➖ »
«
➖ ➕
Peshitta OT
PesOT
The Biblical Antiquities of Philo (1917)
Philo
←
1 Samuel
1Sa
29
→
[1]ܘܟܲܢܸܫܘ ܦܠܸܫ݁ܬܵܝܹܐ ܟܠܗܹܝܢ ܡܲܫܪ̈ܝܵܬ̣ܗܘܿܢ ܠܐܵܦܵܩ: ܘܝܼܣܪܵܝܹܠ ܫܪܹܝܢ ܒܥܹܝܢ ܕܒ̣ܐܝܼܙܲܪܥܹܝܠ. [No book]
[2]ܘܲܛܪ̈ܘܼܢܹܐ ܕܲܦܠܸܫ̈ܬܵܝܹܐ ܥܵܒ̣ܪܝܼܢ ܥܲܠ ܡܲܐ̈ܘܵܬ̣ܵܐ ܘܥܲܠ ܐܲܠܦܹ̈ܐ: ܘܕ݂ܵܘܝܼܕ݂ ܘܓܲܒ̣ܪܹ̈ܐ ܕܥܲܡܹܗ ܥܵܒ̣ܪܝܼܢ ܒܐܲܚܪܵܝܬܵܐ ܥܲܡ ܐܲܟ݂ܝܼܫ. [No book]
[3]ܘܐܸܡܲܪܘ ܪܵܘܪ̈ܒ̣ܵܢܹܐ ܕܲܦܠܸܫ̈ܬܵܝܹܐ ܠܐܲܟ݂ܝܼܫ: ܡܵܢܵܐ ܥܵܒ̣ܪܝܼܢ ܗܵܠܹܝܢ. ܘܐܸܡܲܪ ܐܲܟ݂ܝܼܫ ܠܪܵܘ̱ܪ̈ܒ̣ܵܢܹܐ ܕܲܦܠܸܫ̈ܬܵܝܹܐ: ܗܵܢܵܐ ܗ̄ܘ̣ ܕܵܘܝܼܕ݂ ܥܲܒ̣ܕܹܗ ܕܫܵܐܘܿܠ ܡܲܠܟܵܐ ܕܝܼܣܪܵܝܹܠ: ܕܲܗܘ̤ܵܐ ܠܘܵܬܲܢ ܗܵܐ ܥܸܕܵܢ ܒܥܸܕܵܢ ܘܝܲܪ̈ܚܹܐ: ܘܠܵܐ ܐܸܫܟ̇ܚܹܬ̣ ܒܹܗ ܡܸܕܸܡ: ܡ̣ܢ ܝܵܘܡܵܐ ܕܐܸܬ̣ܵܐ ܠܘܵܬ̣ܝ ܘܲܥܕܲܡܵܐ ܠܝܵܘܡܵܐ. [No book]
[4]ܘܲܪܓܸܙܘ ܥܠܵܘܗܝ ܪܵܘ̱ܪ̈ܒ̣ܵܢܹܐ ܕܲܦܠܸܫ̈ܬܵܝܹܐ: ܘܐܵܡܪܝܼܢ ܠܹܗ: ܐܲܦܸܩ ܠܓܲܒ̣ܪܵܐ: ܘܢܹܐܙܲܠ ܠܕ݂ܘܟ̇ܬܹܗ ܕܐܲܫܠܸܛܬܵܐܝܗܝ ܬܲܡܵܢ: ܘܠܵܐ ܢܹܐܙܲܠ ܥܲܡܲܢ ܠܲܩܪܵܒ̣ܵܐ: ܘܠܵܐ ܢܸܗܘܸܐ ܠܲܢ ܫܦܵܝܵܐ ܒܲܩܪܵܒ̣ܵܐ. ܒܡܵܢܵܐ ܓܹܝܪ ܡܸܬ̣ܪܲܥܸܐ ܓܲܒ̣ܪܵܐ ܗܵܢܵܐ ܥܲܡ ܡܵܪܹܗ: ܐܸܠܵܐ ܐܸܢ ܒܪܹܫܵܐ ܕܝܼܠܲܢ. [No book]
[5]ܠܵܐ ܗ̄ܘ̣ܵܐ ܗܵܢܵܐ ܕܵܘܝܼܕ݂ ܗܵܘ̇ ܕܲܡܥܲܢ̈ܝܵܢ ܗ̄ܘܲܝ̈ ܠܹܗ ܒ̈ܢܵܬ̣ ܝܼܣܪܵܝܹܠ ܒܲܪ̈ܒ̣ܝܼܥܹܐ: ܘܐܵܡܪ̈ܵܢ: ܩܛܲܠ ܫܵܐܘܿܠ ܒܐܲܠܦܹ̈ܐ: ܘܕ݂ܵܘܝܼܕ݂ ܒܪܸ̈ܒ̇ܘܵܬ̣ܵܐ. [No book]
[6]ܘܲܩܪܵܐ ܐܲܟ݂ܝܼܫ ܠܕ݂ܵܘܝܼܕ݂: ܘܐܸܡܲܪ ܠܹܗ: ܚܲܝ ܗ̄ܘ̣ ܡܵܪܝܵܐ ܕܲܬ̣ܪܝܼܨ ܐܲܢ̄ܬ̇: ܘܛܵܒ̣ ܒܥܲܝܢܲܝ̈ ܡܲܠܵܟ݂ ܘܡܲܦܩܵܟ݂ ܕܥܲܡܝ ܒܲܩܪܵܒ̣ܵܐ: ܘܠܵܐ ܐܸܫܟ̇ܚܹـܬ̣ ܒܵܟ݂ ܒܝܼܫܬܵܐ: ܡ̣ܢ ܝܵܘܡܵܐ ܕܐܸܬܲܝܬ̇ ܠܘܵܬܲܢ: ܘܲܥܕܲܡܵܐ ܠܝܵܘܡܵܢܵܐ. ܘܲܒ̣ܝܢܲܝ̈ܗܘܿܢ ܕܲܛܪ̈ܘܼܢܹܐ ܠܵܐ ܛܵܒ̣ ܐܲܢ̄ܬ̇. [No book]
[7]ܗܵܫܵܐ ܗܦܘܿܟ݂ ܙܸܠ ܒܲܫܠܵܡܵܐ: ܘܠܵܐ ܬܸܥܒܸܕ݂ ܒܝܼܫܬܵܐ ܒܥܲܝܢܲܝ̈ ܛܪ̈ܘܼܢܲܝܗܘܿܢ ܕܲܦܠܸܫ̈ܬܵܝܹܐ. [No book]
[8]ܘܐܸܡܲܪ ܕܵܘܝܼܕ݂ ܠܐܲܟ݂ܝܼܫ: ܡܵܢܵܐ ܥܸܒ̣ܵܕܹܬ̣: ܘܡܵܢܵܐ ܐܸܫܟܲܚܬ̇ ܒܥܸܒ̣ܕܵܟ݂: ܡ̣ܢ ܝܵܘܡܵܐ ܕܲܗܘܹܝܬ̣ ܩܕ݂ܵܡܲܝܟ ܘܲܥܕܲܡܵܐ ܠܝܵܘܡܵܢܵܐ: ܐܸܠܵܐ ܐܵܙܸܠ ܐ̄ܢܵܐ ܘܡܸܬ̣ܟܲܬܲܫ ܐ̄ܢܵܐ ܥܲܡ ܒܥܸܠܕܒ̣ܵܒ̣ܵܘ̈ܗܝ ܕܡܵܪܝ ܡܲܠܟܵܐ. [No book]
[9]ܘܲܥܢܵܐ ܐܲܟ݂ܝܼܫ ܘܐܸܡܲܪ ܠܕ݂ܵܘܝܼܕ݂: ܝܵܕܲܥ ܐ̄ܢܵܐ ܕܛܵܒ̣ ܐܲܢ̄ܬ̇ ܒܥܲܝܢܲܝ̈ ܐܲܝܟ݂ ܡܲܠܲܐܟܹܗ ܕܐܲܠܵܗܵܐ: ܒܪܲܡ ܪܵܘ̱ܪ̈ܒ̣ܵܢܹܐ ܕܲܦܠܸܫ̈ܬܵܝܹܐ ܐܵܡܪܝܼܢ: ܠܵܐ ܢܹܐܙܲܠ ܥܲܡܵܢ ܠܲܩܪܵܒ̣ܵܐ. [No book]
[10]ܗܵܫܵܐ ܩܕܸܡ ܒܨܲܦܪܵܐ: ܘܥܲܒ̣̈ܕܹܐ ܕܡܵܪܵܟ݂ ܕܐܸܬ̣ܵܘ ܥܲܡܵܟ݂ ܠܐܘܼܪܚܵܐ: ܘܢܸܢܗܲܪ ܠܟ݂ܘܿܢ ܘܙܸܠܘ. [No book]
[11]ܘܩܲܕܸܡܘ ܕܵܘܝܼܕ݂ ܘܓܲܒ̣ܪ̈ܵܘܗܝ ܠܡܹܐܙܲܠ ܠܐܲܪܥܵܐ ܕܲܦܠܸܫ̈ܬܵܝܹܐ: ܘܲܦܠܸܫ̈ܬܵܝܹܐ ܣܠܸܩܘ ܠܐܝܼܙܲܪܥܹܝܠ. [No book]
Author: Philo
Translation: M. R. James (1917)
Source: www.sacred-texts.com

See information...
Top