➖ »
«
➖ ➕
Aleppo Codex (~920)
Alep
The Epistle of Polycarp to the Church at Phillipians
PolyPhl
←
2 Chronicles
2Ch
29
→
[1]יחזקיהו מלך בן עשרים וחמש שנה ועשרים ותשע שנה מלך בירושלם ושם אמו אביה בת זכריהו [No book]
[2]ויעש הישר בעיני יהוה ככל אשר עשה דויד אביו [No book]
[3]הוא בשנה הראשונה למלכו בחדש הראשון פתח את דלתות בית יהוה־ויחזקם [No book]
[4]ויבא את הכהנים ואת הלוים ויאספם לרחוב המזרח [No book]
[5]ויאמר להם שמעוני הלוים עתה התקדשו וקדשו את בית יהוה אלהי אבתיכם והוציאו את הנדה מן הקדש [No book]
[6]כי מעלו אבתינו ועשו הרע בעיני יהוה אלהינו־ויעזבהו ויסבו פניהם ממשכן יהוה ויתנו ערף [No book]
[7]גם סגרו דלתות האולם ויכבו את הנרות וקטרת לא הקטירו ועלה לא העלו בקדש לאלהי ישראל [No book]
[8]ויהי קצף יהוה על יהודה וירושלם ויתנם לזועה [Q: לזעוה] לשמה ולשרקה כאשר אתם ראים בעיניכם [No book]
[9]והנה נפלו אבותינו בחרב ובנינו ובנותינו ונשינו בשבי על זאת [No book]
[10]עתה עם לבבי לכרות ברית ליהוה אלהי ישראל וישב ממנו חרון אפו [No book]
[11]בני עתה אל תשלו כי בכם בחר יהוה לעמד לפניו לשרתו ולהיות לו משרתים ומקטרים [No book]
[12]ויקמו הלוים מחת בן עמשי ויואל בן עזריהו מן בני הקהתי ומן בני מררי קיש בן עבדי ועזריהו בן יהללאל ומן הגרשני־יואח בן זמה ועדן בן יואח [No book]
[13]ומן בני אליצפן שמרי ויעואל [Q: ויעיאל] ומן בני אסף זכריהו ומתניהו [No book]
[14]ומן בני הימן יחואל [Q: יחיאל] ושמעי ומן בני ידותון שמעיה ועזיאל [No book]
[15]ויאספו את אחיהם ויתקדשו ויבאו כמצות המלך בדברי יהוה לטהר בית יהוה [No book]
[16]ויבאו הכהנים לפנימה בית יהוה לטהר ויוציאו את כל הטמאה אשר מצאו בהיכל יהוה לחצר בית יהוה ויקבלו הלוים להוציא לנחל קדרון חוצה [No book]
[17]ויחלו באחד לחדש הראשון לקדש וביום שמונה לחדש באו לאולם יהוה ויקדשו את בית יהוה לימים שמונה וביום ששה עשר לחדש הראשון כלו [No book]
[18]ויבואו פנימה אל חזקיהו המלך ויאמרו טהרנו את כל בית יהוה את מזבח העולה ואת כל כליו ואת שלחן המערכת ואת כל כליו [No book]
[19]ואת כל הכלים אשר הזניח המלך אחז במלכותו במעלו־הכנו והקדשנו והנם לפני מזבח יהוה [No book]
[20]וישכם יחזקיהו המלך ויאסף את שרי העיר ויעל בית יהוה [No book]
[21]ויביאו פרים שבעה ואילים שבעה וכבשים שבעה וצפירי עזים שבעה לחטאת על הממלכה ועל המקדש ועל יהודה ויאמר לבני אהרן הכהנים להעלות על מזבח יהוה [No book]
[22]וישחטו הבקר ויקבלו הכהנים את הדם ויזרקו המזבחה וישחטו האלים ויזרקו הדם המזבחה וישחטו הכבשים ויזרקו הדם המזבחה [No book]
[23]ויגישו את שעירי החטאת לפני המלך והקהל ויסמכו ידיהם עליהם [No book]
[24]וישחטום הכהנים ויחטאו את דמם המזבחה לכפר על כל ישראל כי לכל ישראל אמר המלך העולה והחטאת [No book]
[25]ויעמד את הלוים בית יהוה במצלתים בנבלים ובכנרות במצות דויד וגד חזה המלך ונתן הנביא כי ביד יהוה המצוה ביד נביאיו [No book]
[26]ויעמדו הלוים בכלי דויד והכהנים בחצצרות [No book]
[27]ויאמר חזקיהו להעלות העלה להמזבח ובעת החל העולה החל שיר יהוה והחצצרות ועל ידי כלי דויד מלך ישראל [No book]
[28]וכל הקהל משתחוים והשיר משורר והחצצרות מחצצרים [Q: מחצרים] הכל עד לכלות העלה [No book]
[29]וככלות להעלות כרעו המלך וכל הנמצאים אתו־וישתחוו [No book]
[30]ויאמר יחזקיהו המלך והשרים ללוים להלל ליהוה בדברי דויד ואסף החזה ויהללו עד לשמחה ויקדו וישתחוו [No book]
[31]ויען יחזקיהו ויאמר עתה מלאתם ידכם ליהוה גשו והביאו זבחים ותודות לבית יהוה ויביאו הקהל זבחים ותודות וכל נדיב לב עלות [No book]
[32]ויהי מספר העלה אשר הביאו הקהל־בקר שבעים אילים מאה כבשים מאתים לעלה ליהוה כל אלה [No book]
[33]והקדשים־בקר שש מאות וצאן שלשת אלפים [No book]
[34]רק הכהנים היו למעט ולא יכלו להפשיט את כל העלות ויחזקום אחיהם הלוים עד כלות המלאכה ועד יתקדשו הכהנים־כי הלוים ישרי לבב להתקדש מהכהנים [No book]
[35]וגם עלה לרב בחלבי השלמים ובנסכים־לעלה ותכון עבודת בית יהוה [No book]
[36]וישמח יחזקיהו וכל העם על ההכין האלהים לעם כי בפתאם היה הדבר [No book]
Source: unbound.biola.edu
Top