➖ »
«
➖ ➕
Aleppo Codex (~920)
Alep
The First Book of Clement
1Clem
←
2 Chronicles
2Ch
36
   
[1]ויקחו עם הארץ את יהואחז בן יאשיהו וימליכהו תחת אביו בירושלם [No book]
[2]בן שלוש ועשרים שנה יואחז במלכו ושלשה חדשים מלך בירושלם [No book]
[3]ויסירהו מלך מצרים בירושלם ויענש את הארץ מאה ככר כסף וככר זהב [No book]
[4]וימלך מלך מצרים את אליקים אחיו על יהודה וירושלם ויסב את שמו יהויקים ואת יואחז אחיו לקח נכו ויביאהו מצרימה [No book]
[5]בן עשרים וחמש שנה יהויקים במלכו ואחת עשרה שנה מלך בירושלם ויעש הרע בעיני יהוה אלהיו [No book]
[6]עליו עלה נבוכדנאצר מלך בבל ויאסרהו בנחשתים להליכו בבלה [No book]
[7]ומכלי בית יהוה הביא נבוכדנאצר לבבל ויתנם בהיכלו בבבל [No book]
[8]ויתר דברי יהויקים ותעבתיו אשר עשה והנמצא עליו־הנם כתובים על ספר מלכי ישראל ויהודה וימלך יהויכין בנו תחתיו [No book]
[9]בן שמונה שנים יהויכין במלכו ושלשה חדשים ועשרת ימים מלך בירושלם ויעש הרע בעיני יהוה [No book]
[10]ולתשובת השנה שלח המלך נבוכדנאצר ויבאהו בבלה עם כלי חמדת בית יהוה וימלך את צדקיהו אחיו על יהודה וירושלם [No book]
[11]בן עשרים ואחת שנה צדקיהו במלכו ואחת עשרה שנה מלך בירושלם [No book]
[12]ויעש הרע בעיני יהוה אלהיו לא נכנע מלפני ירמיהו הנביא־מפי יהוה [No book]
[13]וגם במלך נבוכדנאצר מרד אשר השביעו באלהים ויקש את ערפו ויאמץ את לבבו משוב אל יהוה אלהי ישראל [No book]
[14]גם כל שרי הכהנים והעם הרבו למעול [Q: למעל] מעל ככל תעבות הגוים ויטמאו את בית יהוה אשר הקדיש בירושלם [No book]
[15]וישלח יהוה אלהי אבותיהם עליהם ביד מלאכיו־השכם ושלוח כי חמל על עמו ועל מעונו [No book]
[16]ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו־עד לאין מרפא [No book]
[17]ויעל עליהם את מלך כשדיים [Q: כשדים] ויהרג בחוריהם בחרב בבית מקדשם ולא חמל על בחור ובתולה זקן וישש הכל נתן בידו [No book]
[18]וכל כלי בית האלהים הגדלים והקטנים ואצרות בית יהוה ואצרות המלך ושריו־הכל הביא בבל [No book]
[19]וישרפו את בית האלהים וינתצו את חומת ירושלם וכל ארמנותיה שרפו באש וכל כלי מחמדיה להשחית [No book]
[20]ויגל השארית מן החרב אל בבל ויהיו לו ולבניו לעבדים עד מלך מלכות פרס [No book]
[21]למלאות דבר יהוה בפי ירמיהו עד רצתה הארץ את שבתותיה כל ימי השמה שבתה למלאות שבעים שנה [No book]
[22]ובשנת אחת לכורש מלך פרס לכלות דבר יהוה בפי ירמיהו־העיר יהוה את רוח כורש מלך פרס ויעבר קול בכל מלכותו וגם במכתב לאמר [No book]
[23]כה אמר כורש מלך פרס כל ממלכות הארץ נתן לי יהוה אלהי השמים והוא פקד עלי לבנות לו בית בירושלם אשר ביהודה מי בכם מכל עמו יהוה אלהיו עמו־ויעל [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top