➖ »
«
➖ ➕
Peshitta OT
PesOT
The First Book of Clement
1Clem
←
2 Chronicles
2Ch
22
→
[1]ܘܐܲܡܠܸܟ݂ܘ ܥܵܡܘܿܪܹ̈ܝܗ̇ ܕܐܘܿܪܸܫܠܸܡ ܠܐܹܚܙܝܵܐ ܒܪܹܗ ܙܥܘܿܪܵܐ ܒܵܬ̣ܪܹܗ. ܡܸܛܠ ܕܟ݂ܠܗܘܿܢ ܩܲܕ݂ܡܵܝܹ̈ܐ ܚܪܲܒ̣ ܐܸܢܘܿܢ ܓܲܝܣܵܐ ܡܸܛܠ ܕܐܸܬ̣ܵܘ ܥܲܪ̈ܒ̣ܵܝܹܐ: ܘܲܚܪܲܒ̣ܘ ܡܲܫܪܝܼܬ̣ܵܐ ܕܝܼܣܪܵܝܹܠ. ܘܐܲܡ̣ܠܸܟ݂ ܐܹܚܲܙܝܵܐ ܒܲܪ ܝܵܗܘܿܪܵܡ ܡܲܠܟܵܐ ܕܲܝܗܘܼܕ݂ܵܐ. [No book]
[2]ܒܲܪ ܥܸܣܪܝܼܢ ܘܬܲܪܬܹ̇ܝܢ ܫܢ̈ܝܼܢ ܗ̄ܘ̣ܵܐ ܐܹܚܲܙܝܵܐ: ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ ܘܫܲܢ̄ܬܵܐ ܚܕ݂ܵܐ ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܐ ܕܐܸܡܹܗ ܥܬܲܠܝܵܐ ܒܲܪܬ̣ ܥܲܡܪܝܼ. [No book]
[3]ܘܗܲܠܸܟ݂ ܒܐܘܼܪ̈ܚܵܬ̣ܵܐ ܕܒܹܝܬ̣ ܐܵܚܵܒ̣: ܡܸܛܠ ܕܒܲܪ ܚܵܬܹܗ ܗ̄ܘ̣ܵܐ ܕܐܵܚܵܒ̣. [No book]
[4]ܘܐܵܦ ܗ̤ܘ ܐܲܣܓ̇ܝܼ ܠܡܸܚܛܵܐ ܘܲܥܒܲܕ݂ ܒܝܼ̈ܫܵܬ̣ܵܐ ܩܕ݂ܵܡ ܡܵܪܝܵܐ: ܐܲܝܟ݂ ܒܲܝܬܹ̇ܗ ܕܐܵܚܵܒ̣. ܡܸܛܠ ܕܗܸܢܘܿܢ ܗܘ̤ܵܘ ܠܹܗ ܡܲܠܘܿܟܹ̈ܐ ܡ̣ܢ ܒܵܬܲܪ ܕܡܝܼܬ̣ ܐܲܒ̣ܘܼܗܝ: ܠܲܡܚܲܒܵܠܘܼܬܹܗ. ܡܸܛܠ ܕܲܒ̣ܡܸܠܟ̇ܗܘܿܢ ܡܗܲܠܸܟ݂ ܗ̄ܘ̣ܵܐ. [No book]
[5]ܘܐܸܙܲܠ ܥܲܡ ܝܘܿܪܵܡ ܒܲܪ ܐܵܚܵܒ̣ ܡܲܠܟܵܐ ܕܝܼܣܪܵܝܹܠ: ܠܡܸܥܒܲܕ݂ ܩܪܵܒ̣ܵܐ ܥܲܡ ܚܙܵܐܹܝܠ ܡܲܠܟܵܐ ܕܐܲܕ݂ܘܿܡ ܒܪܵܡܲܬ̣ ܓܸܠܥܵܕ݂ ܘܲܡܚܵܘ ܐܲܕ݂ܘܿܡܵܝܹ̈ܐ ܠܝܘܿܪܵܡ. [No book]
[6]ܘܲܗܦܲܟ݂ ܠܡܸܬ̣ܐܲܣܵܝܘܼ ܒܐܝܼܙܲܪܥܹܝܠ ܡ̣ܢ ܡܚܘܿܬ̣ܵܐ ܕܲܡܚܵܐܘܼܗܝ ܒܪܵܡܬ̣ܵܐ: ܟܲܕ݂ ܡܸܬ̣ܟܲܬܲܫ ܥܲܡ ܚܙܵܐܹܝܠ ܡܲܠܟܵܐ ܕܐܲܕ݂ܘܿܡ. ܘܐܹܚܲܙܝܵܐ ܢܚܸܬ̣ ܠܡܸܚܙܵܐ ܠܝܘܿܪܵܡ ܒܪܹܗ ܕܐܵܚܵܒ̣ ܒܐܝܼܙܲܪܥܹܝܠ. [No book]
[7]ܘܡ̣ܢ ܩܕ݂ܵܡ ܡܵܪܝܵܐ ܗܘ̤ܵܬ̣ ܗܦܝܼܟ݂ܬܵܐ ܕܐܹܚܲܙܝܵܐ: ܠܡܹܐܬ̣ܵܐ ܠܘܵܬ̣ ܝܘܿܪܵܡ ܘܟܲܕ݂ ܐܸܬ̣ܵܐ: ܢܦܲܩ̣ ܥܲܡ ܝܘܿܪܵܡ ܠܘܵܬ̣ ܝܵܗܘܿ ܒܲܪ ܝܲܡܫܝܼ: ܕܐܸܬ̣ܡ̱ܫܲܚ ܡ̣ܢ ܩܕ݂ܵܡ ܡܵܪܝܵܐ: ܠܡܵܘܒܵܕ݂ܘܼ ܒܲܝܬܹ̇ܗ ܕܐܵܚܵܒ̣. [No book]
[8]ܗܵܝܕܹ̇ܝܢ ܟܲܕ݂ ܕܵܢ ܝܵܗܘܿ ܥܲܡ ܕܒܹܝܬ̣ ܐܵܚܵܒ̣: ܐܸܫܟܲܚ ܠܪܵܘ̱ܪ̈ܒ̣ܵܢܹܐ ܕܲܝܗܘܼܕ݂ܵܐ: ܘܲܒ̣ܢܲܝ̈ ܐܲܚܵܘ̈ܗܝ ܕܐܹܚܲܙܝܵܐ: ܕܲܡܫܲܡܫܝܼܢ ܗ̄ܘ̣ܵܘ ܠܐܹܚܲܙܝܵܐ ܘܩܲܛܸܠ ܐܸܢܘܿܢ. [No book]
[9]ܘܲܒ̣ܥܵܐ ܠܐܹܚܲܙܝܵܐ: ܘܐܲܚܕܹ̇ܗ ܘܗ̤ܘ ܛܫܸܐ ܗ̄ܘ̣ܵܐ ܒܫܵܡܪܹܝܢ. ܘܐܲܝܬ̇ܝܹܗ ܠܘܵܬܹܗ ܘܩܲܛܠܹܗ ܘܩܲܒ̣ܪܹܗ. ܡܸܛܠ ܕܐܸܡܲܪ ܕܒܲܪ ܝܵܗܘܿܫܵܦܵܛ ܗ̄ܘ̣: ܗܵܘ̇ ܕܨܲܠܝܼ ܠܡܵܪܝܵܐ ܒܟ݂ܠܹܗ ܠܸܒܹ̇ܗ. ܘܠܵܐ ܐܝܼܬ̣ ܗ̄ܘ̣ܵܐ ܠܒܹܝܬ̣ ܐܹܚܲܙܝܵܐ: ܠܲܡܥܲܕܵܪܘܼ ܚܲܝܠܵܐ ܕܡܲܠܟ̇ܘܼܬ̣ܵܐ. [No book]
[10]ܘܲܥܬܲܠܝܵܐ ܐܸܡܹܗ ܕܐܹܚܲܙܝܵܐ: ܚܙܵܬ̤ ܕܡܝܼܬ̣ ܒܪܵܗ̇. ܘܩܵܡܲܬ̤ ܘܐܵܘܒ̇ܕܲܬ̤ ܠܟ݂ܠܗܘܿܢ ܒܢܲܝ̈ ܡܲܠܟܵܐ ܕܒܹܝܬ̣ ܝܼܗܘܼܕ݂ܵܐ. [No book]
[11]ܘܕܸܒ̣ܪܲܬ̤ ܝܵܗܘܿܫܒܲܥ ܒܲܪܬܹܗ ܕܡܲܠܟܵܐ: ܠܝܘܿܐܵܫ ܒܲܪ ܐܹܚܲܙܝܵܐ. ܘܲܓ̣ܢܲܒ̣ܬܹܗ ܡ̣ܢ ܓܵܘ ܒܢܲܝ̈ ܡܲܠܟܵܐ: ܕܡܸܬ̣ܩܲܛܠܝܼܢ ܗ̄ܘ̣ܵܘ. ܘܛܲܫܝܵܬܹܗ ܘܲܠܡܲܝܢܲܩܬܹܗ ܒܩܲܚܛܘܿܢܵܐ ܕܡܲܫܟ̇ܒ̣ܵܗ̇. ܘܛܲܫܝܵܬܹܗ ܝܵܗܘܿܫܒܲܥ ܒܲܪܬ̣ ܡܲܠܟܵܐ ܝܘܿܪܵܡ: ܐܲܢ̄ܬ̇ܬܹܗ ܕܝܘܿܝܵܕ݂ܵܥ ܟܵܗܢܵܐ. ܡܸܛܠ ܕܗ̤ܝ ܗܘ̤ܵܬ̣ ܚܵܬܹܗ ܕܐܹܚܲܙܝܵܐ: ܡ̣ܢ ܩܕ݂ܵܡ ܥܬܲܠܝܵܐ: ܘܠܵܐ ܩܲܛܠܘܼܗܝ. [No book]
[12]ܘܲܗܘ̤ܵܐ ܛܫܸܐ ܥܲܡܵܗ̇ ܒܒܲܝܬܹ̇ܗ ܕܡܵܪܝܵܐ: ܫܸܬ̣ ܫܢ̈ܝܼܢ ܘܲܥܬܲܠܝܵܐ ܐܲܡ̱ܠܟܲܬ̤ ܥܲܠ ܐܲܪܥܵܐ. [No book]
Translation: Charles H. Hoole (1885)
Source: www.earlychristianwritings.com
Top