➖ »
«
➖ ➕
Peshitta OT
PesOT
The Muratorian Canon
Muratorian
←
2 Chronicles
2Ch
33
→
[1]ܒܲܪ ܬܲܪܬܲܥܸܣܪܹ̈ܐ ܗ̄ܘ̣ܵܐ ܫܢ̈ܝܼܢ ܡܢܲܫܹܐ: ܟܲܕ݂ ܩܵܡ̣ ܒܡܲܠܟ̇ܘܼܬܹܗ. ܘܚܲܡܫܝܼܢ ܘܚܲܡܸܫ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ. [No book]
[2]ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܐܲܝܟ݂ ܥܒ̣ܵܕܹ̈ܐ ܕܥܲܡܡܹ̈ܐ: ܕܐܵܘܒܸ̇ܕ݂ ܐܸܢܘܿܢ ܡܵܪܝܵܐ ܡ̣ܢ ܩܕ݂ܵܡ ܒܢܲܝ̈ ܝܼܣܪܵܝܹܠ. [No book]
[3]ܘܲܗܦܲܟ݂ ܘܲܒ̣ܢܵܐ ܡܲܕ݂ܒ̇ܚܹ̈ܐ ܕܲܥܩܲܪ ܚܹܙܲܩܝܵܐ ܐܲܒ̣ܘܼܗܝ ܘܐܲܩܝܼܡ ܥ̈ܠܵܘܵܬ̣ܵܐ ܠܲܦܬܲܟ݂ܪܹ̈ܐ. ܘܲܥ̣ܒܲܕ݂ ܢܸܡܪܹ̈ܐ: ܘܲܣܓܸܕ݂ ܠܗܘܿܢ: ܘܲܣܓܸܕ݂ ܠܟ݂ܠܗܘܿܢ ܚܲܝ̈ܠܵܘܵܬ̣ܵܐ ܕܲܫܡܲܝܵܐ: ܒܬܲܪܬܹ̇ܝܢ ܕܵܪ̈ܝܼܢ ܕܒܲܝܬܹ̇ܗ ܕܡܵܪܝܵܐ. [No book]
4[No verse] [No book]
5[No verse] [No book]
[6]ܘܐܵܦ ܗ̤ܘ ܐܲܥܒܲܪ ܒܪܹܗ ܒܢܘܼܪܵܐ: ܒܢܲܚܠܵܐ ܪܲܒܵܐ. ܘܐܸܚܲܕ݂ ܥܲܝܢܹ̈ܐ. ܘܲܢܚܲܫ ܢܸܚܫܹ̈ܐ. ܘܲܥܒܲܕ݂ ܚܲܪ̈ܵܫܹܐ ܘܫܲܐܸܠ ܒܟܲܠܕ݂ܵܝܹ̈ܐ: ܘܲܒ̣ܙܲܟ̇ܘܼܪܹ̈ܐ. ܘܐܲܣܓ̇ܝܼ ܠܡܸܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܘܲܠܡܲܪܓܵܙܘܼ ܩܕ݂ܵܡܵܘܗܝ. [No book]
[7]ܘܣܵܡܹܗ ܠܨܲܠܡܵܐ ܕܐܼܲܒܲܥ ܐܲܦ̈ܝܼܢ ܕܲܥ̣ܒܲܕ݂ ܒܒܲܝܬܹ̇ܗ ܕܡܵܪܝܵܐ: ܕܐܸܡܲܪ ܡܵܪܝܵܐ ܠܕ݂ܵܘܝܼܕ݂: ܘܠܲܫܠܹܝܡܘܿܢ ܒܪܹܗ: ܒܒܲܝܬܵܐ ܗܵܢܵܐ ܕܒ̣ܐܘܿܪܸܫܠܸܡ: ܕܲܓ̣ܒܹܝܬ̣ ܠܝܼ ܡ̣ܢ ܟܠܗܘܿܢ ܫܲܒ̣ܛܹ̈ܐ ܕܝܼܣܪܵܝܹܠ: ܐܲܫܪܸܐ ܫܟ݂ܝܼܢܲܬ̣ܝ ܠܥܵܠܲܡ. [No book]
[8]ܘܠܵܐ ܐܵܘܣܸܦ ܬܘܼܒ̣ ܠܡܲܦܵܩܘܼ ܠܝܼܣܪܵܝܹܠ ܡ̣ܢ ܐܲܪܥܵܐ ܗܵܕܹܐ: ܕܝܸܗ̄ܒܹ̇ܬ̣ ܠܐܲܒ̣ܵܗܲܝ̈ܗܘܿܢ. ܒܲܠܚܘܼܕ݂ ܐܸܢܗ̤ܘ ܕܢܸܛܪܘܼܢ ܠܡܸܥܒܲܕ݂ ܟܠ ܡܸܕܸ̇ܡ ܕܦܲܩܕܹ̇ܬ̣ ܐܸܢܘܿܢ: ܘܲܠܟ݂ܠܹܗ ܢܵܡܘܿܣܵܐ: ܘܠܲܩܝܵܡܲܝ̈ ܘܲܠܕ݂ܝܼ̈ܢܲܝ: ܕܦܲܩܸܕ݂ ܐܸܢܘܿܢ ܥܲܒ̣ܕ̇ܝ ܡܘܼܫܹܐ. [No book]
[9]ܘܐܲܛܥܝܼ ܡܢܲܫܹܐ ܠܲܝܗܘܼܕ݂ܵܐ: ܘܲܠܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܠܡܸܥܒܲܕ݂ ܥܒ̣ܵܕܹ̈ܐ ܒܝܼܫܹ̈ܐ: ܐܲܝܟ݂ ܥܲܡܡܹ̈ܐ ܕܐܵܘܒܸ̇ܕ݂ ܡܵܪܝܵܐ ܡܢ ܩܕ݂ܵܡ ܒܢܲܝ̈ ܝܼܣܪܵܝܹܠ. [No book]
[10]ܘܡܲܠܸܠ̣ ܡܵܪܝܵܐ ܥܲܡ ܡܢܲܫܹܐ ܘܥܲܡ ܥܲܡܹܗ: ܘܠܵܐ ܩܲܒܸ̇ܠܘ. [No book]
[11]ܘܐܲܝܬ̇ܝܼ ܡܵܪܝܵܐ ܥܠܲܝܗܘܿܢ ܪܵܘ̱ܪ̈ܒ̣ܵܢܲܝ ܚܲܝܠܵܐ ܕܡܲܠܟܵܐ ܕܐܵܬ̣ܘܿܪ. ܘܐܸܚܲܕ݂ܘ ܠܲܡܢܲܫܹܐ ܒܚܲܝܵܘ̈ܗܝ ܘܐܲܣܪܘܼܗܝ ܒܫܸܫ̈ܠܵܬ̣ܵܐ: ܘܐܵܘܒ̇ܠܘܼܗܝ ܠܒ̣ܵܒܹܠ. [No book]
[12]ܘܟܲܕ݂ ܥܵܩܲܬ̤ ܠܹܗ: ܨܲܠܝܼ ܩܕ݂ܵܡ ܡܵܪܝܵܐ ܐܲܠܵܗܹܗ. ܘܲܕ݂ܚܸܠ̣ ܛܵܒ̣ ܡ̣ܢ ܩܕ݂ܵܡ ܡܵܪܝܵܐ ܐܲܠܵܗܵܐ ܕܐܲܒ̣ܵܗܵܘ̈ܗܝ. [No book]
[13]ܘܨܠܝܼ ܩܕ݂ܵܡ ܡܵܪܝܵܐ: ܘܲܫܡܲܥ ܒܩܵܠܹܗ: ܘܩܲܒܸ̇ܠ ܨܠܘܿܬܹܗ ܘܐܲܗܦܟܹܗ ܠܐܘܿܪܸܫܠܸܡ ܒܡܲܠܟ̇ܘܼܬܹܗ. ܘܝܼܕܲܥ̣ ܡܢܲܫܹܐ ܕܡܵܪܝܵܐ ܗ̄ܘ̣ ܐܲܠܵܗܵܐ. [No book]
[14]ܘܡ̣ܢ ܒܵܬܲܪ ܗܵܠܹܝܢ ܒܢ̣ܵܐ ܫܘܼܪܵܐ ܒܲܪܵܝܵܐ ܠܲܩܪܝܼܬܹܗ ܕܕ݂ܵܘܝܼܕ݂: ܡ̣ܢ ܡܲܥ̱ܪܒ̣ܵܝܵܐ ܕܓ̣ܚܘܿܢ ܢܲܗܪܵܐ: ܘܲܠܡܲܥܠܵܢܵܐ ܕܬܲܪܥܵܐ ܕܨܲܝܵܕܹ̈ܐ. ܘܐܲܟ݂ܪ̱ܟ݂ܵܗ̇ ܠܟ݂ܠܵܗ̇ ܐܘܿܪܸܫܠܸܡ ܫܘܼܪܵܐ ܒܲܪܵܝܵܐ. ܘܐܲܪܝܼܡܹܗ ܛܵܒ̣. ܘܐܲܩܝܼܡ ܪܵܘ̱ܪ̈ܒ̣ܵܢܲܝ ܚܲܝܠܵܐ: ܒܟ݂ܠܗܹܝܢ ܩܘܼܪ̈ܝܵܐ ܪ̈ܵܡܵܬ̣ܵܐ ܕܒܹܝܬ̣ ܝܼܗܘܼܕ݂ܵܐ. [No book]
[15]ܘܐܲܥܒܲܪ ܐܲܠܵܗܹ̈ܐ ܢܘܼܟ݂ܪ̈ܵܝܹܐ: ܘܨܲܠܡܹ̈ܐ ܓܠܝܼܦܹ̈ܐ ܕܐܝܼܬ̣ ܒܒܲܝܬܹ̇ܗ ܕܡܵܪܝܵܐ: ܘܟ݂ܠܗܹܝܢ ܥܠܵـ̈ـܘܵܬ̣ܵܐ ܕܲܒ̣ܢܵܐ ܗ̄ܘ̣ܵܐ ܒܛܘܼܪ ܒܲܝܬܵܐ ܕܡܵܪܝܵܐ ܘܒ̣ܐܘܿܪܸܫܠܸܡ. ܘܲܫܕ݂ܵܐ ܐܸܢܘܿܢ ܠܒܲܪ ܡ̣ܢ ܩܪܝܼܬ̣ܵܐ. [No book]
[16]ܘܲܒ̣ܢ̣ܵܐ ܡܲܕ݂ܒ̇ܚܵܐ ܠܡܵܪܝܵܐ. ܘܕܲܒܲܚ̣ ܥܠܵـ̈ـܘܵܬ̣ܵܐ ܘܕܸܒ̣ܚܹ̈ܐ ܫܲܠܡܹ̈ܐ ܘܬ̣ܵܘܪܹ̈ܐ. ܘܐܸܡܲܪ ܠܲܝܗܘܼܕ݂ܵܐ ܠܡܸܥܒܲܕ݂ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܬܘܼܒ̣ ܥܹܐܕ݂ܵܐ. [No book]
[17]ܘܕܸܒ̣ܚܹ̈ܐ ܐ̄ܚܪ̈ܵܢܹܐ ܘܲܥ̈ܠܵܘܵܬ̣ܵܐ ܠܵܐ ܬܲܣܩܘܼܢ: ܐܸܠܵܐ ܩܕ݂ܵܡ ܡܵܪܝܵܐ ܐܲܠܵܗܟ݂ܘܿܢ. [No book]
[18]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܲܡܢܲܫܹܐ: ܘܲܨܠܘܿܬܹܗ ܕܲܩܕ݂ܵܡ ܐܲܠܵܗܵܐ: ܘܦܸܬ̣ܓ̣ܵܡܹ̈ܐ ܕܲܢܒ̣ܝܹ̈ܐ ܕܐܸܬ̣ܢܲܒ̇ܝܼܘ ܥܠܵܘܗܝ ܒܲܫܡܹܗ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܗܸܢܘܿܢ ܟܬ̣ܝܼܒ̣ܝܼܢ ܒܦܸܬ̣ܓ̣ܵܡܹ̈ܐ ܕܡܲܠ̈ܟܹ̇ܐ ܕܝܼܣܪܵܝܹܠ ܘܕܲܝܗܘܼܕ݂ܵܐ. [No book]
[19]ܘܲܨܠܘܿܬܹܗ ܕܐܸܫܬܲܡܥܲܬ̤ ܒܩܵܠܹܗ: ܘܟ݂ܠܗܘܿܢ ܚܛܵܗܵܘ̈ܗܝ ܘܥܵܘܼܠܹܗ: ܘܕ݂ܘܼܟ̇ـ̈ـܝܵܬ̣ܵܐ ܕܲܒ̣ܢܵܐ ܒܗܹܝܢ ܡܲܕ݂ܒ̇ܚܹ̈ܐ: ܘܐܲܩܝܼܡ ܟܘܼܡܪܹ̈ܐ. ܘܲܥܒܲܕ݂ ܚܘܼܓ̣̈ܒܹ̇ܐ ܠܲܦܬܲܟ݂ܪܹ̈ܐ. ܗܵܐ ܗܸܢܘܿܢ ܟܬ̣ܝܼܒ̣ܝܼܢ ܒܦܸܬ̣ܓ̣ܵܡܵܘ̈ܗܝ ܕܚܲܢܲܢ ܢܒ̣ܝܼܵܐ. [No book]
[20]ܘܲܫܟܸܒ̣ ܡܢܲܫܹܐ ܥܲܡ ܐܲܒ̣ܵـ̈ـܗܵܬܹܗ. ܘܩܲܒ̣ܪܘܼܗܝ ܒܒܲܝܬܹ̇ܗ ܒܓܲܢܲܬ̣ ܓܲܙܵܐ. ܘܐܲܡ̣ܠܸܟ݂ ܐܲܡܘܿܢ ܒܪܹܗ ܒܵܬ̣ܪܹܗ. [No book]
[21]ܒܲܪ ܥܸܣܪܝܼܢ ܘܬܲܪܬܹ̇ܝܢ ܫܢ̈ܝܼܢ ܐܲܡܘܿܢ ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ. ܘܬܲܪܬܹ̇ܝܢ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ. [No book]
[22]ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܐܲܝܟܲܢܵܐ ܕܲܥܒܲܕ݂ ܡܢܲܫܹܐ ܐܲܒ̣ܘܼܗܝ ܘܲܠܟ݂ܠܗܘܿܢ ܨܲܠܡܹ̈ܐ ܘܲܦܬܲܟ݂ܪܹ̈ܐ ܕܲܥܒܲܕ݂ ܡܢܲܫܹܐ ܐܲܒ̣ܘܼܗܝ: ܕܲܒܲܚ̣ ܐܲܡܘܿܢ ܘܲܣܓܸܕ݂. [No book]
[23]ܘܠܵܐ ܙܵܥ̣ ܡ̣ܢ ܩܕ݂ܵܡ ܡܵܪܝܵܐ ܐܲܠܵܗܹܗ: ܡܸܛܠ ܕܗ̤ܘ ܡܢܲܫܹܐ ܙܵܥ̣ ܗ̄ܘ̣ܵܐ ܡ̣ܢ ܩܕ݂ܵܡ ܡܵܪܝܵܐ ܐܲܠܵܗܹܗ. ܡܸܛܠ ܕܗ̤ܘ ܐܲܡܘܿܢ ܐܲܣܓ̇ܝܼ ܗ̄ܘ̣ܵܐ ܠܡܸܚܛܵܐ. [No book]
[24]ܘܐܸܬ̣ܢ̱ܟܸܠܘ ܥܠܵܘܗܝ ܥܲܒ̣ܕܵܘ̈ܗܝ: ܘܩܲܛܠܘܼܗܝ ܒܒܲܝܬܹ̇ܗ. [No book]
[25]ܘܲܩܛܲܠܘ ܥܲܡܵܐ ܕܐܲܪܥܵܐ ܠܟ݂ܠ ܡܲܢ ܕܐܸܬ̣ܢ̱ܟܸܠ ܥܲܠ ܡܲܠܟܵܐ ܐܲܡܘܿܢ. ܘܐܲܡ̣ܠܸܟ݂ܘ ܥܲܡܵܐ ܕܐܲܪܥܵܐ: ܠܝܘܿܫܝܼܵܐ ܒܪܹܗ ܒܵܬ̣ܪܹܗ. [No book]
Source: www.earlychristianwritings.com/text/muratorian.html
Top