➖ »
«
➖ ➕
Peshitta OT
PesOT
The First Book of Clement
1Clem
←
2 Chronicles
2Ch
32
→
[1]ܒܵܬܲܪ ܡܸܠܹ̈ܐ ܗܵܠܹܝܢ: ܘܩܘܼܫܬܵܐ ܕܲܥܒܲܕ݂ ܚܹܙܲܩܝܵܐ: ܐܸܬ̣ܵܐ ܣܲܢܚܹܪܝܼܒ̣ ܡܲܠܟܵܐ ܕܐܵܬ̣ܘܿܪ. ܘܲܫ̣ܪܵܐ ܥܲܠ ܝܼܗܘܼܕ݂ܵܐ: ܥܲܠ ܚܸܣܢܹ̈ܐ ܥܲܫܝܼ̈ܢܹܐ. ܘܐܸܡܲܪ ܠܥܵܡܘܿܪ̈ܲܝܗܘܿܢ: ܩܲܒܸ̇ܠܘ ܝܲܡܝܼܢܵܐ: ܘܬ̣ܵܘ ܠܘܵܬ̣. [No book]
[2]ܘܲܚ̣ܙܵܐ ܚܹܙܲܩܝܵܐ ܕܐܸܬ̣ܵܐ ܣܲܢܚܹܪܝܼܒ̣ ܡܲܠܟܵܐ ܕܐܵܬ̣ܘܿܪ: ܘܚܲܝܠܵـ̈ـܘܵܬ̣ܵܐ ܠܲܩܪܵܒ̣ܵܐ ܠܐܘܿܪܸܫܠܸܡ. [No book]
[3]ܘܐܸܬ̣ܡܲܠܲܟ݂ ܗ̤ܘ ܘܫܲܠܝܼܛܵܢܵܘ̈ܗܝ ܘܓܲܢ̄ܒܵܪ̈ܵܘܗܝ ܠܲܡܟܲܣܵܝܘܼ ܡܲـ̈ـܝܵܐ ܕܥܲܝ̈ܢܵܬ̣ܵܐ ܕܐܝܼܬ̣ ܠܒܲܪ ܡ̣ܢ ܡܕ݂ܝܼܢ̄ܬܵܐ. ܘܥܲܕ̇ܪܘܼܗܝ ܫܲܠܝܼܛܵܢܵܘ̈ܗܝ. [No book]
[4]ܘܐܸܬ̣ܟܲܢܲܫܘ ܥܲܡܵܐ ܕܝܼܣܪܵܝܹܠ ܣܘܿܓ̣ܵܐܐ ܕܛܵܒ̣. ܘܟܲܣܝܼܘ ܟܠܗܹܝܢ ܥܲܝ̈ܢܵܬ̣ܵܐ ܘܢܲܚܠܹ̈ܐ ܪܵܘ̱ܪ̈ܒܹܐ: ܕܐܝܼܬ̣ ܒܓ̣ܵܘ ܐܲܪܥܵܐ: ܡܸܛܠ ܕܐܵܡ̇ܪܝܼܢ: ܕܲܠܡܵܐ ܢܹܐܬܹܐ ܡܲܠܟܵܐ ܕܐܵܬ̣ܘܿܪ: ܘܢܸܫܟ̇ܚܘܼܢ ܡܲـ̈ـܝܵܐ ܣܲܓ̇ܝܼ̈ܐܹܐ. [No book]
[5]ܘܢܸܬ̣ܓܲܢ̄ܒ̇ܪܘܿܢ ܘܢܸܒ̣ܢܘܿܢ ܫܘܼܪܹ̈ܐ ܠܘܼܩܒܲܠ ܫܘܼܪܵܐ ܐ̄ܚܪܹܢܵܐ. ܘܲܢܛܲܡܡܘܼܢ ܚܹܐܪܝܼܬ̣ܵܐ ܕܲܥܒܲܕ݂ ܕܵܘܝܼܕ݂. ܘܲܥܒܲܕ݂ ܚܹܙܲܩܝܵܐ ܙܲܝܢܵܐ ܣܲܓ̇ܝܼܵܐܐ: ܘܣܲܟ̇ܪܹ̈ܐ ܘܪ̈ܘܼܡܚܹܐ. [No book]
[6]ܘܐܲܩܝܼܡ ܓܲܒ̣ܪܹ̈ܐ ܥܵܒ̣ܕܲܝ̈ ܩܪܵܒ̣ܵܐ ܥܲܠ ܥܲܡܵܐ: ܚܲܕ݂ ܥܲܠ ܥܸܣܪܵܐ. ܘܟܲܢܸܫ ܐܸܢܘܿܢ ܠܘܵܬܹܗ: ܠܘܵܬ̣ ܫܘܼܩܵܐ ܕܲܩܪܝܼܬ̣ܵܐ. ܘܡܲܠܸܠ̣ ܥܲܡ ܟܠܗܘܿܢ: ܘܐܸܡܲܪ ܠܗܘܿܢ. [No book]
[7]ܐܸܬ̣ܓܲܢ̄ܒܲܪܘ ܘܐܸܬ̣ܟܲܬܲܫܘ ܘܠܵܐ ܬܸܕ݂ܚ̄ܠܘܼܢ ܘܠܵܐ ܬܙܘܼܥܘܼܢ: ܡ̣ܢ ܩܕ݂ܵܡ ܡܲܠܟܵܐ ܕܐܵܬ̣ܘܿܪ: ܘܡ̣ܢ ܩܕ݂ܵܡ ܚܲܝ̈ܠܵܘܵܬ̣ܵܐ ܕܐܸܬ̣ܵܘ ܥܲܡܹܗ. ܥܲܡܲܢ ܕܝܼܠܲܢ ܣܲܓ̇ܝܼ ܡ̣ܢ ܕܥܲܡܹܗ. [No book]
[8]ܥܲܡܹܗ ܚܲܝܠܵܐ ܕܒܸܣܪܵܐ: ܘܥܲܡܲܢ ܡܵܪܝܵܐ ܐܲܠܵܗܲܢ: ܕܲܢܥܲܕ̇ܪܲܢ ܘܢܸܬ̣ܟܲܬܲܫ ܒܬܲܟ݂ܬ̇ܘܼܫܲܢ. ܘܐܸܬ̣ܡ̱ܠܝܼ ܒܠܸܒܹ̇ܗ ܕܥܲܡܵܐ: ܥܲܠ ܦܸܬ̣ܓ̣ܵܡܵܘ̈ܗܝ ܕܚܹܙܲܩܝܵܐ ܡܲܠܟܵܐ ܕܒܹܝܬ̣ ܝܼܗܘܼܕ݂ܵܐ. [No book]
[9]ܡܟ̤!!!! ܒܵܬܲܪ ܗܵܠܹܝܢ: ܫܲܕܲܪ ܣܲܢܚܹܪܝܼܒ̣ ܡܲܠܟܵܐ ܕܐܵܬ̣ܘܿܪ: ܠܪܲܒ̇ܫܵܩܹ̈ܐ. ܘܐܸܬ̣ܵܐ ܠܐܘܿܪܸܫܠܸܡ ܘܥܲܒ̣ܕܵܘ̈ܗܝ ܥܲܡܹܗ: ܘܗ̤ܘ ܫܪܸܐ ܗ̄ܘ̣ܵܐ ܥܲܠ ܠܟ݂ܝܼܫ: ܘܫܲܠܝܼܛܵܢܵܘ̈ܗܝ ܥܲܡܹܗ: ܥܲܠ ܟܠܗܘܿܢ ܕܒܹܝܬ̣ ܝܼܗܘܼܕ݂ܵܐ: ܕܐܝܼܬ̣ ܒܐܘܿܪܸܫܠܸܡ: ܘܐܸܡܲܪ ܠܗܘܿܢ. [No book]
[10]ܗܵܟܲܢܵܐ ܐܵܡܲܪ ܣܲܢܚܹܪܝܼܒ̣ ܡܲܠܟܵܐ ܕܐܵܬ̣ܘܿܪ. ܥܲܠ ܡܲܢ ܬܟ݂ܝܼܠܝܼܢ ܐ̄ܢܬ̇ܘܿܢ: ܕܝܵܬ̣ܒ̇ܝܼܢ ܐ̄ܢܬ̇ܘܿܢ ܒܲܚܒ̣ܘܼܫܝܵܐ ܒܐܘܿܪܸܫܠܸܡ. [No book]
[11]ܗ̤ܘ ܚܹܙܲܩܝܵܐ ܡܲܛܥܹܐ ܠܟ݂ܘܿܢ ܠܡܲܫܠܵܡܘܼܬ̣ܟ݂ܘܿܢ ܕܲܬ̣ܡܘܼܬ̣ܘܼܢ ܒܟܲܦܢܵܐ ܘܲܒ̣ܨܲܗܝܵܐ: ܘܡܲܛܥܸܐ ܠܟ݂ܘܿܢ ܘܐܵܡܲܪ: ܕܡܵܪܝܵܐ ܐܲܠܵܗܲܢ ܢܦܲܨܹܝܢ ܡ̣ܢ ܐܝܼܕ݂ܵܘ̈ܗܝ ܕܡܲܠܟܵܐ ܕܐܵܬ̣ܘܿܪ. [No book]
[12]ܐܲܝܟܵܘ ܚܹܙܲܩܝܵܐ: ܕܐܲܥܒܲܪ ܥܠܵـ̈ـܘܵܬ̣ܵܐ ܘܡܲܕ݂ܒ̇ܚܹ̈ܐ: ܘܐܸܡܲܪ ܠܲܕ݂ܒܹܝܬ̣ ܝܼܗܘܼܕ݂ܵܐ ܘܲܠܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܕܲܩܕ݂ܵܡ ܡܲܕ݂ܒ̇ܚܵܐ ܚܲܕ݂ ܬܸܣܓ̇ܕ݂ܘܼܢ. ܘܲܥܠܵܘܗܝ ܬܲܣܩܘܼܢ ܒܸܣܡܹ̈ܐ. [No book]
[13]ܘܲܟ݂ܒܲܪ ܬܸܕ̇ܥܘܼܢ ܡܸܕܸ̇ܡ ܕܥܸܒ̣ܕܹܬ̣ ܐܸܢܵܐ ܘܐܲܒ̣ܵܗܲܝ̈: ܠܟ݂ܠܗܘܿܢ ܥܲܡܡܹ̈ܐ ܕܒܲܡܕ݂ܝܼ̈ܢܵܬ̣ܵܐ. ܘܠܵܐ ܐܸܫܟܲܚܘ ܐܲܠܵܗܹ̈ܐ ܕܥܲܡܡܹ̈ܐ ܗܵܠܹܝܢ: ܠܲܡܦܲܨܵܝܘܼ ܡܕ݂ܝܼ̈ܢܵܬ̣ܗܘܿܢ ܡ̣ܢ ܐܝܼ̈ܕܲܝ. [No book]
[14]ܘܡܲܢܘܼ ܐܝܼܬ̣ ܒܟ݂ܠܗܘܿܢ ܐܲܠܵܗܲܝ̈ܗܘܿܢ ܕܥܲܡܡܹ̈ܐ ܗܵܠܹܝܢ ܕܲܚܪܲܒ̣ܘ ܐܲܒ̣ܵܗܲܝ̈: ܕܐܸܫܟܲܚܘ ܠܲܡܦܲܨܵܝܘܼ ܡܕ݂ܝܼ̈ܢܵܬ̣ܗܘܿܢ ܡ̣ܢ ܐܝܼܕܲܝ̈. [No book]
[15]ܘܐܵܦ ܗܵܫܵܐ ܠܵܐ ܢܲܛܥܹܝܟ݂ܘܿܢ ܚܹܙܲܩܝܵܐ: ܘܠܵܐ ܢܲܬ̣ܟܸ̇ܠܟ݂ܘܿܢ ܥܲܠ ܗܵܕܹܐ. ܘܠܵܐ ܬܗܲܝܡܢܘܼܢܹܗ. ܡܸܛܠ ܕܠܵܐ ܡܸܫܟܲܚ ܐܲܠܵܗܟ݂ܘܿܢ ܠܲܡܦܲܨܵܝܘܼܬ̣ܟ݂ܘܿܢ ܡ̣ܢ ܐܝܼܕܲܝ̈ ܟܠ ܥܲܡܡܹ̈ܐ ܘܡܲܠ̈ܟ̇ܘܵܬ̣ܵܐ ܠܵܐ ܐܸܫܟܲܚܘ ܠܲܡܦܲܨܵܝܘܼ ܡܕ݂ܝܼ̈ܢܵܬ̣ܗܘܿܢ ܡ̣ܢ ܐܝܼܕܲܝ̈. ܘܡ̣ܢ ܐܝܼܕ݂ܵܐ ܕܐܲܒ̣ܵܗܲܝ̈. ܘܐܵܦ ܐܲܠܵܗܟ݂ܘܿܢ ܠܵܐ ܡܸܫܟܲܚ ܠܲܡܦܲܨܵܝܘܼܬ̣ܟ݂ܘܿܢ ܡ̣ܢ ܐܝܼ̈ܕܲܝ. [No book]
[16]ܗܵܠܹܝܢ ܡܲܠܸܠ̣ܘ ܗ̄ܘ̣ܵܘ ܥܲܒ̣ܕܵܘ̈ܗܝ ܩܕ݂ܵܡ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܘܲܩܕ݂ܵܡ ܚܹܙܲܩܝܵܐ ܥܲܒ̣ܕܹ̇ܗ. [No book]
[17]ܘܲܟ݂ܬܲܒ̣ ܐܸܓ̇ܪ̈ܵܬ̣ܵܐ ܠܲܡܨܲܥܵܪܘܼ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܘܲܠܡܹܐܡܲܪ ܠܹܗ ܠܥܲܡܵܐ ܕܝܼܣܪܵܝܹܠ: ܕܐܲܠܵܗܹ̈ܐ ܕܲܡܕ݂ܝܼ̈ܢܵܬ̣ܵܐ ܗܵܠܹܝܢ: ܠܵܐ ܐܸܫܟܲܚܘ ܠܲܡܦܲܨܵܝܘܼ ܡܕ݂ܝܼ̈ܢܵܬ̣ܗܘܿܢ ܡ̣ܢ ܐܝܼܕܲܝ̈. [No book]
[18]ܘܲܩ̣ܪܵܘ ܒܩܵܠܵܐ ܪܵܡܵܐ ܒܠܸܫܵܢܵܐ ܝܼܗܘܼܕ݂ܵܐ: ܠܥܲܡܵܐ ܕܝܵܬ̣ܒ̇ܝܼܢ ܥܲܠ ܫܘܼܪܵܐ ܕܐܘܿܪܸܫܠܸܡ. ܕܲܢܕܲܚܠܘܼܢ ܐܸܢܘܿܢ: ܘܲܢܙܘܼܥܘܼܢ ܐܸܢܘܿܢ: ܡܸܛܠ ܕܢܹܐܚܕ̇ܘܼܢ ܫܘܼܪܵܐ ܕܲܡܕ݂ܝܼܢ̄ܬܵܐ. [No book]
[19]ܘܡܲܠܸܠܘ ܒܐܲܠܵܗܹ̈ܐ ܕܥܲܡܡܹ̈ܐ ܕܐܲܪܥܵܐ: ܘܐܵܦ ܒܐܲܠܵܗܵܐ ܕܫܲܠܝܼܛ ܒܐܘܿܪܸܫܠܸܡ. ܕܗ̤ܘ ܢܸܦܪܘܿܥ ܐܸܢܘܿܢ ܥܒ̣ܵܕܹ̈ܐ ܕܐܝܼܕܲܝ̈ܗܘܿܢ. [No book]
[20]ܘܨܲܠܝܼ ܚܹܙܲܩܝܵܐ ܘܐܹܫܲܥܝܵܐ ܒܲܪ ܐܵܡܘܿܨ ܢܒ̣ܝܼܵܐ ܡܸܛܠ ܗܵܕܹܐ. ܘܲܫܡܲܥ̣ ܒܩܵܠܵܐ ܕܲܨܠܘܿܬ̣ܗܘܿܢ ܡܵܪܝܵܐ. [No book]
[21]ܘܫܲܕܲܪ ܡܵܪܝܵܐ ܡܲܠܲܐܟ݂ܵܐ ܡ̣ܢ ܩܕ݂ܵܡܵܘܗܝ. ܘܲܚܪܲܒ̣ ܟܠܗܘܿܢ ܓܲܢ̄ܒܵܪ̈ܲܝ ܚܲܝܠܵܐ: ܘܡܲܠ̈ܟܹ̇ܐ ܘܫܲܠܝܼܛܵܢܹ̈ܐ ܕܲܗܘ̤ܵܘ ܒܡܲܫܪܝܼܬܹܗ ܕܡܲܠܟܵܐ ܕܐܵܬ̣ܘܿܪ. ܘܲܗܦܲܟ݂ ܡܲܠܟܵܐ ܕܐܵܬ̣ܘܿܪ ܟܲܕ݂ ܒܲܗܝܼ̈ܬ̣ܵܢ ܐܲܦܵܘ̈ܗܝ ܠܲܡܕ݂ܝܼܢ̄ܬܹ̇ܗ. ܘܐܸܬ̣ܵܐ ܠܒܹܝܬ̣ ܐܲܠܵܗܵܘ̈ܗܝ. ܘܲܒ̣ܢܵܘ̈ܗܝ ܕܲܢܦܲܩ̣ܘ ܡ̣ܢ ܡܥܵܘ̈ܗܝ: ܬܲܡܵܢ ܩܲܛܠܘܼܗܝ ܒܚܲܪܒܵܐ. [No book]
[22]ܘܲܦܪܲܩ ܡܵܪܝܵܐ ܠܚܹܙܲܩܝܵܐ: ܘܲܠܟ݂ܠܗܘܿܢ ܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܡ̣̤ ܐܝܼܕ݂ܵܘܗܝ ܕܣܲܢܚܹܪܝܼܒ̣ ܡܲܠܟܵܐ ܕܐܵܬ̣ܘܿܪ: ܘܡ̣ܢ ܐܝܼܕ݂ܵܐ ܕܟ݂ܠ ܒܲܥܠܲܝ̈ ܬܚܘܼܡܹܗ. [No book]
[23]ܘܣܲܓ̇ܝܼ̈ܐܹܐ ܡ̣ܢ ܒܢܲܝ̈ ܝܼܣܪܵܝܹܠ: ܡܲܝܬܹ̇ܝܢ ܗ̄ܘ̣ܵܘ ܩܘܼܪ̈ܒܵܢܹܐ ܠܡܵܪܝܵܐ ܠܐܘܿܪܸܫܠܸܡ ܘܝܵܗ̄ܒ̇ܝܼܢ ܗ̄ܘ̣ܵܘ ܡܵܘ̈ܗܒ̣ܵܬ̣ܵܐ ܠܚܹܙܲܩܝܵܐ ܡܲܠܟܵܐ ܕܒܹܝܬ̣ ܝܼܗܘܼܕ݂ܵܐ. ܘܐܸܬ̇ܬ̇ܪܝܼܡ ܠܥܸܠ ܡ̣ܢ ܥܲܡܡܹ̈ܐ ܟܠܗܘܿܢ. [No book]
[24]ܘܡ̣̤ܢ ܒܵܬܲܪ ܗܵܠܹܝܢ: ܒܝܵܘ̈ܡܵܬ̣ܵܐ ܗܵܢܘܿܢ: ܐܸܬ̣ܟ̇ܪܲܗ ܚܹܙܲܩܝܵܐ ܥܕܲܡܵܐ ܠܡܵܘܬܵܐ. ܘܨܲܠܝܼ ܩܕ݂ܵܡ ܡܵܪܝܵܐ ܘܐܸܡܲܪ: ܓܒܲܪ̈ܘܵܬ̣ܵܐ ܣܲܓ̇ܝܼܵܐ̈ܬ̣ܵܐ ܥ̣ܒܲܕ̇ܬ̇ ܠܝܼ. ܘܠܵܐ ܐܲܝܟ݂ ܥܒ̣ܵܕܹܐ ܐܝܼܕܲܝ̈ ܐܲܗܦܸܟ݂ܬ̇ ܠܝܼ. [No book]
[25]ܘܗܵܟܲܢܵܐ ܟܘܼܪܗܵܢܵܐ ܕܐܸܬ̣ܟ̇ܪܲܗ ܚܹܙܲܩܝܵܐ: ܡܸܛܠ ܕܐܸܬ̇ܬ̇ܪܝܼܡ ܠܸܒܹ̇ܗ. ܘܲܗܘ̤ܵܐ ܥܠܵܘܗܝ ܪܘܼܓ̣ܙܵܐ ܕܡܵܪܝܵܐ: ܘܥܲܠ ܒܹܝܬ̣ ܝܼܗܘܼܕ݂ܵܐ: ܘܥܲܠ ܥܵܡܘܿܪܹ̈ܝܗ̇ ܕܐܘܿܪܸܫܠܸܡ. [No book]
[26]ܘܐܸܬ̣ܟ̇ܪܲܗ ܚܹܙܲܩܝܵܐ ܡܸܛܠ ܕܐܸܬ̇ܬ̇ܪܝܼܡ ܠܸܒܹ̇ܗ ܗ̤ܘ ܘܥܵܡܘܿܪܹ̈ܝܗ̇ ܕܐܘܿܪܸܫܠܸܡ ܘܠܵܐ ܐܸܬ̣ܵܐ ܥܠܲܝܗܘܿܢ ܪܘܼܓ̣ܙܵܐ ܕܡܵܪܝܵܐ ܒܝܵܘܡܵܘ̈ܗܝ ܕܚܹܙܲܩܝܵܐ. [No book]
[27]ܘܲܗܘ̤ܵܐ ܠܚܹܙܲܩܝܵܐ ܥܘܼܬ̣ܪܵܐ ܘܐܝܼܩܵܪܵܐ ܣܘܿܓ̣ܵܐܐ ܕܛܵܒ̣: ܘܐܵܘܨܪܹ̈ܐ ܥ̣ܒܲܕ݂ ܠܹܗ: ܠܟܸܣܦܵܐ ܘܲܠܕܲܗܒ̣ܵܐ: ܘܲܠܟܹܐܦܹ̈ܐ ܛܵܒ̣ܵـ̈ـܬ̣ܵܐ: ܘܲܠܒܸܣܡܹ̈ܐ: ܘܠܲܡܓܲܢܹ̈ܐ: ܘܲܠܡܵܐܢܲܝ̈ ܪ̈ܵܓܲܝ ܪܸܓ̇ܬ̣ܵܐ. [No book]
[28]ܘܐܵܘܨܪܹ̈ܐ ܠܥܲܠ̈ܠܵܬ̣ܵܐ ܕܲܥܒ̣ܘܼܪܵܐ ܘܲܕ݂ܚܲܡܪܵܐ ܘܲܕ݂ܡܸܫܚܵܐ: ܘܐܘܿܪ̈ܵܘܵܬ̣ܵܐ ܠܟ݂ܠܵܗ̇ ܒܥܝܼܪܵܐ. [No book]
[29]ܘܩܘܼܪ̈ܝܵܐ ܠܲܒ̣ܥܝܼܪܵܐ: ܘܲܠܥܵـ̈ـܢܵܐ: ܘܲܠܬ̣ܵܘܪܹ̈ܐ: ܘܲܠܚܲܝ̈ܘܵܬ̣ܵܐ: ܡܸܛܠ ܕܝܲܗ̄ܒ̣ ܠܹܗ ܡܵܪܝܵܐ ܩܸܢܝܵܢܵܐ ܣܘܿܓ̣ܵܐܐ ܕܛܵܒ̣. [No book]
[30]ܘܗ̤ܘ ܚܹܙܲܩܝܵܐ ܛ̣ܡܲܪ ܡܲܦܩܵܢܵܐ ܕܡܲـ̈ـܝܵܐ ܕܥܲܝܢܵܐ ܥܸܠܵܝܬܵܐ. ܘܲܫܪܵܐ ܐܸܢܘܿܢ ܠܓ̣ܘܼܒܵܐ ܡܲܥ̱ܪܒ̣ܵܝܵܐ ܕܲܩܪܝܼܬܹܗ ܕܕ݂ܵܘܝܼܕ݂. ܘܐܲܨܠܲܚ ܚܹܙܲܩܝܵܐ ܒܟ݂ܠܗܘܿܢ ܥܒ̣ܵܕ݂ܵܘ̈ܗܝ. [No book]
[31]ܘܲܬ̣ܒܲܥ̣ ܗ̄ܘ̣ܵܐ ܢܵܡܘܿܣܵܐ ܕܡܵܪܝܵܐ ܐܲܝܟܲܢܵܐ ܕܠܹܗ ܝܼܗܝܼܒ̣ ܗ̄ܘ̣ܵܐ ܒܐܲܪܥܵܐ. ܘܝܼܕܲܥ̣ ܟܠܡܸܕܸ̇ܡ ܕܐܝܼܬ̣ ܒܠܸܒܹ̇ܗ. [No book]
[32]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܚܹܙܲܩܝܵܐ: ܘܛܲܝܒ̇ܘܼܬܹ̈ܗ: ܘܐܘܼܪ̈ܚܵܬܹܗ ܫܲܦܝܼܪ̈ܵܬ̣ܵܐ: ܗܵܐ ܗܸܢܘܿܢ ܟܬ̣ܝܼܒ̣ܝܼܢ ܒܲܢܒ̣ܝܼܘܼܬܹܗ ܕܐܹܫܲܥܝܵܐ ܒܲܪ ܐܵܡܘܿܨ ܢܒ̣ܝܼܵܐ: ܘܲܒ̣ܣܸܦܪܵܐ ܕܡܲܠ̈ܟܹ̇ܐ ܕܲܝܗܘܼܕ݂ܵܐ ܘܕ݂ܝܼܣܪܵܝܹܠ. [No book]
[33]ܘܲܫܟܸܒ̣ ܚܹܙܲܩܝܵܐ ܥܲܡ ܐܲܒ̣ܵܗܵܬܹ̈ܗ: ܘܩܲܒ̣ܪܘܼܗܝ ܒܲܩܪܝܼܬܹܗ ܕܕ݂ܵܘܝܼܕ݂. ܘܐܝܼܩܵܪܵܐ ܪܲܒܵܐ ܥ̣ܒܲܕ݂ܘ ܠܹܗ ܒܡܵܘܬܹ̇ܗ: ܟܠܗܘܿܢ ܕܒܹܝܬ̣ ܝܼܗܘܼܕ݂ܵܐ. ܘܲܗ̣ܦܲܟ݂ܘ ܠܐܘܿܪܸܫܠܸܡ. ܘܐܲܡ̣ܠܸܟ݂ ܡܢܲܫܹܐ ܒܪܹܗ ܒܵܬ̣ܪܹܗ. [No book]
Translation: Charles H. Hoole (1885)
Source: www.earlychristianwritings.com
Top