|
|
| [1]ܘܫܲܪܝܼ ܫܠܹܝܡܘܿܢ ܠܡܸܒ̣ܢܵܐ ܒܲܝܬܵܐ ܕܡܵܪܝܵܐ ܒܐܘܿܪܸܫܠܸܡ: ܒܛܘܼܪܵܐ ܕܐܵܡܘܿܪ̈ܵܝܹܐ: ܒܕ݂ܘܼܟ̇ܬ̣ܵܐ ܕܐܲܬ̣ܩܸܢ ܕܵܘܝܼܕ݂ ܐܲܒ̣ܘܼܗܝ ܒܐܸܕ̇ܪܵܐ ܕܲܙܒܲܢ ܡ̣ܢ ܐܵܪܵܢ ܝܵܒ̣ܘܿܣܵܝܵܐ. |
[No book] |
| [2]ܘܫܲܪܝܼ ܠܡܸܒ̣ܢܵܐ ܒܹܗ ܒܒܸܢܝܵܢܵܐ: ܒܝܲܪܚܵܐ ܬܸܢܝܵܢܵܐ: ܒܲܫܢܲܬ̣ ܐܲܪܒܲܥ ܠܡܲܠܟ̇ܘܼܬܹܗ. |
[No book] |
| [3]ܘܗܵܠܹܝܢ ܡܘܼܫ̈ܚܵܬ̣ܵܐ ܕܲܡܫܲܚ̣ ܫܠܹܝܡܘܿܢ ܠܡܸܒ̣ܢܵܐ ܒܲܝܬܵܐ ܕܡܵܪܝܵܐ ܐܘܼܪܟܹ̇ܗ ܕܒܲܝܬܵܐ ܫܬ̇ܝܼܢ ܐܲܡ̈ܝܼܢ ܒܲܡܫܘܼܚܬ̣ܵܐ ܕܩܘܼܕ݂ܫܵܐ. ܘܪܵܘܡܹܗ ܬܠܵܬ̣ܝܼܢ ܐܲܡ̈ܝܼܢ. ܘܲܦܬ̣ܵܝܹܗ ܥܸܣܪܝܼܢ ܐܲܡ̈ܝܼܢ. |
[No book] |
| [4]ܘܐܸܣܛܘܵܐ ܥ̣ܒܲܕ݂ ܥܲܠ ܐܲܦܵܘ̈ܗܝ ܐܘܼܪܟܹ̇ܗ ܥܲܠ ܐܲܦܲܝ̈ ܦܬ̣ܵܝܹܗ ܕܒܲܝܬܵܐ: ܐܲܡܝܼ̈ܢ ܥܸܣܪܝܼܢ. ܘܪܵܘܡܹܗ ܥܸܣܪܝܼܢ ܐܲܡܝܼ̈ܢ ܘܩܲܪܡܹܗ ܡ̣ܢ ܠܓ̣ܵܘ ܕܲܗܒ̣ܵܐ ܕܲܟ݂ܝܵܐ. |
[No book] |
| [5]ܘܒܲܝܬܵܐ ܪܲܒܵܐ: ܛܲܠܸܠ ܒܐܲܪ̈ܙܹܐ ܕܩܵܛܲܪ̈ܩܹܐ. ܘܩܲܪܡܹܗ ܠܲܫܡܲܝ̈ ܒܲܝܬܵܐ ܕܲܗܒ̣ܵܐ ܛܵܒ̣ܵܐ. ܘܨܵܪ ܥܠܵܘܗܝ ܕܡܘܼܬ̣ܵܐ ܕܕܸܩ̈ܠܹܐ ܘܲܕ݂ܫܘܼܫܲܢܹ̈ܐ. |
[No book] |
| [6]ܘܲܩܒܲܥ ܒܹܗ ܒܒܲܝܬܵܐ: ܛܲܒ̣̈ܥܹܐ ܛܵܒܹ̈ܐ ܠܬܸܫܒ̇ܘܿܚܬܵܐ. ܘܩܲܪܡܹܗ ܠܟ݂ܠܹܗ ܕܲܗܒ̣ܵܐ ܛܵܒ̣ܵܐ. |
[No book] |
| [7]ܘܩܲܪܡܹܗ ܠܒܲܝܬܵܐ ܡ̣ܢ ܐܲܦܵܘ̈ܗܝ ܕܐܸܣܛܘܵܐ: ܐܸܣܵܘ̈ܗܝ ܘܲܦܪ̈ܘܼܣܬ̇ܕ݂ܵܘܗܝ ܕܲܗܒ̣ܵܐ ܛܵܒ̣ܵܐ. ܘܨܵܪ ܥܠܵܘܗܝ ܕܡܘܼܬ̣ܵܐ ܕܕܸܩ̈ܠܹܐ ܘܲܕ݂ܫܘܼܫܲܢܹ̈ܐ. |
[No book] |
| [8]ܘܲܥܒܲܕ݂ ܒܹܝܬ̣ ܩܕ݂ܘܿܫ ܩܘܼܕ݂ܫܹ̈ܐ: ܐܘܼܪܟܹ̇ܗ ܥܲܠ ܐܲܦܲܝ̈ ܦܬ̣ܵܝܹܗ ܕܒܲܝܬܵܐ: ܐܲܡ̈ܝܼܢ ܥܸܣܪܝܼܢ. ܘܲܦܬ̣ܵܝܹܗ ܐܲܡܝܼ̈ܢ ܥܸܣܪܝܼܢ. ܘܩܲܪܡܹܗ ܕܲܗܒ̣ܵܐ ܛܵܒ̣ܵܐ: ܡ̣ܢ ܫܸܬ̣ܡܵܐܐ ܟܲܟ̇ܪ̈ܝܼܢ. ܘܐܵܦ ܠܡܲܕ݂ܒ̇ܚܵܐ ܩ̣ܪܲܡ ܕܲܗܒ̣ܵܐ. |
[No book] |
| 9[No verse] |
[No book] |
| [10]ܘܲܥܒܲܕ݂ ܒܒܹܝܬ̣ ܩܘܼܕ݂ܫܵܐ ܟܪ̈ܘܿܒܹܐ ܬܪܹܝܢ: ܥܒ̣ܵܕ݂ܵܐ ܡܫܲܪܪܵܐ. ܘܲܩܪܲܡ ܐܸܢܘܿܢ ܕܲܗܒ̣ܵܐ. |
[No book] |
| [11]ܘܟܸܢ̈ܦܹܐ ܕܲܟ݂ܪ̈ܘܿܒܹܐ ܐܘܼܪܟ̇ܗܹܝܢ ܐܲܡܹ̈ܐ ܥܸܣܪܝܼܢ ܟܸܢܦܵܐ ܚܕ݂ܵܐ: ܐܲܡܹ̈ܐ ܚܲܡܸܫ: ܢܵܩ̇ܦܵܐ ܠܐܸܣܬܹܗ ܕܒܲܝܬܵܐ ܘܟܸܢܦܵܐ ܐ̄ܚܪܹܬ̣ܵܐ: ܐܲܡܹ̈ܐ ܚܲܡܸܫ: ܢܵܩܦܵܐ ܠܟܸܢܦܹܗ ܕܲܟ݂ܪܘܿܒ̣ܵܐ ܐ̄ܚܪܹܢܵܐ. |
[No book] |
| [12]ܘܟܸܢܦܵܐ ܕܲܟ݂ܪܘܿܒ̣ܵܐ ܐ̄ܚܪܹܢܵܐ ܐܲܡܹ̈ܐ ܚܲܡܸܫ: ܢܵܩܦܵܐ ܠܐܸܣܬܹܗ ܕܒܲܝܬܵܐ. ܘܟܸܢܦܵܐ ܐ̄ܚܪܹܬܵܐ ܐܲܡܹ̈ܐ ܚܲܡܸܫ: ܘܕܲܒ̇ܝܼܩܵܐ ܠܟܸܢܦܹܗ ܕܲܟ݂ܪܘܿܒ̣ܵܐ ܐ̄ܚܪܹܢܵܐ. |
[No book] |
| [13]ܟܸܢܦܲܝ̈ܗܘܿܢ ܕܲܟ݂ܪ̈ܘܿܒܹܐ ܗܵܠܹܝܢ: ܦܪ̈ܝܼܣܵܢ ܐܲܡܹ̈ܐ ܥܸܣܪܝܼܢ. ܘܗܸܢܘܿܢ ܩܵܝ̇ܡܝܼܢ ܥܲܠ ܪܸ̈ܓ̣ܠܲܝܗܘܿܢ: ܘܐܲܦܲܝ̈ܗܘܿܢ ܠܓ̣ܵܘ. |
[No book] |
| [14]ܘܲܥܒܲܕ݂ ܦܪܘܼܟ݂ܬܵܐ: ܬܸܟ݂ܠ̱ܬ̣ܵܐ: ܘܐܲܪܓ̇ܘܵܢܵܐ: ܘܲܙܚܘܿܪܝܼܬ̣ܵܐ ܘܒ̣ܘܼܨܵܐ. ܘܐܲܣܸܩ ܥܠܹܝܗ̇ ܟܪ̈ܘܿܒܹܐ. ܘܣܵܡ̣ ܒܓ̣ܵܘܵܗ̇ ܩܹܒ̣ܘܿܬ̣ܵܐ. |
[No book] |
| [15]ܘܲܥܒܲܕ݂ ܩܕ݂ܵܡܵܘܗܝ ܕܒܲܝܬܵܐ ܪܲܒܵܐ ܐܸܣܛܘܿܢܹ̈ܐ ܬܪܹܝܢ. ܐܘܼܪܟ̇ܗܘܿܢ ܐܲܡ̈ܝܼܢ ܬܡܵܢܲܥܸܣܪܹ̈ܐ. ܘܚܸـ̈ـܬܹ̇ܐ ܕܥܲܠ ܪܹ̈ܫܲܝܗܘܿܢ: ܚܲܡܸܫ ܐܲܡ̈ܝܼܢ ܪܵܘܡܗܹܝܢ. |
[No book] |
| [16]ܘܲܥܒܲܕ݂ ܫܸܫ̈ܠܵܬ̣ܵܐ: ܐܲܡܹ̈ܐ ܚܲܡܫܝܼܢ. ܘܝܲܗ̄ܒ̣ ܥܲܠ ܪܹܫܵܐ ܕܐܸܣܛܘܿܢܹ̈ܐ. ܘܲܥܒܲܕ݂ ܪ̈ܘܼܡܵܢܹܐ: ܡܵܐܐ. ܘܲܩܛܲܪ ܒܗܹܝܢ ܒܫܸܫ̈ܠܵܬ̣ܵܐ. |
[No book] |
| [17]ܘܐܲܩܝܼܡ ܐܸܣܛܘܿܢܹ̈ܐ ܬܪܹܝܢ ܩܕ݂ܵܡ ܗܲܝܟ̇ܠܵܐ: ܚܲܕ݂ ܡ̣ܢ ܝܲܡܝܼܢܵܐ: ܘܚܲܕ݂ ܡ̣ܢ ܣܸܡܵܠܵܐ. ܘܲܩܪܵܐ ܫܡܹܗ ܕܗܵܘ̇ ܕܐܲܩܝܼܡ ܡ̣ܢ ܝܲܡܝܼܢܵܐ: ܝܵܟ݂ܝܼܢ. ܘܲܫܡܹܗ ܕܗܵܘ̇ ܕܡ̣ܢ ܣܸܡܵܠܵܐ: ܒܵܥܵܙ. |
[No book] |