|
|
| [1]And Y ordeynede this ilke thing at me, that Y schulde not come eftsoone in heuynes to you. |
[No book] |
| [2]For if Y make you sori, who is he that gladith me, but he that is soreuful of me? |
[No book] |
| [3]And this same thing Y wroot to you, that whanne Y come, Y haue not sorewe on sorewe, of the whiche it behofte me to haue ioie. And Y triste in you alle, that my ioye is of alle you. |
[No book] |
| [4]For of myche tribulacioun and angwisch of herte Y wroot to you by many teeris, not that ye be sori, but that ye wite what charite Y haue more plenteuously in you. |
[No book] |
| [5]For if ony man hath maad me soreuful, he hath not maad me sorewful but a parti, that Y charge not you alle. |
[No book] |
| [6]This blamyng that ys maad of manye, suffisith to hym, that is sich oon; |
[No book] |
| [7]so that ayenward ye rathir foryyuen and coumfort, lest perauenture he that is suche a maner man, be sopun vp bi more grete heuynesse. |
[No book] |
| [8]For which thing Y biseche you, that ye conferme charite in to hym. |
[No book] |
| [9]For whi therfor Y wroot this, that Y knowe youre preuyng, whether in alle thingis ye ben obedient. |
[No book] |
| [10]For to whom ye han foryyuen ony thing, also Y haue foryyue. For Y that that Y foryaf, yif Y foryaf ony thing, haue youun for you in the persone of Crist, |
[No book] |
| [11]that we be not disseyued of Sathanas; for we knowen hise thouytis. |
[No book] |
| [12]But whanne Y was comun to Troade for the gospel of Crist, and a dore was opened to me in the Lord, |
[No book] |
| [13]Y hadde not rest to my spirit, for Y foond not my brother Tite, but Y seide to hem farewel, and Y passide in to Macedonye. |
[No book] |
| [14]And Y do thankyngis to God, that euere more makith vs to haue victorie in Crist Jhesu, and schewith bi vs the odour of his knowing in ech place; |
[No book] |
| [15]for we ben the good odour of Crist to God, among these that ben maad saaf, and among these that perischen. |
[No book] |
| [16]To othere sotheli odour of deth in to deth, but to othere we ben odour of lijf in to lijf. And to these thingis who is so able? |
[No book] |
| [17]For we ben not as many, that don auoutrie bi the word of God, but we speken of clennesse, as of God, bifor God in Crist. |
[No book] |