|
|
| [1]Utinam sustineretis modicum quid insipientiæ meæ, sed et supportare me: |
[No book] |
| [2]æmulor enim vos Dei æmulatione. Despondi enim vos uni viro, virginem castam exhibere Christo. |
[No book] |
| [3]Timeo autem ne sicut serpens Hevam seduxit astutia sua, ita corrumpantur sensus vestri, et excidant a simplicitate, quæ est in Christo. |
[No book] |
| [4]Nam si is qui venit, alium Christum prædicat, quem non prædicavimus, aut alium spiritum accipitis, quem non accepistis: aut aliud Evangelium, quod non recepistis: recte pateremini. |
[No book] |
| [5]Existimo enim nihil me minus fecisse a magnis Apostolis. |
[No book] |
| [6]Nam etsi imperitus sermone, sed non scientia, in omnibus autem manifestati sumus vobis. |
[No book] |
| [7]Aut numquid peccatum feci, meipsum humilians, ut vos exaltemini? quoniam gratis Evangelium Dei evangelizavi vobis? |
[No book] |
| [8]Alias ecclesias expoliavi, accipiens stipendium ad ministerium vestrum. |
[No book] |
| [9]Et cum essem apud vos, et egerem, nulli onerosus fui: nam quod mihi deerat, suppleverunt fratres, qui venerunt a Macedonia: et in omnibus sine onere me vobis servavi, et servabo. |
[No book] |
| [10]Est veritas Christi in me, quoniam hæc gloriatio non infringetur in me in regionibus Achaiæ. |
[No book] |
| [11]Quare? quia non diligo vos? Deus scit. |
[No book] |
| [12]Quod autem facio, et faciam: ut amputem occasionem eorum qui volunt occasionem, ut in quo gloriantur, inveniantur sicut et nos. |
[No book] |
| [13]Nam ejusmodi pseudoapostoli sunt operarii subdoli, transfigurantes se in apostolos Christi. |
[No book] |
| [14]Et non mirum: ipse enim Satanas transfigurat se in angelum lucis. |
[No book] |
| [15]Non est ergo magnum, si ministri ejus transfigurentur velut ministri justitiæ: quorum finis erit secundum opera ipsorum. |
[No book] |
| [16]Iterum dico (ne quis me putet insipientem esse, alioquin velut insipientem accipite me, ut et ego modicum quid glorier), |
[No book] |
| [17]quod loquor, non loquor secundum Deum, sed quasi in insipientia, in hac substantia gloriæ. |
[No book] |
| [18]Quoniam multi gloriantur secundum carnem: et ego gloriabor. |
[No book] |
| [19]Libenter enim suffertis insipientes, cum sitis ipsi sapientes. |
[No book] |
| [20]Sustinetis enim si quis vos in servitutem redigit, si quis devorat, si quis accipit, si quis extollitur, si quis in faciem vos cædit. |
[No book] |
| [21]Secundum ignobilitatem dico, quasi nos infirmi fuerimus in hac parte. In quo quis audet (in insipientia dico) audeo et ego: |
[No book] |
| [22]Hebræi sunt, et ego: Israëlitæ sunt, et ego: semen Abrahæ sunt, et ego. |
[No book] |
| [23]Ministri Christi sunt (ut minus sapiens dico), plus ego: in laboribus plurimis, in carceribus abundantius, in plagis supra modum, in mortibus frequenter. |
[No book] |
| [24]A Judæis quinquies, quadragenas, una minus, accepi. |
[No book] |
| [25]Ter virgis cæsus sum, semel lapidatus sum: ter naufragium feci, nocte et die in profundo maris fui, |
[No book] |
| [26]in itineribus sæpe, periculis fluminum, periculis latronum, periculis ex genere, periculis ex gentibus, periculis in civitate, periculis in solitudine, periculis in mari, periculis in falsis fratribus: |
[No book] |
| [27]in labore et ærumna, in vigiliis multis, in fame et siti, in jejuniis multis, in frigore et nuditate, |
[No book] |
| [28]præter illa quæ extrinsecus sunt, instantia mea quotidiana, sollicitudo omnium ecclesiarum. |
[No book] |
| [29]Quis infirmatur, et ego non infirmor? quis scandalizatur, et ego non uror? |
[No book] |
| [30]Si gloriari oportet, quæ infirmitatis meæ sunt, gloriabor. |
[No book] |
| [31]Deus et Pater Domini nostri Jesu Christi, qui est benedictus in sæcula, scit quod non mentior. |
[No book] |
| [32]Damasci præpositus gentis Aretæ regis custodiebat civitatem Damascenorum ut me comprehenderet: |
[No book] |
| [33]et per fenestram in sporta dimissus sum per murum, et sic effugi manus ejus. |
[No book] |