➖ »
«
➖ ➕
Aleppo Codex (~920)
Alep
The Book of Jubilees
Jub(YWO)
←
1 Samuel
1Sa
31
   
[1]ופלשתים נלחמים בישראל וינסו אנשי ישראל מפני פלשתים ויפלו חללים בהר הגלבע [No book]
[2]וידבקו פלשתים את שאול ואת בניו ויכו פלשתים את יהונתן ואת אבינדב ואת מלכישוע־בני שאול [No book]
[3]ותכבד המלחמה אל שאול וימצאהו המורים אנשים בקשת ויחל מאד מהמורים [No book]
[4]ויאמר שאול לנשא כליו שלף חרבך ודקרני בה פן יבואו הערלים האלה ודקרני והתעללו בי ולא אבה נשא כליו כי ירא מאד ויקח שאול את החרב ויפל עליה [No book]
[5]וירא נשא כליו כי מת שאול ויפל גם הוא על חרבו וימת עמו [No book]
[6]וימת שאול ושלשת בניו ונשא כליו גם כל אנשיו ביום ההוא־יחדו [No book]
[7]ויראו אנשי ישראל אשר בעבר העמק ואשר בעבר הירדן כי נסו אנשי ישראל וכי מתו שאול ובניו ויעזבו את הערים וינסו ויבאו פלשתים וישבו בהן [No book]
[8]ויהי ממחרת ויבאו פלשתים לפשט את החללים וימצאו את שאול ואת שלשת בניו נפלים בהר הגלבע [No book]
[9]ויכרתו את ראשו ויפשטו את כליו וישלחו בארץ פלשתים סביב לבשר בית עצביהם־ואת העם [No book]
[10]וישימו את כליו בית עשתרות ואת גויתו תקעו בחומת בית שן [No book]
[11]וישמעו אליו ישבי יביש גלעד את אשר עשו פלשתים לשאול [No book]
[12]ויקומו כל איש חיל וילכו כל הלילה ויקחו את גוית שאול ואת גוית בניו מחומת בית שן ויבאו יבשה וישרפו אתם שם [No book]
[13]ויקחו את עצמתיהם ויקברו תחת האשל ביבשה ויצמו שבעת ימים [No book]
Source: unbound.biola.edu
 Author: Enoch the Prophet
Source: www.YahwehsWord.org
Top