➖ »
«
➖ ➕
Peshitta OT
PesOT
Westcott/Hort Greek NT (1881)
W/H GNT
←
2 Chronicles
2Ch
25
→
[1]ܒܲܪ ܥܸܣܪܝܼܢ ܗ̄ܘ̣ܵܐ ܘܚܲܡܸܫ ܫܢ̈ܝܼܢ ܐܵܡܘܿܨܝܼܵܐ: ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ. ܘܥܸܣܪܝܼܢ ܘܲܬ̣ܫܲܥ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܐ ܕܐܸܡܹܗ ܝܵܗܘܿܥܲܕܵܢ ܡ̣ܢ ܐܘܿܪܸܫܠܸܡ. [No book]
[2]ܘܲܥܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ: ܒܲܠܚܘܿܕ݂ ܠܵܐ ܒܠܸܒܵܐ ܫܲܠܡܵܐ. [No book]
[3]ܘܲܗܘ̤ܵܐ ܕܟܲܕ݂ ܥܸܫܢܲܬ̤ ܡܲܠܟ̇ܘܼܬ̣ܵܐ ܒܐܝܼܕܹܗ: ܩܲܛܸܠ ܠܥܲܒ̣ܕܵܘ̈ܗܝ ܕܲܩܛܲܠ̣ܘ ܠܡܲܠܟܵܐ ܐܲܒ̣ܘܼܗܝ. [No book]
[4]ܘܠܲܒ̣ܢܲܝ̈ܗܘܿܢ ܕܩܵܛܘܿܠܹ̈ܐ ܠܵܐ ܩܲܛܸܠ ܡܸܛܠ ܕܗܵܟܲܢܵܐ ܟܬ̣ܝܼܒ̣ ܒܣܸܦܪܵܐ ܕܢܵܡܘܿܣܹܗ ܕܡܘܼܫܹܐ: ܕܦܲܩܸܕ݂ ܡܵܪܝܵܐ: ܘܐܸܡܲܪ: ܕܠܵܐ ܢܡܘܼܬ̣ܘܼܢ ܐܲܒ̣ܵܗܹ̈ܐ ܥܲܠ ܐܲܦܲܝ̈ ܒܢܲـ̈ـܝܵܐ ܘܲܒ̣̈ܢܲܝܵܐ ܠܵܐ ܢܡܘܼܬ̣ܘܼܢ ܥܲܠ ܐܲܦܲܝ̈ ܐܲܒ̣ܵܗܹ̈ܐ. ܐ̄ܢܵܫ ܒܲܚܛܵܗܵܘ̈ܗܝ ܢܡܘܼܬ̣. [No book]
[5]ܘܟܲܢܸܫ ܐܵܡܘܿܨܝܼܵܐ ܠܲܕ݂ܒܹܝܬ̣ ܝܼܗܘܼܕ݂ܵܐ. ܘܐܲܩܝܼܡ ܐܸܢܘܿܢ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܠܪܵܘ̱ܪ̈ܒ̣ܵܢܲܝ ܐܲܠܦܹ̈ܐ: ܘܲܠܪܵܘ̱ܪ̈ܒ̣ܵܢܲܝ ܡܲܐ̈ܘܵܬ̣ܵܐ: ܘܲܠܟ݂ܠܹܗ ܝܼܗܘܼܕ݂ܵܐ ܘܒܸܢܝܵܡܹܝܢ: ܘܲܡ̣ܢܵܐ ܐܸܢܘܿܢ ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܥܸܠ. ܘܐܸܫܟܲܚ ܐܸܢܘܿܢ ܬܠܵܬ̣ܡܵܐܐ ܐܲܠܦ̈ܝܼܢ ܓܲܒ̣ܪܹ̈ܐ: ܥܠܲܝܡܹ̈ܐ ܢܵܦܩܲܝ̈ ܠܲܩܪܵܒ̣ܵܐ: ܫܵܡܛܲܝ̈ ܣܲܝܦܹ̈ܐ: ܘܐܲܚܝܼ̈ܕܲܝ ܣܲܟ̇ܪܹ̈ܐ. [No book]
[6]ܘܐܸܓܲܪ ܡ̣ܢ ܝܼܣܪܵܝܹܠ: ܡܵܐܐ ܐܲܠܦ̈ܝܼܢ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܒܲܡܵܐܐ ܟܲܟ̇ܪ̈ܝܼܢ ܟܸܣܦܵܐ. [No book]
[7]ܘܲܢܒ̣ܝܹܗ ܕܡܵܪܝܵܐ ܐܸܬ̣ܵܐ ܠܘܵܬܹܗ: ܘܐܸܡܲܪ ܠܹܗ ܡܲܠܟܵܐ: ܠܵܐ ܢܸܥܘܿܠ ܥܲܡܵܟ݂ ܟܠܹܗ ܚܲܝܠܵܐ ܕܝܼܣܪܵܝܹܠ. ܡܸܛܠ ܕܠܵܐ ܐܝܼܬ̣ ܡܵܪܝܵܐ ܥܲܡ ܟܠܹܗ ܝܼܣܪܵܝܹܠ: ܘܠܵܐ ܥܲܡ ܟܠܗܘܿܢ ܕܒܹܝܬ̣ ܐܲܦܪܹܝܡ. [No book]
[8]ܡܸܛܠ ܕܐܲܢ̄ܬ̇ ܥܵܐܹ̇ܠ ܠܡܸܥܒܲܕ݂ ܩܪܵܒ̣ܵܐ: ܪܵܡܹ̇ܐ ܠܵܟ݂ ܡܵܪܝܵܐ ܩܕ݂ܵܡ ܒܥܸܠܕ̇ܒ̣ܵܒܲܝ̈ܟ. ܡܸܛܠ ܕܠܵܐ ܫܲܒܲܚܬ̇ ܠܡܵܪܝܵܐ: ܕܗܘ̤ܝܘܼ ܥܵܕ݂ܘܿܪܵܐ ܘܲܡܪܝܼܡܵܢܵܐ. [No book]
[9]ܘܐܸܡܲܪ ܐܵܡܘܿܨܝܼܵܐ ܠܲܢܒ̣ܝܹܗ ܕܡܵܪܝܵܐ: ܡܵܢܵܐ ܥܸܒ̣ܕܹ̇ܬ̣ ܣܲܟ݂ܠܘܼܬ̣ܵܐ: ܕܗܵܠܹܝܢ ܡܵܐܐ ܟܲܟ̇ܪ̈ܝܼܢ ܝܸܗ̄ܒܹ̇ܬ̣ ܠܓܲܒ̣ܪܹ̈ܐ ܕܝܼܣܪܵܝܹܠ. ܘܐܸܡܲܪ ܠܹܗ ܢܒ̣ܝܹܗ ܕܐܲܠܵܗܵܐ: ܐܝܼܬ̣ ܠܡܵܪܵܟ݂ ܐܲܠܵܗܵܐ: ܠܡܸܬܲܠ ܠܵܟ݂ ܣܲܓ̇ܝܼ ܡ̣ܢ ܟܵܗܢܵܐ: ܐܲܥܦܵܐ ܥܲܠ ܡܸܕܸ̇ܡ ܕܝܲܗ̄ܒ̣ܬ̇. [No book]
[10]ܘܲܦܪܲܫ ܐܸܢܘܿܢ ܐܵܡܘܿܨܝܼܵܐ ܠܓܲܒ̣ܪܹ̈ܐ ܕܐܸܬ̣ܵܘ ܠܘܵܬܹܗ ܡ̣ܢ ܒܹܝܬ̣ ܐܲܦܪܹܝܡ: ܠܡܹܐܙܲܠ ܠܕ݂ܘܼܟܲܬ̣ܗܘܿܢ. ܘܐܸܬ̇ܬܲܩܦܲܬ̤ ܚܸܡܬܹܗ ܛܵܒ̣: ܒܲܕ݂ܒܹܝܬ̣ ܝܼܣܪܵܝܹܠ. ܘܐܲܗ̣ܦܲܟ݂ ܐܸܢܘܿܢ ܠܕ݂ܘܼܟܲܬ̣ܗܘܿܢ ܒܚܸܡܬ̣ܵܐ ܕܪܘܼܓ̣ܙܹܗ. [No book]
[11]ܐܵܡܘܿܨܝܼܵܐ ܐܸܬ̣ܓܲܢ̄ܒܲܪ: ܘܲܕ݂ܒܲܪ ܥܲܡܹܗ. ܘܐܸܙܲܠ ܠܢܲܚܠܵܐ ܕܡܸܠܚܵܐ. ܘܩܲܛܸܠ ܘܲܚܪܲܒ̣ ܠܲܒ̣ܢܲܝ̈ ܛܘܼܪܵܐ ܕܲܓ̣ܒܸܠ: ܥܸܣܪܵܐ ܐܲܠܦ̈ܝܼܢ. [No book]
[12]ܘܥܸܣܪܵܐ ܐܲܠܦ̈ܝܼܢ ܟܲܕ݂ ܚܲܝܝܼܢ: ܐܸܚܲܕ݂ܘ ܐܸܢܘܿܢ ܒܢܲܝ̈ ܝܼܗܘܼܕ݂ܵܐ. ܘܐܲܝܬ̇ܝܼܘ ܐܸܢܘܿܢ ܠܪܸܫ ܟܹܐܦܹ̈ܐ. ܘܟ݂ܠܗܘܿܢ ܐܸܬ̣ܵܘ ܟܲܕ݂ ܐܲܣܝܼܪܝܼܢ ܒܫܸܫ̈ܠܵܬ̣ܵܐ. [No book]
[13]ܘܲܒ̣ܢܲܝ̈ ܓܲܢ̄ܒܵܪܹ̈ܐ ܕܲܫܒ̣ܵܐ ܐܵܡܘܿܨܝܼܵܐ: ܟܲܕ݂ ܐܸܙܲܠ̣ ܠܲܩܪܵܒ̣ܵܐ: ܐܲܫܠܸܛ̣ ܐܸܢܘܿܢ ܒܩܘܼܪ̈ܝܵܐ ܕܲܝܗܘܼܕ݂ܵܐ: ܘܲܒ̣ܫܵܡܪ̈ܵܝܹܐ ܕܥܲܡܡܹ̈ܐ. ܘܲܚܪܲܒ̣ܘ ܡܸܢܗܹܝܢ ܡ̣ܢ ܩܘܼܪ̈ܝܵܐ ܬܠܵܬ̣ܵܐ ܐܲܠܦ̈ܝܼܢ ܘܒܲܙܘ ܒܸܙܬ̣ܵܐ ܣܲܓ̇ܝܼܐܬ̣ܵܐ. [No book]
[14]ܘܲܗܘ̤ܵܐ ܡ̣ܢ ܒܵܬܲܪ ܕܐܸܬ̣ܵܐ ܐܵܡܘܿܨܝܼܵܐ ܟܲܕ݂ ܗ̣ܦܲܟ݂ ܠܡܸܚܪܲܒ̣ ܠܐܲܕ݂ܘܿܡܵܝܹ̈ܐ. ܐܲܝܬ̇ܝܼܘ ܠܹܗ ܐܲܠܵܗܹ̈ܐ ܕܲܒ̣ܢܲܝ̈ ܛܘܼܪܵܐ ܪܓ̣ܒܸܠ. ܘܐܲܩܝܼܡ ܐܸܢܘܿܢ ܩܕ݂ܵܡܵܘܗܝ: ܘܲܩܕ݂ܵܡܲܝܗܘܿܢ ܣܓܸܕ݂ ܘܲܠܗܘܿܢ ܐܲܣܸܩ̣ ܩܲܛܪ̈ܘܼܩܹܐ ܕܒܸܣܡܹ̈ܐ. [No book]
[15]ܘܐܸܬ̣ܚܲܡܲܬ̣ ܡܵܪܝܵܐ ܥܲܠ ܐܵܡܘܿܨܝܼܵܐ: ܘܫܲܕܲܪ ܠܘܵܬܹܗ ܢܒ̣ܝܼܵܐ: ܘܐܸܡܲܪ ܠܹܗ: ܠܡܵܢܵܐ ܨܲܠܝܼܬ̇ ܩܕ݂ܵܡ ܐܲܠܵܗܹ̈ܐ ܕܥܲܡܡܹ̈ܐ: ܕܠܵܐ ܐܸܫܟܲܚܘ ܠܲܡܦܲܨܵܝܘܼ ܕܵܚܠܲܝ̈ܗܘܿܢ ܡ̣ܢ ܐܝܼܕܲܝ̈ܟ. [No book]
[16]ܘܲܗܘ̤ܵܐ ܕܟܲܕ݂ ܡܲܠܸܠ̣ ܥܲܡܹܗ ܢܒ̣ܝܼܵܐ: ܐܸܡܲܪ ܠܹܗ: ܣܸܓ̣ܕ̇ܬ̣ܵܐ ܕܩܲܝܣܹ̈ܐ ܠܡܲܠ̈ܟܹ̇ܐ ܐܸܬ̣ܝܲܗ̄ܒܲܬ̤ ܘܲܦܪܲܩ ܠܹܗ ܢܒ̣ܝܼܵܐ ܡܸܢܹܗ ܘܐܸܡܲܪ ܠܹܗ: ܘܵܝ ܠܵܟ݂. ܕܗܵܐ ܐܸܬ̣ܡܲܠܲܟ݂ ܥܠܲܝܟ ܡܵܪܝܵܐ ܡܸܠܟܵܐ ܒܝܼܫܵܐ ܠܡܵܘܒܵܕ݂ܘܼܬ̣ܵܟ݂: ܘܠܵܐ ܫܡܲܥ̣ܬ̇ ܒܩܵܠܝ. [No book]
[17]ܘܐܸܬ̣ܡܲܠܲܟ݂ ܐܵܡܘܿܨܝܼܵܐ ܡܲܠܟܵܐ ܕܒܹܝܬ̣ ܝܼܗܘܕ݂ܵܐ. ܘܫܲܕܲܪ ܠܘܵܬ̣ ܝܘܿܐܵܫ ܒܲܪ ܝܵܗܘܿܐܵܚܵܙ ܒܲܪ ܝܵܗܘ̇ ܡܲܠܟܵܐ ܕܝܼܣܪܵܝܹܠ. ܘܐܸܡܲܪ ܠܹܗ: ܬܵܐ ܢܸܚܙܹܐ ܐܲܦܹ̈ܐ ܚܲܕ݂ ܕܚܲܕ݂. [No book]
[18]ܘܫܲܕܲܪ ܝܘܿܐܵܫ ܡܲܠܟܵܐ ܕܝܼܣܪܵܝܹܠ: ܠܘܵܬ̣ ܐܵܡܘܿܨܝܼܵܐ ܡܲܠܟܵܐ ܕܲܝܗܘܼܕ݂ܵܐ ܘܐܸܡܲܪ ܠܹܗ: ܚܵܘܚܵܐ ܕܐܝܼܬ̣ ܒܠܸܒ̣ܢܵܢ ܫܲܕܲܪ ܠܘܵܬ̣ ܐܲܪܙܵܐ ܕܐܝܼܬ̣ ܒܠܸܒ̣ܢܵܢ: ܘܐܸܡܲܪ ܠܹܗ: ܗܲܒ̣ ܒܲܪܬ̣ܵܟ݂ ܠܒܹܪܝ ܐܲܢ̄ܬ̇ܬ̣ܵܐ. ܘܥܸܒ̣ܪܲܬ̣ ܚܲܝ̄ܘܬ̣ܵܐ ܕܐܝܼܬ̣ ܒܠܸܒ̣ܢܵܢ. ܘܕ݂ܵܫܬܹܗ ܠܚܵܘܚܵܐ. [No book]
[19]ܡܸܚܪܲܒ̣ ܚܪܲܒ̣ܬ̇ ܠܐܲܕ݂ܘܿܡܵܝܹ̈ܐ. ܡܸܛܠ ܗܵܢܵܐ ܝܼܪܸܒ̣ ܠܸܒܵܟ݂. ܐܸܬ̣ܝܲܩܲܪ: ܘܬܸܒ̣ ܒܒܲܝܬܵܟ݂. ܘܲܠܡܵܢܵܐ ܡܸܬ̣ܓܲܪܲܓ̣ ܐܲܢ̄ܬ̇ ܥܲܠ ܒܝܼܫܬܵܐ: ܕܬܸܦܸܠ ܐܲܢ̄ܬ̇ ܘܟ݂ܠܹܗ ܝܼܗܘܼܕ݂ܵܐ ܥܲܡܵܟ݂. [No book]
[20]ܘܠܵܐ ܫ̣ܡܲܥ ܐܵܡܘܿܨܝܼܵܐ. ܘܲܣܠܸܩ̣ ܝܘܿܐܵܫ ܡܲܠܟܵܐ ܕܝܼܣܪܵܝܹܠ: ܘܐܵܡܘܿܨܝܼܵܐ ܡܲܠܟܵܐ ܕܲܝܗܘܼܕ݂ܵܐ. [No book]
[21]ܘܲܣܠܸܩܘ: ܘܲܚܙܵܘ ܐܲܦܹ̈ܐ ܚܲܕ݂ ܕܚܲܕ݂: ܒܒܹܝܬ̣ ܫܡܸܫ ܩܪܝܼܬ̣ܵܐ: ܕܐܝܼܬ̣ ܒܲܬ̣ܚܘܼܡ ܐܲܪܥܵܐ ܕܒܹܝܬ̣ ܝܼܗܘܼܕ݂ܵܐ. [No book]
22[No verse] [No book]
[23]ܘܐܹܚܲܕ݂ ܝܘܿܐܵܫ ܡܲܠܟܵܐ ܕܝܼܣܪܵܝܹܠ: ܠܐܵܡܘܿܨܝܼܵܐ ܡܲܠܟܵܐ ܕܲܝܗܘܼܕ݂ܵܐ: ܒܒܹܝܬ̣ ܫܡܸܫ ܩܪܝܼܬ̣ܵܐ. ܘܐܲܝܬ̇ܝܘܼܗܝ ܠܐܘܿܪܸܫܠܸܡ. ܘܲܬ̣ܪܲܥ̣ ܒܫܘܼܪܵܐ ܕܐܘܿܪܸܫܠܸܡ: ܡ̣ܢ ܬܲܪܥܵܐ ܕܐܲܦܪܹܝܡ: ܘܲܥܕܲܡܵܐ ܠܬܲܪܥܵܐ ܕܙܵܘܝܼܬ̣ܵܐ: ܐܲܪܒ̇ܥܡܵܐܐ ܐܲܡ̈ܝܼܢ. [No book]
[24]ܘܲܢܣܲܒ̣ ܟܸܣܦܵܐ ܘܕܲܗܒ̣ܵܐ. ܘܡܵܐܢܹ̈ܐ ܕܐܸܫܬ̇ܟܲܚܘ ܒܒܲܝܬܹ̇ܗ ܕܡܵܪܝܵܐ: ܥܲܡ ܡܵܐܢܵܘ̈ܗܝ ܕܥܘܼܒ̣ܵܪ ܐܲܕ݂ܘܿܡ: ܘܠܵܐܘܨܪܹ̈ܐ ܕܒܹܝܬ̣ ܡܲܠܟܵܐ: ܘܲܠܡܵܐܢܹ̈ܐ ܕܒܹܝܬ̣ ܡܲܠܟܵܐ: ܘܲܠܡܵܐܢܹ̈ܐ ܕܕܲܗܒ̣ܵܐ. ܘܲܗܦܲܟ݂ ܠܫܵܡܪܹܝܢ. [No book]
[25]ܘܲܚ̣ܝܵܐ ܐܵܡܘܿܨܝܼܵܐ ܒܲܪ ܝܘܿܐܵܫ ܡܲܠܟܵܐ ܕܲܝܗܘܼܕ݂ܵܐ: ܡ̣ܢ ܒܵܬܲܪ ܕܡ̣ܝܼܬ̣ ܝܘܿܐܵܫ ܒܲܪ ܝܵܗܘܐܵܚܵܙ ܡܲܠܟܵܐ ܕܝܼܣܪܵܝܹܠ: ܚܲܡܫܲܥܸܣܪܹ̈ܐ ܫܢ̈ܝܼܢ. [No book]
[26]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܵܡܘܿܨܝ̣ܵܐ ܩܲܕ݂ܡܵܝܹ̈ܐ ܘܐܲܚܪ̈ܵܝܹܐ: ܗܵܐ ܗܸܢܘܿܢ ܟܬ̣ܝܼܒ̣ܝܼܢ ܥܲܠ ܣܸܦܪܵܐ ܕܡܲܠ̈ܟܹ̇ܐ ܕܲܝܗܘܼܕ݂ܵܐ ܘܕ݂ܝܼܣܪܵܝܹܠ. [No book]
[27]ܘܡ̣ܢ ܒܵܬܲܪ ܕܲܥܒܲܪ ܐܵܡܘܿܨܝܼܵܐ ܡ̣ܢ ܕܸܚ̱ܠܬܹܗ ܕܡܵܪܝܵܐ: ܐܸܬ̣̱ܢܟܸܠܘ ܥܠܵܘܗܝ ܥܲܒ̣ܕܵܘ̈ܗܝ ܢܸܟ݂ܠܵܐ ܒܐܘܿܪܸܫܠܸܡ ܘܲܥܪܲܩ ܠܲܠܟ݂ܝܼܫ ܘܫܲܕܲܪܘ ܒܵܬ̣ܪܹܗ ܠܲܠܟ݂ܝܼܫ: ܘܩܲܛܠܘܼܗܝ ܬܲܡܵܢ. [No book]
[28]ܘܫܲܩܠܘܼܗܝ ܥܲܠ ܪ̈ܲܟ݂ܫܵܐ. ܘܩܲܒ̣ܪܘܼܗܝ ܥܲܡ ܐܲܒ̣ܵـ̈ـܗܵܬܹܗ ܒܲܩܪܝܼܬ̣ܵܐ ܕܕ݂ܵܘܝܼܕ݂. [No book]
Author: Brooke Foss Westcott (1825–1901), Fenton John Anthony Hort (1828–1892)
Source: www.unboundbible.org

See information...
Top