➖ »
«
➖ ➕
Vulgata Clementina (1592)
Vul
The Epistle of Barnabas
EpiBar
←
2 Chronicles
2Ch
27
→
[1]Viginti quinque annorum erat Joatham cum regnare cœpisset, et sedecim annis regnavit in Jerusalem: nomen matris ejus Jerusa filia Sadoc. [No book]
[2]Fecitque quod rectum erat coram Domino juxta omnia quæ fecerat Ozias pater suus, excepto quod non est ingressus templum Domini, et adhuc populus delinquebat. [No book]
[3]Ipse ædificavit portam domus Domini excelsam, et in muro Ophel multa construxit. [No book]
[4]Urbes quoque ædificavit in montibus Juda, et in saltibus castella, et turres. [No book]
[5]Ipse pugnavit contra regem filiorum Ammon, et vicit eos, dederuntque ei filii Ammon in tempore illo centum talenta argenti, et decem millia coros tritici, ac totidem coros hordei: hæc ei præbuerunt filii Ammon in anno secundo et tertio. [No book]
[6]Corroboratusque est Joatham, eo quod direxisset vias suas coram Domino Deo suo. [No book]
[7]Reliqua autem sermonum Joatham, et omnes pugnæ ejus, et opera, scripta sunt in libro regum Israël et Juda. [No book]
[8]Viginti quinque annorum erat cum regnare cœpisset, et sedecim annis regnavit in Jerusalem. [No book]
[9]Dormivitque Joatham cum patribus suis, et sepelierunt eum in civitate David: et regnavit Achaz filius ejus pro eo. [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top