|
|
| [1]ܘܩܵܡ ܒܡܲܠܟܘܼܬܹܗ ܝܵܗܘܿܫܵܦܵܛ ܒܪܹܗ ܒܵܬ̣ܪܹܗ. ܘܐܸܬ̣ܥܲܫܲܢ ܥܲܠ ܝܼܣܪܵܝܹܠ. |
[No book] |
| [2]ܘܐܲܫܠܸܛ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܒܟ݂ܠܗܹܝܢ ܩܘܼܪ̈ܝܵܐ ܕܒܹܝܬ̣ ܝܼܗܘܼܕ݂ܵܐ ܥܲܫܝܼ̈ܢܵܬ̣ܵܐ. ܘܐܲܩܝܼܡ ܫܲܠܝܼܛܹ̈ܐ ܒܐܲܪܥܵܐ ܕܲܝܗܘܼܕ݂ܵܐ: ܘܒܲܐܪܥܵܐ ܕܐܲܦܪܹܝܡ ܕܐܸܚܲܕ݂ ܐܵܣܵܐ ܐܲܒ̣ܘܼܗܝ. |
[No book] |
| [3]ܘܲܗܘ̤ܵܐ ܡܵܪܝܵܐ ܥܲܡ ܝܵܗܘܿܫܵܦܵܛ. ܡܸܛܠ ܕܗܲܠܸܟ݂ ܒܐܘܼܪ̈ܚܵܬܹܗ ܕܕ݂ܵܘܝܼܕ݂ ܐܲܒ̣ܘܼܗܝ ܩܲܕ݂ܡܵܝܵـ̈ـܬ̣ܵܐ: ܘܠܵܐ ܨܲܠܝܼ ܠܨܲܠܡܹ̈ܐ. |
[No book] |
| [4]ܡܸܛܠ ܕܲܠܡܵܪܝܵܐ ܐܲܠܵܗܵܐ ܕܐܲܒ̣ܘܼܗܝ ܨܲܠܝܼ: ܘܲܒ̣ܦܘܼܩܕܵܢܵܘ̈ܗܝ ܗܲܠܸܟ݂: ܘܢܵܡܘܿܣܵܘ̈ܗܝ ܢܛܲܪ. ܘܠܵܐ ܥܒܲܕ ܐܲܝܟ݂ ܥܒ̣ܵܕܹ̈ܐ ܕܝܼܣܪܵܝܹܠ. |
[No book] |
| [5]ܘܐܲܬ̣ܩܸܢ ܡܵܪܝܵܐ ܡܲܠܟ̇ܘܼܬ̣ܵܐ ܒܐܝܼܕܹܗ. ܘܝܲܗ̄ܒ̣ܘ ܠܹܗ ܟܠܗܘܿܢ ܕܒܹܝܬ̣ ܝܼܗܘܼܕ݂ܵܐ: ܩܘܼܪ̈ܒܵܢܹܐ ܠܝܵܗܘܿܫܵܦܵܛ. ܘܲܗܘ̤ܵܐ ܠܹܗ ܥܘܼܬ̣ܪܵܐ ܘܐܝܼܩܵܪܵܐ: ܣܘܿܓ̣ܵܐܐ ܕܛܵܒ̣ |
[No book] |
| [6]ܘܐܸܬ̣ܚܲܝܲܠ ܠܸܒܹ̇ܗ ܒܐܘܼܪ̈ܚܵܬܹܗ ܕܡܵܪܝܵܐ: ܘܬ̣ܘܼܒ̣ ܥܩܲܪ ܡܲܕ݂ܒ̇ܚܹ̈ܐ ܘܲܥܠܵـ̈ـܘܵܬ̣ܵܐ ܕܲܗܘ̤ܵܘ ܒܲܬ̣ܚܘܼܡܵܐ ܕܒܹܝܬ̣ ܝܼܗܘܼܕ݂ܵܐ. |
[No book] |
| [7]ܒܲܫܢܲܬ̣ ܬܠܵܬ̣ ܠܡܲܠܟ̇ܘܼܬܹܗ: ܫܲܕܲܪ ܩܪܵܐ ܠܪܵܘ̱ܪ̈ܒ̣ܵܢܵܘܗܝ: ܘܪ̈ܲܒܲܝ ܚܲܝ̈ܠܹܐ: ܠܥܘܿܒܲܕ݂ܝܵܐ: ܘܠܲܙܟܲܪܝܵܐ: ܘܲܠܢܲܬ̣ܢܵܐܹܝܠ: ܘܠܲܡܠܲܟ݂ܝܵܐ: ܠܡܲܠܵܦܘܼ ܒܩܘܼܪ̈ܝܵܐ ܕܲܝܗܘܼܕ݂ܵܐ. |
[No book] |
| [8]ܘܥܲܡܗܘܿܢ ܗܘ̤ܵܘ ܠܹܘܵܝܹ̈ܐ: ܫܡܲܥܝܵܐ: ܢܬܲܢܝܵܐ: ܙܟܲܪܝܵܐ: ܥܫܵܐܝܹܠ: ܢܵܛܘܿܪܵܐ: ܝܘܿܢܵܬ̣ܵܢ: ܐܲܕ݂ܘܿܢܝܼܵܐ: ܛܘܿܒ̇ܝܼܵܐ. ܗܵܠܹܝܢ ܟܠܗܘܿܢ ܠܹܘܵܝܹ̈ܐ. ܘܥܲܡܗܘܿܢ ܗ̄ܘ̣ܵܘ ܐܹܠܝܼܫܡܲܥ: ܘܝܵܗܘܿܪܵܡ ܟܵܗܢܹ̈ܐ. |
[No book] |
| [9]ܘܡܲܠܦܝܼܢ ܗ̄ܘ̣ܵܘ ܒܐܲܪܥܵܐ ܕܲܝܗܘܼܕ݂ܵܐ ܟܠܵܗ̇. ܘܥܲܡܗܘܿܢ ܗܘ̤ܵܐ ܣܸܦܪܵܐ ܕܢܵܡܘܿܣܹܗ ܕܡܵܪܝܵܐ. ܘܡܸܬ̣ܟܲܪܟ̇ܝܼܢ ܗ̄ܘ̣ܵܘ ܒܟ݂ܠܗܹܝܢ ܩܘܼܪ̈ܝܵܐ ܕܲܝܗܘܼܕ݂ܵܐ: ܘܡܲܠܦܝܼܢ ܗ̄ܘ̣ܵܘ ܠܥܲܡܵܐ. |
[No book] |
| [10]ܘܲܗܘ̤ܵܬ̣ ܕܸܚ̱ܠܬܹܗ ܕܡܵܪܝܵܐ ܥܲܠ ܟܠܗܹܝܢ ܡܲܠ̈ܟ̇ܘܵܬ̣ܵܐ ܘܲܡܕ݂ܝܼ̈ܢܵܬ̣ܵܐ ܕܲܗ̤ܘܲܝ̈ ܚܕ݂ܵܪ̈ܲܝ ܝܼܗܘܼܕ݂ܵܐ ܘܠܵܐ ܐܸܬ̣ܟܲܬܲܫܘ ܥܲܡ ܝܵܗܘܿܫܵܦܵܛ. |
[No book] |
| [11]ܘܡ̣ܢ ܡܕ݂ܝܼ̈ܢܵܬ̣ܵܐ ܕܲܦܠܸܫ̈ܬܵܝܹܐ ܡܲܝܬܹ̇ܝܢ ܗ̄ܘ̣ܵܘ ܠܝܵܗܘܿܫܵܦܵܛ: ܟܸܣܦܵܐ ܘܩܘܼܪ̈ܒܵܢܹܐ ܘܲܟ݂ܣܸܦ ܪܹܫܵܐ. ܘܐܵܦ ܥܲܪ̈ܒ̣ܵܝܹܐ ܡܲܝܬܹ̇ܝܢ ܗ̄ܘ̣ܵܘ ܥܵـ̈ـܢܵܐ: ܕܸܟ݂ܪܹ̈ܐ ܫܲܒ̣ܥܵܐ ܐܲܠܦ̈ܝܼܢ ܘܲܫܒܲܥܡܵܐܐ: ܘܬܲܝܫܹ̈ܐ ܫܲܒ̣ܥܵܐ ܐܲܠܦ̈ܝܼܢ ܘܲܫܒܲܥܡܵܐܐ ܒܫܲܢ̄ܬܵܐ ܚܕ݂ܵܐ. |
[No book] |
| [12]ܘܲܗܘ̤ܵܐ ܝܵܗܘܿܫܵܦܵܛ ܐܵܙܹ̇ܠ ܘܥܵܬܲܪ: ܥܕܲܡܵܐ ܕܲܥܬܲܪ ܛܵܒ̣. ܘܲܒ̣ܢܵܐ ܒܲܝܗܘܼܕ݂ܵܐ ܒܝܼܪ̈ܵܬ̣ܵܐ ܘܩܘܼܪ̈ܝܵܐ ܕܲܩܦܵܣܹ̈ܐ. |
[No book] |
| [13]ܘܲܥܒ̣ܝܼܕ̇ܬܵܐ ܪܲܒ̇ܬ̣ܵܐ ܗܘ̤ܵܬ̣ ܠܹܗ ܒܐܲܪܥܵܐ ܕܲܝܗܘܼܕ݂ܵܐ. ܘܓܲܒ̣ܪܹ̈ܐ ܩܪ̈ܲܒ̣ܬ̣ܵܢܹܐ ܓܲܢ̄ܒܵܪ̈ܲܝ ܚܲܝܠܵܐ ܒܐܘܿܪܸܫܠܸܡ. |
[No book] |
| [14]ܘܗܵܢܵܐ ܡܸܢܝܵܢܗܘܿܢ ܠܒܹܝܬ̣ ܐܲܒ̣ܵܗܲܝ̈ܗܘܿܢ ܕܒܹܝܬ̣ ܝܼܗܘܼܕ݂ܵܐ ܪܵܘ̱ܪ̈ܵܒ̣ܵܢܹܐ ܕܐܲܠܦܹ̈ܐ: ܥܕ݂ܝܼܢܘܿ ܓܲܢ̄ܒܵܪܵܐ: ܘܠܹܗ ܡܫܲܡܫܝܼܢ ܗ̄ܘ̣ܵܘ ܓܲܢ̄ܒܵܪ̈ܲܝ ܚܲܝܠܵܐ: ܬܠܵܬ̣ ܡܵܐܐ ܐܲܠܦ̈ܝܼܢ. |
[No book] |
| [15]ܘܝܘܿܚܲܢܵܢ ܪܲܒܵܐ: ܘܠܹܗ ܡܫܲܡܫܝܼܢ ܗ̄ܘ̣ܵܘ ܓܲܢ̄ܒܵܪ̈ܲܝ ܚܲܝܠܵܐ: ܡܲܐܬܹ̇ܝܢ ܘܲܬ̣ܡܵܢܐܝܼܢ ܐܲܠܦ̈ܝܼܢ. |
[No book] |
| [16]ܘܡ̣ܢ ܒܵܬ̣ܪܹܗ ܫܲܡܥܝܼ ܒܲܪ ܙܵܪܵܚ ܕܲܫܦܲܪ ܠܡܵܪܝܵܐ. ܘܥܲܡܹܗ ܡܵܐܬܹ̇ܝܢ ܐܲܠܦ̈ܝܼܢ ܓܲܢ̄ܒܵܪ̈ܲܝ ܚܲܝܠܵܐ. |
[No book] |
| [17]ܘܡ̣ܢ ܒܹܝܬ̣ ܒܸܢܝܵܡܹܝܢ ܓܲܢ̄ܒܵܪ̈ܲܝ ܚܲܝܠܵܐ: ܐܹܠܝܼܕܲܥ ܫܡܹܗ. ܘܠܹܗ ܡܫܲܡܫܝܼܢ ܗ̄ܘ̣ܵܘ ܓܲܒ̣ܪܹ̈ܐ ܫܵܕ݂ܘܿܝܲܝ̈ ܒܩܸܫܬܵܐ: ܘܐܲܚܝܼ̈ܕܲܝ ܣܲܟ̇ܪܹ̈ܐ: ܡܲܐܬܹ̇ܝܢ ܐܲܠܦ̈ܝܼܢ. |
[No book] |
| [18]ܘܝܵܗܘܿ ܙܵܒ̣ܵܪ ܓܲܢ̄ܒܵܪܵܐ. ܘܠܹܗ ܡܫܲܡܫܝܼܢ ܗ̄ܘ̣ܵܘ ܡܵܐܐ ܘܲܬ̣ܡܵܢܐܝܼܢ ܐܲܠܦ̈ܝܼܢ: ܥܵܒ̣ܕܲܝ̈ ܩܪܵܒ̣ܵܐ. |
[No book] |
| [19]ܗܵܠܹܝܢ ܟܠܗܘܿܢ ܕܲܡܫܲܡܫܝܼܢ ܠܡܲܠܟܵܐ ܝܵܗܘܿܫܵܦܵܛ: ܣܛܲܪ ܡ̣ܢ ܡܲܢ ܕܫܲܠܸܛ̣ ܡܲܠܟܵܐ ܒܩܘܼܪ̈ܝܵܐ ܕܬ̣ܘܼܩܦܵܐ: ܒܟ݂ܠܵܗ̇ ܐܲܪܥܵܐ ܕܲܝܗܘܼܕ݂ܵܐ. |
[No book] |