹ̈ܐ. ܘܲܗܦܲܟ݂ ܕܵܘܝܼܕ݂ ܘܐܸܬ̣ܵܐ ܠܘܵܬ̣ ܐܲܟ݂ܝܼܫ.
[No book] [10]ܘܐܸܡܲܪ ܐܲܟ݂ܝܼܫ ܠܕ݂ܵܘܝܼܕ݂: ܐܲܝܟܵܐ ܗ̤ܘܲܝܬ̇ܘܿܢ ܝܵܘܡܵܢܵܐ. ܘܐܸܡܲܪ ܕܵܘܝܼܕ݂: ܥܲܠ ܢܓܲܒ̣ ܕܲܝܗܘܼܕ݂ܵܐ: ܘܥܲܠ ܢܓܲܒ̣ ܕܝܲܪܚ̄ܡܸܠ: ܘܥܲܠ ܢܓܲܒ̣ ܕܲܩܥܝܼܠܵܐ.
[No book] [11]ܘܓܲܒ̣ܪܵܐ ܘܐܲܢ̄ܬ̇ܬ̣ܵܐ ܠܵܐ ܐܲܚܝܼ ܕܵܘܝܼܕ݂ ܕܢܹܐܬܸܐ ܠܓ̣ܵܬ̣ ܠܡܹܐܡܲܪ: ܕܠܵܐ ܢܚܵܘܘܿܢ ܥܠܲܝܢ ܘܢܹܐܡܪܘܿܢ: ܗܵܟܲܢܵܐ ܥܒܲܕ݂ ܕܵܘܝܼܕ݂. ܘܗܵܟܲܢܵܐ ܗܘ̤ܵܐ ܢܵܡܘܿܣܹܗ ܟܠܗܘܿܢ ܝܵܘ̈ܡܵܬ̣ܵܐ ܕܝܼܬ̣ܒ̣ ܒܐܲܪܥܵܐ ܕܲܦܠܸܫ̈ܬܵܝܹܐ.
[No book] [12]ܘܗܲܝ̣ܡܸܢ ܐܲܟ݂ܝܼܫ ܠܕ݂ܵܘܝܼܕ݂: ܘܐܸܡܲܪ: ܡܲܒܟܵܐܫܘܼ ܐܲܒ̣ܐܸܫ ܒܥܲܡܹܗ ܒܝܼܣܪܵܝܹܠ: ܗܵܐ ܗܘ̤ܵܐ ܠܝܼ ܥܲܒ̣ܕܵܐ ܠܥܵܠܲܡ.
Author: Eberhard Nestle (1851–1913)
Source: www.hagiascriptura.com

See information...
Top