|
|
| [1]ܘܲܗܘ̤ܵܐ ܠܣܘܿܦ ܥܸܣܪܝܼܢ ܫܢ̈ܝܼܢ ܕܲܒ̣ܢܵܐ ܫܠܹܝܡܘܿܢ ܠܒܲܝܬܹ̇ܗ ܕܡܵܪܝܵܐ: ܘܲܠܒܲܝܬܵܐ ܕܡܲܠܟ̇ܘܼܬܹܗ. |
[No book] |
| [2]ܘܩܘܼܪ̈ܝܵܐ ܕܝܲܗ̄ܒ̣ ܚܝܼܪܵܡ ܠܲܫܠܹܝܡܘܿܢ: ܒܢ̣ܵܐ ܐܸܢܹܝܢ ܫܠܹܝܡܘܿܢ: ܘܐܵܘܬܸ̇ܒ̣ ܒܗܹܝܢ ܠܲܒ̣ܢܲܝ̈ ܝܼܣܪܵܝܹܠ. |
[No book] |
| [3]ܘܐܸܙܲܠ̣ ܫܠܹܝܡܘܿܢ ܠܐܲܢܛܝܘܿܟ݂ܝ: ܘܲܫܪܵܐ ܥܠܹܝܗ̇ ܘܥܲܩܪܵܗ̇. |
[No book] |
| [4]ܘܲܒ̣ܢܵܐ ܠܬܸܕ݂ܡܘܼܪ ܕܚܲܪܒܵܐ ܗ̄ܘ̣ܵܬ̣ ܐܲܝܟ݂ ܡܲܕ݂ܒ̇ܪܵܐ: ܘܲܠܟ݂ܠܗܹܝܢ ܩܘܼܪ̈ܝܵܐ ܕܐܵܘܨܪܹ̈ܐ. |
[No book] |
| [5]ܘܲܒ̣ܢܵܐ ܒܹܝܬ̣ ܚܵܘܪܵܢ ܥܸܠܵܝܬܵܐ: ܘܒܹܝܬ̣ ܚܵܘܪܵܢ ܬܲܚܬܵܝܬܵܐ. |
[No book] |
| [6]ܘܲܠܟ݂ܠܗܹܝܢ ܩܘܼܪ̈ܝܵܐ ܕܐܵܘܨܪܹ̈ܐ: ܕܲܗ̤ܘܲܝ̈ ܠܲܫܠܹܝܡܘܿܢ: ܘܩܘܼܪ̈ܝܵܐ ܕܙܵܘ̈ܓܹ̇ܐ: ܘܩܘܼܪ̈ܝܵܐ ܕܦܲܪ̈ܵܫܹܐ: ܘܟ݂ܠܵܗ̇ ܪܸܓ̇ܬܹܗ ܕܲܫܠܹܝܡܘܿܢ: ܕܪܵܐܹ̇ܓ̣ ܗ̄ܘ̣ܵܐ ܠܡܸܒ̣ܢܵܐ ܒܐܘܿܪܸܫܠܸܡ ܘܲܒ̣ܠܸܒ̣ܢܵܢ: ܘܲܒ̣ܟ݂ܠ ܐܲܪܥܵܐ ܕܫܘܼܠܛܵܢܹܗ. |
[No book] |
| [7]ܘܟ݂ܠ ܥܲܡܵܐ ܕܝܼܬܲܪܘ ܡ̣ܢ ܐܵܡܘܿܪ̈ܵܝܹܐ: ܘܚܹܬ̣ܵܝܹ̈ܐ: ܘܦܲܪ̈ܙܵܝܹܐ: ܘܚܵܘܵܝܹ̈ܐ: ܘܝܵܒ̣ܘܿܣܵܝܹ̈ܐ: ܕܠܵܐ ܗ̄ܘ̣ܵܘ ܡ̣ܢ ܒܢܲܝ̈ ܝܼܣܪܵܝܹܠ. |
[No book] |
| [8]ܒܢܲܝ̈ܗܘܿܢ ܕܝܼܬܲܪܘ ܡ̣ܢ ܒܵܬܲܪܗܘܿܢ ܒܐܲܪܥܵܐ: ܕܠܵܐ ܐܸܫܟܲܚܘ ܒܢܲܝ̈ ܝܼܣܪܵܝܹܠ ܠܡܵܘܒܵܕ݂ܘܼ ܐܸܢܘܿܢ: ܥܒܲܕ݂ ܐܸܢܘܿܢ ܫܠܹܝܡܘܿܢ ܕܢܸܗܘܘܿܢ ܠܹܗ ܥܲܒ̣̈ܕܹ̇ܐ: ܘܦܲܠܵܚܹ̈ܐ ܘܡܲܣ̈ܩܲܝ ܡܲܕܲܐܬ̣ܵܐ ܥܕܲܡܵܐ ܠܝܵܘܡܵܢܵܐ. |
[No book] |
| [9]ܘܡ̣ܢ ܒܢܲܝ̈ ܝܼܣܪܵܝܹܠ ܠܵܐ ܥ̣ܒܲܕ݂ ܫܠܹܝܡܘܿܢ ܥܲܒ̣̈ܕܹܐ ܒܡܲܠܟ̇ܘܼܬܹܗ: ܡܸܛܠ ܕܗܸܢܘܿܢ ܗܘ̤ܵܘ ܓܲܒ̣ܪܹ̈ܐ: ܥܵܒ̣̈ܕܲܝ ܩܪܵܒ̣ܵܐ: ܘܪܵܘ̱ܪ̈ܒ̣ܵܢܹܐ ܒܙܵܘܓܵܘ̈ܗܝ: ܘܦܲܪ̈ܵܫܵܘܗܝ. |
[No book] |
| [10]ܘܗܵܠܹܝܢ ܫܲܠܝܼ̈ܛܹܐ ܘܩܲܝܘܼܡܹ̈ܐ ܕܩܵܝܡܝܼܢ ܗ̄ܘ̣ܵܘ ܠܹܗ ܠܲܫܠܹܝܡܘܿܢ ܡܲܠܟܵܐ: ܡܲܐܬܹ̇ܝܢ ܘܚܲܡܫܝܼܢ ܕܡܲܥܒ̇ܕ݂ܝܼܢ ܗ̄ܘ̣ܵܘ ܠܥܲܡܵܐ: ܕܥܵܒ̣ܕ̇ܝܼܢ ܗ̄ܘ̣ܵܘ ܥܒ̣ܝܼ̈ܕ݂ܵܬ̣ܵܐ. |
[No book] |
| [11]ܒܪܲܡ ܒܲܪܬܹܗ ܕܦܸܪܥܘܿܢ: ܐܲܣܩܵܗ̇ ܫܠܹܝܡܘܿܢ ܡ̣ܢ ܩܪܝܼܬܹܗ ܕܕ݂ܵܘܝܼܕ݂: ܠܒܲܝܬܵܐ ܕܲܒ̣ܢܵܐ ܠܵܗ̇. ܡܸܛܠ ܕܐܸܡܲܪ ܗ̄ܘ̣ܵܐ ܕܠܵܐ ܬܸܬܸ̇ܒ̣ ܐܲܢ̄ܬ̇ܬ̣ܵܐ ܥܲܡܝ ܒܒܲܝܬܹ̇ܗ ܕܕ݂ܵܘܝܼܕ݂: ܡܲܠܟܵܐ ܕܝܼܣܪܵܝܹܠ. ܡܸܛܠ ܕܩܲܕܝܼܫ ܗ̄ܘ̣: ܕܥܸܠܲܬ̤ ܠܹܗ ܩܹܒ̣ܘܿܬܹܗ ܕܡܵܪܝܵܐ. |
[No book] |
| [12]ܗܵܝܕܹ̇ܝܢ ܡܩܲܪܸܒ̣ ܗ̄ܘ̣ܵܐ ܫܠܹܝܡܘܿܢ ܥܠܵـ̈ـܘܵܬ̣ܵܐ ܠܡܵܪܝܵܐ ܘܫܲܠܡܹ̈ܐ: ܥܲܠ ܡܲܕ݂ܒ̇ܚܵܐ ܕܡܵܪܝܵܐ ܕܲܒ̣ܢ̣ܵܐ ܩܕ݂ܵܡ ܣܪܘܿܓ̣ܵܐ. |
[No book] |
| [13]ܘܚܘܼܫܒܵܢܵܐ ܕܟ݂ܠ ܝܘܿܡ ܡܲܣܸܩ ܗ̄ܘ̣ܵܐ: ܐܲܝܟ݂ ܦܘܼܩܕܵܢܵܐ ܕܡܘܼܫܹܐ: ܒܫܲܒܹ̈ܐ: ܘܲܒ̣ܥܹܐܕܹ̈ܐ: ܬܠܵܬ̣ ܙܲܒ̣ܢ̈ܝܼܢ ܒܫܲܢ̄ܬܵܐ: ܒܥܹܐܕ݂ܵܐ ܕܦܲܛܝܼܪܹ̈ܐ: ܘܲܒ̣ܥܹܐܕ݂ܵܐ ܕܨܵܘܡܵܐ: ܘܲܒ̣ܥܹܐܕ݂ܵܐ ܕܲܡܛܲܠܠܹ̈ܐ. |
[No book] |
| [14]ܘܐܲܩܝܼܡ ܐܲܝܟ݂ ܢܵܡܘܿܣܵܐ ܕܕ݂ܵܘܝܼܕ݂ ܐܲܒ̣ܘܼܗܝ: ܟܵܗܢܹ̈ܐ ܥܲܠ ܥܒ̣ܝܼ̈ܕ݂ܵܬ̣ܗܘܿܢ: ܘܠܹܘܵܝܹ̈ܐ ܥܲܠ ܡܲܛܪ̈ܵܬ̣ܗܘܿܢ: ܠܲܡܫܲܒܵܚܘܼ ܘܠܲܡܫܲܡܵܫܘܼ ܩܕ݂ܵܡ ܟܵܗܢܹ̈ܐ: ܚܘܼܫܒܵܢ ܝܘܿܡ ܒܝܵܘܡܹܗ. ܘܬ̣ܵܪ̈ܥܹܐ ܐܲܝܟ݂ ܙܸܕ݂ܩܗܘܿܢ ܕܢܸܗܘܘܿܢ ܢܵܛ̇ܪܝܼܢ ܬܲܪ̈ܥܹܐ: ܟܠ ܝܘܿܡ ܡܸܛܠ ܕܗܵܟܲܢܵܐ ܦܲܩܸܕ݂ ܕܵܘܝܼܕ݂ ܡܲܠܟܵܐ ܕܝܼܣܪܵܝܹܠ: ܕܩܵܡ̣ ܒܡܲܠܟ̇ܘܼܬ̣ܵܐ: ܡ̣ܢ ܩܕ݂ܵܡ ܡܵܪܝܵܐ. |
[No book] |
| [15]ܘܠܵܐ ܣ̣ܛܵܐ ܡ̣ܢ ܟܠ ܡܸܕܸ̇ܡ ܕܦܲܩܕܹܗ ܡܲܠܟܵܐ: ܥܲܠ ܟܵܗ̈ܢܹܐ ܘܥܲܠ ܠܹܘܵܝܹ̈ܐ: ܘܥܲܠ ܟܠܵܗ̇ ܬܸܫܡܸܫܬܵܐ ܕܒܲܝܬܵܐ. |
[No book] |
| [16]ܘܲܬ̣ܩܸܢ ܗ̄ܘܲܝ̈ ܟܠܗܹܝܢ ܥܒ̣ܝܼ̈ܕ݂ܵܬܹܗ ܕܲܫܠܹܝܡܘܿܢ: ܡ̣ܢ ܝܵܘܡܵܐ ܕܲܢܦܲܠ̣ ܫܲܬ̣ܐ̱ܣܹ̈ܐ ܕܒܲܝܬܹ̇ܗ ܕܡܵܪܝܵܐ: ܥܕܲܡܵܐ ܠܝܵܘܡܵܐ ܕܲܓ̣ܡܲܪ ܟܠܹܗ ܥܒ̣ܵܕܹ̇ܗ. |
[No book] |
| [17]ܗܵܝܕܹ̇ܝܢ ܐܸܙܲܠ̣ ܗ̄ܘ̣ܵܐ ܫܠܹܝܡܘܿܢ ܠܥܸܨܝܼܢܘܿ ܓܒܲܪ: ܩܪܝܼܬ̣ܵܐ ܕܐܝܼܬ̣ ܗ̄ܘ̣ܵܐ ܠܘܼܩܒܲܠ ܐܲܠܘܼܬ̣: ܥܲܠ ܣܸܦܬ̣ܵܐ ܕܝܲܡܵܐ ܒܐܲܪܥܵܐ ܕܐܲܕ݂ܘܿܡ. |
[No book] |
| [18]ܘܫܲܕܲܪ ܚܝܼܪܵܡ ܒܲܣܦܝܼܢܹ̈ܐ ܠܥܲܒ̣ܕܵܘ̈ܗܝ: ܓܲܒ̣ܪܹ̈ܐ ܣܲܦܵܢܹ̈ܐ ܕܝܵܕ݂ܥܝܼܢ ܠܲܡܕܲܒܵܪܘܼ ܐܸܠܦܹ̈ܐ ܕܝܲܡܵܐ: ܥܲܡ ܥܲܒ̣ܕܵܘ̈ܗܝ ܕܲܫܠܹܝܡܘܿܢ. ܘܐܸܙܲܠܘ ܠܐܵܘܦܹܝܪ ܡܕ݂ܝܼܢ̄ܬܵܐ. ܘܲܢܣܲܒ̣ܘ ܡ̣ܢ ܬܲܡܵܢ ܐܲܪܒܲܥܡܵܐܐ ܟܲܟ̇ܪ̈ܝܼܢ ܕܕܲܗܒ̣ܵܐ. ܘܐܲܝܬ̇ܝܼܘ ܠܡܲܠܟܵܐ ܫܠܹܝܡܘܿܢ. |
[No book] |