➖ »
«
➖ ➕
Peshitta OT
PesOT
The Martyrdom of Saint Polycarp, Bishop of Smyrna
PolycMartyr
←
1 Samuel
1Sa
8
→
[1]ܘܲܗܘ̤ܵܐ ܕܟܲܕ݂ ܣܐܸܒ̣ ܫܡܘܼܐܹܝܠ: ܥܒܲܕ݂ ܠܲܒ̣ܢܵܘ̈ܗܝ ܕܲܝ̣ܵܢܹ̈ܐ: ܥܲܠ ܝܼܣܪܵܝܹܠ. [No book]
[2]ܘܲܗܘ̤ܵܐ ܫܸܡ ܒܪܹܗ ܒܘܼܟ݂ܪܹܗ ܝܘܼܐܹܝܠ: ܘܫܸܡ ܬܸܢܝܵܢܹܗ ܐܲܒ̣ܝܼܵܐ: ܕܲܝܼܵܢܹ̈ܐ ܒܒܹܪ ܫܒܲܥ. [No book]
[3]ܘܠܵܐ ܗܲܠܸܟ݂ܘ ܒܢܵܘ̈ܗܝ ܒܐܘܼܪ̈ܚܵܬܹܗ: ܘܐܸܨܛܠܝܼܘ ܒܵܬܲܪ ܢܸܟ݂ܠܵܐ: ܘܲܢܣܲܒ̣ܘ ܫܘܼܚܕܵܐ ܘܲܨܠܵܘ ܕܝܼܢܵܐ. [No book]
[4]ܘܐܸܬ̣ܟܲܢܲܫܘ ܟܠܗܘܿܢ ܣܵܒܹ̈ܐ ܕܲܒ̣̈ܢܲܝ ܝܼܣܪܵܝܹܠ: ܘܐܸܬ̣ܵܘ ܠܘܵܬ̣ ܫܡܘܼܐܹܝܠ ܠܪܵܡܬ̣ܵܐ. [No book]
[5]ܘܐܸܡܲܪ ܠܹܗ: ܗܵܐ ܐܲܢ̄ܬ̇ ܣܐܸܒ̣ܬ̇: ܘܲܒ̣ܢܲܝ̈ܟ ܠܵܐ ܡܗܲܠܟ݂ܝܼܢ ܒܐܘܼܪ̈ܚܵܬ̣ܵܟ݂: ܗܵܫܵܐ ܗܲܒ̣ ܠܲܢ ܡܲܠܟܵܐ ܕܲܢܕ݂ܘܼܢܲܢ ܐܲܝܟ݂ ܟܠܗܘܿܢ ܥܲܡܡܹ̈ܐ. [No book]
[6]ܘܐܸܬ̣ܒ̇ܐܸܫ ܦܬ̣ܓ̣ܵܡܵܐ ܒܥܲܝܢܵܘ̈ܗܝ ܕܲܫܡܘܼܐܹܝܠ: ܟܲܕ݂ ܐܸܡܲܪ ܠܹܗ ܗܲܒ̣ܠܲܢ ܡܲܠܟܵܐ ܕܲܢܕ݂ܘܼܢܲܢ ܐܲܝܟ݂ ܟܠܗܘܿܢ ܥܲܡܡܹ̈ܐ: ܘܨܲܠܝܼ ܫܡܘܼܐܹܝܠ ܩܕ݂ܵܡ ܡܵܪܝܵܐ. [No book]
[7]ܘܐܸܡܲܪ ܡܵܪܝܵܐ ܠܲܫܡܘܼܐܹܝܠ ܫܡܲܥ ܒܩܵܠܹܗ ܕܥܲܡܵܐ: ܠܟ݂ܠ ܕܐܵܡܪܝܼܢ ܠܵܟ݂: ܡܸܛܠ ܕܠܵܐ ܗ̄ܘ̣ܵܐ ܠܵܟ݂ ܐܲܣܠܝܼܘ. ܐܸܠܵܐ ܠܝܼ ܐܲܣܠܝܼܘ ܕܠܵܐ ܐܲܡܠܸܟ݂ ܥܠܲܝܗܘܿܢ. [No book]
[8]ܐܲܝܟ݂ ܟܠ ܥܒ̣ܵܕܹ̈ܐ ܕܲܥܒܲܕ݂ܘ: ܡ̣ܢ ܝܵܘܡܵܐ ܕܐܲܣܩܹܬ̣ ܐܸܢܘܿܢ ܡ̣ܢ ܐܲܪܥܵܐ ܕܡܸܨܪܝܼܢ ܘܲܥܕܲܡܵܐ ܠܝܵܘܡܵܢܵܐ: ܘܫܲܒ̣ܩܘܼܢܝ ܘܲܦܠܲܚܘ ܠܐܲܠܵܗܵܐ ܐ̄ܚܪ̈ܵܢܹܐ. ܗܵܟܲܢܵܐ ܗܸܢܘܿܢ ܥܵܒ̣ܕܝܼܢ ܘܐܵܦ ܠܵܟ݂. [No book]
[9]ܘܗܵܫܵܐ ܫܡܲܥ ܒܩܵܠܗܘܿܢ. ܒܪܲܡ ܡܣܲܗܵܕ݂ܘ ܣܲܗܸܕ݂ ܒܗܘܿܢ: ܘܚܵܘܵܐ ܐܸܢܘܿܢ ܢܵܡܘܿܣܹܗ ܕܡܲܠܟܵܐ ܕܡܲܡܠܸܟ݂ ܥܠܲܝܗܘܿܢ. [No book]
[10]ܘܐܸܡܲܪ ܫܡܘܼܐܹܝܠ ܟܠܗܘܿܢ ܦܸܬ̣ܓ̣ܵܡܵܘ̈ܗܝ ܕܡܵܪܝܵܐ ܠܥܲܡܵܐ: ܕܲܫܐܸܠܘ ܡܸܢܹܗ ܡܲܠܟܵܐ. [No book]
[11]ܘܐܸܡܲܪ: ܗܵܢܵܐ ܢܸܗܘܸܐ ܬܵܡܘܿܣܹܗ ܕܡܲܠܟܵܐ ܕܡܲܡܠܸܟ݂ ܥܠܲܝܟ̇ܘܿܢ: ܒܢܲܝ̈ܟܘܿܢ ܢܸܕ݂ܒܲܪ: ܘܢܸܥܒܸ̇ܕ݂ ܠܹܗ ܒܡܲܪ̈ܟ̇ܒ̣ܵܬܹܗ ܘܲܒ̣ܦܲܪ̈ܵܫܵܘܗܝ: ܘܢܸܪܗ̱ܛܘܼܢ ܩܕ݂ܵܡ ܡܲܪ̈ܟ̇ܒ̣ܵܬܹܗ. [No book]
[12]ܘܢܸܥܒܸ̇ܕ݂ ܠܹܗ ܪ̈ܲܒܲܝ ܐܲܠܦܹ̈ܐ: ܘܪ̈ܲܒܲܝ ܡܲܐ̈ܘܵܬ̣ܵܐ: ܘܪܲܒܲܝ ܚܲܡܫܝܼܢ: ܘܪ̈ܲܒܲܝ ܥܸܣܪܵܐ. ܘܢܸܕ݂ܒ̇ܪܘܼܢ ܕܒ̣ܵܪܹܗ: ܘܢܸܨܕ݂ܘܼܢ ܚܨܵܕܹܗ: ܘܢܸܥܒ̇ܕ݂ܘܼܢ ܡܵܐܢܲܝ̈ ܩܪܵܒܹܗ: ܘܡܲܐܢܲܝ̈ ܡܲܪ̈ܟ̇ܒ̣ܵܬܹܗ. [No book]
[13]ܘܲܒ̣̈ܢܵܬ̣ܟ݂ܘܿܢ ܢܸܕ݂ܒܲܪ: ܠܙܲܩܵܪ̈ܵܬ̣ܵܐ ܘܲܠܛܲܚܵܢ̈ܬ̣ܵܐ ܘܠܲܐܦܝܵ̈ܬ̣ܵܐ. [No book]
[14]ܘܚܲܩ̈ܠܵܬ̣ܟ݂ܘܿܢ: ܘܟܲܪ̈ܡܲܝܟ̇ܘܿܢ: ܘܙܲܝܬܲܝ̈ܟ̇ܘܿܢ ܛܵܒܹ̈ܐ: ܢܣܲܒ̣ ܘܢܸܬܸ̇ܠ ܠܥܲܒ̣ܕܵܘ̈ܗܝ. [No book]
[15]ܘܙܲܪܥܟ݂ܘܿܢ ܘܟܲܪ̈ܡܲܝܟ̇ܘܿܢ ܢܥܲܣܲܪ: ܘܢܸܬܸ̇ܠ ܠܲܡܗܲܝܡܢܵܘ̈ܗܝ ܘܲܠܥܲܒ̣ܕܵܘ̈ܗܝ. [No book]
[16]ܘܥܲܒ̣ܕܲܝ̈ܟ̇ܘܿܢ ܘܐܲܡܗܵܬ̣̈ܟ݂ܘܿܢ ܘܓܲܕܘܼܕܲܝ̈ܟ݂ܘܿܢ ܫܲܦܝܼܪܹ̈ܐ: ܘܚܸܡܪܟ݂ܘܿܢ ܢܸܕ݂ܒܲܪ: ܘܢܸܥܒܸ̇ܕ݂ ܥܒ̣ܵܕܹܗ. [No book]
[17]ܘܥܵܢ̈ܟ݂ܘܿܢ ܢܥܲܣܲܪ: ܘܐܲܢ̄ܬ̇ܘܿܢ ܬܸܗܘܘܿܢ ܠܹܗ ܥܲܒ̣̈ܕܹܐ. [No book]
[18]ܘܬܲܝܠܠܘܼܢ ܒܝܵܡܵܐ ܗܵܘ̇ ܡ̣ܢ ܩܕ݂ܵܡ ܡܲܠܟ̇ܟ݂ܘܿܢ ܕܲܓ̣ܒܲܝܬ̇ܘܿܢ ܠܟ݂ܘܿܢ: ܘܠܵܐ ܢܸܥܢܹܝܟ݂ܘܿܢ ܡܵܪܝܵܐ ܒܝܵܘܡܵܐ ܗܵܘ̇. [No book]
[19]ܝܛ: ܘܠܵܐ ܨܒ̣ܵܘ ܥܲܡܵܐ ܠܡܸܫܡܲܥ ܒܩܵܠܹܗ ܕܲܫܡܘܼܐܹܝܠ: ܘܐܸܡܲܪܘ ܠܵܐ ܗܵܟܲܢܵܐ: ܐܸܠܵܐ ܡܲܠܟܵܐ ܢܸܗܘܸܐ ܥܠܲܝܢ. [No book]
[20]ܘܢܸܗܘܸܐ ܐܵܦ ܚܢܲܢ ܐܲܝܟ݂ ܟܠܗܘܿܢ ܥܲܡܡܹ̈ܐ: ܘ̤ܲܕ݂ܘܼܢܲܢ ܡܲܠܟܲܢ: ܘܢܸܦܘܿܩ ܩܕ݂ܵܡܲܝܢ: ܘܢܸܬ̣ܟܲܬܲܫ ܬܲܟ݂ܬ̇ܘܼܫܲܢ. [No book]
[21]ܘܲܫܡܲܥ ܫܡܘܼܐܹܝܠ ܟܠܗܹܝܢ ܡܸܠܵܘ̈ܗܝ ܕܥܲܡܵܐ: ܘܡܲܠܸܠ ܐܸܢܹܝܢ ܩܕ݂ܵܡ ܡܵܪܝܵܐ. [No book]
[22]ܘܐܸܡܲܪ ܡܵܪܝܵܐ ܠܲܫܡܘܼܐܹܝܠ: ܫܡܲܥ ܒܩܵܠܗܘܿܢ: ܘܐܲܡܠܸܟ݂ ܠܗܘܿܢ ܡܲܠܟܵܐ. ܘܐܸܡܲܪ ܫܡܘܼܐܹܝܠ ܠܐ̄ܢܵܫܵܐ ܕܝܼܣܪܵܝܹܠ: ܙܸܠܘ ܐ̄ܢܵܫ ܠܲܩܪܝܼܬܹܗ. [No book]
 
Top