|
|
| [1]ܘܲܕ݂ܒܲܪܘ ܟܠܹܗ ܥܲܡܵܐ ܕܲܝܗܘܼܕ݂ܵܐ ܠܥܘܿܙܝܼܵܐ ܒܪܹܗ. ܒܲܪ ܫܸܬ̇ܬܲܥܸܣܪܹ̈ܐ ܗ̄ܘ̣ܵܐ ܫܢ̈ܝܼܢ. ܘܐܲܩܝܼܡܘܼܗܝ ܒܡܲܠܟ̇ܘܼܬ̣ܵܐ: ܒܵܬܲܪ ܐܲܒ̣ܘܼܗܝ ܐܵܡܘܿܨܝܼܵܐ. |
[No book] |
| [2]ܗ̤ܘ ܒܢ̣ܵܐ ܠܐܲܝܠܲܬ̣: ܘܦܲܢܝܵܗ̇ ܠܲܕ݂ܒܹܝܬ̣ ܝܼܗܘܼܕ݂ܵܐ: ܡ̣ܢ ܒܵܬܲܪ ܕܲܫܟܸܒ̣ ܡܲܠܟܵܐ ܥܲܡ ܐܲܒ̣ܵـ̈ـܗܵܬܹܗ. |
[No book] |
| [3]ܥܘܿܙܝܼܵܐ ܒܲܪ ܫܸܬ̇ܬܲܥܸܣܪܹ̈ܐ ܗ̄ܘ̣ܵܐ ܫܢ̈ܝܼܢ: ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ. ܘܚܲܡܫܝܼܢ ܘܬܲܪܬܹ̇ܝܢ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ. ܘܲܫܡܵܐ ܕܐܸܡܹܗ ܐܹܠܥܵܣܵܐ ܡ̣ܢ ܐܘܿܪܸܫܠܸܡ. |
[No book] |
| [4]ܘܲܥܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ: ܐܲܝܟܲܢܵܐ ܕܲܥܒܲܕ݂ ܕܵܘܝܼܕ݂ ܐܲܒ̣ܘܼܗܝ. |
[No book] |
| [5]ܘܲܗܘ̤ܵܐ ܡܨܲܠܹܐ ܩܕ݂ܵܡܵܘܗܝ: ܒܝܵܘ̈ܡܲܝ ܙܟܲܪܝܵܐ: ܕܲܗܘ̤ܵܐ ܡܦܝܼܣ ܠܹܗ ܒܕܸܚ̱ܠܬܹܗ ܕܡܵܪܝܵܐ. ܘܲܗܘ̤ܵܐ ܡܵܪܝܵܐ ܡܲܬ̣ܩܸܢ ܟܠܗܹܝܢ ܐܘܼܪ̈ܚܵܬܹܗ. |
[No book] |
| [6]ܘܲܢܦܲܩ ܘܐܸܬ̣ܟܲܬܲܫ ܥܲܡ ܦܠܸܫܬܵܝܹ̈ܐ. ܘܲܬ̣ܪܲܥ ܫܘܼܪܵܐ ܕܓ̣ܵܬ̣ ܘܲܕ݂ܥܵܐܙܵܐ ܘܕܲܐܫܕ̇ܘܿܕ݂. |
[No book] |
| [7]ܘܲܗܘ̤ܵܐ ܐܵܙܹ̇ܠ ܫܡܹܗ: ܥܕܲܡܵܐ ܠܐܲܪܥܵܐ ܕܡܸܨܪܹܝܢ. ܡܸܛܠ ܕܡܲܣܓܹ̇ܐ ܗ̄ܘ̣ܵܐ ܠܡܸܥܒܲܕ݂ ܩܪܵܒ̣ܵܐ. |
[No book] |
| [8]ܘܲܒ̣ܢܵܐ ܠܹܗ ܥܘܿܙܝܼܵܐ ܡܲܓ̣̈ܕ̇ܠܹܐ ܒܐܘܿܪܸܫܠܸܡ: ܥܲܠ ܬܲܪܥܵܐ ܕܙܵܘܝܼܬ̣ܵܐ: ܘܥܲܠ ܬܲܪܥܵܐ ܡܲܥ̱ܪܒ̣ܵܝܵܐ. ܘܲܚܙܲܩ̣ ܐܸܢܘܿܢ ܒܩܲܪ̈ܢܵܬ̣ܗܘܿܢ ܒܲܩܠܝܼܕܹ̈ܐ ܕܦܲܪܙܠܵܐ. |
[No book] |
| [9]ܘܲܒ̣ܢܵܐ ܡܲܓ̣ܕ̇ܠܹܐ ܣܲܓ̇ܝܼ̈ܐܹܐ ܒܩܘܼܪ̈ܝܵܐ ܕܲܗ̤ܘܲܝ̈ ܠܹܗ. ܘܲܥܒܲܕ݂ ܠܹܗ ܒܝܼܪ̈ܵܬ̣ܵܐ ܣܲܓ̇ܝܼ ܡܸܛܠ ܕܢܸܟ݂ܣܹ̈ܐ ܣܲܓ̇ܝܼ̈ܐܹܐ ܐܝܼܬ̣ ܗ̄ܘ̣ܵܘ ܠܹܗ. ܘܲܒ̣ܦܲܩ̈ܥܵܬ̣ܵܐ ܘܲܒ̣ܛܘܼܪܹ̈ܐ. ܐܲܟܵܪܹ̈ܐ ܘܦܲܠܵܚܹ̈ܐ ܗܘ̤ܵܘ ܠܹܗ. ܡܸܛܠ ܕܩܸܢܝܵܢܵܐ ܣܲܓ̇ܝܼ ܗ̄ܘ̣ܵܐ ܠܹܗ. |
[No book] |
| 10[No verse] |
[No book] |
| [11]ܘܲܗܘ̤ܵܘ ܠܥܘܿܙܝܼܵܐ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ ܥܵܒ̣ܕܲܝ̈ ܩܪܵܒ̣ܵܐ. |
[No book] |
| [12]ܒܡܸܢܝܵܢܵܐ ܬܠܵܬ̣ܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܫܸܬ̣ܡܵܐܐ. |
[No book] |
| [13]ܘܐܲܚܪ̈ܵܢܹܐ ܥܲܡܪ̈ܲܝ ܕܲܒ̣ܪܵܐ ܗܘ̤ܵܘ ܠܹܗ ܬܠܵܬ̣ܡܵܐܐ ܐܲܠܦ̈ܝܼܢ. ܘܓܲܒ̣ܪܹ̈ܐ ܐܵܣܪ̈ܲܝ ܣܲܝܦܵܐ: ܗܘ̤ܵܘ ܠܹܗ ܫܲܒ̣ܥܵܐ ܐܲܠܦ̈ܝܼܢ ܘܚܲܡܸܫܡܵܐܐ. |
[No book] |
| [14]ܕܲܗܘ̤ܵܘ ܩܵܝ̇ܡܝܼܢ ܟܠ ܝܘܿܡ: ܘܢܵܛ̇ܪܝܼܢ ܠܡܲܠܟܵܐ. |
[No book] |
| [15]ܘܲܢܦܲܩ̣ ܫܡܹܗ ܒܟ݂ܠܗܹܝܢ ܡܕ݂ܝܼ̈ܢܵܬ̣ܵܐ: ܥܕܲܡܵܐ ܕܐܲܣܓ̇ܝܼ ܗ̄ܘ̣ܵܐ ܠܡܸܥܬܲܪ. |
[No book] |
| [16]ܘܟܲܕ݂ ܥܬܲܪ ܗ̄ܘ̣ܵܐ ܒܢܸܟ݂ܣܹ̈ܐ: ܐܸܬ̇ܬ̇ܪܝܼܡܲܬ̣ ܪܘܼܚܹܗ ܛܵܒ̣. ܘܟܲܕܸ̇ܒ̣ ܒܡܵܪܝܵܐ ܐܲܠܵܗܹܗ. ܘܥܲܠ ܗ̄ܘ̣ܵܐ ܠܗܲܝܟ̇ܠܵܐ ܕܡܵܪܝܵܐ ܠܡܲܣܵܩܘܼ ܩܲܛܪ̈ܘܿܩܹܐ ܕܒܸܣܡܹ̈ܐ. |
[No book] |
| [17]ܘܥܲܠ ܗ̄ܘ̣ܵܐ ܒܵܬ̣ܪܹܗ ܥܘܿܙܝܼܵܐ ܟܵܗܢܵܐ: ܘܐܸܡܲܪ ܠܹܗ. |
[No book] |
| [18]ܠܵܐ ܗ̄ܘ̣ܵܬ̣ ܕܝܼܠܵܟ݂ ܡܲܠܟܵܐ ܕܘܼܟ̇ܬ̣ܵܐ. ܘܐܵܦܠܵܐ ܘܵܠܹܐ ܠܵܟ݂ ܕܬܲܣܸܩ ܒܸܣܡܹ̈ܐ ܥܲܠ ܡܲܕ݂ܒ̇ܚܵܐ. |
[No book] |
| [19]ܘܒ̣ܵܗ̇ ܒܫܵܥܬ̣ܵܐ ܐܸܙܕ̇ܥܸܦ ܥܘܿܙܝܼܵܐ ܡܲܠܟܵܐ ܥܲܠ ܟܵܗܢܹ̈ܐ. ܘܲܦܩܲܕ݂ ܕܢܲܦܩܘܼܢ ܐܸܢܘܿܢ ܡ̣ܢ ܒܹܝܬ̣ ܡܲܩܕ̇ܫܵܐ. ܘܒ̣ܵܗ̇ ܒܫܵܥܬ̣ܵܐ ܗܵܝ̇: ܓܲܪܒܵܐ ܢܦܲܩ̣ ܡ̣ܢ ܒܹܝܬ̣ ܡܲܩܕ̇ܫܵܐ. ܘܲܢܦܲܠ ܥܲܠ ܒܹܝܬ̣ ܥܲܝܢܵܘ̈ܗܝ ܕܡܲܠܟܵܐ ܥܘܿܙܝܼܵܐ: ܟܲܕ݂ ܥܲܠ ܠܲܡܩܲܪܵܒ̣ܘܼ ܒܸܣܡܹ̈ܐ ܒܒܲܝܬܹ̇ܗ ܕܡܵܪܝܵܐ. |
[No book] |
| [20]ܘܐܸܬ̣ܦܢܝܼ ܠܘܵܬܹܗ ܥܘܿܙܝܼܵܐ ܟܵܗܢܵܐ ܘܫܲܪܟܵܐ ܕܟ݂ܵܗܢܹ̈ܐ. ܘܲܚܙ̣ܵܘ ܕܡܸܣܬܲܪܗܲܒ̣ ܗ̄ܘ̣ܵܐ ܠܡܸܦܲܩ: ܡܸܛܠ ܕܝܼܕܲܥ̣ ܕܲܡܚܵܝܗܝ ܡܵܪܝܵܐ. |
[No book] |
| [21]ܘܲܗܘ̤ܵܐ ܥܘܿܙܝܼܵܐ ܡܲܠܟܵܐ ܝܵܬܹܒ̣ ܒܓܲܪܒܹ̇ܗ ܥܕܲܡܵܐ ܠܡܵܘܬܹ̇ܗ. ܘܝܵܬܹܒ̣ ܗ̄ܘ̣ܵܐ ܒܒܲܝܬܵܐ ܕܲܚܕ݂ܵܝܘܼܬ̣ܵܐ ܟܲܕ݂ ܓܪܸܫ. ܡܸܛܠ ܕܓܲܕܸ̇ܦ ܗ̄ܘ̣ܵܐ ܥܲܠ ܒܲܝܬܹ̇ܗ ܕܡܵܪܝܵܐ. ܘܝܘܿܬ̣ܵܡ ܒܪܹܗ ܫܲܠܝܼܛ ܗ̄ܘ̣ܵܐ ܥܲܠ ܒܲܝܬܹ̇ܗ ܕܡܲܠܟܵܐ: ܘܕ݂ܵܐܹ̇ܢ ܗ̄ܘ̣ܵܐ ܠܥܲܡܵܐ ܕܐܲܪܥܵܐ. |
[No book] |
| [22]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܥܘܿܙܝܼܵܐ: ܩܲܕ݂ܡܵܝܹ̈ܐ ܘܐܲܚܪ̈ܵܝܹܐ: ܗܵܐ ܗܸܢܘܿܢ ܟܬ̣ܝܼܒ̣ܝܼܢ ܒܐܹܫܲܥܝܵܐ ܒܪܹܗ ܕܐܵܡܘܿܨ ܢܒ̣ܝܼܵܐ. |
[No book] |
| [23]ܘܲܫܟܸܒ̣ ܥܘܿܙܝܼܵܐ ܥܲܡ ܐܲܒ̣ܵـ̈ـܗܵܬܹܗ. ܘܩܲܒ̣ܪܘܼܗܝ ܒܹܝܬ̣ ܩܒ̣ܘܼܪܹ̈ܐ: ܠܵܐ ܒܲܩܒ̣ܘܼܪܬܵܐ ܕܡܲܠ̈ܟܹ̇ܐ. ܡܸܛܠ ܕܐܵܡ̇ܪܝܼܢ ܕܓܲܪܒܵܐ ܗ̄ܘ̣. ܘܐܲܡ̣ܠܸܟ݂ ܝܘܿܬ̣ܵܡ ܒܪܹܗ ܒܵܬ̣ܪܹܗ. |
[No book] |