|
|
| [1]Ecce tertio hoc venio ad vos: in ore duorum vel trium testium stabit omne verbum. |
[No book] |
| [2]Prædixi, et prædico, ut præsens, et nunc absens iis qui ante peccaverunt, et ceteris omnibus, quoniam si venero iterum, non parcam. |
[No book] |
| [3]An experimentum quæritis ejus, qui in me loquitur Christus, qui in vobis non infirmatur, sed potens est in vobis? |
[No book] |
| [4]Nam etsi crucifixus est ex infirmitate: sed vivit ex virtute Dei. Nam et nos infirmi sumus in illo: sed vivemus cum eo ex virtute Dei in vobis. |
[No book] |
| [5]Vosmetipsos tentate si estis in fide: ipsi vos probate. An non cognoscitis vosmetipsos quia Christus Jesus in vobis est? nisi forte reprobi estis. |
[No book] |
| [6]Spero autem quod cognoscetis, quia nos non sumus reprobi. |
[No book] |
| [7]Oramus autem Deum ut nihil mali faciatis, non ut nos probati appareamus, sed ut vos quod bonum est faciatis: nos autem ut reprobi simus. |
[No book] |
| [8]Non enim possumus aliquid adversus veritatem, sed pro veritate. |
[No book] |
| [9]Gaudemus enim, quoniam nos infirmi sumus, vos autem potentes estis. Hoc et oramus, vestram consummationem. |
[No book] |
| [10]Ideo hæc absens scribo, ut non præsens durius agam secundum potestatem, quam Dominus dedit mihi in ædificationem, et non in destructionem. |
[No book] |
| [11]De cetero, fratres, gaudete, perfecti estote, exhortamini, idem sapite, pacem habete, et Deus pacis et dilectionis erit vobiscum. |
[No book] |
| [12]Salutate invicem in osculo sancto. Salutant vos omnes sancti. |
[No book] |
| [13]Gratia Domini nostri Jesu Christi, et caritas Dei, et communicatio Sancti Spiritus sit cum omnibus vobis. Amen. |
[No book] |